Entertainment

မိသားစုနဲ့ ကိုယ့်အိမ်မှာ ကြည့်သလို ခံစားရမယ့် အိုင်စီပွဲ

ဓာတ်ပုံ−ဂျေမောင်မောင်(အမရပူရ)

အိုင်းရင်းခရော့စ်အဖွဲ့၏ Unplugged ဖျော်ဖြေပွဲကို သြဂုတ် ၁၀ ရက်တွင် ပြုလုပ်သွားရန် အစီအစဉ်ရှိပြီး ယခင်ပြုလုပ်နေကျ ဖျော်ဖြေပွဲများနှင့် မတူညီသည့် ရသပေးနိုင်ရန် စီစဉ်နေကြောင်း ပုဂံအန်တာတိန်းမန့် ဈေးကွက်မန်နေဂျာ ကိုညီကပြောသည်။

‘‘ကိုယ့်အပေါင်းအသင်းတွေနဲ့ ၀ိုင်းဖွဲ့ပြီး အိမ်မှာဖျော်ဖြေသလို ခံစားရအောင် လုပ်ထားတယ်။ Decoration တွေဆိုရင်လည်း အိမ်ပုံစံလေးလို ဖန်တီးထားတယ်’’ဟု ၎င်းကပြောသည်။

ယင်းဖျော်ဖြေပွဲတွင် အိုင်းရင်းခရော့စ်၏ ပင်တိုင်အဆိုတော်များဖြစ်သည့် လေးဖြူ၊ အငဲ၊ မျိုးကြီး၊ ၀ိုင်ဝိုင်းတို့သာ ပါဝင်မည်ဖြစ်ပြီး အဆိုတော်လေးဦး၏ သီချင်းသစ်များလည်း ပါဝင်မည်ဟု ၎င်းကဆိုသည်။

‘‘အဆိုတော်လေးယောက်စလုံးက သီချင်းသစ်တွေပါမယ်လို့ ပြောတယ်။ သီချင်းတိုက်တဲ့ရက်ကိုတောင် အရင်ထက် တစ်ရက်ပိုပြီး တိုက်ဖြစ်မယ်။ တစ်ယောက်ကို အနည်းဆုံး သီချင်းကိုးပုဒ်လောက် ဆိုမယ်’’ဟု ၎င်းကပြောသည်။

ဖျော်ဖြေချိန် လေးနာရီခန့် ကြာမြင့်မည်ဖြစ်ပြီး ပရိသတ်များ တောင်းဆိုသည့်အပေါ်တွင် မူတည်၍ သီဆိုသည့် သီချင်းပုဒ်ရေ များနိုင်ကြောင်း ၎င်းကဆိုသည်။

ရန်ကုန်မြို့တွင် အိုင်းရင်းခရော့စ်အဖွဲ့၏ ဖျော်ဖြေပွဲများ ဆက်တိုက်ကျင်းပဖြစ်သလို ယင်းဖျော်ဖြေပွဲသည် ၎င်းတို့အဖွဲ့၏ မိုးရာသီပိတ်ပွဲအနေဖြင့် ပြုလုပ်သည့် ဖျော်ဖြေပွဲဖြစ်ပြီး ထပ်မံကျင်းပမည့် ဖျော်ဖြေပွဲနှင့် နှစ်လခန့်ကွာခြားမည်ဟု ကိုညီက ပြောသည်။ ယင်းဖျော်ဖြေပွဲလက်မှတ်များကို သြဂုတ် ၇ ရက်မှ စတင်ရောင်းချသွားမည်ဖြစ်ပြီး ငွေကျပ်တစ်သောင်းမှ ပလက်တီနမ်အဆင့်လက်မှတ်အထိ အမျိုးအစားလေးမျိုးခွဲခြားကာ ရောင်းချသွားမည်ဟု သိရသည်။
 

နီနီဝင်းရွှေနဲ့ စုံတွဲသီချင်းဆိုမယ့် စိုင်းစည်တွမ်ခမ်း

အဆိုတော်နီနီဝင်းရွှေ၏ တစ်ကိုယ်တော်ဖျော်ဖြေပွဲတွင်အ မှတ်တရအနေဖြင့် နီနီဝင်းရွှေနှင့် အတူစုံတွဲသီချင်းတစ်ပုဒ် သီဆို မည်ဟု စိုင်းစည်တွမ်ခမ်းကပြော သည်။

‘‘အဆိုတော်ကြီးနဲ့ဆိုရမှာဆို တော့ တာဝန်လည်းကြီးပါတယ်။ အတွေ့အကြုံလည်းအများကြီးရ မယ်ဆိုတော့ စိတ်လှုပ်ရှားနေပါ တယ်’’ဟု ၎င်းကပြောသည်။

ယခင်က ကျောင်းပွဲများတွင် ပါဝင်သီဆိုဖူးပြီး အဆိုတော်တစ် ဦး၏ ဖျော်ဖြေပွဲတွင်ပါဝင် သီဆို ခြင်းမှာ  ပထမဆုံးအကြိမ်ဖြစ် ကာ နီနီဝင်းရွှေ၏ မိသားစုနှင့် ရင်းနှီးသောကြောင့်ပါဝင်သီဆို ခြင်းဖြစ်သည်ဟု စိုင်းစည်တွမ်ခမ်း ကပြောသည်။

‘‘မနီတို့မိသားစုနဲ့ကလည်း ခင်တယ်။ သူတို့ကလည်း ဆိုကြည့် ပါလားဆိုပြီးတိုက်တွန်းတာ ကြောင့် အမှတ်တရလည်းဖြစ် အောင်ကြိုးစားပြီးဆိုဖြစ်တာ။မနီ က အမျိုးသမီးထဲမှာဆိုရင် ကီးမြင့် တဲ့အထဲမှာပါတော့ သူ့ကိုလိုက် နိုင်အောင်ဆိုရတယ်’’ဟု ၎င်းက ပြောသည်။

စုံတွဲသီဆိုမည့် သီချင်းကိုမူ ရွေးချယ်ဆဲဖြစ်ပြီး   ယခင်သီဆို ထားသည့် ပုံစံနှင့် ယခုခေတ်ပုံနှစ် ခုကြားထဲတွင် ညှိ၍သီဆိုသွား မည်ဟုဆိုသည်။

နီနီဝင်းရွှေ၏ တစ်ကိုယ် တော်ဖျော်ဖြေပွဲကို သြဂုတ် ၁၅ ရက်တွင် အမျိုးသားကဇာတ်ရုံ၌ ပြုလုပ်မည်ဖြစ်ပြီး နီနီဝင်းရွှေနှင့် အတူ ဖိုးသောကြာ၊ စိုင်းစည်တွမ် ခမ်း၊ဟေမာနေ၀င်း၊ ကော်နီ၊ နီနီ ခင်ဇော်နှင့် မိုးစက်ဝိုင်တို့ပါဝင်သီ ဆိုမည်ဖြစ်သည်။

လေးကြိမ်မြောက် ပြည်ပဖျော်ဖြေပွဲသွားမယ့် နီနီခင်ဇော်

ယခုနှစ်အတွင်း လေး ကြိမ်မြောက် ပြည်ပဖျော်ဖြေရေး ခရီးစဉ်အဖြစ် သြစတြေးလျနိုင်ငံ သို့ စက်တင်ဘာ ၁၂ ရက်တွင် သွားရောက်ဖျော်ဖြေမည်ဖြစ် ကြေင်း နီနီခင်ဇော်က ပြောသည်။

ယခင်က ဂီတအလုပ်များကို ဆေးကျောင်းတက်၍ လုပ် ဆောင်ခဲ့သော်လည်း ကျောင်း ပျက်မည်စိုးသည့်အတွက် ပြည်ပဖျော်ဖြေပွဲများ    လက်မခံခဲ့ဘဲ ဆေးကျောင်းပြီးသည့် ယခုနှစ်မှ သာ ပြည်ပဖျော်ဖြေရေးခရီးများ ကို လက်ခံခဲ့သည်ဟုဆိုသည်။

ယခုနှစ်အတွင်း နီနီခင်ဇော် သည် တောင်ကိုရီးယား၊ စင်ကာ ပူ၊ ဘန်ကောက် သုံးနိုင်ငံ၌ သွားရောက် ဖျော်ဖြေခဲ့ပြီး စက် တင်ဘာတွင် သြစတြေးလျနိုင်ငံ ရှိ မြန်မာပရိသတ်များကို အဆို တော် စိုးသူ၊ မိစန္ဒီတို့နှင့်အတူ သွားရောက်ဖျော်ဖြေမည် ဖြစ် သည်။

သြစတြေးလျတွင် ဆစ်ဒနီ မြို့ အပါအ၀င် မြို့ကြီးသုံးမြို့၌ ဖျော်ဖြေမည်ဖြစ်ပြီး သုံးပတ်ကြာ မည့် ခရီးစဉ်ဖြစ်ကြောင်း နီနီခင် ဇော်က ပြောသည်။

‘‘ပရိသတ်တွေအားပေးမှု ကို ကျေးဇူးအများကြီး တင်ပါတယ်။ နောက်ထပ်အားပေးမှုကို   ထပ် ပြီး လိုချင်ပါသေးတယ်’’ ဟု နီနီ ခင်ဇော်ကပြောသည်။

နီနီခင်ဇော်သည် ဒုတိယအ ခွေအတွက်လည်း စတင်စီစဉ်နေ ပြီး ပထမအခွေနှင့်မတူစေရန် ထူး ခြားစွာလုပ်ဆောင်သွားမည်ဟု ဆိုသည်။ ပရိသတ်ကြား အောင် မြင်မှုများစွာ ရရှိခဲ့သော မာရီယို ခွေကို ကွယ်လွန်သူ တေးရေး ကေအေတီက စီမံဆောင်ရွက်ပေးခဲ့ပြီး ဒုတိယခွေစီစဉ်ချိန်တွင် ဆရာဖြစ်သူ တေးရေးကေအေတီ မရှိတော့ပေ။

