အက်စ်တိုးနီးယားသမ္မတ ကတ်စတီကာယူလိုင်းနှင့် တွေ့ဆုံခြင်း

‘‘ဗြိတိန်ဟာ ကျွန်မတို့ရဲ့ လက်တွဲဖော်မဟာမိတ်အဖြစ် ဆက်ရှိနေမှာပါ’’

အဖွဲ့ဝင် ၂၈ နိုင်ငံပါဝင်တဲ့ ဥရော ပသမဂ္ဂ(အီးယူ)ဟာ လက်ရှိအချိန် ထိ ဖြစ်ပွားနေတဲ့ ရွှေ့ပြောင်းနေ ထိုင်မှုပြဿနာ၊ ဗြိတိန်ထွက်ခွာမှု နဲ့ တစ်ခါပြန်လှုပ်ရှားလာတဲ့ ရုရှား စတဲ့ ကြီးမားတဲ့ စိန်ခေါ်မှုအတော် များများနဲ့ ရင်ဆိုင်နေရပါတယ်။


ဘော်လ်တစ်ဒေသနိုင်ငံဖြစ် တဲ့ အက်စ်တိုးနီးယားဟာ လာမယ့် ခြောက်လတာအတွက် အီးယူ ဥက္ကဋ္ဌနေရာကို ရယူပါလိမ့်မယ်။ ပြီးခဲ့တဲ့နှစ် အောက်တိုဘာက အက်စ်တိုးနီးယားနိုင်ငံ ခေါင်း ဆောင်နေရာကို ရယူခဲ့တဲ့ သမ္မတကတ်စတီကာယူလိုင်းကို Euro-news သတင်းဌာနက တဲလ်လင်မြို့မှာ တွေ့ဆုံမေးမြန်းထားပါ တယ်။

အက်စ်တိုနီးယားသမ္မတ ကတ်စ တီယာယူလိုင်း ကြိုဆိုပါတယ်။

ကျေးဇူးတင်ပါတယ်။

အီတလီအစိုးရက အီတလီကမဟုတ်တဲ့ လူသားချင်းစာနာ ထောက်ထားမှုအကူအညီပေး သင်္ဘောတွေအတွက် သူတုိ့ရဲ့ ဆိပ်ကမ်းတွေကို  ပိတ်ပစ်မယ်လို့ ခြိမ်းခြောက်ထားပါတယ်။ အဲဒါ ကို ရှင်ဘယ်လိုတုံ့ပြန်မလဲဆိုတဲ့ မေးခွန်းနဲ့ စမေးချင်ပါတယ်။ ရှင်ဟာ အီးယူဥက္ကဋ္ဌရာထူးကို ရယူတော့မယ်အချိန်မှာ ရွှေ့ပြောင်းနေထိုင်မှုဟာ တကယ်ပဲ ထိပ်တန်း ကိစ္စတစ်ခု ဖြစ်နေပါတယ်။

တချို့နိုင်ငံတွေက သူတို့ ဘယ်အပိုင်းကိုမှ လက်ခံမှာ မဟုတ်ဘူးလို့ပြောဆိုနေကြတဲ့ ဒီ အခြေအနေကို ကျွန်မတုိ့ ချိုးဖျက် ပစ်ဖို့လိုအပ်ပါတယ်။ သူတို့က လုံးဝတာဝန်ယူကြမှာ မဟုတ်ဘူး။ ပြီး တော့ ဒီဝန်ထုပ်ဝန်ပိုးကို ထမ်းနေရတဲ့ တခြားနိုင်ငံတွေရှိနေတယ်။ ဒီအခြေအနေကို ကျွန်မတုိ့ ချိုး ဖျက်ပစ်ဖို့လိုတယ်။ စဉ်းစားတွေးတောတာ မတူညီဖြစ်နေတဲ့ နှစ် ဖက်ကို ကျွန်မတုိ့ ပေါင်းစပ်ပေးဖို့ လိုပါတယ်။

