ဆရာခန့်ထားရေး၊ ရာထူးတိုးပြဿနာများနှင့် ပညာရေးဝန်ကြီးဌာန

အခြေခံပညာသင်ကျောင်းအချို့မှ ဆရာမများအား ကျောင်းဆင်းချိန်တွင် တွေ့ရစဉ် (ဓာတ်ပုံ-ဂျေမောင်မောင်(အမရပူရ))

‘‘ဆရာ၊ ဆရာမ ခန့်ထားရေး မူ ဘောင်က ဘယ်မှာလဲ၊ ရာထူးတိုးကိစ္စတွေကို ဘယ်လိုမူဘောင်နဲ့ ဆောင်ရွက်နေလဲဆိုတာ ဝန်ကြီးဌာနကို မေးခွန်းထုတ်ချင်တယ်။ ပွင့်လင်းမြင်သာစွာ ချပြမှုမရှိတာ ကို ဘယ်လိုဖြေရှင်းပေးမလဲ တောင်းဆိုတယ်’’ ဟု ရန်ကုန်ပညာ ရေးတက္ကသိုလ် ကျောင်းသားသမဂ္ဂဥက္ကဋ္ဌ ကိုစိုးသူရကျော်က ဆိုသည်။

ရန်ကုန်ပညာရေးတက္ကသိုလ်၊ စစ်ကိုင်းပညာရေးတက္ကသိုလ်နှင့် တစ်နိုင်ငံလုံးရှိ ပညာရေးကောလိပ် ၂၄ ခုမှ ၂၀၁၆-၁၇ ပညာသင်နှစ် ဆရာအတတ်သင် သင်တန်းဆင်း ၇,၀၀၀ ကျော်ကို ၂၀၁၇-၁၈ ပညာသင်နှစ် ကျောင်းဖွင့်ပြီး နှစ်လကြာသည်အထိ ဆရာ၊ ဆရာမအဖြစ် အလုပ်ခန့်အပ်ခြင်း မရှိသည့်အပေါ် ဆရာအတတ်သင် သင်တန်းသားကျောင်းသား၊ ကျောင်းသူများက ဇူလိုင် ၂၅ ရက်ကစကာ ဖဲကြိုးစိမ်းလှုပ်ရှားမှုဖြင့် ပညာရေးဝန်ကြီးဌာနကို ဖြေရှင်းချက် တောင်းဆိုနေသည်။

အလားတူပင် အခြေခံပညာကျောင်းများရှိ အထက်တန်းပြ၊ အလယ်တန်းပြ၊ မူလတန်းပြ ဆရာ၊ ဆရာမများကို ယခုနှစ်အတွက် ရာထူးတိုးကိစ္စရပ်များ မဆောင်ရွက်ပေးခြင်းကြောင့် အခြေခံပညာ ဆရာ၊ ဆရာမ အသိုင်းအဝိုင်းအကြား ဘယ်တော့လဲ၊ ဘယ်လိုလဲဟူသည့် မေးခွန်းများ ယခုရက်အတွင်း ဂယက်ရိုက်နေသည်။

ထို့အပြင် အခြေခံပညာနည်းတူ အဆင်မြင့်ပညာဦးစီးဌာန အောက်တွင်လည်း နည်းပညာတက္ကသိုလ်နှင့် ကွန်ပျူတာတက္ကသိုလ် ၆၀ ခုရှိ သရုပ်ပြနှင့် လက်ထောက်ကထိက ဆရာ၊ ဆရာမ ၂,၀၀၀ ကျော်ကို သတ်မှတ်လုပ် သက်ပြည့်မီသော်လည်း ရာထူးတိုးမပေးခြင်းကြောင့် နည်းပညာတက္ကသိုလ်၊ ကွန်ပျူတာတက္ကသိုလ်များတွင် ဆရာ၊ ဆရာမအချို့ ဖဲကြိုးပြာလှုပ်ရှားမှု ပြုလုပ်ကာ ပညာရေးဝန်ကြီးဌာနကို တောင်းဆိုနေသည်။