‘‘ဆရာသွန်သင်တဲ့ စကား လေးတွေ စိတ်ထဲမှာ အမြဲရှိပါ တယ်။ ဆရာမရှိတော့ပေမယ့် လည်း ဆရာရှိသလို ခံစားပြီး တော့ နီနီသီချင်းတွေ သွင်းသွား မှာပါ’’ ဟု နီနီခင်ဇော်က ပြော သည်။

နီနီခင်ဇော်၏ အနုပညာ လှုပ်ရှားမှုအနေဖြင့် နီနီဝင်းရွှေ ၏ တစ်ကိုယ်တော်ဖျော်ဖြေပွဲ၊ ထူး အိမ်သင်ကွယ်လွန်ခြင်း ဆယ်နှစ် ပြည့် လွမ်းခြင်းပွဲတို့တွင် ပါဝင် ဖျော်ဖြေမည် ဖြစ်သည်။

သဘင်ဘိုးဘွားရိပ်သာကို မင်္ဂလာဒုံမှာတည်ဆောက်သွားမယ့် ဖိုးချစ်

ဓာတ်ပုံ−ဇွဲဉာဏ်

သဘင်ဘိုးဘွားရိပ်သာ ကိုမင်္ဂလာဒုံမြို့နယ်တွင် တည် ဆောက်ရန်  ရွေးချယ်ထားပြီး ခြောက်လအတွင်း  အပြီးတည် ဆောက်သွားမည်ဟု ဖိုးချစ်က ပြောသည်။

‘‘သဘင်ဘိုးဘွားရိပ်သာကို ရေနံ့သာကျေးရွာ ပုလဲမြို့သစ်မင်္ဂ လာဒုံမြို့နယ်၊ သဒ္ဓမ္မသုခရိပ်သာ မှာ တည်ဆောက်သွားမှာပါ’’ဟု ၎င်းကပြောသည်။

လောလောဆယ်တွင် လူနေ ဆောင်ခြောက်ဆောင် ဆောက် လုပ်မည်ဖြစ်ပြီးနောက်ပိုင်းတွင် အခြားအဆောင်များကို  ဆက် လက်ဆောက်လုပ်သွားမည်ဟု သိရသည်။

အဆောင်များကိုလည်း သ ဘင်ပညာရှင်ကြီးများအား ဂုဏ်ပြု သောအားဖြင့်  ရွှေမန်းတင်မောင်၊နန်းတော်ရှေ့ဆရာတင်စသည် ဖြင့်အမည်များပေး၍ ဆောက်လုပ်မည်ဟုဖိုးချစ်က ပြောသည်။

သဘင်ဘိုးဘွားရိပ်သာ တည်ဆောက်ရန် ရန်ပုံငွေဇာတ် သဘင်ဖျော်ဖြေမှုကို သြဂုတ် ၇ ရက်နှင့် ၈ရက်ညများတွင် ပြုလုပ် ခဲ့ပြီး ပြင်ပမှအလှူရှင်များက လည်း ဘိုးဘွားရိပ်သာတည် ဆောက်ရန် အလှူငွေများပါဝင်လှူဒါန်းခဲ့ကြသည်။

ယင်းအစီအစဉ်ကို စကိုင်း နက်ရုပ်သံလိုင်းမှ တိုက်ရိုက်ထုတ် လွှင့်ပြသခဲ့ပြီး ပထမညဖျော်ဖြေပွဲတွင် ပြင်ပမှအလှူငွေကျပ်သိန်း ၁၅၀ကျော်ရရှိခဲ့သည်။

အဆိုပါနှစ်ရက်တွင် ရိုက် ကူးရေးအစီအစဉ်   ပါဝင်သော ကြောင့်အချိန်အကန့်အသတ်ဖြင့် ကပြခဲ့သော်လည်း သြဂုတ် ၉ရက် ညတွင်မူ ၎င်းတို့၏ဇာတ်သဘင် အစီအစဉ်အတိုင်းအချိန်ပြည့်က ပြမည်ဟု ဖိုးချစ်ကပြောသည်။

ပရိသတ်ရွေးပေးတဲ့ ဇာတ်ရုပ်တွေနဲ့ သရုပ်ဆောင်မယ့် ဝတ်မှုံရွှေရည်

 ပရိသတ်များက ရွေး ချယ်ပေးသော ဇာတ်ရုပ်များနှင့် ဇာတ်ကားများရိုက်ကူးရန် အစီ အစဉ်ရှိကြောင်း ဝတ်မှုံရွှေရည် က ပြောသည်။

‘‘ကစ်တစ်ယောက်တည်း ရွေးတာကျတော့ ကစ်အကြိုက် တွေပဲဖြစ်ရင်ဖြစ်နေမှာ။ တစ်ခါ တလေကျတော့ ကစ်တစ်ယောက် တည်းရွေးတာထက် ပရိသတ်တွေ ရိုက်စေချင်တဲ့ကားလေးတွေရိုက် ကြည့်ချင်တယ်။ အဲဒါကြောင့် ပရိ သတ်တွေကိုရွေးခိုင်းခဲ့တာပါ’’ဟု ဝတ်မှုံရွှေရည်က ပြောသည်။

ထို့ကြောင့် ပရိသတ်များက ၎င်းအတွက် ဇာတ်လမ်းများရွေး ချယ်ပေးထားရာ ယင်းဇာတ်လမ်း များအနက်ရိုက်ကူး၍ အဆင်ပြေနိုင်မည့်ဇာတ်လမ်းများကို ရိုက်ကူး သွားရန် အစီအစဉ်ရှိကြောင်း ၎င်းက ဆိုသည်။

‘‘ဘယ်နှကားရိုက်မယ်ဆိုပြီး စဉ်းစားထားတာတော့  မရှိသေး ဘူး။ အရင်ဆုံးဇာတ်လမ်းတွေကို အရင်ဖတ်ကြည့်ရဦးမယ်’’ဟု ဝတ်မှုံရွှေရည်က ပြောသည်။

ယင်းအစီအစဉ်ကို ၎င်း၏ ပရိသတ်များစုစည်းကာ တည် ထောင်ထားသော We Love Wutt Hmone Shwe Yi (kit kit)Fan Page တွင် ကြေညာခဲ့ခြင်းဖြစ်ပြီး ထိုအဖွဲ့သည်။ ၎င်းအတွက် မိသားစုကဲ့သို့ နွေးထွေးသည့် ခံစားမှု ပေးနိုင်သောအဖွဲ့ဖြစ်ကြောင်း ၎င်းကဆိုသည်။

ဩဂုတ် ၁၀ ရက်တွင် ကျ ရောက်မည့် မွေးနေ့တွင်လည်း ဝတ်မှုံရွှေရည်က We Love Wutt Hmone Shwe Yi (kit kit)အဖွဲ့ နှင့်အတူ    မွေးနေ့အလှူတစ်ခု ပြုလုပ်သွားမည်ဖြစ်သည်။

ပရိသတ်ဆီရောက်လာတော့မယ့် We are Big Bag

အွန်လိုင်းတွင် မြည်းစမ်း စေခဲ့သောသီချင်းနှစ်ပုဒ်ပါဝင်သည့် Big Bag အဖွဲ့၏ အခွေသစ်ကို သြဂုတ် ၅ ရက်တွင် တစ်နိုင်ငံလုံးသို့ စတင်ဖြန့်ချိသွားမည်ဖြစ်ကြောင်း ဟန်ထူးလွင်(ကျားပေါက်)ကပြောသည်။

‘‘Single ထွက်ထားတဲ့သီ ချင်းတွေထက်အားရတဲ့သီချင်း တွေပါပါတယ်။ စုစုပေါင်းသီချင်း ၁၄ ပုဒ်ပါမယ်’’ဟု ဟန်ထူးလွင်က ပြောသည်။

ယင်းသီချင်းခွေတွင်ပါဝင် သည့်သီချင်းပုံစံများသည် ၎င်းဆို နေကျသီချင်းပုံစံဖြစ်သော်လည်း ယခင်ကထွက်ရှိထားသည့်အခွေ များနှင့် ကွဲပြားမှုရှိမည်ဟု ၎င်းက ဆိုသည်။

‘‘အခွေထွက်တော့မှာဆို တော့ ကျွန်တော့်အခွေက ဘယ်လို ကောင်းပါတယ်ဆိုတာထက် ပရိ သတ်တွေနားထောင်ကြည့်ရင်သိ မှာပါ’’ဟု ကျားပေါက်ကပြော သည်။

ယင်းသီချင်းခွေတွင် အောင် လရေးပေးထားသည့်သီချင်းတစ် ပုဒ်ကို အောင်လ၊ ရေမွန်တို့နှင့် ပေါင်း၍တီးကာ ဆိုထားသည့်သီ ချင်းတစ်ပုဒ်လည်းပါဝင်မည်ဖြစ် ကြောင်း ၎င်းကပြောသည်။

‘‘သုံးယောက်ပေါင်းပြီးတီး ထားတာ။ တွတ်ပီက ဟာမိုနီ လောက်ပဲဆိုတယ်။ အောင်လက တစ်ပိုဒ်ဝင်ဆိုတယ်။ ကျန်တာ တွေကတော့ကျွန်တော်ဆိုတယ်။ သီချင်းနာမည်က Too High To Name This Song’’ဟုကျား ပေါက်ကပြောသည်။

We are Big Bag အခွေတွင် ပါဝင်သည့် သည်းခံနှင့်မျက်နှာရူး သီချင်းများကို မေလအတွင်းကျ ရောက်သည့် ဟန်ထူးလွင်၏မွေး နေ့တွင် အွန်လိုင်းမှစတင်ဖြန့်ချိခဲ့ ခြင်းဖြစ်ပြီး ပရိသတ်အားပေးခဲ့ သည်။

နီနီဝင်းရွှေနဲ့ သီချင်းအတူဆိုမယ့် မိုးစက်ဝိုင်

 သြဂုတ်တွင်ပြုလုပ်မည့် အဆိုတော်နီနီဝင်းရွှေ၏ တစ် ကိုယ်တော်ဖျော်ဖြေပွဲတွင် သီချင်း ဆိုရန်အတွက် သီချင်းများတိုက် နေပြီဟု မိုးစက်ဝိုင်ကပြောသည်။

