ဆက်သွယ်ရေးဥပဒေကြမ်း အစီရင်ခံစာ အဆင်သင့်မဖြစ်သေး၍ ပြည်သူ့လွှတ်တော်တွင် တစ်ရက် နောက်ဆုတ်၍တင်

ဩဂုတ် ၉ ရက်က ကျင်းပသည့် ပြည်သူ့လွှတ်တော် အစည်းအဝေးတွင် ဆက်သွယ် ရေးဥပဒေကြမ်းကို ပြင်ဆင်သည့် ဥပဒေကြမ်းနှင့် ပတ်သက်၍ ဥပဒေကြမ်းကော်မတီ၏ အစီရင် ခံစာတင်သွင်းရန် အစီအစဉ်ထည့်သွင်းထားသော်လည်း  တင်သွင်းခဲ့ခြင်းမရှိဘဲ လွှတ်တော်ကို ရပ်နားခဲ့သည်။


ယင်းသို့ အစီရင်ခံစာတင် သွင်းခြင်းမရှိသည့်အပေါ် ပြည်သူ့ လွှတ်တော်ဥပဒေကြမ်းကော်မတီ ဥက္ကဋ္ဌ ဦးထွန်းအောင်ကို ဖုန်းဖြင့် ဆက်သွယ်မေးမြန်းရာ ‘‘အဆင် သင့်မဖြစ်သေးလို့ပါ’’ဟု 7Day Daily သတင်းစာအား ပြောကြား သည်။

ဩဂုတ် ၉ ရက်က ပြည်သူ့လွှတ်တော်၌ အစီအစဉ်ရှစ်ခုလျာထားသော်လည်း ခုနစ်ခုမြောက်ဖြစ်သည့် အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီ၏ အစီရင်ခံစာ တင်သွင်းပြီးနောက် အစည်းအဝေးကို ရပ်နားခဲ့သည်။

‘‘ဆက်သွယ်ရေး ဥပဒေနဲ့ စပ်လျဉ်းပြီး ဥပဒေကြမ်းကော်မတီက အစီရင်ခံစာဖတ်ကြားခြင်းကို ဩဂုတ် ၁၀ ရက်မှာ ဆောင်ရွက်မှာဖြစ်ပါတယ်’’ဟု ပြည်သူ့လွှတ်တော်ဥက္ကဋ္ဌ ဦးဝင်းမြင့်က လွှတ်တော်အစီအစဉ်နှင့် ပတ် သက်၍ ပြောသည်။

သို့သော် မည်သည့်အတွက် ကြောင့် အစီရင်ခံစာတင်သွင်း ခြင်းမရှိကြောင်း လွှတ်တော်ဥက္ကဋ္ဌက ပြောကြားခြင်းမရှိပေ။

အမျိုးသား လွှတ်တော်၌ အဆိုပါ ဆက်သွယ်ရေးဥပဒေ ကြမ်းတွင် ပါဝင်သည့် ပုဒ်မ ၆၆ (ဃ)ကို မပယ်ဖျက်ဘဲ ပြင်ဆင် ရန်သာ မဲခွဲဆုံးဖြတ်အတည်ပြု ထားသည်။

ဩဂုတ် ၉ ရက်က ပြည်သူ့ လွှတ်တော်တွင် ယင်းဥပဒေကြမ်း အစီရင်ခံစာ ဖတ်ကြားခြင်းနှင့် ဆွေးနွေးလိုသည့် ကိုယ်စားလှယ် များ အမည်စာရင်းတင်သွင်းရ မည်ဖြစ်သော်လည်း မပြုလုပ်ခဲ့ ပေ။

More in Politics Section