တောင်ကြီးတွင် ခွင့်ပြုချက်မဲ့ အဆောက်အအုံ တည်ဆောက်မှု ရှိ၊ မရှိ ကွင်းဆင်းစစ်ဆေး

 တောင်ကြီးမြို့တွင် စည်ပင်သာယာရေးဌာန ခွင့်ပြု ချက်မရှိဘဲ တည်ဆောက်နေ သည့် နေအိမ်အပါအ၀င် အဆောက်အအုံများကို မြို့နယ်စည်ပင်သာယာရေးကော်မတီက သြဂုတ် ၉ ရက်တွင် ကွင်းဆင်းစစ်ဆေးခဲ့သည်။

စည်ပင်သာယာရေးဌာနက ထုတ်ပြန်ပေးသည့် ဆောက်လုပ် ရန် ခွင့်ပြုမိန့်မကျမီ တည်ဆောက် နေသည့် အိမ်များနှင့် ခွင့်ပြုချက် မတင်ဘဲ မိမိ သဘောဆန္ဒဖြင့် တည်ဆောက်နေသည့် အိမ်များ ကို တောင်ကြီးမြို့ပေါ်ရပ်ကွက် များအတွင်း ကွင်းဆင်းစစ်ဆေး ကြည့်ရှုခဲ့ကြောင်း တောင်ကြီးမြို့နယ် စည်ပင်သာယာရေး ကော်မတီဝင် ဦးဇော်ဝင်းထူးက ပြောသည်။

‘‘တည်ဆောက်နေတာတွေ စည်းကမ်းတကျဖြစ်လား၊ မဖြစ် ဘူးလား၊ စည်ပင်သာယာရဲ့ ခွင့် ပြုမိန့်ယူရတယ်ဆိုတာ အင်ဂျင် နီယာတွေရဲ့ စီမံခန့်ခွဲမှု တိကျ အောင်လိုက်စစ်တာ။တကယ်သတ်မှတ်ထားတဲ့ စံနှုန်းတွေအတိုင်း ရှိ၊ မရှိ၊ ပါ၊ မပါ သိရှိအောင် စည်ပင် သာယာရေးကော်မတီမှာ ပါဝင် တဲ့ အင်ဂျင်နီယာအဖွဲ့တွေနဲ့ စစ် ဆေးခြင်းဖြစ်တယ်’’ ဟု ဦးဇော် ၀င်းထူးက ပြောသည်။

 သို့သော် ယခုကဲ့သို့ ကွင်း ဆင်းစစ်ဆေးစဉ် ခွင့်ပြုချက်မဲ့ အဆောက်အအုံဆောက်လုပ်မှု၊ တွေ့ရှိမှုနှင့်ပတ်သက်၍မူ အသေး စိတ်ပြောကြားခဲ့ခြင်း မရှိပေ။

စည်ပင်သာယာရေးဌာန ခွင့်ပြုချက်မရှိဘဲ တည်ဆောက် နေသည့် အိမ်များ တွေ့ရှိပါက  တားမြစ်အဆောက်အအုံအဖြစ် သတ်မှတ်ပြီး စည်ပင်သာယာရေး ဌာနတွင် အချက်အလက်ပြည့်စုံ အောင် ပြန်လည်တင်ပြပြီးမှသာ တည်ဆောက်ရမည်ဟု တောင်ကြီးမြို့နယ် စည်ပင်သာယာရေးကော်မတီမှ သိရသည်။

ခွင့်ပြုချက်မရှိဘဲ အဆောက် အအုံတည်ဆောက်ခြင်း၊ တည် ဆောက်မိန့် တင်ထားစဉ်က အ ချက်အလက်များဖြင့်  ကိုက်ညီမှုမရှိခြင်းတို့ကြောင့် စည်ပင်သာ ယာရေးကော်မတီမှ တားမြစ်စာ ပေးပို့ခြင်း ဖြစ်သည်။

ပထမအကြိမ် အကြောင်း ကြားစာ ပေးပို့တားမြစ်ပါက အ ချက်အလက်ခွင့်ပြုမိန့် ပြန်လည် တင်ပြရပြီး စစ်ဆေးပြီးစီးပါက တည်ဆောက်နိုင်သည်။ ဒုတိယ အကြိမ် တားမြစ်ဆောက်အအုံ ဆိုင်းဘုတ်အနီ ကပ်ခံရပါက အဆောက်အအုံတန်ဖိုး၏ ၀ ဒသမ ၅ ရာခိုင်နှုန်း ဒဏ်ကြေးအဖြစ် ပေးဆောင်ရမည်ဖြစ်ကြောင်း တောင်ကြီးမြို့နယ် စည်ပင်သာယာရေးကော်မတီမှ သိရသည်။

စည်ပင်သာယာရေးကော်မတီက ကွင်းဆင်းစစ်ဆေးခြင်းသည် မြို့နယ်စည်ပင်သာယာရေးကော်မတီဖွဲ့စည်းပေါ် ပေါက်ပြီးနောက် နေ့စဉ်ကွင်းဆင်းစစ်ဆေးနေခြင်း ဖြစ်ကြောင်း အဆိုပါ ကော်မတီကပြောသည်။

တောင်ကြီးမြို့နယ် စည်ပင် သာယာရေးကော်မတီတွင် အရပ် သားလေးဦး၊ တတ်သိကျွမ်းကျင် ပညာရှင်တစ်ဦးနှင့် အစိုးရဌာန ဆိုင်ရာ သုံးဦးပေါင်း ရှစ်ဦးဖြင့်  ရှမ်းပြည်နယ်စည်ပင်သာယာရေးဥပဒေပုဒ်မအခန်း (၃)ပုဒ်မ ၈ အရ  ဖွဲ့စည်းခဲ့ခြင်းဖြစ်ပြီး ပြည်နယ်အစိုးရအဖွဲ့က ဇွန်လ နောက်ဆုံးပတ်တွင် အတည်ပြုပေးခဲ့သည်။