‘‘အန်တီနီနီက မိုးစက်ကို သီ ချင်းရွေးပေးပါတယ်။ အန်တီနီနီ နဲ့ တွဲဆိုရမှာတစ်ပုဒ်၊ တစ်ယောက် တည်းဆိုမှာ တစ်ပုဒ်။ သီချင်းနာ မည်တွေကို အခုတော့ မပြောပြ ချင်သေးဘူး။ ဖျော်ဖြေပွဲကျမှပဲသိ စေချင်တယ်။ ဒါပေမဲ့ ကိုကိုနဲ့ပတ် သက်တဲ့သီချင်းဖြစ်မယ်’’ဟု မိုး စက်ဝိုင်ကပြောသည်။

အဆိုတော်နီနီဝင်းရွှေနှင့် မိ သားစုချင်းရင်းနှီးသဖြင့် ပါဝင်သီ ဆိုခြင်းဖြစ်ပြီး ယခုရက်ပိုင်းတွင် နီနီဝင်းရွှေနှင့်အတူသီချင်းများ တိုက်နေသည်ဟု ၎င်းကပြော သည်။

‘‘ဒီရက်ထဲမှာတော့ အန်တီ နီနီနဲ့ နှစ်ယောက်အတူဆိုမယ့်သီ ချင်းကို တိုက်ဖြစ်တယ်။ မိုးစက် ဆိုမယ့်သီချင်းကိုတော့ အန်တီနီ နီက သင်ပြပေးတယ်။ နောက်ပြီး Recordingနားထောင်ပြီးတာ့စာ သားမမေ့အောင်လေ့ကျင့်နေ တယ်’’ဟု မိုးစက်ဝိုင်ကပြော သည်။

သြဂုတ်လဆန်းတွင် ကြော်ငြာတစ်ခုရိုက်ရန်လက်ခံထား ပြီး ဇာတ်လမ်းတွဲတစ်ခု၌   ပါဝင်ရိုက်ကူးရန်    ဆွေးနွေးနေသည် ဟု ဆိုသည်။

အဆိုတော်နီနီဝင်းရွှေ၏ တစ်ကိုယ်တော်ဖျော်ဖြေပွဲကို သြ ဂုတ် ၁၅ရက်တွင် ပြုလုပ်မည်ဖြစ် ပြီး အခြားအဆိုတော်များလည်း ပါဝင်မည်ဟု ယင်းဖျော်ဖြေပွဲကို စီစဉ်သည့် ဦးပီးပေါ်ကပြော သည်။

ဆုမရပေမယ့် ဉာဏ်စမ်းအဖြေကြောင့် ပရိသတ်သတိပြုခံရတဲ့ ဆွီတီကို

 မယ်စကြ၀ဠာ(မြန်မာ) ပြိုင်ပွဲဆန်ခါတင် ငါးဦး၏ ဉာဏ်စမ်းမေးခွန်းဖြေဆိုသည့် အစီအ စဉ်၌ ဒေါ်အောင်ဆန်းစုကြည်ကို လေးစားကြောင်း ဖြေဆိုခဲ့သဖြင့် ဆုတစ်ဆုမှ မရခဲ့သော်လည်း ခါး နံပါတ်−လေး ဆွီတီကိုကို ပရိသတ် အများစုသတိပြုမိခဲ့ကြသည်။

ဆွီတီကိုကို‘‘ဘ၀မှာ အထင် ကြီးလေးစားရတဲ့သူက ဘယ်သူ လဲ၊ ဘာကြောင့်လဲ’’ဟု မေးမြန်း ခဲ့ခြင်းဖြစ်ပြီး ၎င်းက ၎င်း၏ မိသား စုနှင့် ပတ်ဝန်းကျင်ကို ကောင်း ကျိုးပြုသူ၊ တိုင်းပြည်ကို ကောင်း ကျိုးပြုသူ အကုန်လုံးကို လေး စား ကြောင်းဖြေဆိုခဲ့သည်။

သို့သော်အစီအစဉ်တင် ဆက်သူ ဆန်းထွဋ်က ၎င်း၏ အဖြေမှာ မှန်သော်လည်း ဘ၀တွင် အ ထင်ကြီးလေးစားရသည့်သူတစ် ဦးကိုသာ ဖြေဆိုရန် ပြောဆိုခဲ့ သောကြောင့် ဆွီတီကိုက ၎င်း၏ ဘ၀တွင် အထင်ကြီးလေးစားရ မည့်သူတစ်ဦးမှာ ‘‘အမေစု’’(ဒေါ် အောင်ဆန်းစုကြည်)ဖြစ်ကြောင်း ဖြေဆိုခဲ့သည်။

ထိုသို့ဖြေဆိုလိုက်သဖြင့် ပရိ သတ်များက လက်ခုပ်များတီး ကာ အားပေးခဲ့ကြပြီး ဆွီတီကိုက လည်း ၎င်းအနေဖြင့် သာမက အားလုံးက အမေစုကိုချစ်ကြ သည်ဟု ထပ်မံပြောဆိုခဲ့သော ကြောင့် လက်ခုပ်သံများ ပိုမိုဆူ ညံခဲ့သည်။

‘‘စင်ပေါ်မှာ အမေစုလို့ ဖြေ ခဲ့တာပါ။ ဒီအဖြေကြောင့် သမီး ဆုနဲ့လွဲခဲ့တယ်လို့ တချို့ကဝေဖန် ကြပါတယ်။ အမှန်တော့ ဒီအဖြေ ကြောင့်လည်း ဆုနဲ့လွဲခဲ့ရတယ်လို့ မထင်ပါဘူး။ ဒီလိုဖြေခဲ့လို့ ဆိုရင် လည်း နောင်တမရပါဘူး’’ ဟု ၎င်းကပြောသည်။

ဆွီတီကိုသည် အဆိုပါပြိုင် ပွဲတွင် ဆန်ခါတင်ငါးဦးအထိ ပါဝင်ခဲ့ပြီး ဆုတစ်ဆုမှ မရရှိခဲ့ သော်လည်း ၎င်း၏ အဖြေကြောင့် ပရိသတ်များ  သတိပြုမိခဲ့ပြီး အချို့က ယင်းကဲ့သို့ ဖြေဆိုပါက ဆုလွဲချော်နိုင်သော်လည်း ဖြေဆို ခဲ့သောကြောင့် ၎င်းကိုချီးကျူး ကြောင်း ဖေ့စ်ဘွတ်ခ်စာမျက်နှာ များတွင် ရေးသားဝေမျှလျက်ရှိ ကြသည်။

Pee Mak ဇာတ်ကားကုမ္ပဏီနဲ့ အလုပ်တွဲလုပ်ဖို့ ဆွေးနွေးခဲ့တဲ့ နိုင်းနိုင်း

ဓာတ်ပုံ−လမင်းနိုင်

ပြီးခဲ့သည့် ရက်ပိုင်းအ တွင်းက ထိုင်းနိုင်ငံရှိ ပီးမက်ဇာတ် ကားရိုက်ကူးခဲ့သော Kantana ရုပ်ရှင်ထုတ်လုပ်ရေးကုမ္ပဏီ၏ ဖိတ်ကြားချက်ဖြင့် လေ့လာရေး ခရီးသွားရောက်ခဲ့ကာ နှစ်ဦးနှစ် ဖက်ပေါင်း၍ ဇာတ်ကားရိုက်ကူး နိုင်ရန် ဆွေးနွေးခဲ့ကြောင်း နိုင်းနိုင်းကပြောသည်။

‘‘လောလောဆယ်တော့ နှစ် ဦးနှစ်ဖက်ဘယ်လိုပေါင်းရိုက်ရင် အဆင်ပြေမလဲဆိုတာကို ဆွေး နွေးတဲ့အဆင့်အထိပဲရှိပါသေး တယ်။ အဖြေကတော့ အတိအ ကျမထွက်သေးဘူး။ နောက်ပြီး သူတို့သုံးမယ့် ဘတ်ဂျက်က ကျွန်တော်တို့သုံးတဲ့ ဘတ်ဂျက်နဲ့ အရမ်းကွာတယ်။ သူတို့သုံးမယ့် ဘတ်ဂျက်က ကျွန်တော်တို့ဆီမှာ ဆိုရင် တော်တော်များတယ်’’ဟု နိုင်းနိုင်းကပြောသည်။

ယင်းခရီးစဉ်တွင် အထက်ပါ ကုမ္ပဏီ၏ စတူဒီယိုများ၊ ရုပ်ရှင် ရိုက်ကွင်းများသို့ သွားရောက်လေ့ လာခဲ့ပြီး ၎င်းနှင့်အတူ ကျော် ကျော်ပိုင်မှူးလည်း လိုက်ပါခဲ့ကာ နှစ်ရက်ကြာမြင့်ခဲ့ကြောင်း ၎င်းက ပြောသည်။ ‘‘ကျွန်တော်တို့ဆီမှာ အောက်ဒိုးရိုက်နေရတာတွေကို သူတို့ဆီမှာက အင်ဒိုးမှာ တင်ရိုက် လို့ရတယ်’’ဟု နိုင်းနိုင်းကပြော သည်။ လတ်တလောအနုပညာ လှုပ်ရှားမှုအနေဖြင့် ဒါရိုက်တာ ၀ိုင်းရိုက်ကူးသည့် ရဲတပ်ဖွဲ့နေ့ ဂုဏ်ပြုဇာတ်လမ်းတွင် ပါဝင် သရုပ်ဆောင်နေပြီး ရဲအုပ်တစ်ဦး အဖြစ်   ပါဝင်သရုပ်ဆောင်ထား ကြောင်း ၎င်းကပြောသည်။

‘‘မြန်မာနိုင်ငံကို အများကြီးပေးဆပ်သွားချင်လို့ ဆုတစ်ခုတော့ရအောင် ယူလာခဲ့မယ်’’

ဓာတ်ပုံ−ဂျေမောင်မောင်(အမရပူရ)

