အာဆီယံဒေသတွင်း အကြမ်းဖက်အစွန်းရောက်ဝါဒီများကို ဖြေရှင်းရမည်ဟု သမ္မတက သ၀ဏ်လွှာပေးပို့

နိုင်ငံတော်သမ္မတ ဦးထင်ကျော်(ဓာတ်ပုံ−သမ္မတရုံး)

 အာဆီယံဒေသတွင်း အ ကြမ်းဖက်တိုက်ခိုက်မှုနှင့်အကြမ်း ဖက် အစွန်းရောက်ဝါဒီများကို စိန်ခေါ်မှုအနေဖြင့် ရင်ဆိုင်ဖြေ ရှင်းရဦးမည်ဖြစ်ကြောင်း နိုင်ငံတော် သမ္မတဦးထင်ကျော်က ပြောကြားကြောင်း နှစ် (၅၀)ပြည့် ရွှေရတုနှစ်ပတ်လည် အာဆီယံ နေ့အတွက်ပေးပို့သည့် သ၀ဏ်လွှာတွင် ဖော်ပြထားသည်။

အထက်ပါစိန်ခေါ်မှုနှင့်အ တူ အာဆီယံဒေသတွင်းနှင့်ကမ္ဘာ တစ်ဝန်း လူဦးရေတိုးပွားမှုနှုန်းမြင့်မားလာခြင်း၊ ဂလိုဘယ်လိုက် ဇေးရှင်းကို ဆန့်ကျင်လာကြခြင်းနှင့် လူမှုစီးပွားရေး မတည်ငြိမ်မှုများကို ရင်ဆိုင်ဖြေရှင်းရမည်ဟု နိုင်ငံတော်သမ္မတက ဆိုသည်။


‘‘ဒါတွေကို ရင်ဆိုင်လာနိုင် အောင် ဒေသတွင်း ပေါင်းစည်းမှု အင်အား ပိုမိုကောင်းမွန်အောင် ပြည်သူလူထုပူးပေါင်းပါဝင်မှုနဲ့ ဆတက်ထမ်းပိုး ကြိုးပမ်းဖော် ဆောင်ရမှာဖြစ်ပါတယ်။ အထူး သဖြင့် အမျိုးသမီးနဲ့ လူငယ်များရဲ့ ပူးပေါင်းပါဝင်မှု ပိုမြှင့်တင်ပေးရ မှာဖြစ်ပါတယ်’’ဟု ၎င်းက ဆက် လက်ပြောသည်။

အာဆီယံသည် နှစ်ပေါင်း ၅၀ အတွင်း ကြုံတွေ့ခဲ့ရသည့် ပြဿနာများကို အတူတကွ ပူး ပေါင်းဖြေရှင်းနိုင်ခဲ့ပြီး အာဆီယံ ၏ စီးပွားရေးအခြေအနေသည် လည်း သိသိသာသာ တိုးတက်ခဲ့ သည်ဟု သမ္မတက ဆိုသည်။

အာဆီယံအဖွဲ့ဝင်နိုင်ငံများ ၏ စုစုပေါင်း ကုန်ထုတ်လုပ်မှုတန် ဖိုးသည် ကန်ဒေါ်လာ ၂ ဒသမ ၅၅ ထရီလီယံရှိခဲ့ပြီး အကြီးမား ဆုံးသော ကမ္ဘာ့စီးပွားရေးအုပ်စု တစ်ခုဖြစ်လာခဲ့သည်ဟု နိုင်ငံ တော် သမ္မတက ပြောသည်။

ပြီးခဲ့သည့်နှစ်အတွင်း အာ ဆီယံ၏ စီးပွားရေးတိုးတက်မှုနှုန်း သည် ၄ ဒသမ ၇ ရာခိုင်နှုန်းရှိခဲ့ပြီး ကမ္ဘာတစ်ဝန်း အခက်အခဲ အ ကျပ်အတည်းနှင့် စိန်ခေါ်မှုများရှိ နေသော်လည်း ယခုနှုန်းသည် ချီး ကျူးထိုက်သည့်နှုန်းဖြစ်သည်ဟု ၎င်းက ဆိုသည်။

ယခုနှစ်ကုန်လျှင် အကောင်အထည်ပေါ်လာမည့် ဒေသဆိုင် ရာ ဘက်စုံစီးပွားရေး မိတ်ဖက်အစီ အစဉ်ကို အကောင်အထည်ဖော် လာနိုင်လျှင် အောင်မြင်မှု ပိုမိုရရှိ မည်ဖြစ်ပြီး ကမ္ဘာ့လူဦးရေတစ် ၀က်ကို လွှမ်းခြုံနိုင်သည့် အကြီး မားဆုံး ဈေးကွက်တစ်ခုဖြစ်လာ မည်ဟု သမ္မတက ပြောသည်။ အာဆီယံဒေသသည် ကမ္ဘာ့ကုန် ထုတ်လုပ်မှု တန်ဖိုး ၃၀ ရာခိုင်နှုန်း ရှိလာမည့် ကုန်သွယ်ရေးဒေသ ကြီးတစ်ခုဖြစ်လာမည်ဟု ၎င်းက ပြောသည်။

၂၀၁၇ သြဂုတ် ၈ ရက်သည် အာဆီယံတည်ထောင်ခြင်း နှစ် ၅၀ ပြည့်ဖြစ်ပြီး မြန်မာနိုင်ငံ အာဆီယံသို့ ၀င်ရောက်သည့် နှစ် ၂၀ မြောက်နေ့ဖြစ်သည်။ လက်ရှိ အချိန်တွင် အာဆီယံသည် ကမ္ဘာ ပေါ်တွင် စီးပွားရေးပူးပေါင်း ဆောင်ရွက်မှု အဆင့် ၇ နေရာတွင်ရှိနေသည်။