ပြီးတော့ အဲဒီမှာ မတူညီတဲ့ အပြုအမူတွေရှိနေတယ်။ အားလုံး ခြုံလိုက်ရင် အီးယူဟာ သူ့ရဲ့ သဘောသဘာဝကြောင့် အတော် အားကောင်းတဲ့ ပြန်လည်ဖြန့်ဖြူး သူဖြစ်နေလို့ပဲ။ နိုင်ငံတွေပါဝင် နေတဲ့ ခက်ခဲတဲ့ အနေအထားတွေ ကို သူတို့ ပိုကောင်းအောင်၊ ဖြေ ရှင်းနိုင်အောင်လို့ အီးယူက အဲဒီ နိုင်ငံတွေကြားမှာ ရင်းမြစ်တွေကို ပြန်ပြီး ဖြန့်ဖြူးပေးနေတယ်။ ဖြစ် နိုင်ခြေရှိတဲ့ နည်းလမ်းအားလုံးကို  ကျွန်မတို့ လေ့လာဖို့လိုမယ်ထင် တယ်။ ခိုလှုံခွင့်တောင်းဆိုခွင့်ရှိတဲ့ လူတွေ ဥရောပကို လာတဲ့အခါ သူတို့သွားဖုိ့ သဘောကျတဲ့နေရာ တချို့ရှိတယ်ဆိုတဲ့ဟာကိုလည်း ကျွန်မတို့နားလည်ထားဖို့လိုပါ တယ်။ ကျွန်မတို့ အဲဒီအခြေအနေ ကိုလည်း ဆွေးနွေးဖြေရှင်းရပါ မယ်။

လူတွေဟာ သူတို့လွတ်လွတ် လပ်လပ်သွားလာနိုင်လို့ တကယ် ပဲ ဥရောပတစ်ဝန်းမှာ သွားလာနေ ကြတာပါ။ အနာဂတ်မှာ သူတို့ဝင် ငွေပမာဏမြင့်မားနိုင်ခြေရှိတဲ့ နေ ရာတွေဆီ လူတွေသွားပြီးတော့ အဲဒါဟာ လူ့သဘာဝပဲလေ။ အဲဒါ ဟာ အရမ်းကို နားလည်နိုင်တဲ့ အ နေအထားတစ်ခုပါ။ ဘာလို့လဲဆို တော့ အရာအားလုံးကို ရှင်ဆုံးရှုံး လိုက်ရပြီဆိုရင်၊ ကိုယ့်အိမ်ကို ဆုံး ရှုံးလိုက်ရပြီးပြီဆိုရင် ကိုယ်နဲ့ ကိုယ့်မိသားစုအတွက် အကောင်းဆုံး အခြေအနေတွေရဖို့ ကြိုးစားကြမှာပဲလေ။ ဝင်ငွေအလယ်အလတ်ရှိ တဲ့ နိုင်ငံတွေဆီမှာ အခက်အခဲ တွေနဲ့ ရင်ဆိုင်နေကြရတယ်။ အဲဒီ ကိစ္စတွေကိုလည်း ကျွန်မတို့ ဆွေး နွေးဖို့လိုပါတယ်။

ကတိပေးထားတဲ့အတိုင်း ကောင်း အောင် မလုပ်တဲ့ အဲဒီနိုင်ငံတွေကို ကိုယ့်ဘက်ပါလာအောင် လုပ်ဖို့ ဖြစ်နိုင်ခြေရှိတဲ့ နည်းလမ်းတွေနဲ့ ပတ်သက်လို့ ရှင်ပြောခဲ့တယ်။  ရှင်ပြောနေတာ ဘယ်လိုမျိုးနည်း လမ်းတွေဖြစ်နိုင်လဲ။

တခြားနိုင်ငံတွေက လာတဲ့ လူတွေကို၊ လက်ခံဖို့ အသင့်ပြင် ထားတဲ့ နိုင်ငံတွေကို ဘဏ္ဍာရေး အရ အကူအညီပိုပေးဖို့ ဖြစ်နိုင်ခြေ ကို ကျွန်မစဉ်းစားနေပါတယ်။ တ ခြားတစ်ဖက်မှာ မေးခွန်းတွေနဲ့ ရင်  ဆိုင်ကြရမယ့် အဲဒီနိုင်ငံတွေရဲ့ အစိုးရတွေအတွက် လူ့ကျင့်ဝတ် နဲ့ဆိုင်တဲ့ အခက်အခဲတွေဖန်တီး လို့မရပါဘူး။