ကမ္ဘာ့ထိပ်တန်းအလှမယ် ပြိုင်ပွဲတစ်ခုဖြစ်သည့် မယ်စကြ၀ဠာပြိုင်ပွဲတွင် မြန်မာနိုင်ငံ ကိုယ် စားပြုသွားရောက်ယှဉ်ပြိုင်ရန် မယ်စကြ၀ဠာ  မြန်မာအလှမယ် အဖြစ် အသက် (၂၀) အရွယ် သျှားထွဋ်အိန္ဒြာ   ရွေးချယ်ခံခဲ့ရ သည်။ နှစ်ပေါင်း ၅၀ ကျော် ကြာမှ မြန်မာနိုင်ငံမှ ပြန်လည်ယှဉ်ပြိုင်မှုအနေဖြင့် ၂၀၁၃ ခုနှစ်၌ မိုးစက်ဝိုင်က ရုရှားနိုင်ငံတွင် သွား ရောက်ယှဉ်ပြိုင်ခဲ့ပြီး ယခုနှစ်တွင်မူ ဒုတိယမြောက်ပြန်လည်ယှဉ် ပြိုင်မှုအဖြစ် အမေရိကန်နိုင်ငံ တွင် ယှဉ်ပြိုင်ရမည်ဖြစ်သည်။ မမျှော်လင့်ဘဲ မယ်စကြ၀ဠာ (မြန်မာ)သရဖူကို ရခဲ့သည်ဆို သော သျှားထွဋ်အိန္ဒြာနှင့် တွေ့ဆုံ ကာ သူမ၏ ရင်ခုန်သံများကို တွေ့ဆုံမေးမြန်းဖြစ်ခဲ့သည်။

တစ်ကမ္ဘာလုံးမှာ အကြီးဆုံး အလှ မယ်ပြိုင်ပွဲတစ်ခုဖြစ်တဲ့ မယ်စကြ ၀ဠာပြိုင်ပွဲကြီးမှာ မြန်မာနိုင်ငံ ကိုယ်စားပြု ပါဝင်ခွင့်ရခဲ့ပြီဆို တော့ ကိုယ့်ကိုယ်ကိုယ်ဘယ် လောက်ယုံကြည်ထားလဲ။

ညီမပြိုင်ပွဲနဲ့ ပတ်သက်ပြီး ယုံကြည်မှုအပြည့်အ၀ထည့်ထား ပါတယ်။ နောက်ပြီးညီမကို နောက်ကနေ ကူညီပံ့ပိုးပေးတဲ့ ညီမရဲ့ မိ သားစု၊ Organization နဲ့ ပူးပေါင်းပြီး အစစအရာရာလိုလေသေးမရှိ အောင်၊ အဆင်ပြေအောင် ညီမ တို့နိုင်ငံရဲ့ သယံဇာတတွေ၊ ယဉ် ကျေးမှုအမွေအနှစ်တွေကို ဖော် ထုတ်နိုင်အောင် ပြင်ဆင်ထား ပါတယ်။

ဒီနှစ်ကို ပြီးခဲ့တဲ့နှစ်က သွားရောက် ယှဉ်ပြိုင်ခဲ့တဲ့ အလှမယ်မိုးစက် ၀ိုင်နဲ့ နှိုင်းယှဉ်ပြီး အားမရဘူးဆို တဲ့ ဝေဖန်မှုတွေရှိခဲ့တာဆိုတော့ ပရိသတ်တွေရဲ့ အမြင်နဲ့ ပတ် သက်ပြီး ဘယ်လိုဖြေရှင်းချက် ပေးချင်လဲ။

ညီမခုချိန်ထိ Perfect မဖြစ် သေးဘူး။ အဲဒါကြောင့် ညီမကို အကြံပေးနိုင်ပါတယ်။ ဝေဖန် ပြောဆိုနိုင်ကြပါတယ်။ အဲဒီအကြံဉာဏ်တွေကို လက်ခံပြီး လိုအပ် ချက်တွေကို ဖြည့်ဆည်းသွား မယ်။ နောက်ပြီးဟိုမှာ သွားပြိုင် ရင်လည်း တခြားနိုင်ငံက အလှ မယ်တွေထက် မသာရင်တောင်မှ မနိမ့်အောင် အကောင်းဆုံးယှဉ် ပြိုင်သွားပါမယ်။

သွားရောက်ယှဉ်ပြိုင်မယ့် ပြိုင်ပွဲ ကြီးမှာရော ပြီးခဲ့တဲ့နှစ်က ယှဉ် ပြိုင်ခဲ့တဲ့ ပြိုင်ပွဲဝင် မိုးစက်ဝိုင်ရဲ့ ဘယ်လိုအားနည်းချက်၊ ဘယ်လို အားသာချက်တွေကို အတုယူပြီး အကောင်းဆုံးပြင်ဆင်သွားမလဲ။

အစ်မ(မိုးစက်ဝိုင်)ကလည်း ညီမကို သင်ကြားပြသပေးတယ်။ အစ်မမှာကတော့ အားနည်းချက် ဆိုတာ မရှိပါဘူး။ သူက အရမ်း Perfect ဖြစ်တယ်။ ဒါပေမဲ့ ပြဿနာလေးတွေ ကြုံခဲ့ရတာဆို တော့ အဲဒီလိုပြဿနာတွေမကြုံ ရအောင် ကြိုးစားသွားပါမယ်။

မိုးစက်ဝိုင်တုန်းက ပြိုင်ပွဲမှာ လမ်း လျှောက်တာနဲ့ ပတ်သက်ပြီး အားနည်းချက်ရှိတယ်လို့ ထောက်ပြတာတွေရှိတော့ ညီမအတွက် ရော အဓိကလိုအပ်ချက်က ဘာ ဖြစ်မယ်လို့ထင်လဲ။

အဓိကလိုအပ်ချက်အနေနဲ့ ကတော့ အရပ်ကလေးဒီထက်ပို ထွက်ချင်တယ်။

မယ်စကြ၀ဠာပြိုင်ပွဲဆိုတာ ကမ္ဘာ မှာလည်း အကြီးဆုံးပြိုင်ပွဲတစ်ခု ဖြစ်တယ်။ လာရောက်ယှဉ်ပြိုင် မယ့်နိုင်ငံတွေကလည်း အများ ကြီးဆိုတော့ ညီမအတွက် ဘယ် လောက်စိန်ခေါ်မှုရှိတဲ့ ပြိုင်ပွဲတစ် ခုလို့ ပြောလို့ရလဲ။

ဒီပြိုင်ပွဲကြီးကို သွားပြိုင်ဖို့ အများကြီးမှန်းထားတယ်။ ညီမရဲ့  စိန်ခေါ်မှုအနေနဲ့ကတော့ ညီမရဲ့ အောင်မြင်မှုလမ်းကြောင်း တစ်ခု အနေနဲ့ မြန်မာနိုင်ငံကို အများကြီး ပေးဆပ်သွားချင်တယ်။ အဲဒီအ တွက် ဆုတစ်ခုတော့ ရအောင် ယူလာခဲ့မယ်။ တကယ်ကို ကြိုး ကြိုးစားစားနဲ့ သွားပြီး လိုလေသေးမရှိအောင် ယှဉ်ပြိုင်သွားမယ်။

မယ်စကြ၀ဠာစင်မြင့်က ညီမရဲ့ ငယ်ဘ၀အိပ်မက်တစ်ခုလို့ရော ပြောလို့ရနိုင်မလား။ ကိုယ့်ကိုယ် ကိုယ်ရော ဒီလိုပြိုင်ပွဲကြီးမှာပါဝင် ခွင့်ရမယ်လို့ စိတ်ကူးယဉ်ခဲ့တာ မျိုးရှိလား။

ပြောလို့ရပါတယ်။ ငယ်ငယ် ကတည်းက ကိုယ့်နိုင်ငံကို ကိုယ် စားပြုပြီး ပြိုင်တဲ့ ကိုယ့်နိုင်ငံအ တွက် ပြန်ပေးဆပ်နိုင်တဲ့ အလှ မယ်တစ်ယောက်ဖြစ်ချင်ခဲ့တာ ပါ။ အဲဒါကြောင့် ညီမရဲ့ရည်မှန်း ချက်တွေကို ဖော်ထုတ်ခွင့်ရတဲ့ အတွက်လည်း ကျေးဇူးတင် တယ်။

အခုနောက်ပိုင်းမှာ အလှမယ်တွေ နဲ့ ပွဲကျင်းပတဲ့ အဖွဲ့အစည်းတွေ ကြားထဲမှာ မပြေလည်မှုတွေ ကြားနေရတယ်။ ညီမပြိုင်ရမှာက ပရိသတ်အားပေးမှုအများဆုံးရရှိ နေတဲ့ မယ်စကြ၀ဠာပြိုင်ပွဲရဲ့ နိုင်ငံကိုယ်စားပြု    အလှမယ်တစ် ယောက်ဖြစ်တဲ့အတွက် အနေအ ထိုင်အပြုအမူတွေကို ဘယ်လိုနေ ထိုင်သွားမယ်လို့ ဆုံးဖြတ်ထား လဲ။

ညီမတို့ Miss တွေကိုမွေး ထုတ်ပေးတဲ့ Organization က ညီမတို့ရဲ့ ကျေးဇူးရှင်ပါ။ အဲဒီ ကျေးဇူးရှင်တွေနဲ့ အစစ၊အရာရာလက်တွဲသွားမယ်။ ကျေးဇူးရှင် ကိုပြန်ပြီး ကျေးဇူးဆပ်သွားမယ်။ အခုချိန်မှာ ညီမကနိုင်ငံကိုယ်စား ပြုအလှမယ်တစ်ယောက်ဖြစ်တဲ့ အတွက် အစစ၊အရာရာအသွား အလာ၊ အနေအထိုင်တွေ ဆင် ခြင်သွားပါမယ်။

ပြည်ပမှာ သွားပြိုင်ရမှာဆိုတော့ ဘာသာစကားပိုင်းနဲ့ ပတ်သက် ပြီး ဘယ်လိုပြင်ဆင်ထားလဲ။

ဘာသာစကားပိုင်းနဲ့ ပတ်သက်ပြီး တော့လည်း လက်ရှိအခြေအနေ ထက်ကောင်းအောင် လေ့လာ နေပါတယ်။ General Know-ledge (အထွေထွေဗဟုသုတ) ကောင်းအောင်လည်း လေ့လာနေပါတယ်။

