ပြည်သူ့ထံမှ ကောက်ခံသော အခွန်နှင့် ထိုက်တန်သည့် ဝန်ဆောင်မှုကို အစိုးရက ပြန်ပေးရန်လိုဟု လွှတ်တော်ကိုယ်စားလှယ်ပြော

 ပြည်သူ့ထံမှ ကောက်ခံ ထားသော အခွန်အခများနှင့် ထိုက်တန်သော ဝန်ဆောင်မှုကို အစိုးရက ပြန်ပေးရန်လိုအပ် ကြောင်း ရန်ကုန်တိုင်းဒေသကြီးသင်္ဃန်းကျွန်းမြို့နယ် လွှတ်တော်ကိုယ်စားလှယ် ဦးနေဘုန်းလတ်က ပြောသည်။


ဩဂုတ် ၁၁ ရက်မှ ၁၂ ရက် အထိ ရန်ကုန်မြို့ Judson Centre၌ ပြသနေသည့် ‘ပွင့်လင်းပါစေ ဘဏ္ဍာငွေ ချမ်းသာကြွယ်ဝ ပြည်သူ့ဘဝ’အမည်ရှိ ကာတွန်းပြပွဲ ဖွင့်ပွဲအခမ်းအနားတွင် ၎င်းကပြောကြားခဲ့သည်။

‘‘ဖုန်းပြောရင် ကြားလား၊ကြားလား၊ လိုင်းမကောင်းတာ တွေ ဖြစ်တယ်။ International Standard အခွန်ကောက်ချင်ရင် International Standard Service (နိုင်ငံတကာအဆင့်မီ ဝန်ဆောင်မှု) ပြည်သူတွေကို ပေးဖို့လိုပါတယ်’’ဟု ဖုန်းဘီလ်မှ အခွန်ကောက်ခြင်းကို ဥပမာပြု၍ လွှတ်တော်အမတ်က ထောက်ပြသည်။ 

ထို့အပြင် ပြည်သူများထံက ရရှိသော အခွန်များကို ပွင့်လင်း မြင်သာမှုရှိအောင် လုပ်ဆောင် သင့်ကြောင်း ၎င်းကပြောကြား သည်။

‘‘ပြည်သူတွေမှ မဟုတ်ပါ ဘူး။ လွှတ်တော်ကိုယ်စားလှယ် တွေလည်း သိသင့်ပါတယ်။ ပြည် သူ့ဘဏ္ဍာငွေကို ပြည်သူအတွက် တကယ်အကျိုးရှိတဲ့နေရာတွေမှာ အသုံးချနိုင်တဲ့ ပုံစံမျိုးဖြစ်အောင် လွှတ်တော်ကိုယ်စားလှယ်တွေအ နေနဲ့လည်း ကြိုးစားသင့်ပါတယ်။ အစိုးရအနေနဲ့ လွှတ်တော်ကို အ လေးထားပြီးတော့ စာရင်းဇယား တွေနဲ့ တိတိကျကျတင်ဖို့လိုပါ တယ်’’ဟု ဦးနေဘုန်းလတ်က ဆို သည်။

အဆိုပါပြပွဲတွင် ကာတွန်း ဆရာ ၄၀ ဦး၏ အခွန်အခနှင့် ပတ်သက်ပြီး ထောက်ပြထားသော လက်ရာများကို ပြသထားသည်။

‘‘အခွန်ဆောင်တဲ့အခါ ပြည် သူတွေက ပိုက်ဆံကို ကြည်ကြည် ဖြူဖြူနဲ့ပေးနိုင်သလား သံသယ တွေရှိနေတယ်။ အဲဒီသံသယ တွေ၊ ပြဿနာတွေကို ကာတွန်း လေးနဲ့ အစိုးရသက်ဆိုင်ရာ အုပ် ချုပ်တဲ့လူတွေနဲ့ ပြည်သူတွေကို ပိုပြီးစိတ်ဝင်စားအောင် ပုံဖော် ပေးတဲ့ ပြပွဲလေးဖြစ်ပါတယ်’’ဟု ကာတွန်း လိုင်လိုဏ်က ပြော ကြားသည်။

ထို့အပြင် ပြည်သူ့ဘဏ္ဍာငွေ ဆိုသည်မှာ အစိုးရတစ်ခု၊ လွှတ် တော်တစ်ခုတည်းနှင့်သာ မဆိုင် ဘဲ အများပြည်သူတစ်ရပ်လုံးနှင့် ဆိုင်ကြောင်း အဆိုပါပွဲသို့ တက် ရောက်သည့် လွှတ်တော်ကိုယ် စားလှယ်ဟောင်း ဒေါက်တာ ညိုညိုသင်းက ပြောသည်။

More in News Section

Top News