‘‘ကျွန်တော်တို့ အဆင့်မြင့်ဘက်ကျတော့ တိုးတော့တိုးတယ်။ ခန့်လည်းခန့်တယ်။ ဒါပေမဲ့ တိုးတဲ့မူတွေက ပွင့်လင်းမြင်သာမှု မရှိဘူး။ ကျွန်တော်တို့ နည်းပညာတက္ကသိုလ်၊ ကွန်ပျူတာတက္ကသိုလ်တွေက ဆရာ၊ ဆရာမတွေဆို လက်ရှိရာထူးမှာ လုပ်သက် ၁၀ နှစ်ကျော်ပြီ။ ကျွန်တော်တိုနဲ့ လုပ်သက်တူ အရည်အချင်းတူတွေက တခြားဦးစီးဌာနအောက်ကနေ ရာထူးတိုးပါသွားတယ်။ ကျွန်တော်တို့က အဆညအောက်ကနေ ကျန်ခဲ့တယ်’’ဟု ပြည် နည်းပညာတက္ကသိုလ်မှ လက်ထောက်ကထိက ဦးရဲမင်းသိန်းက သူ၏အတွေ့အကြုံကို ပြောသည်။

ဆရာ၊ ဆရာမများ၏ ရာထူးတိုး၊ အပြောင်းအရွှေ့နှင့် ပတ်သက်၍ ပညာရေးဝန်ကြီးဌာန ဒုတိယဝန်ကြီး ဦးဝင်းမော်ထွန်းက ‘‘ပညာရေးဝန်ကြီးဌာနအနေဖြင့် အခြေခံပညာကျောင်းများမှ ဆရာ၊ ဆရာမများရဲ့ ရာထူးတိုး၊ အပြောင်းအရွှေ့ ကိစ္စများကို နွေရာသီ ကျောင်းပိတ်ရက် ကာလအတွင်းမှာသာ ဆောင်ရွက်ပြီး ဇွန်လကျောင်းဖွင့်ချိန်အမီ လုပ်ငန်းခွင် ဝင်ရောက်ရေး ကျွန်တော်တို့ ပညာ ရေးဝန်ကြီးဌာနမှ ဒီနှစ်ကစပြီး အဓိကထား ဆောင်ရွက်ခဲ့ပါတယ်’’ ဟု ၂၀၁၆ ဒီဇင်ဘာ ၈ ရက်က ကျင်းပသည့် ပြည်သူ့လွှတ်တော် အစည်းအဝေးတွင် တွံတေး မဲဆန္ဒနယ်မှ လွှတ်တော်ကိုယ်စား လှယ် ဦးမြင့်လွင်၏ မေးခွန်းကိုဖြေ ကြားခဲ့သည်။

ပညာရေးဝန်ကြီးဌာနအနေဖြင့် ဇွန်လကျောင်းဖွင့်ချိန်အမီ ပညာရေးဝန်ထမ်း ဆရာ၊ ဆရာမများ ခန့်ထားရေးကို ဆောင်ရွက်ပါသည်ဟု ယခင်ပညာသင်နှစ် ပြီးဆုံးခါနီးအချိန်က ဒုဝန်ကြီးက ဖြေကြားခဲ့သော်လည်း ယခုပညာသင်နှစ်တွင် ဖြေကြားထားသကဲ့သို့ အချိန်မီမဆောင်ရွက်နိုင်ဘဲ ကြန့်ကြာမှုများ ရှိနေခြင်းဖြစ်သည်။

 ပညာရေးဝန်ကြီးဌာန အောက်ရှိ ဆရာ၊ ဆရာမများကို ရာထူးတိုးခန့်ထားရာတွင် လုပ်ငန်းခွင်ဝင်ရောက်သည့် လုပ်သက်အပေါ် အခြေခံကာ တန်းစီးဇယားရေးဆွဲသည့်မူကို အဓိကထား ကျင့်သုံးနေခြင်းဖြစ်သည်။ မူလရာထူး၏ လုပ်သက်ပေါ်မူတည်ကာ တစ်ဆင့်မြှင့် ရာထူးတိုးပေးခြင်းဖြစ်သည်ဟု ကျောက်ဆည်တက္ကသိုလ်မှ ကထိက ဒေါက်တာဇော်မျိုးလှိုင်က ဆိုသည်။

ယင်းသို့ရာထူးအလိုက် လုပ်သက်ကို အဓိကထားတွက်ချက်ခြင်းကြောင့် သင်တန်းဆင်းပြီး ခန့်ထားခြင်း မခံရသေးသည့် ဆရာအတတ်သင် သင်တန်းဆင်းများ အပြင် လက်ရှိလုပ်ငန်းခွင် ဝင်နေသော အခြေခံပညာနှင့် အဆင့်မြင့် ပညာဆရာ၊ ဆရာမများသည် ပညာရေးဝန်ကြီးဌာန၏ ဆရာခန့်ထားရေး၊ ရာထူးတိုးကိစ္စရပ်များ မဆောင်ရွက်ပေးမှုအပေါ် အပြင်းအထန် တောင်းဆိုနေခြင်း ဖြစ်သည်။