မယ်စကြ၀ဠာဆုရခဲ့ပေမယ့် ပရိ သတ်ရဲ့ အားပေးမှုအပြည့်အ၀မရ သေးဘူးဆိုတော့ ပြိုင်ပွဲကြီးသွား ပြိုင်တဲ့အခါ ပရိသတ်တွေရဲ့အား ပေးမှုအပြည့်အ၀ရရှိဖို့ ဘယ်လို ကြိုးစားသွားမလဲ။

ညီမကို ဘယ်လိုပဲပြောပြော လက်ခံနိုင်ပါတယ်။ ညီမကို ဝေ ဖန်ပေးကြပါ။ အကြံပေးနိုင်ပါ တယ်။ ပရိသတ်တွေ လက်ခံနိုင် တဲ့ အလှမယ်ဖြစ်အောင်လည်း ကြိုးစားသွားပါမယ်။

အလှမယ်နဲ့ ပရဟိတက ဆက်စပ် နေတာဆိုတော့ ဆုရတဲ့ဆု ကြေးထဲကနေ ပရဟိတအလှူ လုပ်သွားဖို့ရော အစီအစဉ်ရှိလား။

ပရဟိတကို ညီမ Miss ဖြစ်မှလုပ်မှာ မဟုတ်ပါဘူး။ အရင်က တည်းကလည်း လုပ်ဖြစ်ပါတယ်။ အခုတော့ Organization နဲ့ လက် တွဲပြီး ပရဟိတလုပ်ငန်းတွေ လုပ် သွားဖို့ရှိပါတယ်။ ဆုရတဲ့ ဆုကြေးထဲကလည်း လိုအပ်တဲ့နေရာ တွေကို လိုက်ပြီး ဖြည့်ဆည်းသွား ဖို့အစီအစဉ်ရှိပါတယ်။

ဂျူးစံသာနေရာတွင် အစားထိုးရန် မသေချာသေးဟုဆို

 သရဖူအသိမ်းခံရသော အလှမယ်ဂျူးစံသာနေရာတွင် အလှမယ်သစ်တစ်ဦး    ထပ်မံ အစားထိုးပြီး   Miss    Globe International ပြိုင်ပွဲသို့စေလွှတ် ရန် မသေချာသေးကြောင်း Miss Globe Myanmar မှ ဒေါ်လှနု ထွန်းက ပြောသည်။

‘‘လှနုပို့ဖြစ်ချင်မှလည်းပို့ဖြစ် တော့မယ်။ ဘာဖြစ်လို့လဲဆိုတော့ လှနုတို့ဘက်က ပွဲလည်းလုပ်ခဲ့ တယ်။ ထရိန်နင်တွေလည်း ပေးခဲ့ တယ်လေ။ ဒါပေမဲ့ ရလဒ်ကောင်း ကထွက်မလာဘူး။ ကိုယ့်လူက မလိမ်မာတဲ့အခါကျတော့ ဘာမှ လုပ်လို့မရဘူးရှင့်။ လှနုလည်း တော်တော်စိတ်ပျက်နေတယ်။ အဲဒါကြောင့်မို့ နောက်လူကို ပို့ဖြစ်မယ်၊ မပို့ဖြစ်ဘူးဆိုတာ မဆုံးဖြတ်ရသေးပါဘူး’’ဟု ၎င်း က ပြောသည်။

အလှမယ်ဂျူးစံသာနှင့် ပြန် လည်ဆွေးနွေးရန်မှာမူ အစီအစဉ် လုံးဝမရှိတော့ကြောင်း ဒေါ်လှနု ထွန်းက ပြောသည်။

 အလှမယ် ဂျူးစံသာထံမှ သရဖူသိမ်းလိုက်ပြီး ပြိုင်ပွဲသို့ မလွှတ်ရန်    Miss   Globe International Organization နှင့် သဘောတူညီမှုရယူထားပြီး နောက်ထပ်စေလွှတ်မည့် အလှ မယ်၏ အရပ်သည် ၁၇၃ စင်တီမီတာ (၅ ပေ ၈ လက်မ)အနည်းဆုံးရှိရမည်ဟု ၎င်းတို့ ဘက်မှ တောင်းဆိုထားကြောင်း ဒေါ်လှနုထွန်းက ဆက်လက်ပြော သည်။

စည်းကမ်းမလိုက်နာသော ကြောင့် အလှမယ်ဂျူးစံသာထံမှ  သရဖူသိမ်းလိုက်ကြောင်း ဇူလိုင် ၂၄ ရက်တွင် ဖေ့စ်ဘွတ်ခ်မှတစ် ဆင့်ကြေညာခဲ့ပြီး နောက်တစ် ရက်တွင် ဂျူးစံသာဘက်မှ သတင်း စာရှင်းလင်းပွဲပြုလုပ်ကာ  ပြန်လည်ရှင်းလင်းခဲ့သော်လည်း ဂျူးစံသာသည် ဩဂုတ်လအတွင်း အဇာဘိုင်ဂျန်နိုင်ငံ၌ ပြုလုပ်မည့် Miss Globe International 2014 ပြိုင်ပွဲသို့ သွားရောက်ယှဉ် ပြိုင်ခွင့်မရရှိတော့ပေ။

မတ်လက    ကရဝိက်နန်း တော်၌ ပြုလုပ်ခဲ့သော Miss Globe Myanmar 2014 ပြိုင်ပွဲ တွင်    မြန်မာနိုင်ငံကိုယ်စားပြု အလှမယ်အဖြစ်     စေလွှတ်ရန် ဂျူးစံသာအား ရွေးချယ်ခဲ့ခြင်းဖြစ် သည်။

သွေးစုပ်ဖုတ်ကောင် နေတိုး

မကြာမီရုံတင်ပြသမည့် အဆုံးမဲ့အချစ် ရုပ်ရှင်ဇာတ်ကားကြီးတွင် သွေးစုပ်ဖုတ်ကောင်အဖြစ် ပထမဆုံးအကြိမ် သရုပ်ဆောင်ထားကာ ယင်းဇာတ်ရုပ်အတွက် ရာနှုန်းပြည့်ကျေနပ်မှုရှိကြောင်း နေတိုးကပြောသည်။

‘‘သွေးစုပ်ဖုတ်ကောင်ဇာတ်ရုပ်ကို ပရိသတ်တွေက နိုင်ငံခြားကားတွေမှာ မြင်ဖူးနေတာဆိုတော့ ကျွန်တ်ာတို့အတွက် စိန်ခေါ်မှုတွေရှိတယ်။ အဓိကအနေနဲ့ သွေးစုပ်ဖုတ်ကောင်ရဲ့ အစွယ်တွေ ပီပြင်မှုမရှိရင် ကျွန်တော်တို့အတွက် ဝေဖန်မှုတွေ ရှိနိုင်တယ်။ ပရိသတ်တွေမြင်ဖူးတဲ့ ဇာတ်ကောင်ဆိုတော့ ဇာတ်ရုပ်ပီပြင်မှုအပိုင်းတွေကို သေချာဂရုစိုက်ပြီး လုပ်ထားတယ်။ ကျွန်တော်သရုပ်ဆောင်ထားတဲ့ ဇာတ်ကောင်အပေါ်မှာလည်း ရာခိုင်နှုန်းပြည့်ကျေနပ်မှုရှိသလို ကျန်တဲ့ရိုက်ကူးတဲ့ အပိုင်းမှာလည်း ရာခိုင်နှုန်းတော်တော်များများ ကျေနပ်ပါတယ်’’ဟု နေတိုးကပြောသည်။

ခေတ်နှစ်ခေတ်တွင် ပါဝင်သရုပ်ဆောင်ရခြင်းဖြစ်သောကြောင့် အ၀တ်အစားပိုင်းကို သေချာဂရုစိုက်ပြင်ဆင်ခဲ့သလို သွေးစုပ်ဖုတ်ကောင်အဖြစ် သရုပ်ဆောင်ရသောကြောင့် မိတ်ကပ်အထူးပြုလုပ်ချက်များကိုလည်း သေသေချာချာ ပြင်ဆင်ရိုက်ကူးခဲ့သည်ဟု ၎င်းကပြောသည်။

‘‘ဒီကားက Presentation ထက် Animation ကို ဦးစားပေးပြီး ရိုက်ထားတယ်။ နောက်ပြီး သွေးစုပ်ဖုတ်ကောင်ကား တော်တော်များများက Romance နဲ့ချိတ်ပြီး ရိုက်တာများတယ်။ ဒီကားမှာလည်း Romance က ၇၀ ရာခိုင်နှုန်းလောက်ပါတယ်။ ကျန်တဲ့အပိုင်းကတော့ သွေးစုပ်ဖုတ်ကောင်ရဲ့ လှုပ်ရှားမှုတွေပါမယ်။ ဖိုက်တင်တွေပါမယ်’’ဟု နေတိုးက အဆုံးမဲ့အချစ် ရုပ်ရှင်ဇာတ်ကားအကြောင်း ပြောသည်။

ယင်းဇာတ်ကားတွင် ၀တ်မှုံရွှေရည်နှင့် တွဲဖက်သရုပ်ဆောင်ထားပြီး သွေးစုပ်ဖုတ်ကောင်ဖြစ်သွားသောကြောင့် ချစ်သူနှင့်သေကွဲကွဲခဲ့ကာ နောက်ဘ၀တွင် ၎င်း၏ချစ်သူအဖြစ် လူဝင်စားသည့် မိန်းကလေးနှင့် ပေါင်းဖက်နိုင်ရန် ကြိုးစားသည့် အကြောင်းအရာများကို ရိုက်ကူးထားသည့် ဇာတ်ကားတစ်ကား ဖြစ်သည်။

ယင်းဇာတ်ကားကို ဒါရိုက်တာသိန်းဟန်(ဖီးနစ်)က ရိုက်ကူးထားခြင်းဖြစ်ပြီး ရန်ကုန်နှင့် မန္တလေးရှိ ရုပ်ရှင်ရုံများတွင် ဇူလိုင်ဒုတိယပတ်အတွင်း၌ ရုံတင်ပြသမည်ဖြစ်သည်။

