မြစ်ကြီးများ စိုးရိမ်ရေမှတ်အနီးရောက်နေ၍ မိုးဇလက ရေဘေးသတိပေး

ဧရာဝတီနှင့် ချင်းတွင်း အပါအ၀င် ဒေသတွင်းအဓိကမြစ် များ စိုးရိမ်ရေမှတ်အနီးရောက်နေ ၍ ရေဘေးအန္တရာယ်သတိပြုရန် မိုးလေ၀သနှင့် ဇလဗေဒညွှန်ကြားမှုဦးစီးဌာနက သတိပေးထားသည်။

ဧရာဝတီ၊ ချင်းတွင်း၊ စစ် တောင်း၊ သံလွင်နှင့် ပဲခူးမြစ်တို့ သည် သြဂုတ်လဆန်းမှ စတင်ကာ ရေပြန်လည်မြင့်တက်လာပြီး မြစ်ကမ်းဘေးမြို့နယ်များတွင် ရေကြီးနစ်မြုပ်မှုအန္တရာယ် သတိပြုရန် မိုးဇလဌာနက သတင်း ထုတ်ပြန်ထားသည်။

ဧရာဝတီမြစ်ရေသည် မြစ် ကြီးနား၊ ဗန်းမော်နှင့် ရွှေကူမြို့ တွင် စိုးရိမ်ရေမှတ်အနီးရောက်နေ သည်။ ချင်းတွင်းမြစ်ရေသည် ခန္တီးမြို့တွင် စိုးရိမ်ရေမှတ်အထက် တစ်ပေခန့် ကျော်လွန်နေပြီး ဟုမ္မ လင်း၊ ဖောင်းပြင်၊ မော်လိုက်၊ ကလေးဝမြို့တို့တွင်လည်း စိုးရိမ် ရေမှတ်အနီးရောက်ရှိနေသည်။ စစ်တောင်းမြစ်သည် ပဲခူးတိုင်း ဒေသကြီး၊ မဒေါက်မြို့တွင် စိုးရိမ် ရေမှတ်အထက်သို့ ကျော်လွန်နေ ပြီး သံလွင်နှင့် ပဲခူးမြစ်သည် ဘားအံနှင့် ပဲခူးမြို့တွင် စိုးရိမ်ရေ မှတ်အနီးရောက်နေကြောင်း သြဂုတ် ၁၂ ရက်၌ သတင်းထုတ်ပြန်ထားသည်။

ဧရာဝတီနှင့် ချင်းတွင်းမြစ် ရေမြင့်တက်နေ၍ မြစ်ကြီးနားမြို့ တွင် လူဦးရေတစ်ရာကျော်၊ ခန္တီး မြို့တွင် လူဦးရေတစ်ထောင် ကျော် ရေဘေးရင်ဆိုင်နေရသည်။  လတ်တလောတွင် ဖြစ်ပေါ်နေ သော   နေရာကွက်မိုးကြီးမှုနှင့် မြစ်ရေများမြင့်တက်မှုဖြစ်စဉ် ကို ဇူလိုင်အတွင်းက ရင်ဆိုင်ခဲ့ရ ပြီး မြန်မာနိုင်ငံဒေသအနှံ့မှ လူဦး ရေနှစ်သိန်းကျော်သည် ကယ်ဆယ်ရေးစခန်းများ၌ ယာယီနေ ထိုင်ခဲ့ရသည်။

More in News Section