YBS ယာဉ်တိုက်မှုကြောင့် လူ ၁၀ ဦးသေဆုံးမှုနှင့် ပြည်သူ့အသံ

People Voice
ဓာတ်ပုံ−ကျော်ဇင်သန်း

ဇူလိုင် ၇ ရက်က ထောက်ကြန့်တွင် YBS (၅၅)ယာဉ်က တစ်ဖက်ယာဉ်ကြောမှ YBS (၃၇)ယာဉ်ကို ၀င်တိုက်မိရာမှ လူ ၁၀ ဦးသေဆုံးပြီး လူ ၃၀ ကျော်ဒဏ်ရာရရှိခဲ့သည်။ အဆိုပါယာဉ်တိုက်မှုသည် YBS (၅၅)ယာဉ်၏အမှားဖြစ်ပြီး ကိုယ်ရကိုယ်ယူစနစ်ဖြင့် မောင်းနှင်သည့် ယာဉ်များအားလုံးကို ပြင်းထန်စွာသတိပေးကြောင်း ရန်ကုန်တိုင်းဒေသ ကြီးလမ်းပန်းဆက်သွယ်ရေးဝန်ကြီးဒေါ်နီလာကျော်က ပြောကြားခဲ့သည်။

ထို့နောက်ယာဉ်တိုက်မှုဖြစ်ပြီး နောက်တစ်ရက်တွင် (၅၅)ယာဉ်လိုင်းကို ဖျက်သိမ်းခဲ့ သည်။ အဆိုပါယာဉ်တိုက်မှုသည် YBS စနစ်သစ်ပြောင်းလဲပြီး ခြောက်လခန့် အတွင်း အဆိုးရွားဆုံးသောယာဉ်တိုက်မှုတစ်ခုဖြစ်ခဲ့ရာ ယင်းဖြစ်စဉ်တွင် တာဝန်အရှိဆုံးနှင့် စနစ်အပြောင်းအလဲထိရောက်မှုရှိ၊မရှိနှင့်ပတ်သက်၍ ပြည်သူများ၏အသံကိုစုစည်း ဖော်ပြလိုက်ပါသည်။

ဦးနေဘုန်းလတ် (ရန်ကုန်တိုင်းဒေသကြီးလွှတ်တော်ကိုယ်စားလှယ်)

YRTA (ရန်ကုန်မြို့သယ်ယူပို့ဆောင်ရေးကြီးကြပ်ကွပ်ကဲမှုအာဏာ ပိုင်အဖွဲ့)မှာ တာဝန်ရှိတာပေါ့။ နစ်နာတဲ့လူတွေကို တောင်းပန်ဖို့နဲ့ စည်း ကမ်းဖောက်တဲ့လူတွေကို တာဝန်ယူဖို့လုပ်သင့်ပါတယ်။ ဘာကြောင့်ဖြစ် လဲဆိုတဲ့အကြောင်းရင်းကို ရှာဖို့လိုတယ်။ (၅၅)ယာဉ်လိုင်းကို စံနမူနာ အနေနဲ့လုပ်တာမျိုးပေါ့။ ဒါပေမဲ့ (၅၅)ယာဉ်လိုင်းလို ခရီးသည်တွေကို ရိုင်းရိုင်းစိုင်းစိုင်းလုပ်တာတွေကို ဖြေရှင်းဖို့လိုတယ်။ ယာဉ်လိုင်းပိတ် တယ်ဆိုတာလည်း လိုအပ်ရင်တော့လုပ်သင့်ပါတယ်။ ဒီ YBS ဆိုတာ ပြည်သူ့ဝန်ဆောင်မှုလုပ်ငန်းလေ။ အဓိကကပြည်သူကိုဝန်ဆောင်မှုပေး တယ်ဆိုတဲ့ အသိဝင်အောင်လုပ်ရမှာ။ YBS ကို လုပ်ဆောင်နေတဲ့သူတွေရော ဒါဟာပြည်သူလူထုကို ၀န် ဆောင်မှုပေးနေတယ်ဆိုတဲ့အသိမျိုး ၀င်အောင်လုပ်ရမှာ။ အဲဒီစိတ်နဲ့သာလုပ်ကြရင် အပြိုင်အဆိုင်မောင်းတာ တွေ၊ စီးပွားရေးလိုပိုက်ဆံမျက်နှာတစ်ခုတည်းကြည့်တာမျိုးတွေ မဖြစ်တော့ဘူး။

ငြိမ်းချမ်းညီညီ (နည်းပညာတက္ကသိုလ် နောက်ဆုံးနှစ်)