သဘင်ဘိုးဘွားရိပ်သာဆောက်ဖို့ ရန်ပုံငွေဖျော်ဖြေပွဲပြုလုပ်မယ့် ဖိုးချစ်

သဘင်ဘိုးဘွားရိပ်သာ တစ်ခုတည်ဆောက်နိုင်ရန် ရန်ပုံ ငွေဖျော်ဖြေပွဲပြုလုပ်မည်ဖြစ်ပြီး ယင်းဖျော်ဖြေပွဲမှရရှိသည့် ငွေကြေးအားလုံးကို လှူဒါန်းသွားမည်ဟု ဖိုးချစ်ကပြောသည်။

‘‘စပွန်ဆာတွေနဲ့တိုင်ပင် ကြည့်မယ်။ ကုန်ကျစရိတ်အားလုံး ခံမလား။ မခံနိုင်ရင်လည်း ကျွန် တော်အားလုံးစိုက်မယ်။ ဒါပေမဲ့ လက်မှတ်ရောင်းလို့ရမယ့် ငွေ တွေအားလုံးကိုတော့ သဘင်ဘိုး ဘွားရိပ်သာဆောက်ဖို့လှူဒါန်းမှာ ပါ’’ဟု ဖိုးချစ်ကပြောသည်။

ယင်းရန်ပုံငွေသတင်းဖျော် ဖြေပွဲကို သြဂုတ် ၇ရက်နှင့် ၈ရက် တွင် ပြည်သူ့ရင်ပြင်၌ ပြုလုပ်မည် ဖြစ်ပြီး  နေ့စဉ် ည ၇နာရီခွဲတွင် စတင်ကပြမည်ဟုဆိုသည်။

‘‘ဖျော်ဖြေပွဲအစီအစဉ်တွေ က တစ်ရက်နဲ့တစ်ရက်လည်းမ တူပါဘူး။ ပြဇာတ်တွေက ဆရာ မြို့တော်မောင်ယဉ်အောင်ရဲ့အမိ ရွှေလက်တေးပုခက်ပြဇာတ်နဲ့ ကို ဓီရာမိုရ်ဖန်တီးပေးမယ့်ဘုရင့် နောင်ပြဇာတ်တွေပါမယ်’’ဟု၎င်း ကပြောသည်။

ထို့အပြင် အော်ပရာအနေ ဖြင့်လည်း နတ်တို့ဖန်တဲ့ ပန်းကြာ အိုင်နှင့် နှစ်ပါးဆုံမည့်ရွာမည့်မိုး (ကိန္နရီ ကိန္နရာ)အော်ပရာများကို ကပြပေးမည်ဖြစ်ကာ နှစ်ပါးသွား အတွက်လည်း သျှန်ထွန်း(မြန်မာ စာ)၏ သီချင်းသစ်များဖြင့်ဖျော် ဖြေပေးမည်ဟု ဖိုးချစ်ကပြော သည်။

ဖျော်ဖြေပွဲလက်မှတ်အနေ ဖြင့် ခုံတစ်လုံးလျှင် ကျပ်တစ် သောင်းသတ်မှတ်ထားပြီး  လူ လေးဦး ၀င်ရောက်ကြည့်ရှုနိုင် မည့် ဖျာတစ်ချပ်လျှင်ကျပ် လေးသောင်းဖြင့်ရောင်းချပေးမည်ဖြစ် ပြီး လက်မှတ်များကို ဇူလိုင်လ ကုန်ပိုင်း၌ ရောင်းချပေးမည်ဖြစ် သည်။

သဘင်ဘိုးဘွားရိပ်သာကို ၎င်း၏အနုပညာကြေးများဖြင့် ဆောက်လုပ်နေခြင်းဖြစ်ပြီး ဘိုး ဘွားရိပ်သာတစ်ခုလုံးပြီးစီးသွား သည့်အချိန်တွင် တစ်ခါတည်းလှူ ဒါန်းသွားမည်ဟု ဖိုးချစ်ကပြော သည်။

ပထမဆုံးရိုက်ကွင်းကို မိဘတွေနဲ့ ပျော်ပျော်ရွှင်ရွှင်ရိုက်ကူးခဲ့တဲ့ မင်းသန့်မောင်မောင်

သရုပ်ဆောင်အဖြစ် ပထမဆုံးရိုက်သည့် ရိုက်ကွင်း တွင် မိခင်နှင့် ဖခင်နှစ်ဦးစလုံး၏ ပံ့ပိုးမှုများဖြင့်   ရိုက်ကူးရသောကြောင့် ပျော်ရွှင်ခဲ့ရကြောင်း    မင်းသန့်မောင်မောင်က ပြောသည်။

‘‘အဖေကလည်း အားပေး တယ်၊ အမေကလည်းအားပေး တယ်၊ မှားတာရှိရင်လည်း ပြန် ပြင်ပေးတယ်ဆိုတော့ တော်တော် ပျော်ဖို့ကောင်းပါတယ်။ နောက် ပြီးတော့ လေးစားစရာလည်း ကောင်းပါတယ်။ သူတို့မအားတဲ့ ကြားထဲက သားအတွက်အချိန် ပေးပြီး အောင်မြင်အောင်လုပ် ပေးတာဆိုတော့လေ’’ဟု မင်းသန့်မောင်မောင်က ပြော သည်။

‘‘ဒီကြော်ငြာကို နှစ်ပတ် အတွင်းမှာ ပြင်ဆင်ခဲ့ရတာဆို တော့ တော်တော်ပင်ပန်းခဲ့ပါ တယ်။ ဒါပေမဲ့လည်း ဒီကြော်ငြာ ကောင်းဖို့ကိုပဲ အာရုံစိုက်ထားပါ တယ်။ ဒီကြော်ငြာမှာ သား မကောင်းရင် သားမိဘတွေရှက် ရမှာဆိုတော့ အကောင်းဆုံးဖြစ် အောင် ကြိုးစားနေပါတယ်။ အဓိက,ကတော့ အဖေနဲ့ အမေ ကျေနပ်ဖို့   ကြိုးစားပြီး သရုပ် ဆောင်နေပါတယ်’’ဟု မင်းသန့် မောင်မောင်က ၎င်း၏ ပထမဆုံး ကြော်ငြာရိုက်ကူးမှုနှင့်ပတ်သက် ၍ ၎င်း၏ ခံစားချက်ကို ပြော သည်။

ယင်းကြော်ငြာကို ဟန်သီ နှင့် ရိုက်ကူးခဲ့ခြင်းဖြစ်ပြီး ယင်း ကြော်ငြာတွင် ကကွက်များလည်း ပါဝင်သောကြောင့် အကြိမ်ကြိမ် တိုက်ခဲ့ရကာ အချိန်ပေးကာရိုက် ကူးသည့် သူငယ်ချင်းဟန်သီကို လည်း အားနာကြောင်း မင်းသန့် မောင်မောင်က ပြောသည်။

‘‘အမေက ထိတ်ထိတ်ကြဲ အကယ်ဒမီငါးထပ်ကွမ်းဆိုတော့ သားကိုကျွန်တော်အသေအကျေ လေ့ကျင့်ပေးသလို သူလည်းသား ကိုသင်မှာပါ။ သူ့ရဲ့ပညာကို လည်း ကျွန်တော်က လေးစားပြီး သားပါ။ သားရဲ့ရိုက်ကွင်းကို သူ ရောက်လာတာက သားအတွက် လည်း အင်အားတွေအများကြီးဖြစ်မှာပါ’’ဟု ရိုက်ကွင်းသို့ မေသန်းနုလာရောက်သည့်အပေါ် ဒါရိုက်တာစင်ရော်မောင်မောင် က ပြောသည်။

မိသားစုသုံးဦး၏ အနုပညာ ဖန်တီးမှုအနေဖြင့် မေသန်းနု လက်ခံပါက ရိုက်ကူးရန် အဆင်သင့်ရှိသည်ဟု စင်ရော်မောင်မောင်က ပြောသော်လည်း မေသန်းနုကမူ ယင်းအစီအစဉ်ပြုလုပ်ရန်အ တွက်    သားဖြစ်သူ၏အသက်ငယ်သေးသောကြောင့် အချိန်ယူရဦးမည်ဟုပြောသည်။

ကားလမ်းပိတ်လို့ သီချင်းမဆိုလိုက်ရတဲ့အတွက် ပရိသတ်ကို တောင်းပန်တဲ့ မိစန္ဒီ

 ဇူလိုင် ၁၉ ရက်က ဂျန်းရှင်းစကွဲတွင်  ပြုလုပ်ခဲ့သော ရွှေအက်ဖ်အမ်ဗီစီဒီ ပရိုမိုးရှင်းပွဲ ၌   ကားလမ်းပိတ်သဖြင့် ပွဲပြီး ချိန်မှရောက်ခဲ့၍ သီချင်းမဆိုပေးခဲ့ရသည့်အတွက် ပရိသတ်များကို တောင်းပန်ကြောင်း အဆိုတော် မိစန္ဒီက ပြောသည်။

‘‘ကားပိတ်တာရော၊ ကိုယ်ကနေမကောင်းတာရော၊ ဘယ်လိုအကြောင်းကြောင့်ပဲဖြစ်ဖြစ် ကိုယ့်ရဲ့ပေါ့လျော့မှုပေါ့နော်။ အဲ ဒီလိုမျိုးလည်း နောင်မဖြစ်စေရ ပါဘူး။ စောင့်နေကြတဲ့ ပရိသတ်ကြီးကိုလည်း တောင်းပန်ပါတယ်။ လာမယ်လို့ပြောထားပြီး ပွဲပြီးမှ ရောက်လာဖြစ်တဲ့အတွက် ကိုယ်နဲ့အလုပ်တွဲလုပ်နေကြသူတွေ အားလုံးကိုရော တောင်းပန်ပါတယ်’’ဟု မိစန္ဒီက ပြောသည်။

