ဒီတစ်ပတ်ကြည့်ရမယ့် ဟောလိဝုဒ်ရုပ်ရှင်

DUNKIRK

-  ဒီတစ်ပတ် ရုပ်ရှင်ကြည့်ရင်း အပန်းဖြေဖို့ စိတ်ကူးထားသူတွေ အတွက် စစ်အက်ရှင် ဇာတ်ကား Dunkirk ကြည့်ဖို့ ညွှန်းချင်ပါ တယ်။

ဒါရိုက်တာ ခရစ္စတိုဖာနိုလန် ရဲ့ လက်ရာဖြစ်ပြီး ဝါနာဘရား သား ရုပ်ရှင်ထုတ်လုပ်ရေးကနေ ဖြန့်ချိထားကာ မြန်မာနိုင်ငံက ရုပ်ရှင်ရုံတွေမှာလည်း ယခုတစ် ပတ် ပြသမှာဖြစ်ပါတယ်။

ဒုတိယကမ္ဘာစစ်ကာလ ပြင် သစ်နိုင်ငံ ဒန်ကာ့ခ်မြို့မှာ ဖြစ်ပွားခဲ့တဲ့ စစ်ပွဲအကြောင်း ဇာတ်အိမ်တည်ထားတာဖြစ်ပြီး ပုံမှန် အက်ရှင်ဇာတ်ကားတွေ ကြည့်နေရာက ဒီလို စစ်အက်ရှင်ဇာတ်ကားလေးက ပရိသတ်တွေကိုရသအပြောင်းအလဲ ပေးစွမ်းမှာမို့ သဘောကျမှာပါ။

ဇာတ်လမ်းကို ၁၉၄၀ ပြည့် နှစ် ဒုတိယကမ္ဘာစစ်ကာလနဲ့ ဇာတ်အိမ်တည်ထားပြီး ဂျာမန် နာဇီတပ်တွေ ပြင်သစ်ကို ကျူး ကျော် ဝင်ရောက်လာတဲ့အခါ မဟာမိတ်နိုင်ငံတွေရဲ့ ထောင် ပေါင်းများစွာသော စစ်သားတွေ ဟာ ဒန်ကာ့ခ်မြို့ရဲ့ ပင်လယ် ကမ်းခြေဘက်ကနေ တပ်စခန်း တွေချပြီး တိုက်ခိုက်ခဲ့ကြပါတယ်။ အကျအဆုံးများပြီး အင်အား တဖြည်းဖြည်း လျော့လာတာမို့ တပ်သားတွေအတွက် မျှော်လင့် ချက်ကင်းမဲ့တဲ့ အနေအထားမျိုး ဖြစ်လာခဲ့ပါတယ်။

နောက်တော့ ဗြိတိန်နဲ့ ပြင် သစ်က ကြည်းတပ်၊ ရေတပ်၊ လေတပ် စစ်အင်အားတွေစုစည်း ပြီး ဗျူဟာကျကျနဲ့ ဒန်ကာ့ခ်ကမ်း ခြေကို ပြန်တိုက်ခိုက်နိုင်ဖို့ ကြိုး ပမ်းခဲ့ကြပါတယ်။ ရွပ်ရွပ်ချွံချွံ တိုက်ခိုက်ပြီးနောက်မှာတော့ ပြင်သစ်၊ ဗြိတိန်၊ ဘယ်လ်ဂျီယံနဲ့ ဒတ်ခ်ျစစ်သားပေါင်း သုံးသိန်း ကျော်ဟာ အန္တရာယ်ရှိတဲ့ အရပ်  ကနေ ဘေးကင်းစွာနဲ့ စွန့်ခွာနိုင်ခဲ့ ကြပါတယ်။

စစ်တိုက်နေတာတွေချည်းပဲ တစ်ချိန်လုံး ပြနေတာမျိုးမဟုတ် ဘဲ မြေပြင်တိုက်ပွဲဖြစ်ခဲ့တဲ့ သီ တင်းပတ်၊ ပင်လယ်ပြင်မှာတိုက် ပွဲဖြစ်တဲ့ရက်၊ လေကြောင်းကနေ တိုက်ခိုက်မှုတွေကို ဖြစ်စဉ် အလိုက် အပိုင်းခွဲပြီး တင်ဆက် ထားတဲ့အတွက် စိတ်ဝင်စားဖို့ ကောင်းပါတယ်။

နောက်ပြီး စစ်မြေပြင်တိုင်း မှာ တပ်သားတွေ ကြုံဆုံရတဲ့ အကြောင်းအရာ ဇာတ်ကွက် လေးတွေလည်း ပါတာမို့ ပရိ သတ်တွေကြည့်လို့ အဆင်ပြေ မယ်လို့ ထင်ပါတယ်။

ဒီဇာတ်ကားထဲမှာ ပါဝင် ထားသူတွေက ဖီရွန်ဝှိုက်ဟက်ဒ်၊ တော်မ်ဂလင်းကာနေ၊ ဂျက်လို ဒန်၊ ဟယ်ရီစတိုင်၊ အန်နူရင် ဘားနက်၊ ဂျိမ်းစ်ဒီအာစီ စသူတွေ ဖြစ်ပါတယ်။ ကမ္ဘာ့ဝင်ငွေ အကောင်းဆုံး ထိပ်တန်းရုပ်ရှင် စာရင်းဝင်နေတဲ့ ဇာတ်ကားမို့ တကယ်ပဲ ကောင်း၊ မကောင်းကို တော့ ကိုယ်တိုင်ကြည့်ပြီးတော့ ဝေဖန်အကဲဖြတ်ကြဖို့ ညွှန်းလိုက်ပါတယ်။         ။

Top News