ဒီဖြစ်ရပ်မှာ အဓိကတာဝန်ရှိတာကတော့ (၅၅)ယာဉ်မောင်းပေါ့။ တချို့ကားဆရာတွေက ခရီးသည်တွေအားလုံးရဲ့အသက်က သူ့လက်ထဲ မှာဆိုတဲ့အသိ သူတို့မှာမရှိဘူး။ သူတို့ငါးရာ၊ တစ်ထောင်ပိုရဖို့အတွက် ကားတွေပြိုင်မောင်းကြတယ်။ (၅၅)ယာဉ်လိုင်းက အဝေးကြီးသွားရတာ ဗျာ။ ယာဉ်ရဲ့ကြံ့ခိုင်မှုကိုလည်း အမြဲစစ်ဆေးနေသင့်တယ်။ ကျွန်တော် တို့လို မြို့ဝေးနယ်ဝေးကျောင်းသွားတက်ရတဲ့ကျောင်းသားတွေ အရမ်း ဒုက္ခရောက်တယ်။ (၅၅) ယာဉ်လိုင်းကိုဖျက်သိမ်းတာ ကောင်းတဲ့ဖြေရှင်း နည်းလို့မထင်ဘူး။ (၅၅) ယာဉ်လိုင်းမှာ မကောင်းတဲ့သူလည်းရှိသလို ကောင်းတဲ့ယာဉ်မောင်းတွေလည်း ရှိမှာပဲ။ ဖြစ်စေချင်တာက အရင် (၂၁) လိုင်း၊ ကိုတရုတ်လေး(ယာဉ်ပိုင်ရှင်)ကားလိုမျိုး သူများကျော်တက်လည်း လိုက်ပြိုင်မမောင်းဘူး။ အေးအေးဆေးဆေးပုံမှန်မောင်းတာမျိုး ဖြစ်စေချင်တယ်။ ယာဉ်မောင်းတွေ စည်းစနစ်တကျစိတ်ရှည်ရှည်နဲ့ မောင်းမယ်ဆိုရင် အခုလိုမျိုးဖြစ်လာစရာ မရှိပါဘူး။ (၅၅)ကားစီးပြီး ကျောင်းတက်ခဲ့တာ လုံးဝမလုံခြုံပါဘူး။ အစိုးရအနေနဲ့ ကျောင်းသား တွေအတွက် လုံခြုံစိတ်ချရတဲ့ကျောင်းကားစနစ်လေးလုပ်ပေးဖို့လည်း တောင်းဆိုချင်ပါတယ်။

ဦးမြင့်ဦး (သုဝဏ္ဏ)

အခုရန်ကုန်လိုင်းကားတွေအကြောင်းပြောမယ်ဆိုရင် ကျွန်တော် ကတော့ လူတွေအင်္ကျီလဲဝတ်သလိုပဲမြင်တာပေါ့ဗျာ။ ကားတွေ ပြောင်း ပေမယ့်တိကျတဲ့ စနစ်နဲ့သတ်မှတ်ထားချက်တွေ မရှိတော့ ခရီးသွားအား လုံးအဆင်ပြေတာက နည်းနည်း၊ စိုးရိမ်ပူပန်ရတာက များများဖြစ်လာတာ ပေါ့။ ဘယ်လိုမောင်းရမယ်၊ မှတ်တိုင်မှာ ဘယ်နှမိနစ်ရပ်ရမယ်ဆိုတာ မျိုးကအစ လမ်းကြောင်းသတ်မှတ်တာ၊ စည်းကမ်းဖောက်ဖျက်မှုအတွက် အရေးယူတာတွေရှိထားရမယ်။ အခုဒီ YBS ယာဉ်နှစ်စီးတိုက်မှုအတွက် သက်ဆိုင်ရာယာဉ်လိုင်းတွေက လူမှုရေးအရ ထောက်ပံ့တာဝန်ယူဖို့ကို တော့ မျှော်လင့်ပါတယ်။ ခရီးသွားပြည်သူတွေအတွက် လုံခြုံစိတ်ချရတဲ့ သယ်ယူပို့ဆောင်ရေးစနစ်ဖြစ်ဖို့ကို အားလုံးဝိုင်းဝန်းအဖြေရှာစေချင်တယ်။ အစိုးရ၊ ပညာရှင်တွေနဲ့ယာဉ်လိုင်းဌာနတွေ အားလုံးပေါ့။ ပြည် သူတွေအမြင်ကို တောင်းခံသင့်တယ်။ ကိုယ်တိုင်ကွင်းဆင်းလေ့လာသင့်တယ်။