သူတို့က ခိုလှုံခွင့်ရဖို့ ကြိုးစား တဲ့ လူတွေ။ သူတို့ဒီမှာ အခြေချ နေကြမှာ။ အဲဒီလူတွေကို ကိုယ့် နိုင်ငံက ဆင်းရဲသားတွေထက် ပိုကောင်းတဲ့ အကူအညီပေးရမှာ လေ။ အဲဒီအချက်တွေအားလုံးကို တင်ပြပြီး ကျွန်မတို့ ဆွေးနွေးဖြေ ရှင်းဖို့ လိုပါတယ်။ ဒါပေမဲ့ အဲ ဒါက သူ့ဟာသူ ပြေလည်သွားမယ့်အနေအထားတစ်ခုမဟုတ်ဘူး။ ယုံကြည်မှု ကောင်းကောင်းလို အပ်ပါတယ်။

သမ္မတထရန့် သူဟာ . . . ဟက် ဟက်ပက်ပက်မရှိဘူးလို့ပဲ ပြောရ အောင်။ နေတိုးအဖွဲ့အတွက် သူ့ ရဲ့ ကတိတွေနဲ့ ပတ်သက်လို့ပေါ့။ အဲဒီနေတိုးမဟာမိတ်အဖွဲ့နောက် မှာ သူအပြည့်အဝပါဝင်နေတယ် လို့ ရှင်ဘယ်လိုယုံကြည်ထားလဲ။

သူက တွစ်တာမှာ ပြောဆို တတ်တယ်။ သူ့စကားတွေဟာ ကျွန်မတို့ မျှော်လင့်ထားသလို (ဒါမှမဟုတ်) မျှော်မှန်းထားသလို အတိအကျဖြစ်မလာနိုင်ပါဘူး။

ဒါပေမဲ့ တွစ်တာလောက အပြင်ဘက်ကို ကြည့်မယ်ဆိုရင်၊ အစိုးရအဖွဲ့တစ်ဖွဲ့လုံးရဲ့ မူဝါဒကို ကြည့်မယ်ဆိုရင် လုံးဝခိုင်မာမှုရှိ ပါတယ်။ လာမယ့် ခြောက်လတာ လုံးအတွက် အဲဒီမူဝါဒဟာ အခုလို ပဲ ခိုင်မာနေမယ်ဆိုတာ ကျွန်မလုံးဝ သံသယမရှိပါဘူး။ ဒီဒေသတစ် ဝန်းမှာရှိတဲ့ ကျွန်မရဲ့ လုပ်ဖော် ကိုင်ဖက်တွေနဲ့ ကျွန်မတုိ့ရရှိထား တဲ့ သတင်းစကားတွေဟာ လုံးဝ အတူတူပါပဲ။ အားလျှော့သွားတာ မရှိပါဘူး။ 

အားလျှော့သွားတာမျိုး လုံးဝမရှိ ဘူး။ ပြီးတော့ ရှင်သိလား၊ ကြို ပြောလို့မရနိုင်တဲ့ အိမ်နီးချင်း နိုင်ငံတစ်ခုရှိနေတာဟာ ကြောက် ရွံ့နေနေမယ်လို့ မဆိုလိုဘူး။ ကြို တင်ပြင်ဆင်ထားလို့ ကျွန်မတို့လုံ ခြုံတယ်လို့ ခံစားရတယ်။ ကျွန်မ တို့ဟာ တကယ်လို့ဆိုရင်ကောလို့ တွေးပြီးတော့ နေတိုင်း ဖြေရှင်းနေ တာ မဟုတ်ဘူး။

