ဦးစိန်ဝင်း၏နုတ်ထွက်စာ ဆိုင်းငံ့ရန် အကြောင်းကြားစာနှင့်ပတ်သက်၍ ဒီချုပ်အကြောင်းပြန်ချက်ကို ရွေးကောက်ပွဲကော်မရှင် စောင့်ဆိုင်း

ပြည်သူ့လွှတ်တော်ကိုယ်စားလှယ် ဦးစိန်ဝင်း (ဓာတ်ပုံ − မအူပင် စိန်ဝင်း(ဖေ့စ်ဘွတ်ခ်))

အမျိုးသားဒီမိုက ရေစီအဖွဲ့ချုပ် (ဒီချုပ်)ပါတီမှ နုတ်ထွက်စာတင်ထားသည့် မအူ ပင်မြို့နယ် ပြည်သူ့လွှတ်တော် ကိုယ်စားလှယ် ဦးစိန်ဝင်းနှင့်ပါတီ အကြား ဆောင်ရွက်မှုအခြေအနေ ကို ပြည်ထောင်စုရွေးကောက်ပွဲ ကော်မရှင်သို့ အကြောင်းကြားခြင်းမရှိသေးကြောင်း ကော်မရှင်အတွင်းရေးမှူး ဦးတင်ထွန်းက ပြောသည်။

ဒီချုပ်သည် ဦးစိန်ဝင်း၏ နုတ်ထွက်စာကို ဆိုင်းငံ့ပေးရန် ပြည်ထောင်စု ရွေးကောက်ပွဲ ကော်မရှင်သို့ ဇူလိုင် ၂၂ ရက်တွင် ဒုတိယအကြိမ် အကြောင်းကြား စာပို့ထားပြီး ကော်မရှင်က နှစ် ဖက်ဆောင်ရွက်ရန် ရှိသည်ကို ဆောလျင်စွာ ဆောင်ရွက်ရန်နှင့် ဆောင်ရွက်မှုအခြေအနေကို တင် ပြရန် ဇူလိုင် ၂၇ ရက်၌ ပြန်လည်ပေးပို့ထားကြောင်း ၎င်းက သြဂုတ်၁၀ ရက်တွင် ပြောကြားသည်။

ပြည်ထောင်စုရွေးကောက်ပွဲ ကော်မရှင်ထံသို့ ဒီချုပ်၏ ပထမ အကြိမ်အကြောင်းကြားစာသည် ဗဟိုအလုပ်အမှုဆောင်အဖွဲ့အ တွင်းရေးမှူးအဖွဲ့ဝင် ဦးဉာဏ်ဝင်း လက်မှတ်ဖြင့် ဇူလိုင် ၂၀ ရက်တွင် ဦးစိန်ဝင်းအားပါတီမှ နုတ်ထွက်ခွင့်ပြုခဲ့သည့်စာဖြစ်သည်။

သို့ရာတွင် ဒုတိယအကြိမ် အကြောင်းကြားစာဖြင့် ဦးစိန်ဝင်း ၏ နုတ်ထွက်စာကို ဆိုင်းငံ့ထား ရန် ဒီချုပ်က ပြန်လည်တောင်းဆို ထားသည်။

ဒီချုပ်က အကြောင်းမပြန် သေးခြင်းအပေါ် ဦးဉာဏ်ဝင်းထံ ဆက်သွယ်မေးမြန်းရာ ယင်းကိစ္စ ကို ဗဟိုအလုပ်အမှုဆောင်အဖွဲ့ က တိုက်ရိုက်ဆောင်ရွက်နေပြီး အဖွဲ့ဝင်တစ်ဦးအနေဖြင့် မှတ်ချက်ပြုမရကြောင်း ဖြေကြားသည်။

