ရခိုင်ပြည်နယ်လွှတ်တော်ဒုဥက္ကဋ္ဌအဖြစ် ရခိုင်အမျိုးသားပါတီမှ ဦးမြသန်းရွေးချယ်ခံရ

လွှတ်တော် ဒုဥက္ကဋ္ဌအဖြစ် ရွေးချယ်ခံရသော ဦးမြသန်းကို တွေ့ရစဉ် (ဓာတ်ပုံ − မောင်ကံ)

လစ်လပ်နေသော ရခိုင်ပြည်နယ်လွှတ်တော်ဒုဥက္ကဋ္ဌ နေရာကို ဇူလိုင် ၁၄ ရက်တွင် ကျင်းပသည့် ရခိုင်ပြည်နယ်လွှတ်တော်အစည်းအဝေး၌ မဲပေးရွေး ချယ်ခဲ့ရာ မြေပုံမဲဆန္ဒနယ် အမှတ် (၂)မှ ပြည်နယ်လွှတ်တော်ကိုယ် စားလှယ် ဦးမြသန်းက အနိုင်ရရှိ ခဲ့ကြောင်း သတင်းရရှိသည်။


ရခိုင်ပြည်နယ်လွှတ်တော် ဒု ဥက္ကဋ္ဌနေရာကို မြေပုံမဲဆန္ဒနယ် အမှတ်(၁) ပြည်နယ်လွှတ်တော် ကိုယ်စားလှယ် ဦးအောင်ဝင်း (ANP)၊ မြေပုံမဲဆန္ဒနယ်အမှတ် (၂) ပြည်နယ်လွှတ်တော်ကိုယ် စားလှယ်ဦးမြသန်း (ANP) နှင့် မာန်အောင်မဲဆန္ဒနယ်မှ ပြည်နယ် လွှတ်တော်ကိုယ်စားလှယ် ဦးဖိုး နွဲ့ (NLD)တို့ကို အမည်စာရင်း တင်သွင်းခဲ့ခြင်းဖြစ်သည်။

ရခိုင်ပြည်နယ်လွှတ်တော် ဒု ဥက္ကဋ္ဌအဖြစ် အမည်စာရင်းတင် သွင်းခံရသူ သုံးဦးအနက် ဦးမြ သန်းက ထောက်ခံမဲ ၁၉ မဲဖြင့် ရွေးချယ်ခံရကြောင်း ပြည်နယ် လွှတ်တော်ကိုယ်စားလှယ်ဦးခင် မောင်ဌေးက ပြောသည်။

‘‘ဆန္ဒမဲပေးသူ ၄၅ ဦး၊ ဦးမြ သန်းက ၁၉ မဲ၊ ဦးအောင်ဝင်းက ၁၇ မဲ၊ ဦးဖိုးနွဲ့က ခြောက်မဲ၊ ပယ် မဲ့ သုံးမဲနဲ့ ဦးမြသန်းရွေးချယ်ခံခဲ့ရ တာဖြစ်ပါတယ်’’ဟု ဦးခင်မောင် ဌေးက ပြောသည်။

ရခိုင်ပြည်နယ်လွှတ်တော် တွင် နေရာအများဆုံးအနိုင်ရရှိ ထားသည့် ရခိုင်အမျိုးသားပါတီ သည် ရခိုင်ပြည်နယ်လွှတ်တော် ဒုဥက္ကဋ္ဌနေရာကို မြေပုံမဲဆန္ဒနယ် အမှတ်(၁)မှ ပြည်နယ်လွှတ် တော် ကိုယ်စားလှယ်ဦးအောင် ၀င်းကို ပါတီတွင်း၌ ရွေးချယ်ခဲ့ သော်လည်း ပြည်နယ်လွှတ်တော် တွင် ဦးမြသန်းက ဦးအောင်ဝင်း ထက် နှစ်မဲအသာဖြင့် အနိုင်ရရှိခဲ့ ခြင်းဖြစ်သည်။