ထို့အပြင် ပညာရေးဝန်ကြီးဌာနတွင် လက်ရှိ ကျင့်သုံးနေသောမူအရ ဆရာ၊ ဆရာမများသည် လက်ရှိထက်တစ်ဆင့်မြင့်ဘွဲ့ (ဥပမာ- ပညာရေးဘွဲ့မှ မဟာပညာရေးဘွဲ့) သင်တန်းတက်ရောက်လိုပါက သတ်မှတ်ထားသော လုပ်သက်ပြည့်မီမှသာ သင်တန်းဝင်ခွင့် အရည်အချင်းစစ် စာမေးပွဲများ ဖြေဆိုခွင့်ရကြောင်း ဆရာ၊ ဆရာမ အချို့ကဆိုသည်။

‘‘လုပ်ငန်းခွင်ထဲရောက်သွားတဲ့ ဆရာ၊ ဆရာမတွေရဲ့ ရာထူးတိုးကိစ္စတွေရော၊ ပညာဆက်လက်သင်ယူခွင့်တွေရော အားလုံးဟာ လုပ်သက်အပေါ် အဓိကထားတွက်တာဖြစ်တာကြောင့် အလုပ်ခန့်ထားဖို့ နောက်ကျရင် နောက် ပိုင်းဆရာ၊ ဆရာမတစ်ဦးချင်းရဲ့ အခွင့်အရေးတွေ အားလုံး နောက်ကျသွားတာမျိုး ကြုံတွေ့ရပါတယ်’’ ဟု ရန်ကုန်ပညာရေးတက္က သိုလ် အပတ်စဉ် (၂၀) သင်တန်းဆင်း ဆရာမဒေါ်သက်စုလှိုင်က ပြောသည်။

အခြေခံပညာ ဦးစီးဌာနအောက်တွင် ယခုပညာသင်နှစ်၌ ကျောင်းဖွဲ့စည်းပုံအရခန့်ထားရမည့် ဆရာ၊ ဆရာမ ၅၁၃,၉၀၂ ဦး၊ကျောင်းအဆင့် တိုးမြှင့်ပေးထားသည့် အခြေခံပညာကျောင်း ၅,၀၉၉ ကျောင်းအတွက် ခန့်ထားရမည့် ဆရာ၊ ဆရာမ ၁၈,၄၆၄ ဦး၊ စုစုပေါင်း ၅၃၂,၃၆၆ ဦး ရှိရမည် ဖြစ်သည်။ သို့သော်လည်း လက်ရှိတွင် အခြေခံပညာကျောင်းများ၌ ဆရာ၊ ဆရာမ ၄၆၀,၀၀၀ ကျော်သာ ခန့်အပ်နိုင်သေးသည်။

အဆင့်မြင့်ပညာရေးဦးစီးဌာနအောက်တွင်လည်း ပါမောက္ခချုပ်နှင့် ဒုတိယပါမောက္ခချုပ်၊ ကျောင်းအုပ်ကြီးနှင့် ဒုတိယ ကျောင်းအုပ်ကြီး လစ်လပ်ဦးရေ ၁၃၉ ဦးရှိသည့်အပြင် သရုပ်ပြမှ ပါမောက္ခအထိ လစ်လပ်ဦးရေသည် ၃၀,၀၀၀ ကျော်ရှိနေကြောင်း စာရင်းများအရ သိရသည်။

အခြေခံ ပညာကဏ္ဍတွင်ရော အဆင့်မြင့်ပညာကဏ္ဍတွင်ပါ ဆရာ၊ ဆရာမ လိုအပ်ချက်မြင့် တက်နေသော်လည်း ပညာရေးဝန်ကြီးဌာနအနေဖြင့် ဆရာ၊ ဆရာမ ခန့်ထားရေး၊ ရာထူးတိုးကိစ္စရပ်များကို ကျောင်းဖွင့်ပြီး နှစ်လကြာ သည်အထိ မဆောင်ရွက်ပေးသေး ကြောင်း ဆရာ၊ ဆရာမများက ဆို သည်။

‘‘အဆင့်တိုးတဲ့ကျောင်းတွေလည်းရှိတယ်။ အဆင့်မတိုးခင်က တည်းက ဆရာမလောက်လို့ ဖြစ်သလို သင်နေရတဲ့ ကျောင်းတွေလည်း ရှိတယ်။ ကျောင်းမဖွင့်ခင် ဒါတွေအပြီးပြတ် လုပ်ပေးရမှာ။ ရာထူးတိုးပေးသင့်တဲ့ သူတွေကို တိုးပေး၊ အသစ်ခန့်ဖို့ လိုရင်ခန့်လုပ်ပေးရမှာ။ အခုက ဆရာခန့်ထားရေး နောက်ကျတော့ သင်ကြားရေးမှာပါ အားနည်းချက်ဖြစ်တယ်’’ ဟု မိတ္ထီလာမြို့မှ အလယ်တန်းပြဆရာမတစ်ဦးက ပြောသည်။