နေမကောင်းဖြစ်နေသည့်ကြားမှ ပရိသတ်အား ဖျော်ဖြေရန် ထွက်လာခဲ့သော်လည်း မိုးအလွန်ရွာပြီး ကားလမ်းများပိတ်ဆို့နေ၍ ပွဲပြီးမှရောက်သွားရာ ပရိသတ်များမရှိတော့သည့်အတွက် သီချင်းမဆိုဖြစ်ခဲ့ကြောင်းမိစန္ဒီက ပြောသည်။ မိစန္ဒီရောက်သွားချိန်တွင် ပရိသတ်နှင့် အခြားသော အနုပညာရှင်များမရှိတော့ကြောင်း မိစန္ဒီက ပြောသည်။

အဆိုတော် အစုံပါဝင်သော ရွှေအက်ဖ်အမ်ဗီဒီစီတွင် သီရိဆွေနှင့် မိစန္ဒီတို့ တွဲဆိုထားသော ‘မုန်းတဲ့အကြောင်း’သီချင်းမှာ စီဒီထွက်ကတည်းက ပရိသတ်အားပေးမှု ရခဲ့သော သီချင်းတစ်ပုဒ်ဖြစ်ပြီး ယခုပရိုမိုးရှင်းပွဲသည် ရွှေအက်ဖ်အမ်ဗီစီဒီထွက်ရှိမှုအနေဖြင့် ပရိသတ်များအား အနုပညာရှင်များက လက်မှတ်ထိုးကာ သီချင်းများ ဖျော်ဖြေပေးသောပွဲဖြစ်သည်။

မကြာသေးမီက ထွက်ရှိထားသော ပစ်တိုင်းထောင်စီးရီး မှာ မိစန္ဒီမျှော်လင့်ထားသော အတိုင်းအတာထက် ကျော်လွန်ပြီး မူရင်းအခွေဝယ်ယူအားပေးကြသည့်အတွက် ဝမ်းသာမိကြောင်း ၎င်းက ပြောသည်။

ပစ်တိုင်းထောင်စီးရီးတွင် ပါဝင်သော   ‘ငါ့ဆီပြန်ခဲ့ပါ’နှင့် ‘နှုတ်ခမ်းများ   သော့ခတ်ထားတယ်’ သီချင်းနှစ်ပုဒ်ကို အခွေထွက်ပြီးနောက်တစ်ရက်တွင် ပြင်ဦးလွင်မြို့၌ သွားရောက်ရိုက်ကူးခဲ့ပြီး ဗီစီဒီအမြန်ဆုံးထွက်နိုင်အောင် ကြိုးစားနေကြောင်း မိစန္ဒီက ပြော သည်။

ပရိသတ်ကို ခံစားမှုအသစ်ပေးမယ့် ၀တ်မှုံရွှေရည်

 ‘‘နင်စေရင်’’နှင့် ‘‘မော် ဒန်ရာဇ၀င်’’ဇာတ်ကားများကို ပရိ သတ်အားပေးခဲ့သလို မကြာမီရုံ တင်မည့် ‘အဆုံးမဲ့အချစ်’ဇာတ် ကားသည်လည်း ပရိသတ်များကို ခံစားချက်အသစ်ပေးစွမ်းနိုင်မည် ဟု ယုံကြည်ကြောင်း ၀တ်မှုံရွှေ ရည်ကပြောသည်။

‘‘ကစ်သရုပ်ဆောင်ထားတဲ့ နင်စေရင်၊ မော်ဒန်ရာဇ၀င်နဲ့ နောက်တင်မယ့် အဆုံးမဲ့အချစ် ရယ်  သုံးကားဆက်တိုက်ရုံတင် ပေမယ့် တစ်ကားနဲ့ တစ်ကား ဇာတ်လမ်းရော၊ ကာရိုက်တာရောလုံးဝမတူပါဘူး။ အဆုံးမဲ့အချစ် ဇာတ်ကားဆိုရင်လည်း ပရိသတ် တွေအတွက် ခံစားမှုအသစ်ပေး နိုင်မယ်လို့ထင်တယ်’’ဟု ၎င်းက ပြောသည်။

အဆုံးမဲ့အချစ်ဇာတ်ကား သည် မြန်မာဇာတ်ကားအနေဖြင့် ပရိသတ်များ ကြည့်ဖူးနေကျ မဟုတ်သည့် ဇာတ်လမ်းဖြစ်သော ကြောင့် ပရိသတ်များကြိုက်မည် ယူဆပြီး ယင်းဇာတ်ကားကို ၎င်း ကိုယ်တိုင်ပြန်လည်ကြည့်ရှုသည့် အချိန်တွင်လည်း ခံစားမှုအသစ် တစ်ခုကို ခံစားခဲ့ရကြောင်း အဆုံး မဲ့အချစ်ရုပ်ရှင်အထူးပွဲတွင် ၀တ် မှုံရွှေရည်ကပြောသည်။

ယင်းဇာတ်ကား၌ မတူညီ သည့်ခေတ်နှစ်ခေတ်တွင် ဇာတ် ရုပ်တစ်ခုစီဖြင့် ပါဝင်သရုပ် ဆောင်ထားပြီး ဇာတ်ရုပ်နှစ်ခုကွဲ ပြားမှုရှိစေရန် ဒါရိုက်တာ၊ အတူ သရုပ်ဆောင်သည့် မင်းသားများ နှင့်တိုင်ပင်ကာ အ၀တ်အစားက အစ သေသေချာချာပြင်ဆင်ရိုက် ကူးခဲ့ကြောင်း ၀တ်မှုံရွှေရည်က ပြောသည်။

ယင်းဇာတ်ကားတွင် ၀တ် မှုံရွှေရည်နှင့်အတူ ဝေဠုကျော်၊ နေတိုးတို့ ပါဝင်သရုပ်ဆောင် ထားပြီး သြဂုတ်လဆန်းပိုင်း၌ ရန်ကုန်နှင့် မန္တလေးမြို့ရှိ ရုပ်ရှင် ရုံများတွင် စတင်ရုံတင်ပြသမည် ဖြစ်သည်။

ပထမဆုံးအကြိမ် ဓာတ်ပုံပြပွဲနဲ့ ပရိသတ်တွေ့ဆုံပွဲ ပြုလုပ်သွားမယ့် ယူယွန်ဆော့

တောင်ကိုရီးယားသရုပ် ဆောင်မင်းသား ယူယွန်ဆော့ သည် ယခုလကုန်တွင် ပထမဆုံးအကြိမ် ဓာတ်ပုံပြပွဲနှင့် ပရိသတ်တွေ့ဆုံပွဲ ပြုလုပ်သွားမည်ဟု ယူယွန်ဆော့၏ အေဂျင်စီက ဇူလိုင် ၁၈ ရက်တွင် ပြောသည်။

ယူယွန်ဆော့၏ Ah-Ee ဓာတ်ပုံပြပွဲသည် ကိုရီးယားဘာ သာစကားဖြင့် ‘ကလေး’ ဟု အဓိပ္ပာယ်ရပြီး အင်္ဂလိပ်ဘာသာစ ကားဖြင့် ‘မျက်လုံး’ ဟု အဓိပ္ပာယ် ရသည်။ ယူယွန်ဆော့သည် အိပ် မက်တစ်ခုကို အဆုံးရှုံးမခံခြင်း သည် အိပ်မက်ရှိခြင်းထက် ပို၍ အရေးကြီးသည်ကို ဖော်ပြလို ကြောင်းနှင့် အာဖရိကတိုက်ရှိ ကလေးငယ်များ၏ အိပ်မက်များ အပေါ် ထောက်ခံအားပေးကြောင်း ယင်းဓာတ်ပုံပြပွဲမှတစ်ဆင့် အသိ ပေးလိုသည်ဟုလည်း သိရသည်။

ကေဒရာမာစတား ယူယွန် ဆော့သည် သြဂုတ်လ ၁ ရက် တွင် ဆိုးလ်မြို့ရှိ illum အနုပညာ ပြခန်း၌ ဓာတ်ပုံပြပွဲ ပြုလုပ်သွား မည်ဖြစ်ပြီး ရရှိလာသော အကျိုး အမြတ်များအားလုံးကို ကလေး ငယ်များ အိပ်မက်ထောက်ပံ့ရေး သို့ လှူဒါန်းသွားမည်ဖြစ်သည်။ ယူယွန်ဆော့သည် ဓာတ်ပုံ ပြပွဲမတိုင်မီ ဇူလိုင် ၂၇ ရက်တွင် ပထမဆုံးအကြိမ် ပရိသတ်နှင့် တစ်ကိုယ်တော် တွေ့ဆုံပွဲပြုလုပ် သွားမည်ဟုလည်း သိရသည်။

 ယူယွန်ဆော့၏ ပရိသတ် တွေ့ဆုံပွဲ  လက်မှတ်များသည် စက္ကန့် ၃၀ အတွင်း ရောင်းကုန်ခဲ့ သည်ဟုလည်း အေဂျင်စီက ပြော သည်။  —Ref: ENews World

ပျက်ကျလေယာဉ် MH-17 နှင့်ပတ်သက်၍ တွစ်တာတွင် ဟာသရေးခဲ့မှုအတွက် ဂျက်ဆင်ဘစ်တောင်းပန်

အမေရိကန် သရုပ်ဆောင်မင်းသား ဂျက်ဆင် ဘစ်သည် ဇူလိုင် ၁၇ ရက်က ယူ ကရိန်းနိုင်ငံအရှေ့ပိုင်းတွင် ပျက် ကျသွားခဲ့သော မလေးရှားလေ ကြောင်းလိုင်းပိုင် လေယာဉ် MH- 17 နှင့်ပတ်သက်၍ ၎င်း၏ တွစ် တာစာမျက်နှာ၌ စာနာစိတ်ကင်း မဲ့သော ဟာသတစ်ခုရေးသားခဲ့ မှုအတွက် တောင်းပန်စကား ဆိုလိုက်သည်။