ပြည်နယ်လွှတ်တော်ဒုဥက္ကဋ္ဌ အဖြစ် ရွေးချယ်ခြင်းခံရသူ ဦးမြ သန်းက ဇူလိုင် ၁၄ ရက်တွင်လွှတ် တော်၌ ကျမ်းသစ္စာကျိန်ဆိုခဲ့ သည်။

‘‘လွှတ်တော်သက်တမ်းတစ် နှစ်ကျော်အတွင်းမှာ ကျွန်တော့်ရဲ့ အရည်အချင်းကို ကြည့်ပြီးတော့ ဥက္ကဋ္ဌကို အထောက်အပံ့ပေးနိုင် မယ်လို့ ယုံကြည်ပြီးရွေးချယ်ပေး ကြတဲ့ ကိုယ်စားလှယ်တွေကို ကျေးဇူးတင်ပါတယ်။ အခုတာဝန် ပေးအပ်ခြင်းခံရတဲ့ လွှတ်တော် ဒုဥက္ကဋ္ဌတာဝန်ကိုလည်း ကျေပွန် အောင်ထမ်းဆောင်သွားဖို့ ကတိ ပြုပါတယ်’’ ဟု ဦးမြသန်းက ပြော ကြားသည်။

ဦးမြသန်းသည် အစိုးရဥပ ဒေဌာနတွင် နှစ်ပေါင်းသုံးဆယ် ကျော် တာဝန်ထမ်းဆောင်ခဲ့ပြီး လက်ထောက်ညွှန်ကြားရေးမှူး ရာထူးဖြင့် အငြိမ်းစားယူခဲ့သည်။

ရခိုင်အမျိုးသားပါတီမှကိုယ် စားလှယ်တစ်ဦးဒုဥက္ကဋ္ဌအဖြစ် ထပ်မံရွေးချယ်ခံရသော်လည်း ရွေးချယ်ထားသူကို ဒုဥက္ကဋ္ဌတင် မြှောက်ခွင့်မရခြင်းနှင့်ပတ်သက် ၍ ရခိုင်အမျိုးသားပါတီ အထွေ ထွေအတွင်းရေးမှူး ဦးထွန်း အောင်ကျော်က ယခုကဲ့သို့ ပြော သည်။

‘‘အထူးတလည်တော့ ပြော စရာမရှိပါဘူး။ သို့သော်လည်း ကျွန်တော်တို့ပါတီက ကိုယ်စားပြု တဲ့ အမည်စာရင်း တင်သွင်းတဲ့ ပုဂ္ဂိုလ်တစ်ဦး ရှုံးနိမ့်ခဲ့တဲ့အတွက် ပါတီအနေနဲ့ ပြန်လည်သုံးသပ်ဖို့ အတွက် တာဝန်ရှိပါတယ်’’ ဟု ၎င်းက ပြောသည်။

ရခိုင်ပြည်နယ်လွှတ်တော် ဒုဥက္ကဋ္ဌအဖြစ် တာဝန်ထမ်းဆောင် ခဲ့သူ ဦးဖိုးမင်းသည် ပြီးခဲ့သည့် ဇွန် လအတွင်းက ကွယ်လွန်ခဲ့သဖြင့် လွှတ်တော်ဒုဥက္ကဋ္ဌနေရာ လစ် လပ်ခဲ့ခြင်းဖြစ်သည်။

ရခိုင်ပြည်နယ်လွှတ်တော် တွင် ရခိုင်အမျိုးသားပါတီက ၂၃ နေရာ (တစ်ဦးကွယ်လွန်)၊ အမျိုး သားဒီမိုကရေစီအဖွဲ့ချုပ်ပါတီက ကိုးနေရာ၊ ပြည်ထောင်စုကြံ့ခိုင် ရေးနှင့် ဖွံ့ဖြိုးရေးပါတီက သုံးနေ ရာနှင့် တပ်မတော်သား လွှတ် တော်ကိုယ်စားလှယ်က ၁၂ နေ ရာရရှိထားသည်။

More in Politics Section