ကျွန်မတို့ဟာ နေတိုးအဖွဲ့ကို အမှန်တကယ်ယုံကြည်တယ်။ ကျွန်မတို့ရဲ့ မဟာမိတ်တွေကို ကျွန်မတို့တကယ်ယုံကြည်တယ်။  ပြီးတော့ ကျွန်မတို့မှာ ကျွန်မတို့ရဲ့ဒီမိုကရက်တစ်တန်ဖိုးထားမှုတွေ အပေါ် အခြေခံထားတဲ့ မဟာ မိတ်အဖွဲ့ နေတိုးရှိနေတယ်။ နိုင်ငံတကာလုံခြုံရေးအဆောက်အအုံ ပေါ်မှာ အခြေခံထားတယ်။ နိုင်ငံတကာစာချုပ်တွေ၊ သဘောတူညီမှုတွေပေါ်က ကျွန်မတို့ရဲ့ လက်မှတ်တွေကို ကျွန်မတို့အားလုံး လေးစားကြတယ်။ တကယ်တော့ တစ်နိုင်ငံရှိပါတယ်။ ကျွန်မတို့ရဲ့ အိမ်နီးချင်း၊ ကံမကောင်းတာက ဒီအခိုက်အတန့်မှာ အဲဒီနိုင်ငံဟာ နိုင်ငံတကာသဘောတူညီမှု တွေပေါ်က သူထိုးထားတဲ့ လက်မှတ်တွေကို မလေးစားဘူးဖြစ်နေ တယ်။

ရုရှားမှာ သူတို့ရဲ့ အနောက်ဘက် ခြမ်းမှာ တပ်ဖွဲ့ဝင်သုံးသိန်း လောက်ချထားပါတယ်။ မစ္စတာ ပူတင်ရဲ့ ရည်ရွယ်ချက်တွေ ဘာ ဖြစ်မယ်လို့ ရှင်ထင်လဲ။

မစ္စတာပူတင်ဟာ ဂျော်ဂျီ ယာစစ်ပွဲမတိုင်ခင်နဲ့ ဖြစ်ပြီးနောက် မှာ တကယ်လုပ်နေတာ ပြန်ညှိနှိုင်းဖုိ့ပဲဖြစ်တယ်။ ကျွန်မတို့ ပြောဆို နေကြတဲ့ ဒီကိစ္စကို အသေအချာ ပြောစီစဉ်ဖို့ ဟယ်ဆင်ကီးနောက် ဆုံးအက်ဥပဒေအရ တည်ဆောက် ထားတဲ့ နိုင်ငံတကာလုံခြုံရေး တည်ဆောက်ပုံကို ပြန်စီစဉ်ဖို့ လုပ်နေတာ။ အဲဒီအက်ဥပဒေက နိုင်ငံ တိုင်းဟာ သူတို့လက်တွဲအလုပ် လုပ်နေတဲ့ နိုင်ငံနဲ့အတူ ဆုံးဖြတ် ပိုင်ခွင့်ရှိတယ်။ သူတို့ကိုယ်တိုင် တွဲလုပ်နေသူတွေနဲ့ ဆုံးဖြတ်ခွင့် ရှိတယ်လို့ ဆိုထားတယ်။ ဒါက သူနဲ့ မကိုက်ညီဘူး။ သူက အဲဒါကို ပြောင်းလဲပစ်ဖို့ ကြိုးစားနေတယ်။

ဂျော်ဂျီယာမှာ အနောက် ကမ္ဘာဟာ သူတို့သင်ခန်းစာအမှား ကို သင်ပေးနေတာကို မသိခဲ့လို့ အမှားတစ်ခု လုပ်မိခဲ့တယ်လို့ ကျွန်မယုံကြည်တယ။် မက်ဗီဒက်ဖ်သမ္မတဖြစ်တုန်းက အရင်ကပြန် ညှိနှိုင်းဖို့ ကြိုးစားခဲ့တယ်။ အဲဒါ ဟာ အလုပ်မဖြစ်ခဲ့ဘူး။ ဒါပေမဲ့ အဲဒီတုန်းက ဂျော်ဂျီယာမှာ ရုရှား က လုပ်မယ်ဆိုရင် တုံ့ပြန်တာ တွေဟာ ပြင်းထန်မှာမဟုတ်ဘူး ဆိုတာကို သိသွားခဲ့တယ်။ ပြီး တော့ ခရိုင်းမီးယားဒေသကို အဲဒီ လိုမမျှော်လင့်ထားတာတွေ ဖြစ် လာခဲ့တယ်။ ပြီးတော့ ကျွန်မထင် တာ အဲဒါရဲ့ နောက်ကွယ်မှာ ဘာ ရှိတယ်ဆိုတာ၊ လူတိုင်းနားလည် တယ်ဆိုတာ ကျွန်မအသေအချာ သိတယ်။ အဲဒါဟာ ကျွန်မတို့ရဲ့ နိုင်ငံတကာလုံခြုံရေးအဆောက် အအုံအတွက် ခြိမ်းခြောက်မှုတစ်ခု ပဲဖြစ်ပါတယ်။ နိုင်ငံတိုင်းရဲ့ ဆုံး ဖြတ်ပိုင်ခွင့်ကို ကာကွယ်ပေးဖို့ လိုပါတယ်။