MH-17 လေယာဉ်သည် နယ် သာလန်နိုင်ငံ အမ်စတာဒမ်မြို့မှ မလေးရှားနိုင်ငံ ကွာလာလမ်ပူမြို့ သို့ ဦးတည်ပျံသန်းလာစဉ် ပဋိ ပက္ခများဖြစ်ပွားလျက်ရှိသော ယူ ကရိန်းနိုင်ငံအရှေ့ပိုင်း၌ ဒုံးကျည် ဖြင့် ပစ်ခတ်ခံရ၍ ပျက်ကျခဲ့ရာ လေယာဉ်ပေါ်တွင် လိုက်ပါလာ သူအားလုံး သေဆုံးခဲ့သည်ဟု နိုင်ငံတကာ သတင်းများက ဖော်ပြသည်။

 ဂျက်ဆင်ဘစ်သည် ယင်း သတင်းထွက်ပေါ်ခဲ့ပြီး မကြာမီတွင် ၎င်း၏ တွစ်တာစာမျက်နှာ၌ MH-17 နှင့်ပတ်သက်သော ဟာ သတစ်ခုကို ရေးသားခဲ့သည်။

 ထိုဟာသမှာ ‘‘ကျွန်တော်ရဲ့ မလေးရှားလေကြောင်းလိုင်း လက်မှတ်တွေကို တစ်ယောက် ယောက်များဝယ်ချင်ကြမလားဟင်’’ ဟုရေးခဲ့ခြင်းဖြစ်သည်။

ဂျက်ဆင်ဘစ်သည် အစော ပိုင်းတွင် ၎င်း၏ တွစ်တာဟာသအတွက် ခုခံပြောကြားခဲ့သော်လည်း ပရိသတ်များထံမှ ဒေါသတကြီးပြစ်တင်ဝေဖန်မှုများရရှိပြီး ယင်း ဟာသကို ဖျက်ကာ တောင်းပန် စကားဆိုခဲ့သည်။

 ‘‘ကျွန်တော်အရင်က စာ သားတွေကို ဖျက်လိုက်ပါပြီ။ လူ တွေကို စိတ်အနှောင့်အယှက်ပေး ခဲ့မိတယ်။ အဲဒါ ကျွန်တော့်ရည် ရွယ်ချက်မဟုတ်ပါဘူး။ အားလုံး ကို တောင်းပန်ပါတယ်’’ ဟု ဂျက် ဆင်ဘစ်က တောင်းပန်စကား ပြောကြားခဲ့သည်။

သရုပ်ဆောင်မင်းသား ဂျက် ဆင်ဘစ်သည် ပြီးခဲ့သည့် မတ်လ ကလည်း ပျောက်ဆုံးနေသော မ လေးရှားလေကြောင်းလိုင်းပိုင် MH-370 နှင့်ပတ်သက်၍ ဟာသ ပြက်လုံးထုတ်ခဲ့ရာမှ အငြင်းပွားမှု များ ဖြစ်စေခဲ့သည်ဟု သိရသည်။

—Ref: Hollywood Buzz

Miss Famous ဆုအတွက် မဲခြောက်သောင်းကျော်ရထားတဲ့ ဇွန်သံစဉ်

 Miss Famous ဆု သည် Miss Universe Myanmar ဆုအတွက် အထောက်အကူမပြု သော်လည်း လက်ရှိအချိန်တွင် တိုင်တယ်ဆုတစ်ဆုကို မျှော်မှန်း
နိုင်သောကြောင့် ပျော်ရွှင်ရကြောင်းMiss Famous ဆုအတွက် ပရိသတ်ပေးသည့် မဲအရေအတွက် ခြောက်သောင်းကျော် ရရှိနေသည့် ဇွန်သံစဉ်က ပြောသည်။


‘‘voting ပိတ်တဲ့အချိန်အထိ ပရိသတ်တွေ အားပေးကြပါဦး။ ပရိသတ်တွေ အားပေးရတာနဲ့ တန်အောင် ကြိုးစားပါမယ်’’ ဟု ဇွန်သံစဉ်က ပြောသည်။

မယ်စကြ၀ဠာမြန်မာပြိုင်ပွဲ ၀င်တစ်ဦးအနေဖြင့် သွားရောက်ခဲ့ရသော ဖူးခက်ခရီးစဉ်သည်၎င်းအတွက် အတွေ့အကြုံရရှိခဲ့သော ခရီးစဉ်တစ်ခုဖြစ်ခဲ့ပြီး လက်ရှိအချိန်တွင် Miss Famous ဆု မျှော်မှန်းနိုင်သလို  အခြားတိုင် တယ်ဆုများအတွက်လည်း ကြိုး စားသွားမည်ဟု ၎င်းက ဆိုသည်။

 ယဉ်ကျေးမှုတက္ကသိုလ် နောက်ဆုံးနှစ် ကျောင်းသူတစ် ဦးဖြစ်သောကြောင့် ကျောင်း Assi-gnment အနေဖြင့် ယခု ရက်ပိုင်းတွင် အတ္တပုံရိပ်ဟု အမည်ပေးထားသည့် ဇာတ်ကားတွင် အဓိကသရုပ်ဆောင်တစ်ဦး အနေဖြင့် ပါဝင်ရိုက်ကူးခဲ့ကြောင်း ဇွန်သံစဉ်က ပြောသည်။

‘‘အတ္တပုံရိပ်ဆိုတဲ့ ကားလေး မှာ ပိုက်ဆံအရမ်းချမ်းသာချင်တဲ့ ကောင်မလေး။ နောက်ဆုံးမှာ တော့ လူသတ်မှုနဲ့ အဖမ်းခံရပြီး ရူးသွားတဲ့ပုံစံမျိုး ပါဝင်သရုပ် ဆောင်ထားတယ်’’ ဟု ၎င်းက ပြောသည်။

လတ်တလောတွင် မော်ဒယ် ဘက်၌သာ လှုပ်ရှားဖြစ်နေသော် လည်း ဇာတ်ကားရိုက်ကူးရန် ကမ်းလှမ်းမှုများရှိပါက ရိုက်ကူး သွားရန် အစီအစဉ်ရှိကြောင်း ၎င်း က ဆိုသည်။

Miss Universe Myanmar နောက်ဆုံးပြိုင်ပွဲအတွက် စခန်း သွင်းလေ့ကျင့်ခြင်းကို ဇူလိုင် ၁၉ ရက်တွင် ပြန်လည်စတင်မည်ဖြစ် ပြီး တစ်ဦးချင်း အရည်အချင်းစစ် ဆေးခြင်းကို ဇူလိုင် ၂၁ ရက်တွင် ပြုလုပ်သွားမည်ဖြစ်သည်။

ဇာတ်လမ်းတွဲရိုက်ဖို့ သရုပ်ဆောင်ပညာ လေ့လာနေတဲ့ နန့်ချစ်နဒီဇော်

ဓာတ်ပုံ−နစ်ကီ

 ဂီတဘက်တွင်သာမက သရုပ်ဆောင်အနေဖြင့်ပါ ဇာတ် လမ်းတွဲတစ်ခုရိုက်ကူးရန်အစီအ စဉ်ရှိသောကြောင့် သရုပ်ဆောင် နှင့် ပတ်သက်၍ လေ့လာနေ ကြောင်း နန့်ချစ်နဒီဇော်ကပြော သည်။

‘‘ဂီတနဲ့ပတ်သက်တဲ့ ဒရာမာ ဇာတ်လမ်းတွဲတစ်ခုရိုက်ကူးမှာပါ ။နန့်ချစ်က အဆိုပိုင်းနဲ့အနုပညာ လောကထဲကို ၀င်လာတာဆို တော့ သရုပ်ဆောင်နဲ့ပတ်သတ်  ရင်အလေ့အကျင့်မရှိဘူး။ကိုယ့် သီချင်းတွေမှာပဲ သရုပ်ဆောင်ဖြစ် တယ်။ အဲဒါကြောင့်လောလော ဆယ်တော့ အိမ်မှာပဲဝတ္ထုတွေ ဖတ်၊ ဇာတ်လမ်းတွေကြည့်ပြီး ကိုယ့်ဟာကိုယ်လေ့ကျင့်နေ တယ်’’ဟု ၎င်းကပြောသည်။

ယင်းဇာတ်လမ်းတွဲကို ၂၀၁၄ခုနှစ်အတွင်း MRTV-4 က ရိုက်ကူးတင်ဆက်ပေးသွားမည် ဖြစ်ပြီး ယင်းဇာတ်လမ်းတွဲတွင်ပါ ၀င်သရုပ်ဆောင်ရမည့်ဇာတ်ရုပ် ကိုမူ အတိအကျမသိရသေး ကြောင်း ၎င်းကဆိုသည်။

‘‘သရုပ်ဆောင်တွေအနေနဲ့ အိပ်မက်ဆုံရာ Season 9အထိ ပါခဲ့တဲ့သူတွေထဲက သရုပ်ဆောင် တတ်တဲ့သူတွေကို ရွေးမယ်။ ညီမ တို့ Season4 ကလူတွေတော် တော်များများပါမယ်။ ညီမတို့ တေးသီငှက်သုံးယောက်(ဟန်ထူး ဈာန်၊ နန့်ချစ်နဒီဇော်၊ ၀ိုင်းလေး) ကတော့ ပါဖို့သေချာတယ်’’ဟု ၎င်းကပြောသည်။

သရုပ်ဆောင်အနေဖြင့် ပထ မဆုံးရိုက်ကူးမည့်ဇာတ်လမ်းတွဲ ဖြစ်သောကြောင့် စိတ်ဖိစီးမှုရှိ သော်လည်း ဂီတဘက်မှ အနုပ ညာရှင်များသာပါဝင်မည်ဖြစ် သောကြောင့် အခြားဇာတ်လမ်း တွဲများနှင့် ကွဲပြားမှုရှိမည်ဟုယုံ ကြည်ကြောင်း နန့်ချစ်နဒီဇော်က ပြောသည်။

လတ်တလောအနုပညာ လှုပ်ရှားမှုအနေဖြင့် တီဗီပရိုဂရမ် များ၊ မဂ္ဂဇင်းကာဗာများရိုက်ကူး ဖြစ်သလို တစ်ကိုယ်တော်ခွေအ တွက်လည်း သီချင်းများစုနေပြီး နယ်ဖျော်ဖြေပွဲများလည်းသွား ရောက်သီဆိုဖြစ်ကြောင်း ၎င်းက ပြောသည်။

Pages

Subscribe to Entertainment