ရခိုင်ကမ်းလွန် A6 လုပ်ကွက်တွင် တစ်ရက်လျှင် သဘာဝဓာတ်ငွေ့ ကုဗပေသန်း ၅၀ ကျော် ထုတ်နိုင်သည့် သဲကြောတွေ့

ရခိုင်ကမ်းလွန် A6 လုပ်ကွက်တွင် သဘာဝဓာတ်ငွေ့ စမ်းသပ်ထုတ်လွှတ်နေစဉ် (ဓာတ်ပုံ − MOI)

ရခိုင်ကမ်းလွန်တောင် ပိုင်း၌ ရေနံနှင့်သဘာဝဓာတ်ငွေ့ တူးဖော်ရေးလုပ်ကွက် A6 ရှိ ပြည်သစ်တွင်း အမှတ်(၁) တွင် တစ် နေ့လျှင် ကုဗပေသန်း ၅၀ ကျော် ထုတ်လုပ်နိုင်သော သဘာဝဓာတ် ငွေ့ခိုအောင်းနေသည့် ထုထည် ၂၀၁၇ ပေရှိ သဲကြောကို တွေ့ရှိ ကြောင်း သက်ဆိုင်ရာဝန်ကြီးဌာန နှင့် ကုမ္ပဏီက ထုတ်ပြန်သည်။

အဆိုပါတွင်းသည် A6 လုပ် ကွက်အတွက် တတိယမြောက်ရှာ ဖွေရေးတွင်းဖြစ်ပြီး ဇူလိုင် ၁၀ ရက်တွင် စတင်ရှာဖွေခဲ့ခြင်း ဖြစ် ကြောင်း အဆိုပါရေနံနှင့်သဘာဝ ဓာတ်ငွေ့လုပ်ကွက်ကို လုပ်ကိုင်ခွင့်ရသည့် MPRL E&P ကုမ္ပဏီနှင့် လျှပ်စစ်နှင့်စွမ်းအင်ဝန်ကြီးဌာန တို့က သြဂုတ် ၇ ရက်၌ ထုတ် ပြန်ကြေညာခဲ့သည်။

‘‘ကုဗပေသန်း ၅၀ ထုတ်ယူ ရရှိတယ်ဆိုတဲ့အနေအထားတွေ ရှိတယ်။ အရင် သုံးတွင်းအောင် တာရှိတယ်။ အဲဒီမှာ ကျွန်တော် တို့ Success(အောင်မြင်မှု)ထပ် ဖြစ်မယ်ဆိုရင်တော့ ကျွန်တော်တို့ဒီဧရိယာကို စီးပွားရေးအရတော့ ဖြစ်နိုင်စရာအကြောင်းရှိတယ်လို့ သတ်မှတ်လို့ရမယ့်အနေအထား တစ်ခုပါ’’ဟု လျှပ်စစ်နှင့်စွမ်းအင် ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က သြဂုတ် ၇ ရက်က ပြုလုပ်သည့် ဝန်ကြီးဌာနရှင်းလင်း ပွဲတွင် ပြောသည်။

အဆိုပါလုပ်ကွက် A6 သည် စီးပွားရေးအရ ထုတ်လုပ်နိုင် ကြောင်း ကုမ္ပဏီက တင်ပြမည်ဖြစ်သော်လည်း ဝန်ကြီးဌာနက တိုက်ရိုက်လက်ခံမည်မဟုတ်ဘဲ အခြားကုမ္ပဏီတစ်ခုကို တတိယပါတီအနေဖြင့် ထပ်မံစစ်ဆေးစေ မည်ဟု  ဝန်ကြီး ဦးဝင်းခိုင်က ပြောသည်။ ထို့အပြင် အဆိုပါလုပ်ကွက်အတွင်း လေးခုမြောက်တွင်း ဖြစ်သည့် ရွှေပြည်သာတွင်းကို ထပ်မံ တူးဖော်စမ်းသပ်မည်ဟု ၎င်းက ထပ်မံပြောကြားခဲ့သည်။

A6 လုပ်ကွက်တွင် တူးဖော် ခဲ့သည့်သဘာဝဓာတ်ငွေ့ရှာဖွေ ရေးတွင်းသုံးခုစလုံးတွင် သဘာဝ ဓာတ်ငွေ့တွေ့ရှိခဲ့သဖြင့် ရာခိုင် နှုန်းပြည့် အောင်မြင်မှုဖြစ်ကြောင်း MPRL E&P ကုမ္ပဏီက ထုတ်ပြန် ထားသည်။ A6လုပ်ကွက်ရှိ အဆိုပါရှာဖွေရေးတွင်းသည် ပင်လယ်ရေ အနက် ၆,၅၀၀ ကျော်အောက် တွင်းအနက်ပေ ၁၅,၀၀၀ ခန့်ရှိ အဓိကသဲကြောများတွင် သဘာဝ ဓာတ်ငွေ့ကော်လံထုသည် ၂၀၇ ပေခန့်ရှိကြောင်း ကုမ္ပဏီက ဆို သည်။ အဆိုပါတွင်းမှာ သဘာဝ ဓာတ်ငွေ့ တစ်နေ့လျှင် ကုဗပေ သန်း ၅၀ ကျော်ထုတ်လုပ်နိုင်မည် ဟု ဆိုသည်။

အထက်ပါ A6 လုပ်ကွက် သည် ၂၀၀၇ တွင် MOGE နှင့် MPRL E&P တို့သည် ထုတ်လုပ်မှု ခွဲဝေရေးစာချုပ်(PSC) ချုပ်ဆိုထားသည်။ ယင်းလုပ်ကွက်၌ ၂၀၁၂ မတ်လတွင် ပြည်သာတွင်း အမှတ်(၁) ကို စတင်တူးဖော်ခဲ့ပြီး ရေအနက်ပေ ၇၀၀ ခန့်တွင် အထူ ပေ ၂၀ ရှိသည့် သဘာဝဓာတ်ငွေ့ ခိုအောင်းနေသည့် သဲကြောကို တွေ့ခဲ့သည်။ ထို့နောက် ၂၀၁၅ နိုဝင်ဘာ ၂၇ ရက်တွင် ရွှေရည် ထွန်း အမှတ်(၁)တွင်းကို ပင်လယ် ရေအနက်ပေ ၆,၆၀၀ ကျော်၌ တွင်းအနက် ၁၇,၀၀၀ ကျော်ကို ထပ်မံတူးဖော်ခဲ့သည်။

‘‘စီးပွားဖြစ် ထုတ်လုပ်နိုင် မယ်ဆိုရင် နောက်ထပ်ရေနံစင် တစ်ခုပေါ်လာမယ်။ ဒါပေမဲ့ အချိန်ကတော့ ယူရမယ်။ အနည်းဆုံး ငါးနှစ်လောက်ကြာနိုင်တယ်’’ဟု MPRL ကုမ္ပဏီများအုပ်စုအမှု ဆောင်ဒါရိုက်တာ ဦးတင့်ဆွေက ပြောသည်။

A6 လုပ်ကွက်တွင် MPRL E&P ကုမ္ပဏီက စွန့်စားရင်းနှီးမြှုပ် နှံမှု ၂၀ ရာခိုင်နှုန်း၊ သြစတြေးလျ ရေနံကုမ္ပဏီဖြစ်သည့် Woodside Energy နှင့် Total Myanmar E&Pက ၄၀ ရာခိုင်နှုန်းစီ ပါဝင်ဆောင် ရွက်ခြင်းဖြစ်သည်။

Top News