မဇင်မာဦး (ထိခိုက်ဒဏ်ရာရရှိသူတစ်ဦး၏ ဇနီး)

ညီမအမျိုးသား ကားပေါ်မှာပါလာတာမသိပါဘူး။ လမ်းထိပ်ကဆိုင် ကယ်ကယ်ရီမောင်းတဲ့သူက ကိုရာဇာကြီးကားတိုက်တဲ့အထဲမှာပါတယ် ဆိုတာပြောမှသိရတာပါ။ ကျွန်မတို့မှာ ကလေးနှစ်ယောက်ရှိပါတယ်။ အမျိုးသားနဲ့ကျွန်မနှစ်ယောက်စလုံးဈေးရောင်းပေမယ့် ယောက်ျားကို အားကိုးနေရတာပါ။ ကလေးအငယ်က အခုမှတစ်နှစ်ခွဲကျော်ပဲရှိသေး တော့ ညီမက ဈေးသိပ်မထွက်နိုင်ပါဘူး။ အခုလိုအမျိုးသားကဒဏ်ရာတွေ ရနေတော့ စိတ်ပူပါတယ်။ ဈေးရောင်းလို့ရတဲ့ငွေတွေလည်း ကားတိုက် မှုဖြစ်ပြီး ပျောက်သွားလို့တစ်ပြားမှ ပြန်မရပါဘူး။ ထောက်ကြန့်မှာနေ တော့ YBS (၃၇)စီးရတာအဆင်ပြေပါတယ်။ အခုလိုကားတွေတိုက်အောင်တော့ ဘယ်သူမှရည်ရွယ်ပြီး မောင်းမယ်တော့ မထင်မိပါဘူး။ လူတိုင်းမိသားစုအတွက် ငွေရှာရင်းအခုလိုဖြစ်ရတယ်လုိ့ မြင်မိပါတယ်။ ကားတွေကို သတ်မှတ်ထားတဲ့မိုင်နှုန်းအတိုင်း၊ သတ်မှတ်ထားတဲ့လမ်းတွေက မောင်းကြပါ။ သေဆုံးသွားတဲ့မိသားစုတွေအတွက်လည်း စိတ်မကောင်းဖြစ်ရပါတယ်။

ကိုထင်လင်းအောင် (ပုလဲအရန်မီးသတ်တပ်ဖွဲ့)

၂၀၁၇ ခုနှစ်ထဲမှာတော့ ဒီယာဉ်တိုက်မှုက အကြီးမားဆုံးနဲ့ လူသေ မှုအများဆုံးလို့ပြောလို့ရပါတယ်။ ကားသမားတွေကလည်း သတ်မှတ် ကြေးရဖို့အတွက် အပြိုင်အဆိုင်မောင်းကြတယ်။ ဒီလိုမဖြစ်ရအောင် သူ တို့မိသားစုစားဝတ်နေရေးပြေလည်မယ့် လစာပေးဖို့လိုပါတယ်။ ကျွန် တော်တို့ကူညီကယ်ဆယ်ရေးလုပ်ပေးတဲ့အခါမှာလည်း တချို့အဖွဲ့တွေ က ပူးပေါင်းမှုအားနည်းတယ်။ လူနာတင်ယာဉ်ပေါ်လူသေအလောင်း မတင်ဘူး။ နာရေးကားပေါ်လူနာမတင်ဘူးဆိုတာလေးတွေရှိတယ်။ သေဆုံးသွားတဲ့မိသားစုဝင်တွေ၊ ထိခိုက်ဒဏ်ရာရတဲ့မိသားစုဝင်တွေနဲ့ ထပ်တူဝမ်းနည်းရပါတယ်။ ယာဉ်မောင်းတွေ သတ်မှတ်မိုင်နှုန်းအတိုင်း မောင်းဖို့လိုတယ်။ ယာဉ်မောင်းတွေကို သေချာစိစစ်ရွေးချယ်ပြီး ရှေးဦး သူနာပြုစုနည်းတတ်ဖို့လည်းလိုမယ်။ ယာဉ်မတော်တဆမှုဖြစ်ရင် အနီးဆုံး လူနာတွေနားမှာရှိတာ ယာဉ်မောင်းနဲ့ယာဉ်နောက်လိုက်ပါ။

ကိုမျိုးမင်းဦး (သန်လျင်မြို့နယ်တွင် နေထိုင်သူ)

