အလုံဈေး၌ ဈေးသည်အချို့နှင့် စည်ပင်အရာရှိ ရုန်းရင်းဆန်ခတ်ဖြစ်

မတောင်းပန်ပါက တရားစွဲမည်ဟု ဈေးသည်များပြော
အလုံဈေးစည်ပင်ဝန်ထမ်းများနှင့် ဈေးသည်များ ရုန်းရင်းဆန်ခတ်ဖြစ်နေစဉ် (ဓာတ်ပုံ−မောင်မောင်ဦးဖေ့စ်ဘွတ်ခ်)

 အလုံဈေးတွင် နှစ်ထပ် ဈေးသစ်တည်ဆောက်မှုနှင့် နေ ရာချထားမှုကို ဈေးသူ၊ ဈေးသား များက မကျေနပ်၍ ဈေးစည်ပင် သာယာနှင့် ရုန်းရင်းဆန်ခတ်ဖြစ် ပွားပြီး ပြေလည်အောင် မတောင်းပန်ပါက အလုံဈေးသူ၊ ဈေးသားများက ဈေးများဌာန ဒုတိယဌာနမှူးကို တရားစွဲဆိုမည်ဖြစ်ကြောင်း သတင်းရရှိသည်။

အလုံမြို့နယ်အတွင်း အလုံ ဈေးတွင် နှစ်ထပ်ဈေးသစ်တည် ဆောက်နေမှုနှင့် ဈေးသည်များ နေရာချပေးမှုကို ဈေးသည်များက မကျေနပ်၍ သြဂုတ် ၁၅ ရက်တွင် ကန့်ကွက်ခဲ့သည်။ သြဂုတ် ၁၅ ရက်တွင် ဈေးများဌာန ဒုဌာနမှူး ဦးသောင်းတင်က အလုံဈေးသို့ လာရောက်ခဲ့ပြီး လုပ်ငန်းများကိုကြီးကြပ်နေစဉ် ဈေးသူ၊ ဈေးသားဦးရေ ၃၀၀ ခန့်က ဦးသောင်းတင်၏ကားကိုပိတ်ရပ်ကာ ကားထဲမှ ထွက်ပြီး ရှင်းပေးရန်တောင်းဆိုခဲ့သည်ဟု ရန်ကုန်မြို့တော် စည်ပင်သာယာရေးကော်မတီဈေးများဌာန ခရိုင်မှူး ဦးမောင်မောင်ဌေးက ပြောသည်။

ထို့နောက် ဈေးသူ၊ ဈေး သားများနှင့် ဈေးစည်ပင်ဝန်ထမ်း များ ရုန်းရင်းဆန်ခတ်ဖြစ်ပွားခဲ့ပြီး ဈေးသည်အချို့က မြေပေါ်သို့ လှဲ ချကာ ကားမထွက်သွားရန် တား ခဲ့သည်။ ရုန်းရင်းဆန်ခတ်အ ခြေအနေအတွင်း ဈေးသူဈေး သားနှစ်ဦး ထိခိုက်ဒဏ်ရာရသည်ဟု အလုံဈေးကော်မတီဝင်ကြက်သားရောင်းသူ ကိုသဲမောင် က ပြောသည်။

‘‘ဒီလူ (ဒုဌာနမှူး ဦးသောင်း တင်)က သူ့ရာထူး၊ယူနီဖောင်းကို မှ အားမနာ၊ ဈေးသည်တွေ ဈေး သစ်ပေါ်တက်မရောင်းရင် အ ကုန်လုံးအရိုက်ခံရမယ်လို့ ပြော တယ်။ ဒီစကားအတွက် ဖြေရှင်း ပေးပါ၊ မဖြေရှင်းပေးရင် ဈေးသူ၊ ဈေးသားတွေက တရားစွဲမှာပါ’’ ဟု ကိုသဲမောင်က ပြောသည်။ ကိုသဲမောင်အပါအ၀င် ဈေးသူ၊ ဈေးသား ၂၀ ခန့်က အလုံမြို့နယ်ရဲစခန်းနှင့် တရားရုံးသို့ သွားရောက်ပြီး ဒုတိယဌာနမှူး ဦးသောင်းတင်ကို အမှုဖွင့်ရန် စီစဉ်ခဲ့သည်။

