မိခင်နို့်ိတိုက်ကျွေးသော အမျိုးသမီးများ ရင်သားကင်ဆာ အန္တရာယ်လျော့ကျနိုင်

ရင်သားကင်ဆာရောဂါနှင့် ပတ်သက်၍ နောက်ဆုံးသိပ္ပံနည်း ကျ လေ့လာမှုကို သုံးသပ်မှုတစ်ခုအတွင်း မိခင်နို့တိုက်ကျွေးခြင်း ကြောင့် အမျိုးသမီးများ သွေးမဆုံးမီနှင့် သွေးဆုံးပြီးနောက် ရင်သား ကင်ဆာဖြစ်ပွားနိုင်သည့် အန္တရာယ်လျော့ကျနိုင်ကြောင်း ခိုင်မာ သည့် အထောက်အထားရှိကြောင်း တွေ့ရှိခဲ့သည်။

အမေရိကန် ကင်ဆာသုတေသနအဖွဲ့ (AICR)နှင့် ကမ္ဘာ့ကင် ဆာသုတေသနရန်ပုံငွေ(WCRE)တို့၏ လေ့လာမှုဆိုင်ရာ အစီရင်ခံ စာကို ကမ္ဘာ့နို့ချိုတိုက်ကျွေးရေး သီတင်းပတ်ကာလ အထိမ်းအမှတ် အဖြစ် ယခုသီတင်းပတ်အတွင်း ထုတ်ပြန်ခြင်းဖြစ်သည်။


မိခင်နို့တိုက်ကျွေးခြင်းကြောင့် အမျိုးသမီးများ မီးဖွားပြီး တစ် ခါပြန်၍ ဓမ္မတာလာချိန်ကို နှောင့်နှေးစေနိုင်ပြီး ရင်သားကင်ဆာဖြစ်ပွားနိုင်သည့် အန္တရာယ်နှင့် ဆက်နွှယ်မှုရှိသော Estrogen ဟု ခေါ်သည့် မဟော်မုန်းနှင့် ဘဝတစ်သက်တာ ထိတွေ့မှုများကို လျော့ကျစေသည်။

နို့တိုက်ပြီးနောက် ရင်သားတစ်သျှူးများတွင် မျိုးဗီဇပျက်စီးနေ သော ဆဲလ်များကိုလည်း ရှင်းလင်းသွားစေသည်။ ရင်သားဆဲလ် များရှိ မျိုးဗီဇများလည်း အပြောင်းအလဲ ဖြစ်သွားနိုင်သဖြင့် ရင်သား ကင်ဆာဖြစ်ပွားနိုင်သည့် အန္တရာယ်ကို လျော့ပါးစေသည်။

ရင်သားများတွင် မူမမှန်သောဆဲလ်များ ပွားများလာကာ အ ကျိတ်ဖြစ်ပေါ်ပါလာပါက ရင်သားကင်ဆာဖြစ်ပွားသည်။ အမျိုး သားများတွင်လည်း ရင်သားကင်ဆာဖြစ်နိုင်သည်။ သို့သော် ယင်း ကင်ဆာရောဂါမှာ အမျိုးသမီးများတွင် ပို၍အဖြစ်များသည်။

မိခင်နို့ ငါးလအထိ တိုက်ကျွေးသော အမျိုးသမီးများသည် ရင်သားကင်ဆာရောဂါ ဖြစ်နိုင်သည့်အန္တရာယ် ၂ ရာခိုင်နှုန်း ပိုနည်းသည်။ ကမ္ဘာ့ကျန်းမာရေးအဖွဲ့(WHO)က ရင်သွေးငယ်များကိုခြောက်လအထိ မိခင်နို့တိုက်ကျွေးရန် လမ်းညွှန်ထားပြီး ယင်းနောက်မှ အခြားဖြည့်စွက်အစာများ ကျွေးသင့်ကြောင်း ညွှန်ကြား ထားသည်။

မိခင်နို့က ရင်သွေးငယ်များအတွက် လိုအပ်သော အာဟာရ ဓာတ်များ ပေးနိုင်သည့်အပြင် ရောဂါပိုးများ မဝင်စေရန် ကိုယ်ခံအားစနစ်ကို အားဖြည့်ပေးသည်။

အမျိုးသမီးများသည် အဝလွန်ဖြစ်ခြင်းကြောင့် သွေးဆုံးပြီး နောက် ရင်သားကင်ဆာဖြစ်နိုင်သည့်အန္တရာယ် ပိုများသည်။ နို့ တိုက်ခြင်းကြောင့် မိခင်ကိုယ်အလေးချိန် ပိုများမလာစေရန် အ ထောက်အကူဖြစ်စေသည်။                             

—Ref: MNT

Top News