အဓိကကတော့ ယာဉ်လိုင်းမှာတာဝန်ရှိတယ်။ ဦးဖြိုးမင်းသိန်းက အများပိုင်ကုမ္ပဏီတွေထောင်ပြီး YBS စနစ်ထူထောင်တယ်။ လခပေး စနစ်ကို ကျင့်သုံးနေပေမယ့် အခုဖြစ်တာက ကိုယ်ရကိုယ်ယူစနစ်နဲ့ပြေး ဆွဲနေတဲ့ ယာဉ်လိုင်းကြောင့်ဖြစ်တာဆိုတော့ ယာဉ်လိုင်းကြီးကြပ် တဲ့သူတွေ၊ စပယ်ယာတွေ၊ ယာဉ်မောင်းတွေမှာလည်း တာဝန်ရှိတယ်။ ယာဉ်လိုင်းတွေ စည်းကမ်းမဲ့မောင်းနှင်မှုမလုပ်အောင် စည်းကမ်းထိန်း သိမ်းရေးကိုလည်း ထိထိရောက်ရောက်လုပ်ပေးသင့်တယ်။ အရေးယူ သင့်တယ်။ ယာဉ်လိုင်းအမှတ် (၅၅)ကို ပိတ်သိမ်းလိုက်ပြီဆိုတာကိုတော့ ကြားတယ်။ ပြဿနာကိုဖြေရှင်းဖို့က အခုအချိန်မှာတော့ ဒီလောက်ပဲ လုပ်လို့ရဦးမယ်။ ဒီထက်ကောင်း မွန်အောင်ဖြေရှင်းဖို့ကတော့ ယာဉ်မောင်းတွေ၊ စပယ်ယာတွေကို စည်းကမ်းလိုက်နာဖို့အတွက် သင်တန်း တွေပေးရမယ်။ အပြောအဆိုယဉ်ကျေးအောင် သင်တန်းတွေပေးရမယ်။ ကိုယ်ရကိုယ်ယူစနစ်ကနေ အများပိုင်စနစ်ကိုပြောင်းလဲပေးဖို့လိုတယ်။ ဥပမာ BRT လိုမျိုးပေါ့။ BRT တုန်းကဆိုရင် ယာဉ်မောင်းကိုသင်တန်း တွေပေးထားတော့ ပြဿနာတက်တာမရှိခဲ့ဘူး။ ခရီးသွားပြည်သူတွေ လုံခြုံဖို့အတွက် ခိုင်ခံ့မှုရှိတဲ့ကားတွေတင်သွင်းဖို့လိုတယ်။ အခုဖြစ်နေတာက ကားအစီးရေက လုံလောက်မှုမရှိတော့ မြို့တွင်းကို ကားသစ်တွေ ပြေးဆွဲခွင့်ပေးပြီး မြို့ပြင်ကိုတော့ ကားဟောင်းတွေပြေးဆွဲခွင့်ပေးတယ်။ ကားဟောင်းတွေက ကြံ့ခိုင်မှုက လည်း အားနည်းတယ်။ မြို့ပြင်ဆိုတော့ ယာဉ်ကြောကျပ်တည်းမှုက မရှိဘူး။ လမ်းကလည်းရှင်းတော့ အချင်း ချင်းပြိုင်မောင်းကြတာများတယ်။ မှောက်တဲ့အခါမှာ ကားတွေရဲ့ကြံ့ခိုင်မှုအားနည်းချက်ကြောင့် သေဆုံးသူ များကြတာပါ။ ဒါကြောင့် ကားသစ်တွေကို အစားထိုးစေချင်တယ်။ YBS ကိုအောင်မြင်စေချင်တယ်။အောင်မြင်အောင် အဓိကစည်းကမ်းထိန်းသိမ်းရေးပိုင်းကို ဦးစားပေးဖို့လည်းလိုတယ်။ လခစားစနစ်လုပ်မယ်၊ စွမ်း ဆောင်ရည်တွေမြှင့်တင်ပေး မယ်၊ ဆုပေးဒဏ်ပေးစနစ်ကို ကျင့်သုံးမယ်ဆိုရင်တော့ အောင်မြင်မှာပါ။

ပိုင်ဇင်ဦး (နည်းပညာတက္ကသိုလ်နောက်ဆုံးနှစ်၊ (၅၅) ယာဉ်လိုင်းစီးပြီး ကျောင်းတက်ရသူ)