‘‘ကျွန်တော်တို့ မနက်ဖြန် (သြဂုတ် ၁၆ ရက်အထိ လာမဖြေ ရှင်းပေးဘူးဆိုရင်တော့ တရားရုံး မှာ ဦးတိုက်လျှောက်မှာပါ။ အခု တော့ ခဏစောင့်ပါမယ်။ သူက ဒီလိုရုန့်ရင်းတဲ့စကားတွေပြောတဲ့ အပြင် စည်ပင်အဖွဲ့တွေတွန်းလို့ ဈေးသည်တစ်ယောက် မေ့လဲ သွားတယ်။ တစ်ယောက်က မျက် လုံးမှာ ဒဏ်ရာရတယ်’’ဟု ကိုသဲ မောင်က ပြောသည်။

ဈေးများဌာန ဒုတိယဌာနမှူး ဦးသောင်းတင်က ထိုကဲ့သို့ ပြော ကြားခြင်းမရှိကြောင်း 7Day Daily အား ပြောသည်။ ‘‘ကျွန်တော်တို့က ကျွန်တော်တို့ အလုပ်လုပ်တာပါ။ အဲဒီလိုလည်း မပြောခဲ့ပါဘူး’’ဟု ၎င်းက ဆိုသည်။

ဦးသောင်းတင်၏ ကားကို ၀ိုင်းဝန်းတားသော ဈေးသည်များအား ဈေးစည်ပင်ဝန်ထမ်းများက ပြန်လည်တားမြစ်ရင်း ရုန်းရင်းဆန်ခတ်အခြေအနေများ ဖြစ်ပွားခဲ့သည်။   ဈေးစည်ပင်ဝန်ထမ်း ၂၀ ခန့်ရှိပြီး အချင်းချင်းတွန်းထိုးမှုများ အချိန်ကြာမြင့်စွာ ဖြစ်ပွားခဲ့သည်ဟု အဆိုပါဈေးမှ ကြက်သားသည် ဒေါ်ဘီက ပြောသည်။ တွန်းထိုးမှုနှင့် ပဋိပက္ခအခြေအနေများကြောင့် မျက်လုံး၌ ရှရာတစ်ခုဖြစ်ကာ မေ့လဲခဲ့သည်ဟု ဒဏ်ရာရရှိသူ ဒေါ်သန်းသန်းမြက ပြောသည်။ အခြားထိခိုက်ဒဏ်ရာရရှိသူများ မရှိပေ။

အလုံဈေးကို နှစ်ထပ်ဈေး အဖြစ် ၂၀၁၅ က အဆင့်မြှင့်တင် ခဲ့ပြီး ယခုဘဏ္ဍာနှစ်တွင် အဆိုပါ ဈေးသစ်၏ ဘေး၌ ကပ်လျက် နောက်ထပ် နှစ်ထပ်ဈေးသစ်တစ် ခု ထပ်မံတည်ဆောက်ရန် ဈေး များဌာနက လုပ်ဆောင်နေခြင်း ဖြစ်သည်။

       ဈေးများဌာနက ရန်ကုန်တိုင်း ရှိ စည်ပင်ပိုင်ဈေးများကို နှစ်ထပ်ဈေးအဖြစ် ဆောက်လုပ်ရန် ၂၀၁၄-၁၅ ကတည်းက စီစဉ် ဆောင်ရွက်ခဲ့သည်။ ၂၀၁၆-၁၇ တွင် ရန်ကုန်မြို့ရှိ စည်ပင်ပိုင်ဈေး ၁၃ ခုကို နှစ်ထပ်ဈေးအဖြစ် အ ဆင့်မြှင့်တင်ရန် ကျပ် ၃ ဒသမ ၅ ဘီလီယံအသုံးပြု တည်ဆောက်ခဲ့သည်။

နှစ်ထပ်ဈေးသစ်များ တည် ဆောက်ရာတွင် ဈေးအပေါ်ထပ် တွင် ပျံကျဈေးသည်များနှင့် မူလ ဈေးသည်များကို နေရာချရန် မြို့ တော်စည်ပင်ဈေးများဌာနက ရည်ရွယ်ခဲ့သည်။ သို့သော် အချို့နှစ် ထပ်ဈေးများတွင် လက်ရှိအချိန် အထိ ဈေးသည်များကို ဈေးသစ် များအပေါ်သို့    တက်ရောက် ရောင်းချရန် ဆောင်ရွက်နိုင်ခြင်းမ ရှိသေးကြောင်း ဈေးများဌာန ဌာနမှူး ဦးစံမောင်ရွှေက ပြော ကြားထားသည်။

Top News