မြန်မာလုပ်သားအရေး ကာကွယ်သည်ဆိုရာဝယ်

‘‘သိပ်စိတ်မပူကြပါနဲ့။ သူတို့မကြာခင်ပြန်လာ မှာပါ’’ ထိုင်းနိုင်ငံ ၀န်ကြီးချုပ် ပရာယွတ်ချန်အိုချာက မြန်မာအပါအ၀င် ပြည်ပမှ တရား မ၀င်လုပ်သားများ သောင်းနှင့်ချီ၍ နေရပ်ပြန်သွားသဖြင့် ထိုင်း လုပ်ငန်းရှင်များက လုပ်ငန်းလည်ပတ်ရန် အခက်တွေ့နေကြောင်း အသံ ထွက်လာပြီးနောက် ပြောကြားခဲ့သောမှတ်ချက်ဖြစ်သည်။


ထိုင်းနိုင်ငံတွင် နိုင်ငံခြားသားအလုပ်သမားများ၏ အလုပ်တာ ၀န်စီမံခန့်ခွဲရေးအက်ဥပဒေကို ဇွန်လ ၂၀ ရက်၌ ပြဋ္ဌာန်းပြီး တရား မ၀င်နိုင်ငံခြားသားအလုပ်သမားများကို ဇွန်လ ၂၂ ရက်မှစတင်ဖမ်း ဆီးခဲ့သည်။  ဥပဒေသစ်အရ တရားမ၀င်နိုင်ငံခြားသားများမှာ ဘတ် နှစ်ထောင်(ကျပ်ရှစ်သောင်းဝန်းကျင်)မှ လေးသိန်း (ကျပ်သိန်း ၁၆၀)အထိ ဒဏ်ငွေဆောင်ရနိုင်သလို ထောင်ဒဏ်ငါးနှစ်ကျနိုင်သည်အထိ ပြင်းထန်သည်။ ထိုင်းသို့ သွားရောက်လုပ်ကိုင်သူများမှာ အိမ်နီးနား ချင်းမှ ဆင်းရဲသောနိုင်ငံများဖြစ်သော မြန်မာ၊ လာအို၊ ကမ္ဘောဒီးယား နိုင်ငံတို့မှ အများဆုံးဖြစ်ပြီး ထိုသုံးနိုင်ငံထဲတွင်မှ မြန်မာကအများဆုံး ဖြစ်သည်။ 

ထိုကြောင့် တရားဝင် စာရွက်စာတမ်းမရှိသော တရားမ၀င် မြန်မာလုပ်သားများမှာ ဇွန်လ ၂၉ ရက်မှစ၍ နယ်စပ်ပေါက်များမှ တစ်ဆင့်နေရပ်သို့ ဆက်တိုက် ပြန်လာနေကြသည်။ ထိုင်းနိုင်ငံရှိ အ သေးစား၊ အလတ်စားလုပ်ငန်းများ၊ ထိုင်းနိုင်ငံသားများ သိပ်မလုပ် လိုသော ဆောက်လုပ်ရေးနှင့် ငါးဖမ်းလုပ်ငန်းကဲ့သို့ လုပ်ငန်းများက အားကိုးနေရသော တရားမ၀င်ပြည်ပလုပ်သားများအားလုံး နေရပ် ပြန်မည်စိုး၍ ထိုင်းအလုပ်ရှင်များက ကန့်ကွက်မှုများရှိခဲ့ပြီးနောက် ဇူလိုင်လဆန်းတွင် အဆိုပါစီမံချက်ကို သုံးလဆိုင်းငံ့ကြောင်း ထိုင်း အစိုးရက ကြေညာသည်။ ထို့နောက် ခြောက်လတိုင်ဆိုင်းငံ့လိုက်သည်။ သို့သော် တရားမ၀င်မြန်မာလုပ်သားများက ဖမ်းဆီးခံရမည်စိုး၍ ယနေ့ အထိ ပြန်လာနေဆဲဖြစ်၏။

ထိုင်းအစိုးရက ထိုကဲ့သို့ မြန်မာအပါအ၀င် ပြည်ပမှတရားမ၀င် လုပ်သားများကို ဖမ်းဆီးခြင်းမှာ ကမ္ဘာ့လူကုန်ကူးမှုစာရင်းတွင် ထိုင်းမှာ စောင့်ကြည့်နိုင်ငံများတွင် ပါဝင်နေဆဲဖြစ်ပြီး အဆင့်မတက်သည့်အ တွက် အဆင့်တက်ရေးကြိုးပမ်းမှုဟု ထိုင်းရောက်မြန်မာလုပ်သားအရေး ဆောင်ရွက်ခဲ့သူအချို့က ဝေဖန်သည်။ သို့သော် ယခုတစ်ကြိမ်စီမံချက် ကြောင့် လက်တွေ့၌ အကျိုးရှိခဲ့သူမှာ ထိုင်းနိုင်ငံဖြစ်ပြီး အရှုံးပေါ်ခဲ့သူမှာ ထိုင်းရောက်တရားမ၀င် မြန်မာလုပ်သားများနှင့် မြန်မာအစိုးရဖြစ်သည်။