ဘယ်သူတွေမှာတာဝန်ရှိလဲဆိုတော့ အခုကဖြစ်ပြီးသွားပြီလေ။ နောက်ကို ကားဆရာတွေဘက်က ကောင်းကောင်းမွန်မွန်မောင်းဖို့လို တယ်။ တကယ်တမ်းဆိုရင် ယာဉ်လိုင်းဖျက်သိမ်းတယ်ဆိုတာထက် စည်းကမ်းတင်းကျပ်ဖို့လိုတာပေါ့။ ကားသမားတွေ စည်းကမ်းရှိရှိမောင်းဖို့ လိုတာပေါ့။ မထသနဲ့ YBS ဆိုပြီးနာမည်ပြောင်းရုံနဲ့တော့ လူတွေက မပြောင်းသွားနိုင်ဘူးလေ။ ကားတွေကျော်တက်ပြီးမောင်းမယ်ဆိုတာ ထက် စနစ်တကျမောင်းမယ်၊ သွားမယ်ဆိုရင် အများပြည်သူတွေအ တွက် လုံခြုံစိတ်ချရတဲ့ ယာဉ်လိုင်းဖြစ်လာမှာပါ။

ဒေါက်တာကျော်မင်းဦး (ကထိက၊ စိတ်ပညာဌာန၊ ဒဂုံတက္ကသိုလ်)

အခုယာဉ်တိုက်မှုဖြစ်စဉ်မှာ အဖွဲ့အစည်းတစ်ခု၊ လူတစ်ဦးတစ် ယောက်ကိုပဲ လက်ညှိုးထိုးအပြစ်ပြောလို့မရပါဘူး။ စနစ်တစ်ခုကိုလုပ် ဆောင်တဲ့အခါမှာ သက်ဆိုင်ရာအဖွဲ့အစည်းအဆင့်ဆင့်က တာဝန်ယူ လုပ်ဆောင်ရတဲ့အတွက်ကြောင့်ဖြစ်ပါတယ်။ YBS (၅၅)ယာဉ်လိုင်းကို လုံးဝဖျက်သိမ်းလိုက်ခြင်းက လတ်တလောဖြေရှင်းနည်းဖြစ်ပြီး ရေရှည် အတွက်တော့ မထိရောက်နိုင်ပါဘူး။ ယာဉ်မောင်းလစာပေးစနစ်နဲ့ ယာဉ်စီးခကတ်စနစ်တို့ကို တစ်ပြေးညီကျင့်သုံးမယ်ဆိုရင် ယာဉ်အချင်း ချင်းလည်း လုမောင်းစရာမလိုတော့ပါဘူး။ ခရီးသွားပြည်သူတွေရဲ့ အသက်အန္တရာယ်နဲ့လုံခြုံစိတ်ချစေရေးအတွက် YBS ယာဉ်လိုင်းတွေနဲ့ ပတ်သက်ပြီးရန်ကုန်တိုင်းယာဉ်လိုင်းကြီးကြပ်တဲ့အဖွဲ့ကစည်းမျဉ်းဥပဒေ တွေကို ရှင်းရှင်းလင်းလင်းချမှတ်ပြီး ဖောက်ဖျက်တဲ့ယာဉ်လိုင်းတွေကို ထိထိရောက်ရောက်အရေးယူဖို့လိုအပ်ပါတယ်။ ယာဉ်ထိန်းရဲတွေက လည်း လမ်းပေါ်စည်းကမ်းဖောက်တဲ့ယာဉ်တွေကို တိတိကျကျအရေးယူရပါမယ်။ သက်ဆိုင်ရာယာဉ်လိုင်းပိုင်ကုမ္ပဏီတွေကလည်း ယာဉ် မောင်းခန့်တဲ့နေရာမှာ ကျွမ်းကျင်မှုရှိပြီး ယာဉ်မောင်းသူရဲ့ စိတ်ပိုင်းဆိုင် ရာအခြေအနေကို (Psychological Test) စစ်ပြီး ခန့်အပ်သင့်ပါတယ်။ ယာဉ်နဲ့ပတ်သက်ပြီး လုံခြုံရေးနဲ့ယာဉ်ကြံ့ခိုင်မှုနဲ့ယာဉ်မောင်းတွေရဲ့ စည်းကမ်းလိုက်နာမှုတွေကို အမြဲတမ်းစစ်ဆေးကြပ်မတ်နေဖို့လိုပါတယ်။ ဒီလိုလုပ်ဆောင်တဲ့အခါမှာ မထသက YBS အမည်ပြောင်းရုံ သက်သက်မဟုတ်ဘဲ ခရီးသွားပြည်သူတွေကို အကောင်းဆုံးဝန်ဆောင် မှုပေးနိုင်ဖို့နဲ့ လိုအပ်ချက်တွေကို အမြဲဖြည့်ဆည်းပေးနိုင်ဖို့ အမြဲတမ်းကြိုတင်ဆောင်ရွက်သင့်ပါတယ်။

