ရှိမ္မကားဘေးမဲ့တောကို တောရိုင်းတိရစ္ဆာန်ဘေးမဲ့တောအဖြစ် ဖွဲ့စည်းမည်

ရှိမ္မကားဘေးမဲ့တောကို ဝေဟင်မှ တွေ့ရစဉ် (ဓာတ်ပုံ − စစ်ကိုင်းFD)

မြန်မာ့ဒေသမျိုးရင်း ရှားပါး မျိုးစိတ်ရွှေသမင်များကျက်စားရာ ရှိမ္မကားဘေးမဲ့တောကို တောရိုင်း တိရစ္ဆာန်ဘေးမဲ့တောအဖြစ် ဖွဲ့ စည်းမည်ဟု စစ်ကိုင်းတိုင်းဒေသ ကြီး သစ်တောဦးစီးဌာန ညွှန်ကြားရေးမှူး ဦးခင်မောင်ဝင်းက ပြောသည်။

ရှိမ္မကား ဘေးမဲ့တောသည် ရွှေဘိုခရိုင်၊ ၀က်လက်မြို့နယ်၊ ရှိမ္မကားရွာအနီးတွင် ဧကလေးရာခန့် ရှိပြီး ရွှေသမင်အပါအ၀င် အခြားတောရိုင်းတိရစ္ဆာန်များကျက်စားရာဒေသဖြစ်၍ တောရိုင်းတိရစ္ဆာန်နှင့် သဘာဝအပင်များကာကွယ်ရေးနှင့် သဘာဝနယ်မြေများထိန်းသိမ်းရေးဥပဒေနှင့်အညီ တောရိုင်းတိရစ္ဆာန်ဘေးမဲ့တောအဖြစ် ဖွဲ့စည်းမည်ဟု ဦးခင်မောင်ဝင်းက ပြောသည်။

ယင်းသို့ ဖွဲ့စည်းနိုင်ရန် ရွှေသမင်စာရင်းနှင့် အခြားတောရိုင်းတိရစ္ဆာန်များ၏ ကျက်စားမှုအခြေအနေကို စစ်တမ်းကောက် လေ့လာပြီး ယင်းနယ်မြေအတွင်း ဒေသခံများနေအိမ်နှင့် လယ်မြေများရှိ၊ မရှိ ကွင်းဆင်းစစ်ဆေး၍ ပြည်ထောင်စု အစိုးရအဖွဲ့သို့ တင်ပြမည်ဟုဆိုသည်။

‘‘အခုစလုပ်နေပြီ ရွှေသမင် တွေဘယ်လောက်ကျက်စားလဲ၊ ဒေသခံတွေရဲ့ ဆိုင်ရာပိုင်ခွင့်တွေ ရှိ၊ မရှိလေ့လာတာတွေလုပ်နေ တယ်။ ပြီးရင် ပြည်ထောင်စုအစိုးရအဖွဲ့ကို တင်သွားမှာ’’ဟု ဦးခင် မောင်ဝင်းက ပြောသည်။

ရှိမ္မကားဘေးမဲ့တောကို မင်း တုန်းမင်းတရားကြီးက ဘေးမဲ့ တောအဖြစ် သတ်မှတ်ခဲ့ပြီး မူလပထမရွှေကျင် ဆရာတော်ဘုရားကြီး၏ တောရကျောင်းတော်တည်ရှိရာဒေသဖြစ်သည်။

Top News