နိုင်ငံရေးဆွေးနွေးပွဲများတွင် တိုင်းရင်းသားအဖွဲ့အားလုံးမပါသရွေ့ ပြည်တွင်းငြိမ်းချမ်းရေးရမည်မဟုတ်ဟု NMSP ထုတ်ပြန်

နိုင်ငံရေးဆွေးနွေးပွဲများတွင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA)လမ်းကြောင်းအရဖြစ်စေ၊ အခြားလမ်းကြောင်းမှဖြစ်စေ လက်နက်ကိုင်တော်လှန်ရေးအဖွဲ့အားလုံး မပါဝင်နိုင်သေးသရွေ့ စစ်မှန်သော ပြည်တွင်းငြိမ်းချမ်းရေးရမည်မဟုတ်ဟု ယုံကြည်ကြောင်း မွန်ပြည်သစ်ပါတီ (NMSP)က ထုတ်ပြန်သည်။

ဩဂုတ် ၇ ရက်တွင် ကျရောက်သော (၇၀)ကြိမ်မြောက် မွန်တော်လှန်ရေးနေ့၌ NMSP ၏ သဘောထားကို ထုတ်ပြန်ကြေညာခြင်းဖြစ်သည်။

လက်ရှိနိုင်ငံရေးအခင်းအ ကျင်းသည် NCA လက်မှတ်ရေး ထိုးပြီးမှ နိုင်ငံရေးဆွေးနွေးခွင့်ရ မည်ဖြစ်ရာ NMSP အနေဖြင့် UNFC နှင့်အတူ NCA လမ်း ကြောင်းအတိုင်း ဆက်လက်ဖော် ဆောင်မည်ဖြစ်ကြောင်း ထုတ် ပြန်ချက်တွင် ဖော်ပြသည်။

UNFC အဖွဲ့ဝင်အဖွဲ့အစည်း အချို့နုတ်ထွက်ခြင်းသည် နိုင်ငံရေးဆွေးနွေးပွဲကို အခြားလမ်းကြောင်းဖြင့် အဖြေရှာလိုခြင်းကြောင့်ဖြစ်ကြောင်း၊ သို့ဖြစ်၍ UNFC အနေဖြင့် NCA လက်မှတ် ထိုးပြီးသား တိုင်းရင်းသားရှစ်ဖွဲ့ နှင့်လည်းကောင်း၊ မြောက်ပိုင်း မဟာမိတ်အဖွဲ့များနှင့်လည်း ကောင်း ဆက်သွယ်ညှိနှိုင်းနေကြောင်း NMSP ကထုတ်ပြန် သည်။

ကချင်လက်နက်ကိုင်အဖွဲ့ (KIO) အပါအ၀င် UNFC အဖွဲ့ အစည်းအချို့သည် ‘၀’လက်နက်ကိုင်အဖွဲ့ (UWSA) ဦးဆောင်သည့် မြောက်ပိုင်းလက်နက်ကိုင်ခုနစ်ဖွဲ့၏ ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီ တွင် ပါဝင်ရန် UNFC မှ နုတ်ထွက်ထားသည်။ မြောက်ပိုင်းခုနစ်ဖွဲ့သည် NCA မထိုးဘဲနိုင်ငံရေးဆွေး နွေးရန် ကြိုးစားနေသည်။

NMSP ၏ ထုတ်ပြန်ချက်တွင် ၎င်းတို့အဖွဲ့ NCA မထိုးနိုင်သေး၍ တပ်မတော်က ၎င်းတို့၏ တပ်စခန်းများကို သိမ်းပိုက်ခြင်း နှင့် ဆက်ဆံရေးရုံးကို ၀င်ရောက်ရှာဖွေခဲ့ကြောင်း၊ ယင်းကိစ္စကို အစိုးရထံ တင်ပြခဲ့သော်လည်း တစ်စုံတစ်ရာတုံ့ပြန်မှုမရှိ၍ အစိုးရအပေါ် ယုံကြည်မှုလျော့လာကြောင်း ပါရှိသည်။

NLD အစိုးရအနေဖြင့် အာဏာမရမီကာလက ၂၀၀၈ ဖွဲ့စည်းပုံအခြေခံဥပဒေပြင်ဆင်ရေး အလေးပေးကြွေးကြော်ခဲ့သော်ငြားလည်း အစိုးရဖြစ်လာပြီး နောက်တစ်နှစ်ကျော်တိုင်အောင် ဖွဲ့စည်းပုံပြင်ဆင်ရေးကိစ္စရေငုံ နှုတ်ပိတ်နေရုံမက NCA မထိုးရသေးသည့် အဖွဲ့များနှင့်ပြေလည်အောင် မညှိနှိုင်းနိုင်ဟု ထုတ်ပြန်ချက်တွင် ဖော်ပြထားသည်။

ထို့အပြင် မြန်မာနိုင်ငံ မြောက်ပိုင်းဒေသတိုက်ပွဲများ ရပ်တန့်အောင်မစွမ်းဆောင်နိုင်ခြင်း နှင့် ၂၁ ရာစုပင်လုံဒုတိယအစည်း အဝေးကျင်းပရာတွင်လည်းလက်နက်ကိုင်တိုင်းရင်းသားအဖွဲ့အားလုံးမပါဝင်နိုင်သည်ကို မျက်ကွယ် ပြုလျက် ပြည်ထောင်စုသဘောတူစာချုပ်အစိတ်အပိုင်း(၁)ကို အတည်ပြုခဲ့ရာ အနာဂတ်ဖက်ဒရယ်ဒီမိုကရေစီတည်ဆောက်ရေးကို အဟန့်အတားဖြစ်စေကြောင်းလည်း ဆိုသည်။ အစိုးရကိုယ်စားလှယ်များကမူ ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးသည် ငြိမ်း

ချမ်းရေးလုပ်ငန်းစဉ်နှင့် ချိတ်ဆက်ထား၍ ငြိမ်းချမ်းရေးလုပ်ငန်းစဉ် အောင်မြင်ပါက အလိုအလျောက် ဖြေရှင်းပြီးဖြစ်မည်ဟု ပြောကြားထားသည်။

More in Politics Section