ပညာရေးတက္ကသိုလ်နှင့် ပညာရေးကောလိပ်များမှ သင်တန်းဆင်း ဆရာ၊ ဆရာမများကို အခြေခံပညာကျောင်းများတွင် ခန့်ထား နိုင်ရန် အဆင့်မြင့်ပညာဦးစီးဌာနက သင်တန်းဆင်းအရေအတွက်ကို အခြေခံပညာဦးစီဌာနသို့ လွှဲ ပြောင်းထားပြီး အခြေခံပညာဦးစီးဌာနက ခန့်ထားရေးကိုဆက်လက် ဆောင်ရွက်ပေးမည်ဖြစ်ကြောင်း အဆင့်မြင့်ပညာဦးစီးဌာန ဒုတိယ ညွှန်ကြားရေးမှူးချုပ် ဒေါက်တာ အောင်အောင်မင်းက ဆိုသည်။

‘‘သင်တန်းဆင်းခန့်ဖို့က သင် တန်းဆင်းအရေအတွက်ကို ဆရာတို့က အခြေခံဘက်ကို ပို့ပြီးပြီ။ အခြေခံကဘယ်ကျောင်းမှာ ဘယ်နှဦး ခန့်မယ်။ ဘယ်တော့ခန့်မယ်ဆိုတာတွေ ဆက်လုပ်ပါလိမ့်မယ်’’ ဟု ဒေါက်တာအောင်အောင်မင်း ကပြောသည်။

အဆင့်မြင့်ပညာဦးစီးဌာနက စာရင်းပေးပို့ထားပြီး ဖြစ်သော်လည်း အခြေခံပညာဦးစီးဌာနက ယင်းသင်တန်းဆင်းများ ခန့်ထားရေးနှင့် ရာထူးတိုးကိစ္စရပ်များ ဆောင်ရွက်ရန် ကြန့်ကြာနေခြင်း ဖြစ်သည်။

‘‘ဆရာတို့ တိုး၊ပြောင်းစာရင်းတွေရော၊ ခန့်ထားရေးအတွက်ရော လုပ်နေပါတယ်။ မကြာတော့ပါဘူး။ တစ်နှစ်မှာ ၁၂ လရှိတယ်။ တစ်လလထဲတော့ရမှာပါ။ အတိအကျတော့ မပြောချင်သေးဘူး။ ပြောလိုက်ပြီးမှ မလုပ်ပေးလို့ မ ကောင်းဘူးလေ။ ဆရာတို့လည်း လုပ်ပေးချင်ပါတယ်’’ဟု အခြေခံပညာဦးစီးဌာန ခေတ္တညွှန်ကြားရေးမှူးချုပ် ဒေါက်တာအောင်နိုင်စိုးက ပြောသည်။

‘‘ရန်ကုန်တိုင်းမှာတော့လိုတဲ့ ဆရာအရေအတွက်ကိုရော၊ ခန့်အပ်လို့ရမယ့် သင်တန်းဆင်းအရေအတွက်ကိုရော အခြေခံပညာ ဦးစီးဌာနဘက်ကို ဆရာတို့တင်ပြ ထားပြီးပါပြီ။ အခြေခံဦးစီးက ခန့် ဆိုတာနဲ့ ခန့်လို့ရပါပြီ’’ ဟု ရန်ကုန် တိုင်းဒေသကြီး ပညာရေးမှူးရုံးမှညွှန်ကြားရေးမှူးတစ်ဦးက ပြောသည်။

ရာထူးတိုးမူဝါဒတွင် လုပ်ငန်းသဘောအလိုက်၊ အခြေအနေအလိုက် စသော မတိကျမရေရာသည့် ယေဘုယျအသုံးများ ပါဝင်နေခြင်း၊ ဝန်ကြီးဌာနတစ်ခုလုံးအတွက် တိတိကျကျ ပုံသေသတ်မှတ်ထားသော ရာထူးတိုးမူဝါဒ မရှိခြင်း အစရှိသော အချက်များကြောင့် ယခုကဲ့သို့ ပြဿနာရပ်များ ပေါ်ပေါက်နေခြင်းဖြစ်ပြီး ပညာရေးဝန် ကြီးဌာနအနေဖြင့် ပညာရေးဝန်ထမ်းအားလုံးကို လွှမ်းခြုံနိုင်သော ရာထူးတိုးမူဝါဒကို ပညာရေးဝန်ထမ်းများ၏ သဘောဆန္ဒနှင့်အညီ အမြန်ဆုံးရေးဆွဲရန် လိုအပ်ကြောင်း မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်က ဇူလိုင် ၂၅ ရက်တွင် သဘောထားထုတ်ပြန်ထားသည်။