ထက်ဝေယံဦး (နည်းပညာတက္ကသိုလ်(မှော်ဘီ)နောက်ဆုံးနှစ်)

ဒီကိစ္စမှာ ဒီကားရဲ့ယာဉ်မောင်းမှာရော၊ ပိုင်ရှင်မှာရော အဓိက တာဝန်ရှိတယ်လို့ ထင်ပါတယ်။ နောက်နောင်ဒါမျိုးမဖြစ်အောင် လုပ်ရ မှာပေါ့။ အခု (၅၅)ယာဉ်လိုင်းကိုလည်း ပိတ်သိမ်းလိုက်ပြီပြောတယ်။ ကုမ္ပဏီစနစ်ကိုသွားမယ်လည်းပြောတယ်။ အဲဒီအတိုင်းအမှန်တကယ် လုပ်နိုင်ရင်ကောင်းပါတယ်။ ဒရိုင်ဘာတွေကိုလည်း လစာပေးမယ်။ ငွေ ပေးချေမှုကိုလည်း ပိုက်ဆံပုံးနဲ့ဖြစ်ဖြစ်သိမ်းမယ်ဆိုရင် လုမောင်းတာတွေ အထိုက်အလျောက်လျော့ပါးသွားမယ်လို့ထင်ပါတယ်။ ရန်ကုန်တိုင်း တစ်တိုင်းလုံးအနေနဲ့ အများပိုင်ယာဉ်လိုင်းစနစ်ကို စနစ်တကျတကယ် သွားဖို့လိုတယ်။ လုယက်မောင်းတဲ့စည်းကမ်းမဲ့တာမျိုးတွေကို အရေးယူဖို့လိုတယ်။

ဦးစိုးဝင်း (တိုင်းရင်းသားစည်းလုံးညီညွတ်ရေးပါတီ-ဗဟိုကော်မတီဝင်) (လမ်းမတော် ၂- တိုင်းဒေသကြီးလွှတ်တော်ကိုယ်စားလှယ်ဟောင်း)

လျော့ရိလျော့ရဲလုပ်ကိုင်စေတဲ့ ဂေဟစနစ်ကြီးတစ်ခုလုံးမှာလည်း အပြစ်မကင်းဘူးလို့ဆိုရမှာပါ။ သေဆုံးသွားသူတွေနဲ့ပတ်သက်ပြီး ယာဉ် ပိုင်ရှင်နဲ့ ယာဉ်လိုင်းကနေ လူမှုရေးအရထောက်ပံ့ကူညီသင့်ပါတယ်။ အဲဒီလို လူမှုရေးအရ ကူညီတာမျိုးမဟုတ်ဘဲ ဒီကိစ္စကိုအကြောင်းပြုပြီး နောက်နောင် ဘယ်တော့မှဒီလိုမဖြစ်အောင် စီမံဆောင်ရွက်ပေးခြင်းဟာ အကောင်းဆုံးတာဝန်ယူမှုလို့မြင်ပါတယ်။ YBS (၅၅) ဖျက်သိမ်းအရေးယူ ရုံလောက်နဲ့တော့ ပြဿနာဖြေရှင်းရာမှာထိရောက်မယ်လို့ မမြင်ပါဘူး။ အမှန်တော့ ဒီထက်စည်းကမ်းပိုမိုတင်းကျပ်မှုမျိုးလုပ်ရမှာပါ။ စီမံခန့်ခွဲမှုပိုင်းလည်း ပြုပြင်သင့်တာကို ပြုပြင် ရပါမယ်။ လိုအပ်ရင် ဥပဒေမှာ ပြစ်မှုပြစ်ဒဏ်တွေ ပြင်ဆင်ရမယ်။ နည်းဥပဒေမှာ အသေးစိတ်စည်းကမ်း သတ်မှတ်ချက်တွေ ထည့်ရမယ်။ ပုဂ္ဂလိကလုပ်ငန်းရှင်များကို ပုတ်ပြတ် ပေးစနစ်မျိုးခွင့်မပြုတဲ့အချက်တွေ ထည့်သွင်းသင့်ပါတယ်။ အခုဟာက ဂိတ်မှာထိုင်နေတဲ့ ယာဉ်ကြီးကြပ်တွေကလည်း ရှေ့ကားဘယ်အချိန်က ထွက်သွားတယ်ဆိုတာမျိုးပဲပြောနေတော့ ယာဉ်ပြိုင်မောင်းခိုင်းသလိုဖြစ်နေပါတယ်။ မထသနဲ့အတူတူလိုဖြစ် နေတယ်။ ရန်ကုန်မြို့တွင်း သယ်ယူပို့ဆောင်ရေးစနစ်ကိုခရီးသွားပြည်သူတွေ အသက်အန္တရာယ်လုံခြုံ စိတ်ချ စေရေး စီမံဆောင်ရွက်သင့်တာက လွှတ်တော်ကိုယ်စားလှယ် များ၊ ယာဉ်ပြေးဆွဲမှုဆိုင်ရာ ဌာနဆိုင်ရာများ၊ ပညာရှင်များအားလုံးစုပေါင်းအဖြေရှာရင် ပိုပြီးအောင်မြင်မယ်ထင်ပါတယ်။ ယာဉ်တိုက်မှုနဲ့ ပတ်သက်ပြီး ဖေ့စ်ဘွတ်ခ်ပေါ်မှာတော့ အစိုးရပိုင်းကို အများကြီးအပြစ်တင်ဝေဖန်နေတာတွေတွေ့ရပါတယ်။ ကျွန်တော့် အမြင်ကတော့ အဓိကတာဝန်ရှိသူက ယာဉ်မောင်းနဲ့ယာဉ်နောက်လိုက်ပါပဲ။ ယာဉ်ရဲ့ကြံ့ခိုင်မှုကိုကားသိမ်းချိန်နဲ့ ကားမထွက်ခင်မှာ အမြဲစစ်ဆေးရပါတယ်။ ပြင်ဆင်ဖို့လိုအပ်ရင် ကားမထွက်ဘဲ ပြည့်စုံအောင် ပြင်ဆင်ရပါတယ်။

