မြန်မာပြည်ဈေးကွက်သို့ HTC ဟန်းဆက် ပြန်လည်ဝင်ရောက်လာ

၂၀၁၆ အတွင်း ဟန်း ဆက်အသစ်မိတ်ဆက်ခြင်းမရှိဘဲ ဈေးကွက်မှ ပျောက်ကွယ်နေသည့် HTC သည် ၂၀၁၇ အ တွင်း U Series ဟန်းဆက်များကို တင်သွင်း၍ ဈေးကွက်သို့ ပြန် လည်ဝင်ရောက်လာမည်ဟု HTC ၏ မိတ်ဖက်ကုမ္ပဏီ KMD မှ သိရသည်။

၂၀၁၆ အတွင်း HTC သည် VR နည်းပညာလမ်းကြောင်းကို အဓိကထားလုပ်ကိုင်ခဲ့၍ ဟန်း ဆက်ဈေးကွက်အတွင်း အသစ် ထပ်မံ  မိတ်ဆက်နိုင်ခြင်းမရှိခဲ့ သော်လည်း ၂၀၁၇ တွင် U Seriesများ မိတ်ဆက်ခြင်းဖြင့် ပြန်လည်ရောက်ရှိလာမည်ဟု KMD မှ အရောင်းဒါရိုက်တာ ဒေါ်ချော ချောမြင့်က ပြောသည်။


HTC သည် U Series ဟန်း ဆက်အများအပြား ထုတ်လုပ်ပြီးဖြစ်သော်လည်း မြန်မာနိုင်ငံနှင့် သင့်တော်မည့် Series နှစ်ခုကို KMD အနေဖြင့် တင်သွင်းရောင်း ချမည်ဟု ကြေညာထားသည်။ နည်းပညာအမြင့်နှင့် ထုတ်လုပ် ထားသည့် HTC U Play နှင့် ရေစို အကြမ်းခံ HTC 10EVO ကို ပြည် တွင်းအတွက် မိတ်ဆက်မည်ဟု ဒေါ်ချောချောမြင့်က ပြောသည်။

 ဈေးနှုန်း၅၀၉,၀၀၀ကျပ် သတ်မှတ်ထားသည့် HTC U Play ၌ Nano SIM နှစ်ကတ် ထည့်သွင်းအသုံးပြုနိုင်ခြင်း၊ ဓာတ်ပုံရိုက်ရာတွင် Voice Comment အလွန်မြန်ဆန်ခြင်းနှင့် Selfie ကို Panorama အနေဖြင့် ရိုက်ကူး နိုင်ခြင်း စသည့်နည်းပညာသစ် များ ပါဝင်သည်။

 အလားတူ ဈေးနှုန်း ၃၇၉,၀၀၀ ကျပ် သတ်မှတ်ထား သည့် HTC 10EVO သည် ဈေး နှုန်းနိမ့် ဟန်းဆက်များ၌ ရေစိမ်ခံ သည့် အကြမ်းခံဟန်းဆက်အမျိုး အစားဖြစ်ပြီး (၁၀ မီတာရေအနက် တွင် မိနစ် ၃၀ ကြာ ခံနိုင်ရည်ရှိ) 4G ဆင်းမ်ကတ်အသုံးပြုခြင်းနှင့် 4K ဗီဒီယိုရိုက်ကူးနိုင်ကြောင်း KMD က ကြေညာထားသည်။

၁၉၉၇ ကစတင်၍ နည်း ပညာလောကသို့ စတင်ဝင် ရောက်လာခဲ့သည့် HTC သည် ၂၀၁၃ ကစတင်၍ မြန်မာနိုင်ငံ ဈေးကွက်သို့ KMD နှင့် ပူးပေါင်း ၍ ဝင်ရောက်ခဲ့ခြင်းဖြစ်သည်။

Top News