မအူပင်မြို့နယ် ပြည်သူ့ လွှတ်တော်ကိုယ်စားလှယ် ဦးစိန် ၀င်းကမူ ၎င်းအနေဖြင့် တစ်သီး  ပုဂ္ဂလ ပြည်သူ့လွှတ်တော်ကိုယ် စားလှယ်အဖြစ် ဆက်လက်ရပ် တည်မည်ဖြစ်ကြောင်းနှင့် သြဂုတ်  ၅ ရက်တွင် ဦးဉာဏ်ဝင်းလက်မှတ် ဖြင့် ပါတီမှ နုတ်ထွက်ခွင့်ပြုသည့် အကြောင်းကြားစာ လက်ခံရရှိ ကြောင်း ယမန်နေ့က ပြောကြား သည်။

‘‘ဇူလိုင် ၂၆ ရက်မှာ UEC (ကော်မရှင်)ကို သွားတယ်။ ဇူလိုင် ၂၇ ရက်မှာ တစ်သီးပုဂ္ဂလ ပြည်သူ့လွှတ်တော် ကိုယ်စား လှယ် (Individual)နဲ့ သွားမယ်ဆို ပြီး တရားဝင်စာရေးပေးလိုက်ပါ တယ်’’ဟု ဦးစိန်ဝင်းက ဆိုသည်။

ထို့ကြောင့် ၎င်း၏ နုတ်ထွက် စာကို ပြည်ထောင်စုရွေးကောက် ပွဲကော်မရှင်က မှတ်တမ်းမတင် ဘဲ တုံ့ဆိုင်းနေခြင်းသည် ကော်မ ရှင်က ဥပဒေ၊ နည်းဥပဒေကို မ လိုက်နာခြင်းဖြစ်ကြောင်း ဦးစိန် ၀င်းက ဝေဖန်သည်။

ဦးစိန်ဝင်းသည် ဒီချုပ်ပါတီ ၀င်အဖြစ်မှ နုတ်ထွက်စာကို ပြည် ထောင်စုရွေးကောက်ပွဲကော်မ ရှင်နှင့် ပါတီဌာနချုပ်သို့ ဇူလိုင် ၁၄ ရက်တွင် ပေးပို့ခဲ့သည်။

ယင်းကဲ့သို့ နုတ်ထွက်စာမ တင်မီ ဇူလိုင် ၁၃ ရက်က ကျင်းပ ခဲ့သည့် ပြည်သူ့လွှတ်တော်အ စည်းအဝေးတွင် ဥက္ကဋ္ဌ ဦးဝင်းမြင့် က ဦးစိန်ဝင်း၏ ဆွေးနွေးချက် များကို ရုပ်သိမ်းရန် သတိပေး ပြောကြားခဲ့သည်။

ထို့အပြင် ဦးစိန်ဝင်းသည် ပြည်သူ့လွှတ်တော်၊ တောင်သူ လယ်သမားနှင့် အလုပ်သမားရေး ရာကော်မတီဥက္ကဋ္ဌအဖြစ် တာဝန် ယူချိန်တွင် လုပ်ငန်းရှင်တစ်ဦးနှင့် ဒီချုပ်ပါတီဝင်လေးဦးကို ရာဇ ၀တ်မှုဖြင့် တရားစွဲဆိုခဲ့ရာ ပါတီ က တရားစွဲဆိုခြင်းမပြုရန် တား မြစ်ခဲ့သည်။

ယင်းဖြစ်စဉ်ဖြစ်ပြီးနောက် အထက်ပါ ကော်မတီသက်တမ်း တစ်နှစ်မပြည့်မီ ဦးစိန်ဝင်းကို ကော်မတီဥက္ကဋ္ဌအဖြစ်မှ ဖယ်ရှား ခဲ့သည်။ ထို့အတူ ၎င်းကို အမျိုး သားဒီမိုကရေစီအဖွဲ့ချုပ်ပါတီ မအူပင်မြို့နယ် အလုပ်အမှု ဆောင်တာဝန်မှ ရပ်ဆိုင်း၍ သာမန်ပါတီဝင်အဖြစ် အပြစ်ပေးခဲ့သည်။

Top News