ကိုတိုးဝေလင်း (ယာဉ်တိုက်မှုတွင် ထိခိုက်ဒဏ်ရာရရှိသူ)

ကားချင်းတိုက်မိတော့ ကျွန်တော့်ခြေထောက်နှစ်ဖက်စလုံးကျိုး တယ်။ ဘယ်လက်က ကျိုးပြီး အရိုးတောင်ထွက်သွားတယ်။ (၃၇) YBS မှာ နောက်ခြောက်ယောက်တန်းမှာ ထိုင်စီးတာပါ။ ရွှေတိဂုံဘုရားမှာ ပန်းတွေပို့ပြီးပြန်လာတာပါ။ ကားတိုက်မှုဖြစ်တော့ ကျွန်တော့်မှာ ပါလာ တဲ့ပိုက်ဆံသုံးသိန်းကျော်နဲ့ ဖုန်းနှစ်လုံးပျောက်သွားတယ်။ အခုလိုလူတွေ ဒုက္ခရောက်နေချိန်မှာ သူများပစ္စည်းယူတာတော့ မကောင်းပါဘူး။ ကျွန် တော်တို့မှာ ဒဏ်ရာကလည်း ရသေးတယ်။ ကိုယ်ရှာထားတဲ့ဈေးရင်း လေးလည်း ပျောက်သွားတော့ စိတ်မကောင်းဘူး။ ကားသမားတွေကို တော့ သတ်မှတ်စည်းကမ်းအတိုင်း မောင်းကြပါလို့ပြောချင်ပါတယ်။ အခုလိုဖြစ်ပြီးမှတော့ ဘယ်သူ့ကိုမှ အပြစ်မတင်ချင်ပေမယ့် ကျွန်တော့်ခြေထောက်တွေ အရင်လိုပြန်ကောင်းပါ့မလားတော့ စိုးရိမ်မိပါတယ်။

မခေါန်ဆိုင်းဂျာ (အင်းစိန်)

ယာဉ်မောင်းတွေက သတ်မှတ်နှုန်းအတိုင်းဆိုတာထက် ပိုပြီးဂရုတ စိုက်နဲ့မောင်းပေးရင် ပိုကောင်းမယ်ထင်ပါတယ်။ နေ့စဉ်သွားနေရတဲ့ လူတွေရဲ့အသက်တွေက သူတို့အပေါ်မူတည်နေတယ်။ အဓိကကတော့ မြို့ထဲစည်တဲ့နေရာတွေမဟုတ်တော့ရင် ကားတွေက အရမ်းမောင်း တယ်။ ဒီရက်ပိုင်းဖြစ်သွားတဲ့ YBS ယာဉ်တိုက်မှုက စိတ်မကောင်းစရာ ပါ။ ဒါဟာ ယူတတ်ရင်သင်ခန်းစာပါ။ ကားပိုင်ရှင်တွေက ကားတွေကို အာမခံထား၊ မထားတော့ မသိဘူးလေ။ သာမန်ပြည်သူတွေမှာ အသက် အာမခံထားတာမျိုးတော့ သိပ်မရှိဘူးပေါ့။ အဲဒီတော့ သက်ဆိုင်ရာက အကောင်းဆုံးအဆင်ပြေအောင်လုပ်ပေးနိုင်ရင် ကောင်းမယ်ထင်တယ်။ လူ့အသက်တွေက အစားထိုးလို့မရ တော့ပေမယ့် နောက်ထပ်မဖြစ်အောင်တော့ တားဆီးလို့၊ ကာကွယ်လို့တော့ရမယ်လေ။