အဘယ်ကြောင့်ဆိုသော် ထိုဥပဒေကြောင့် တရားမ၀င်ပြည်ပလုပ် သားများမှာ တရားဝင်လုပ်သားဖြစ်အောင်ဆောင်ရွက်လာကြခြင်းနှင့် သက်တမ်းကုန်တော့မည့် တရားဝင်ပြည်ပလုပ်သားများမှာလည်း တ ရားဝင်လုပ်သားဆက်ဖြစ်ရေးသက်တမ်းပိုတိုးလာခြင်းတို့မှ ထိုင်းအစိုးရ အတွက် ၀င်ငွေများစွာရရှိမည်ဖြစ်သောကြောင့်ပင်။ ထိုင်းတွင် မြန်မာ တစ်နိုင်ငံတည်းမှပင် တရားဝင်ရော၊ တရားမ၀င်ရောပေါင်းလျှင် မြန်မာ လုပ်သားလေးသန်းဝန်းကျင်ရှိကြောင်း ထိုင်းရောက်မြန်မာလုပ်သားအ ရေးဆောင်ရွက်သူများက ခန့်မှန်းထားသည်။ ယာယီပတ်စ်ပို့နှင့် ပန်း ရောင်ကတ်ကိုင်ဆောင်ထားသူ ၂ ဒသမ ၃ သန်း၊ MoU စနစ်ဖြင့် လာ ရောက်သူ နှစ်သိန်းဝန်းကျင်နှင့် ရေဘတ်ဟုအလွယ်ခေါ်သော ကတ်ကိုင် ဆောင်ထားသူ သုံးသောင်းဝန်းကျင်ရှိ၍ တရားဝင်မြန်မာလုပ်သားနှစ် သန်းခွဲဝန်းကျင်ရှိသည်။ တရားမ၀င်မြန်မာလုပ်သားမှာ တစ်သန်းကျော် နှင့်နှစ်သန်းအတွင်းရှိသည်။ 

ထို့ကြောင့် တရားမ၀င်လုပ်သားများနှင့် တရားဝင်လုပ်သားများ ထဲမှ အချက်အလက်လွဲနေသူများမှာ ထိုင်းအစိုးရက လုပ်ပေးမည့် မည် သူမည်ဝါဖြစ်ကြောင်း သက်သေခံလက်မှတ်(CI)ပြုလုပ်ရမည်ဖြစ်၍ ထိုင်းအစိုးရအတွက် ၀င်ငွေတိုးမည်ဖြစ်သလို တရားဝင်လုပ်သားများ လည်း တိုးလာမည်ဖြစ်သည်။ ပွဲစားများ၏ ခေါင်းပုံဖြတ်မှုကို မကြာ ခဏခံနေရသော မြန်မာလုပ်သားများအတွက်မူ ထိုင်းအစိုးရက မျိုးစုံ ထုတ်ပေးသော ကတ်များထဲမှ ကတ်တစ်ခုအတွက် ငွေထပ်ကုန်ဦး မည်ဖြစ်သည်။

ပြည်သူ့အစိုးရခေါင်းဆောင်ဒေါ်အောင်ဆန်းစုကြည်၏ ပထမ ဦးဆုံးပြည်ပခရီးစဉ်မှာ မြန်မာလုပ်သားအများဆုံးရှိရာ ထိုင်းနိုင်ငံဖြစ် ခဲ့ပြီး ပြည်တွင်း၌ စီးပွားရေးတိုးတက်လာအောင်ပြုလုပ်ကာ နေရပ် ပြန်လာနိုင်အောင်ကြိုးစားမည်ဟု ပြောခဲ့သောစကားကြောင့် ထိုင်း ရောက်မြန်မာလုပ်သားများက မျှော်လင့်ချက်များစွာ ထားခဲ့ကြသည်။ သို့သော် ယနေ့အချိန်အထိ အစိုးရသစ်က မြန်မာလုပ်သားများ မျှော်လင့်သလောက် မစွမ်းဆောင်နိုင်သေးသည်ကို ယခုဖြစ်စဉ်က သက်သေပြနေသည်။ နေရပ်ပြန်လာသူများကို စနစ်တကျ စာရင်း ကောက်ယူ၍ ထိုင်းတွင်တရားမ၀င် မြန်မာလုပ်သား မည်မျှရှိသည်ကို သိရှိနိုင်သော အခွင့်အရေးရရှိခဲ့သော်လည်း နယ်စပ်ဂိတ် သုံးဂိတ်တွင် သာ စာရင်းကောက်ယူ၍ ထိုအခွင့်အရေးဆုံးရှုံးခဲ့သည်။ 

အစိုးရသစ် လက်ထက်တွင် ပြည်ပရောက် မြန်မာလုပ်သား များအရေးကို ပိုမိုအာရုံစိုက်လာပြီး အကူအညီပေးနိုင်ရန် ကြိုးစား နေသော်လည်း အားနည်းချက်များရှိနေဆဲဖြစ်သည်။ ထို့အတွက် ထိုင်းအစိုးရက ခေါင်းစဉ်မျိုးစုံဖြင့် မြန်မာအပါအ၀င် နိုင်ငံခြားလုပ် သားများကို ဖမ်းဆီးအရေးယူနေမှုများကို အကောင်းဆုံး ဖြေရှင်းနိုင် ရန် အစိုးရက မြေပြင်အခြေအနေသိသော အရပ်ဘက်အဖွဲ့အစည်း များနှင့်ပူးပေါင်း၍ မှန်ကန်သော မူဝါဒများချမှတ်ရန် လိုအပ်နေပါ သည်။ သို့မှသာ အနာဂတ်တွင် ကိုယ့်နိုင်ငံသားများ အခွင့်အရေးအ တွက် ပိုမိုဆောင်ရွက်နိုင်မည်ဖြစ်သည်။