တ .စ .ညနှင့် တရုတ်ကွန်မြူနစ်ပါတီ ပူးပေါင်းဆောင်ရွက်မည်

တရုတ်ကွန်မြူနစ်ပါတီနှင့် တိုင်းရင်းသားစည်းလုံးညီညွတ်ရေးပါတီ (တ.စ.ည)တို့ ပါတီချင်း ပူးပေါင်းဆောင်ရွက်မည်ဖြစ်ကြောင်း တ.စ.ညပါတီမှ သတင်းရရှိသည်။

မြန်မာနိုင်ငံဆိုင်ရာ တရုတ်သံအမတ်ကြီးနှင့် တ.စ.ညပါတီ ဥက္ကဋ္ဌ ဦးထွန်းရီတို့ မေ ၁၅ ရက်တွင် နှစ်နာရီကျော်ကြာတွေ့ဆုံဆွေးနွေး၍ သဘောတူညီခဲ့ကြခြင်းဖြစ်သည်။ ““ပါတီချင်းရင်းနှီးမှုဟာ နှစ်နိုင်ငံရင်းနှီးမှုကို အထောက်အကူပြုတယ်။ ဒါကြောင့်မို့ ပါတီချင်းဆက်ဆံမူကို ဒီထက်ပိုပြီးတော့ အခိုင်အမာတိုးချဲ့ဖို့အတွက် သဘောတူတယ်။ နှစ်ဖက်စလုံးကပေါ့”” ဟု တ.စ.ညပါတီ  ဗဟိုအလုပ်အမှု ဆောင် ဦးသိန်းထွန်းကပြောသည်။

သို့သော် ကွန်မြူနစ်ပါတီအသားပေး တရုတ်ကွန်မြူနစ်ပါတီနှင့် ဒီမိုကရေစီဖော်ဆောင်ရေးလမ်းကြောင်းတွင် ပါဝင်နေသော တ.စ.ညပါတီတို့ မည်သို့ ပူးပေါင်းဆောင်ရွက်မည်ကို  တွေ့ဆုံမှုတွင် ထည့်သွင်း ဆွေးနွေးခဲ့ခြင်းမရှိခဲ့ကြောင်း ဦးသိန်းထွန်းက ပြောသည်။ နှစ်ပေါင်း ၂၄ နှစ်ကျော်လာပြီဖြစ်သော တ.စ.ညပါတီသည် တရုတ် ကွန်မြူနစ်ပါတီနှင့် ဆက်ဆံမှုရှိခဲ့သော်လည်း ပါတီချင်း ပူးပေါင်းဆောင်ရွက်မှုမရှိသေးကြောင်း ပါတီတာဝန်ရှိသူတစ်ဦးကပြောသည်။

တရုတ်ကွန်မြူနစ်ပါတီသည် ပြည်တွင်းရှိနိုင်ငံရေးပါတီများအနက် လက်ရှိအာဏာရပါတီဖြစ်သော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့်သာ ရင်းနှီးသောဆက်ဆံမှုရှိနေသည်။ တိုင်းရင်းသား စည်းလုံးညီ ညွတ်ရေးပါတီသည် ၂၀၁၀ပြည့်နှစ် ပါတီရွေးကောက်ပွဲတွင် မဲဆန္ဒနယ် ၉၉၄ နေရာ ၀င်ရောက်ယှဉ်ပြိုင်ရာ လွှတ်တော်ကိုယ်စားလှယ်နေရာ ၆၄  ဦး ရရှိခဲ့သည်။

More in Politics Section