ဥရောပသမဂ္ဂမှာ အားလုံးစည်းလုံး ညီညွတ်တယ်ဆိုတဲ့ စံနှုန်းကြောင့် ဒီစည်းလုံးမှုကိစ္စကို လေ့လာချင် ပါတယ်။ ယူကရိန်းကိစ္စနဲ့ ပတ် သက်လို့ ရုရှားအပေါ် တားဆီး ပိတ်ဆို့ထားတာတွေ နောက်ထပ်  ဆက်ရှိနေအောင် သက်တမ်းတိုး တာကို တကယ်ပဲမြင်တွေ့ခဲ့ရပါ တယ်။ ဒါပေမဲ့ တခြားသဘော ထားကွဲလွဲတာတွေလည်း အများ ကြီးရှိနေပါတယ်။ နော့ဒ်စထရိမ်း -၂ ပိုက်လိုင်းဖြစ်ရပ်ကို ဥပမာယူ ပါ။ ပြီးခဲ့တဲ့ ရက်အနည်းငယ်က အဲဒီကိစ္စကို ဘရပ်ဆဲလ်မှာ ဆန့် ကျင်ပြောဆိုတဲ့ နိုင်ငံ ၁၃ နိုင်ငံရှိခဲ့ တယ်။ ဒါပေမဲ့ ဂျာမနီနဲ့ ပြင်သစ် က အဲဒါကို အပြည့်အဝထောက်ခံ ပုံရပါတယ်။ ရှင်အဲဒါကို ဘယ်လို သဘောရလဲ။

သဘာဝဓာတ်ငွေ့ဟာ ဘယ် လိုပဲဖြစ်ဖြစ် သူ့ရဲ့ အရေးပါမှုကို ဆုံးရှုံးလိုက်ရပြီ။ ဂက်စ်ပိုက်လိုင်း တွေကြောင့် ဘယ်သူ့ကိုမှ ဓားစာခံ တွေအနေနဲ့ ဖမ်းလို့မရဘူး။ တ ကယ်ပဲ အဲဒါဟာ သူတို့ပိုက်လိုင်း  တွေကို အသုံးပြုလို့ ဝင်ငွေအများ ကြီးရစေမယ်ဆိုပြီး ဘယ်သူ့ကိုမှ အာမခံလို့ မရဘူးလို့ ဆိုလိုတာ။ ပြီးတော့ အဲဒီကိစ္စက ကျွန်မတို့ကို ယူကရိန်းနဲ့ ပတ်သက်တဲ့ မေးခွန်း ဆီကို ရောက်လာစေတယ်။ အဲဒီ ပိုက်လိုင်းကြီးရှိသည်ဖြစ်စေ၊ မရှိ သည်ဖြစ်စေ ဥရောပတစ်ဝန်းလုံး မှာ ဓာတ်ငွေ့ပေးပို့ဖို့ တခြားနည်း လမ်းတွေ အများကြီးရှိပါလိမ့် မယ်။ နည်းပညာဟာ အရမ်းကို အလျင်အမြန် ပြောင်းလဲနေပါ တယ်။ 

အီးယူကို ပြိုကွဲစေဖို့ ရည်ရွယ်ပြီး မစ္စတာပူတင်က ဂက်စ်နဲ့ စွမ်းအင် ကို အသုံးချနေတယ်လို့ ထင်လား။

ဥရောပဟာ မစည်းလုံးဘူး ဆိုတာကိုပြဖို့ သူဟာ အက် ကြောင်းတိုင်ကို ပိုပြီးကွဲပြဲအောင် သပ်လျှိုဖို့ ကြိုးစားနေတာ အသေ အချာပါပဲ။

