အားလပ်ရက်မှာ လည်ပတ်စရာ

ပဲခူးရိုးမထဲမှာ အပန်းဖြေမယ်
ဓာတ်ပုံ− မင်းဟိန်းကျော်

ဒီတစ်ပတ်တော့ ရန်ကုန်မြို့နဲ့ မိုင် ၂၀၀ လောက်အကွာမှာ တည်ရှိတဲ့ ပဲခူးရိုးမတောထဲကို အလည်သွားရအောင်ပါ။ မြို့ပြရဲ့ မွန်းကျပ်မှုတွေထဲက တစ်ခဏတာ ရှောင်ထွက်ပြီး သဘာဝတောတွင်း အရသာစစ်စစ်ကို ခံစား

နိုင်မယ့် ပဲခူးရိုးမတောအတွင်းမှာ အသစ်ဖွင့်လှစ်လိုက်တဲ့ Bago Yoma Eco Resort ကို သွားရောက်လည်ပတ်နိုင်ဖို့ လမ်းညွှန်ချင်ပါတယ်။

ဒီအပန်းဖြေစခန်းက မြန်မာနိုင်ငံရဲ့ ထင်ရှားတဲ့ ပဲခူးရိုးမဖြတ်လမ်းတစ်ခုဖြစ်တဲ့ ပြည်-ပေါက်ခေါင်း-အုတ်တွင်း ကားလမ်း ၄၃ မိုင်မှာ တည်ရှိပါတယ်။ ပဲခူးရိုးမအတွင်းက ကျွန်းစိုက်ခင်းတွေအနီး သဘာဝ တောတွင်းမှာ တည်ဆောက်ထားတာဖြစ်လို့ သဘာဝအရသာကို အပြည့်အ၀ ခံစားရစေမှာပါ။

Bago Yoma Eco Resort ကို သွားရောက်လိုသူများအနေဖြင့် ရန်ကုန်-ပြည်လမ်းကဖြစ်စေ၊ ရန်ကုန်-မန္တလေး အမြန်လမ်းမ ကြီးကဖြစ်စေ သွားရောက်နိုင်ပါတယ်။ ကိုယ်ပိုင်ကားနဲ့ မဟုတ် ဘဲ အဝေးပြေးကားနဲ့ သွားရောက်လိုသူများအတွက်တော့ ပြည်မြို့ဘက်က သွားရောက်တာ ပိုအဆင်ပြေပါတယ်။ ရန်ကုန်က ပေါက်ခေါင်းမြို့ကို တိုက်ရိုက်အဝေးပြေးကားလိုင်း စီးသွားနိုင်ပြီး ပေါက်ခေါင်းကတစ်ဆင့် မိုင် ၂၀ ခန့် ထပ်မံသွားရောက်ရတဲ့ အဆိုပါ Resort သို့ ဆိုင်ကယ်ကယ်ရီနဲ့ဖြစ်စေ၊ ပေါက်ခေါင်း- အုတ်တွင်းသွား ယာဉ်လိုင်းတွေနဲ့ဖြစ်စေ သွားရောက်နိုင်ပါတယ်။

Bago Yoma Eco Resort လို့ ရေးသားထားတဲ့ ၀င်ပေါက်ကို ဖြတ်ကျော်လိုက်တာနဲ့ စိမ်းစိမ်းစိုစိုရှိလှတဲ့ တောအုပ်အတွင်းမှာ လှပပြီး အမြင်ဆန်းပြားတဲ့ သစ်သားအဆောက်အအုံတွေကို တွေ့ရမှာပါ။ ဒီ Resort အတွင်းက ဧည့်ကြိုခန်းမဆောင်အပါအ၀င် တည်းခိုအိပ်ဆောင်၊ စားသောက်ဆောင်တွေကို သဘာဝသစ်တွေနဲ့သာ အလှဆင် ဆောက်လုပ်ထားတဲ့အတွက် သဘာဝ အငွေ့အသက်နှစ်သက်သူများ သဘောကျနှစ်ခြိုက်စေမှာဖြစ်ပါတယ်။ တည်းခိုအိပ်ဆောင်တွေကတော့ အမျိုးအစားအလိုက် ခြေတံရှည်ပုံစံ လုံးချင်းအိမ်များ၊ အခန်းတွဲရှည်တွေနဲ့ တည်ဆောက်ထားပါတယ်။