ဦးရဲမိုးဟိန်း (ယာဉ်မောင်း)

ကိစ္စတစ်ခုဖြစ်ရင် ဘယ်သူ့မှာ တာဝန်ရှိသလဲဆိုတာကို တရားခံ ဖော်ပေးရတာ ကျွန်တော်တို့ရဲ့ လူ့အဖွဲ့အစည်းမှာ အင်မတန်မှရုပ်ဆိုး တဲ့ ဖြစ်ရပ်တစ်ခုလို့ပဲ သုံးသပ်မိပါတယ်။ နောက်ပြီး သက်ဆိုင်ရာတာဝန် ရှိသူကိုယ်တိုင်က ဘယ်ယာဉ်လိုင်းက ကိုယ်ရကိုယ်ယူဖြစ်တယ်၊ ဘယ် ယာဉ်လိုင်းက အများပိုင်ဖြစ်တယ်။ သတိပေးလိုက်ပါတယ်ဆိုတဲ့စကား ကလည်း ပုံမကျဘူးလို့တဲ့(ဒဲ့)ဝေဖန်ပါတယ်။ ယာဉ်အိုယာဉ်ဟောင်းဖြစ် စေ၊ ယာဉ်သစ်ဖြစ်စေ ပြုပြင်ထိန်းသိမ်းမှု၊ မှတ်တမ်းစည်းကမ်းအတိုင်း လိုက်နာစေရမှာဖြစ်ပါတယ်။ ခရီးသည်တင်ယာဉ်အများစုကြံ့ခိုင်ရေးစစ်ဆေးပြုပြင်စေမှုနဲ့ပတ်သက်လို့ ယာဉ်ပိုင်ရှင်၊ ယာဉ်မောင်း၊ ယာဉ် နောက်လိုက်နဲ့ယာဉ်လိုင်းအုပ်ချုပ်သူများ အားလုံးလေးလတစ်ကြိမ်ခန့် စစ်ဆေးသင့် ပါတယ်။ မပျက်မချင်း လမ်းပေါ်နင်းကိစ္စဟာပြောင်းလဲချိန် တန်ပြီလို့ အကြံပြုလိုပါတယ်။ YBS ရဲ့ခရီးစဉ်ပြေးဆွဲမှုပုံစံ၊ ယာဉ်လိုင်းဝန်ထမ်းများ၊ ယာဉ်မောင်းရဲ့ ယာဉ်စည်းကမ်း၊ လမ်းစည်းကမ်းလိုက်နာ ဆောင်ရွက်မှုအမှားနဲ့ မော်တော်ယာဉ်ရဲ့စက်ပိုင်းဆိုင်ရာ ချွတ် ယွင်းမှု၊ ကြံ့ခိုင်မှုစစ်ဆေးဖို့ အားနည်းမှုနှစ်ပိုင်းစလုံးဟာ သက်ဆိုင်ရာတာဝန်ရှိ အကြီးအကဲတို့အဆင့်ဆင့် တာဝန်ခံမှု၊ တာဝန်ယူမှုပျက်ကွက်လို့ဆိုတာ ငြင်းလို့မရပါဘူး။ (၅၅) ယာဉ်လိုင်းပိတ်သိမ်းတယ်ဆိုတာက အရေးယူ မှု၊ အပြစ်ပေးမှုဆိုရင် မတရားပါဘူး။ (၅၅)ယာဉ်လိုင်းမှာ မဆိုင်တဲ့ယာဉ်ပိုင်ရှင်၊ ယာဉ်မောင်း၊ ယာဉ်နောက်လိုက်တွေ အားလုံးသာတကယ်တာဝန်ယူကြေးဆိုရင် လမ်းပန်းဆက်သွယ်ရေးဝန်ကြီးပါ တာဝန်ယူနုတ်ထွက်သင့်ပါတယ်လို့ ဖြေကြားလိုပါတယ်။

Top News