ဗြိတိန်ဝန်ကြီးချုပ် ထရီဆာမေက နိုင်ငံသားဖြစ်ခွင့်ကမ်းလှမ်းထား ပါတယ်။ ဗြိတိန်နိုင်ငံမှာ နေနေတဲ့ အက်စ်တိုးနီးယား နိုင်ငံသား ၁၀,၀၀၀ လောက်ရှိမယ်လို့ ကျွန်မ ထင်ပါတယ်။ သူကမ်းလှမ်းထား တာဟာ လုံလောက်မှုရှိတယ်လို့ ရှင်ထင်လား။

သူတို့ရဲ့ အခွင့်အရေးတွေကို ကာကွယ်ပေးဖုိ့ ဗြိတိန်အပေါ် ကျွန်မတို့ ယုံကြည်လို့ ရတယ်ဆို တာကို ကျွန်မအသေအချာသိပါ တယ်။ အဲဒီလိုဖြစ်ဖို့ မျှော်လင့်ပါ တယ်။

အဲဒါဘယ်လိုမျိုးပြီးသွားနိုင်လဲ။

ဗြိတိန်နိုင်ငံဟာ ဒီမိုကရေစီ နိုင်ငံတစ်ခု၊ လွတ်လပ်တဲ့ နိုင်ငံ တစ်ခုဖြစ်ပြီး ကျွန်မတို့တန်ဖိုးထား တာတွေကိုလည်း သူတို့တန်ဖိုး ထားတဲ့ နိုင်ငံဖြစ်ပါတယ်။ အဲဒီ တန်ဖိုးထားမှုတွေဟာ ဥရောပမှာ ဆက်ရှိနေမှာပါ။ ဗြိတိန်ဟာ ဥရောပက ခွဲထွက်သွားရင်တောင်  ကျွန်မတို့ရဲ့ လက်တွဲဖော်နိုင်ငံ၊ မဟာမိတ်နိုင်ငံအဖြစ် ဆက်ရှိနေ မှာပါ။ အဲဒီဆွေးနွေးမှုတွေကနေ အဲဒီဆက်နွှယ်မှုတွေကို ပျက်ပြယ် သွားစေအောင် ကျွန်မတို့ဖြစ်ခွင့် ပေးမှာ မဟုတ်ပါဘူး။ အဲဒီလို ဥရောပမှာ ဘယ်သူမှ မရည်မှန်း ဘူးဆိုတာ ကျွန်မသေချာပြောနိုင် ပါတယ်။

ဗြိတိန်ခွဲထွက်မှုဖြစ်လာချိန်မှာ အရမ်းစိတ်ဝင်စားစရာတစ်ခုရှိ မယ်လို့ ရှင်ပြောခဲ့တယ်။ ဗြိတိန် ထွက်ခွာရေးကို ပြောင်းပြန်ပြန်လှန် ပစ်လို့ရတယ်။ အဲဒါဖြစ်မလာ နိုင်ဘူးထင်နေတဲ့ လူတချို့ ဘရပ် ဆဲလ်မှာရှိနေတုန်းပဲ။

အဲဒီလို ဖြစ်လာစေနိုင်ဖို့ ကျွန်မအများကြီး မျှော်လင့်ပါ တယ်။ ဒါပေမဲ့ ဒါဘယ်လိုဖြစ်နိုင်မယ်ဆိုတာ ကျွန်မမသိဘူး။  တကယ်ပဲ အီးယူက ဗြိတိန်ထွက် တာကို ကျွန်မမမြင်ချင်ပါဘူး။ ကျွန်မပြောခဲ့ပြီးသလိုပဲ ဗြိတိန် ပြည်သူတွေအတွက် ကျွန်မပိုဝမ်း နည်းရတယ်။ ဒါဟာ စီးပွားရေးအ ရတောင် တန်ဖိုးရှိတဲ့ ဆုံးဖြတ်ချက် တစ်ခုဖြစ်တယ်လို့ ကျွန်မမထင် ဘူး။            

—Ref:Euronews

Top News