‘‘အခြေခံပညာရော အဆင့် မြင့်ပညာမှာပါ ရာထူးတိုးနဲ့ ပတ်သက်ပြီး အငြင်းပွားမှုတွေရှိနေတယ်။ အဆင့်မြင့်ပညာမှာဆို ဟိုတစ်လောက လုပ်တဲ့ နှီးနှောဖလှယ်ပွဲမှာ တင်ပြတဲ့စာတမ်းမှာကို ကျွန်တော်တို့အနေနဲ့ သဘောမ တူနိုင်တာတွေ ရှိနေတယ်။ အခြေ ခံမှာဆို အဲဒီလိုကို ပွင့်လင်းမြင် သာမှုမရှိဘူး။ ဘယ်မူနဲ့ ဘယ်လိုတိုးတယ်ဆိုတာ ဆရာ၊ ဆရာမတွေ တိတိကျကျမသိဘူး။ ဝန်ကြီးဌာနအနေနဲ့ တိကျတဲ့ အခြေခံမူဝါဒတွေ ချမှတ်ပြီး ရာထူးတိုး တွေ၊ ဆရာခန့်ထားရေးတွေ လုပ် ပေးဖို့လိုနေပြီ’’ဟု မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်ဥက္ကဋ္ဌ ဒေါက်တာ စိုင်းခိုင်မျိုးထွန်းက ပြောသည်။

ပညာရေးဝန်ကြီးဌာနအနေဖြင့် ယခင်နှစ်များကပင် ရာထူးတိုး၊ ပြောင်းဆရာ၊ ဆရာမခန့်ထားရေး တို့နှင့် ပတ်သက်၍ ဝေဖန်ခံရမှုများ နှစ်စဉ်ရှိမြဲဖြစ်သော်လည်း ယခုပညာသင်နှစ်တွင် အခြေခံရော အဆင့်မြင့်တွင်ပါ ကြန့်ကြာမှုများရှိ နေသဖြင့် ဝေဖန်မှုများ ပိုမိုကြုံ တွေ့နေသည်။ သို့သော် ဝန်ကြီးဌာနက ဘာကြောင့် ထိုသို့ ကြန့်ကြာနေကြောင်း ထုတ်ပြန်အသိပေး ခြင်းမရှိပေ။

အောက်ခြေတွင် တာဝန်ထမ်းဆောင်နေရသည့် ပညာရေးဝန်ထမ်းများက အကြောင်းရင်းကို သိလိုစိတ်မြင့်တက်နေသော်လည်း ဝန်ကြီးဌာနက တရားဝင် ပြန်ကြားပေးမှု မရှိခြင်း၊ တိကျသေချာသည့် ကတိကဝတ်မပေးနိုင်ခြင်းများက အောက်ခြေဝန်ထမ်းများ၏ စိတ်ကို ဆွပေးနေသကဲ့သို့ ဖြစ်နေသည်။

‘‘ဒီပြဿနာက ဒီနှစ်မှ မဟုတ်ဘူး၊ နှစ်တိုင်းပဲ။ အဓိကကတော့ မူဝါဒကို တိတိကျကျပွင့်လင်းမြင်သာစွာ ချမပြတာပါ။ ဝန်ကြီးဌာနက ပြန်ဖြေရှင်းမယ့်အသံကို ဆရာ၊ဆရာမတွေရော၊ သင်တန်းဆင်း ကျောင်းသားတွေရော စောင့်နေကြပါတယ်။ ဖြေရှင်းမပေးရင်တော့ ကျွန်တော်တို့ဆန္ဒထုတ်ဖော်ရပါလိမ့်မယ်’’ ဟု စစ်ကိုင်းပညာရေးတက္ကသိုလ်မှ တတိယနှစ် ကျောင်းသား မောင်သက်ဦးပိုင်က ပြောသည်။

ပညာရေးဝန်ကြီးဌာနအနေဖြင့် ဆရာခန့်ထားရေး၊ ရာထူးတိုး ပြဿနာများကို ယခုပညာသင်နှစ်အတွင်း မည်သို့မည်ပုံ ဖြေရှင်းမည်ကို စောင့်ကြည့်ရမည်ဖြစ်သည်။
 

Top News