တည်းခိုခနှုန်းထားအနေနဲ့ အခန်းအမျိုးအစားအလိုက် မြန်မာငွေ ကိုးသောင်းကျပ်ကနေ လေးသိန်းကျပ်အထိ သတ်မှတ်ထားပြီး မိုးတွင်းကာလ အထူးအစီအစဉ်အနေနဲ့ အောက်တိုဘာလကုန်ခန့်အထိ ၅၀ ရာခိုင်နှုန်း လျှော့ချပေးမှာဖြစ်ပါတယ်။ အဆိုပါ Resort ဟာ ပဲခူးရိုးမတောအတွင်း တည်ဆောက်ထားတာဖြစ်လို့ တောတွင်းနေထိုင်မှုပုံစံကို ခံစားရရှိနိုင်သလို ပဲခူးရိုးမတောတွင်း လမ်းလျှောက်ခြင်းကိုလည်း ပြုလုပ်နိုင်မှာဖြစ်ပါတယ်။

ဒါ့အပြင် တောတွင်းဆင်စီးတာ၊ စက်ဘီးစီးတာ၊ အနီးအပါးက ကရင်တိုင်းရင်းသားကျေးရွာများကို လေ့လာနိုင်တာ၊ ငှက်ဝါသနာရှင်တွေအတွက် ငှက်မျိုးစိတ်တွေကို တောတွင်း လှည့်လည်ကြည့်ရှုနိုင်တာ၊ သက်တမ်းရင့် ကျွန်းပင်တွေတည်ရှိတဲ့ သစ်တောကြိုးဝိုင်းများကိုလည်း လေ့လာနိုင်ပါတယ်။

Resort က အပန်းဖြေအနားယူပြီးပြီဆိုရင်တော့ အပြန်လမ်း မှာရှိတဲ့ ပြည်မြို့ကို ၀င်ရောက်လည်ပတ်နိုင်ပါသေးတယ်။ ကမ္ဘာ့အမွေအနှစ်စာရင်းဝင် ရှေးဟောင်းပျူမြို့တော်သစ်တစ်ခု ဖြစ်တဲ့ သရေခေတ္တရာပျူမြို့ဟောင်းဟာ ပြည်မြို့အ၀င် ပေါက်ခေါင်း-ပြည်လမ်းမရဲ့ ဘယ်ဘက်မှာပဲ တည်ရှိပါတယ်။ ယူနက်စကို အသိအမှတ်ပြု ရှေးဟောင်းမြို့တော်တစ်ခုဖြစ်တဲ့ သရေခေတ္တရာ မြို့ဟောင်းအတွင်းမှာ ပျူခေတ်လက်ရာ စေတီ၊ အဆောက်အအုံနဲ့ ပျူသင်္ချိုင်းတွေကို လေ့လာနိုင်သလို သရေခေတ္တရာပြတိုက်ကိုလည်း ၀င်ရောက်လေ့လာနိုင်ပါတယ်။ ဒီကမှတစ်ဆင့် ပြည်မြို့အတွင်းရှိ ရွှေဆံတော်ဘုရားအပါအ၀င် လည်ပတ်စရာနေရာတွေကိုလည်း သွားရောက်လည်ပတ်နိုင်ပါတယ်။


ဒီ Bago Yoma Eco Resort ကို သွားရောက်လည်ပတ်မယ်ဆို ရင်တော့ ရန်ကုန်ရုံး ဖုန်း ၀၁- ၄၀၀၆၃၆၊ ဖုန်း ၀၁-၅၅၆၇၉၆ ကို ဆက်သွယ်နိုင်ပါတယ်။

ဒါ့အပြင် အဲဒီ Resort ကို တိုက်ရိုက် ဆက်သွယ်လိုပါက ဖုန်း ၀၉-၃၃၄၄၅၅၆၆၊ ၀၉-၄၄၅၅၆၆၀၀၀ တို့သို့ ဆက်သွယ် သွားရောက်နိုင်ပါတယ်။

မြို့ပြရဲ့ အငွေ့အသက်တွေကနေ ကင်းဝေးပြီး တောတွင်းအရသာကို ခံစားချင်တယ်ဆိုရင် Bago Yoma Eco Resort ကို သွား ရောက်လည်ပတ်သင့်တဲ့ နေရာ တစ်ခုအဖြစ် လမ်းညွှန်လိုက်ပါတယ်။           ။

Top News