ဒေါက်မြင့်ဖိနပ်စီးခြင်းကြောင့် ခန္ဓာကိုယ်ဖွဲ့စည်းပုံ ထိခိုက်နိုင်

ဒေါက်မြင့်ဖိနပ် စီးခြင်းကြောင့် ကျောရိုးမှနေ၍ ခြေဖျားအထိ ခန္ဓာကိုယ်ဖွဲ့စည်းမှုဆိုင်ရာ ပြဿနာများ ဖြစ်ပွားနိုင်သည့် အန္တရာယ်မြင့်မားပြီး ထိခိုက်ဒဏ်ရာရနိုင်သည့် အန္တရာယ်လည်း မြင့်မား ကြောင်း လေ့လာမှုများစွာက ဖော်ပြသည်။

ယင်းလေ့လာမှုအရ ဒေါက်မြင့်ဖိနပ်စီးခြင်းက အမျိုးသမီးများ က အမျိုးသားများအပေါ် ဆွဲဆောင်နိုင်မှု ပိုများပြီး ခန္ဓာကိုယ်အလှ ကို ပေါ်လွင်စေသောကြောင့် လူမှုရေးအကျိုးကျေးဇူးများရှိသော် လည်း ကျန်းမာရေးဆိုင်ရာ ဆုတ်ယုတ်မှုများ ကြုံတွေ့နိုင်သည်။


အချို့သော နိုင်ငံများတွင် ကုမ္ပဏီများက ၎င်းတို့၏ အမျိုးသမီး ဝန်ထမ်းများကို ဒေါက်မြင့်ဖိနပ်များ အတင်းအကျပ်စီးခိုင်းခြင်းမျိုး မရှိစေရေး ညွှန်ကြားချက်များ ထုတ်ပြန်ထားသည်။

ဒေါက်မြင့်ဖိနပ်စီးခြင်းနှင့် ခြေချောင်းအဆစ် ရောင်ရမ်းနာကျင်ခြင်း၊ ခန္ဓာကိုယ်ဖွဲ့စည်းမှုဆိုင်ရာ နာကျင်မှုနှင့် ထိခိုက်ဒဏ်ရာရရှိမှုတို့ကြား ဆက်စပ်မှုရှိကြောင်း လေ့လာမှုများစွာက ဖော်ပြသည်။ သို့သော် ဒေါက်မြင့်ဖိနပ်စီးခြင်းနှင့် အဆစ်အမြစ်ရောင်ရမ်း သော ရောဂါဖြစ်ပွားမှုကြား ဆက်စပ်မှုမရှိကြောင်းလည်း လေ့လာ မှုများက ဖော်ပြသည်။

ဒေါက်မြင့်ဖိနပ်စီးခြင်းသည် ကျန်းမာရေးအတွက် မကောင်း ကြောင်း ဖော်ပြသောအထောက်အထားများ ရှိသော်လည်း ရှုပ်ထွေးသော လူမှုရေးနှင့်ယဉ်ကျေးမှုဆိုင်ရာ အကြောင်းအရာများရှိနေပြီး ဒေါက်မြင့်ဖိနပ်စီးခြင်းသည် ဆွဲဆောင်မှုရှိသည်ဟု ခံယူနေကြကြောင်း အဘာဒင်းတက္ကသိုလ်မှ သုတေသီများက ပြော သည်။

မိမိတို့အနေဖြင့် အမျိုးသမီးများကို ဒေါက်မြင့်ဖိနပ်စီးသင့်၊  မစီးသင့်ဟု ပြောဆိုလိုခြင်း မဟုတ်သော်လည်း လူမှုရေးအကျိုးကျေးဇူးများနှင့်အတူ ဒေါက်မြင့်ဖိနပ်စီးသူများအနေဖြင့် ကျန်းမာရေးအန္တရာယ်များကို အလေးထားသင့်ကြောင်း သုတေသီများက ပြောသည်။

ထို့အပြင် အချို့သော နိုင်ငံများရှိကုမ္ပဏီများသည် ၎င်းတို့၏အမျိုးသမီးများကို ဒေါက်မြင့်ဖိနပ်မစီးမနေရ သတ်မှတ်ချက်များ ထားရှိနေကြသောကြောင့် အမျိုးသမီးများကို ၎င်းတို့ဆန္ဒမပါဘဲ အတင်းအကျပ်စီးခိုင်းခြင်းကို တားဆီးနိုင်မည့် အစီအစဉ်များ လို အပ်ကြောင်း ၎င်းတို့ကပြောသည်။

အမျိုးသမီးများ ဖိနပ်စီးရန် ရွေးချယ်ရာတွင် လွတ်လပ်မှုရှိသင့်ပြီး ဒေါက်မြင့်ဖိနပ်များ ရေရှည်စီးခြင်းကြောင့် ထိခိုက်ဒဏ်ရာရခြင်း အပါအဝင် ကျန်းမာရေးဆိုးကျိုးများကို အလေးအနက် ထားရန်လိုကြောင်း သုတေသီများကပြောသည်။

—Ref: MNT

Top News