ရုပ်ရှင်ဇာတ်ကားပြသမှု တန်းစီစနစ်ဖျက်သိမ်းပြီး ရုံရှင်၊ ကားရှင် ညှိနှိုင်းပြသသည့်စနစ်သို့ ပြောင်းလဲမည်

သမ္မတရုပ်ရှင်ရုံတွင် မြန်မာဇာတ်ကား ပြသနေ (ဓာတ်ပုံ − နစ်ကီ)

ရုပ်ရှင်ဇာတ်ကားရုံတင် ရာတွင် လက်ရှိကျင့်သုံးနေသည့် တန်းစီစနစ်ကို ဖျက်သိမ်း၍ ရုံရှင်၊ ကားရှင် (ရုပ်ရှင်ရုံပိုင်ရှင်နှင့် ထုတ်လုပ်သူ)ချင်း ညှိနှိုင်း၍ ပြသသည့် စနစ်သို့   ပြောင်းလဲမည်ဖြစ် ကြောင်း  ရုပ်ရှင်အစည်းအရုံး ဒုဥက္ကဋ္ဌ ဦးအေးကြူလေးက ပြော သည်။

‘‘A နဲ့ B က ရုံရှင်၊ ကားရှင် အ ကြိုက်၊ C ကတော့ A, B မှာ မဝင် နိုင်တဲ့ကားတွေ၊ တန်းစီစနစ်က တော့ မရှိတော့ဘူး’’ဟု ဩဂုတ် ၁၂ ရက်တွင် ရုပ်ရှင်အစည်းအရုံး ၌ ပြုလုပ်ခဲ့သည့် ဇာတ်ကားပိုင် ရှင်များနှင့် ရုပ်ရှင်ရုံပိုင်ရှင်တို့၏ ပြသညှိနှိုင်းအစည်းအဝေးမှ ထွက်ပေါ်လာသော ဆုံးဖြတ်ချက်ကို ပြောသည်။

မြန်မာရုပ်ရှင်ဇာတ်ကားများ ကို ပြီးခဲ့သည့် ၂၀၁၆ နှစ်ဆန်းက စတင်၍ တန်းစီစနစ်နှင့် ရုံရှင်၊ ကားရှင် စိတ်ကြိုက်ပြသသည့် စနစ်ဖြင့် A ရုံတွဲ၊ B ရုံတွဲခွဲကာ ရုံပြိုင်စနစ်ဖြင့် ပြသနေခြင်းဖြစ် သည်။

‘‘ပထမစနစ် ဆုံးဖြတ်ထား တဲ့ ၄၃ ကားကုန်ရင် ဒီစနစ်ကို စပြီးကျင့်သုံးမယ်။  နိုဝင်ဘာ လောက်ဖြစ်မယ်ထင်တယ်။ တန်း စီစနစ်မှာ စီထားတာ ငါးကား၊ ခြောက်ကားလောက်ပဲကျန်တော့ မယ်’’ဟု ဦးအေးကြူလေးက ပြောကြားသည်။

ရုပ်ရှင်ဇာတ်ကားရိုက်ကူးမှု များပြားလာသည်နှင့်အမျှ လက် ရှိတွင် ဆင်ဆာကျ၍ ရုံတင်ရန် အဆင်သင့်ဖြစ်နေသည့် ရုပ်ရှင် ဇာတ်ကား ၁၆၀ ခန့်ရှိသည်။

ယင်းကဲ့သို့ ရုံတင်စနစ် အ ပြောင်းအလဲပြုလုပ်ခြင်းသည် မြန်မာ့ရုပ်ရှင်လောက တိုးတက် မည့်  လမ်းစတစ်ခုဖြစ်ကြောင်း ဒါရိုက်တာဝိုင်းက ပြောသည်။

‘‘သိပ်ပေါပေါလောလော တွေလုပ်လို့မရတော့ဘူးပေါ့။ ဈေးကွက်စီးပွားရေးစနစ်မှာက ယှဉ် ပြိုင်မှုကိုပဲ အားပေးရမှာ။ ယှဉ်ပြိုင်မှ တိုးတက်မှာလေ’’ဟု ရုံတင် စနစ်အပြောင်းအလဲအပေါ် ဒါ ရိုက်တာဝိုင်းက ပြောသည်။

အဆိုပါရုံတင်စနစ်တွင်ဇာတ် ကားကောင်းများကိုသာ ရွေးချယ်၍ တင်မည်ဖြစ်သောကြောင့် ရုပ်ရှင်ရုံပိုင်ရှင်များအတွက် အဆင်ပြေကြောင်း ယင်းဆွေးနွေးပွဲသို့ တက်ရောက်ခဲ့သည့် ကိုသက် (ရွှေမန်း)က ပြောသည်။

‘‘ကိုယ့်ဘက်က တစ်ချက်စိုး ရိမ်တာကတော့ မြို့တစ်မြို့မှာ ရုံ များများရှိတဲ့ မြို့တွေကတော့ ပြဿနာသိပ်မရှိနိုင်ဘူး။ တစ်မြို့ မှာ တစ်ရုံပဲရှိတဲ့ မြို့ဆိုရင်တော့ ကားကောင်းတွေကို အပတ်စဉ် တင်ပေးနေရင် ကြည့်တဲ့သူတွေ ကြည့်နိုင်ပါ့မလားဆိုတာလည်း စဉ်းစားစရာပါ’’ဟု ၎င်း၏အမြင် ကို ပြောသည်။

ထို့အပြင် မြန်မာ့ရုပ်ရှင် လောကတွင် နာမည်ကြီးမင်းသား သည် လက်ငါးချောင်းပင်မပြည့် သောကြောင့် ပရိသတ်များ ငြီးငွေ့သွားနိုင်မလားဆိုသည့်အချက်ကို စဉ်းစားသင့်ကြောင်း ကိုသက်(ရွှေမန်း)က ဆိုသည်။