ပြောင်းလဲလိုက်သည့် တက္ကသိုလ်ဝင်ခွင့် လျှောက်လွှာတင်သည့် စနစ်သစ်

တက္ကသိုလ်ဝင်ခွင့်လျှောက်ထားရန် လာရောက်စုံစမ်းသူများကို ရန်ကုန်တက္ကသိုလ်တွင် တွေ့ရစဉ် (ဓာတ်ပုံ − စိုင်းဇော်)

ဒီဇင်ဘာတွင် စတင်ဖွင့်လှစ်မည့် တက္ကသိုလ်ပထမနှစ် သင်တန်းများအတွက် တစ်နိုင်ငံလုံးရှိ တက္ကသိုလ် ၁၇ ခု၌ ယခုနှစ်တက္ကသိုလ်ဝင်တန်းအောင် ကျောင်းသား၊ ကျောင်းသူများ ၀င်ခွင့် လျှောက်ထားရန် အဆင်သင့်ဖြစ် နေပြီဖြစ်သည်။ တက္ကသိုလ် ၁၇ ခုတွင် သြဂုတ် ၉ ရက်မှ ၂၅ ရက်အထိ တက္ကသိုလ်ဝင်ခွင့် လျှောက်လွှာများ လက်ခံပေးနေခြင်း ဖြစ်သည်။

ယခုနှစ် တက္ကသိုလ်ဝင်ခွင့် လျှောက်ထားခြင်းအတွက် ထူးခြားချက်သည် ယခင်နှစ်များကဲ့သို့ နယ်မြို့များမှ ကျောင်းသားများအနေ ဖြင့် အဆင့်မြင့်ပညာဦးစီးဌာန (ရန်ကုန်ရုံးခွဲ)သို့ လျှောက်ထားရန် မလိုတော့ခြင်း ဖြစ်သည်။ တက္က သိုလ်ဝင်တန်းအောင် ကျောင်းသား၊ ကျောင်းသူများအနေဖြင့် မိမိနေထိုင်ရာ (သို့မဟုတ်)မိမိ တက္ကသိုလ်ဝင်စာမေးပွဲ ဖြေဆိုသည့် စာစစ်ဌာနရှိရာ တိုင်းဒေသကြီးနှင့် ပြည်နယ်အတွင်းရှိ သတ်မှတ်တက္ကသိုလ်တစ်ခုတွင် လျှောက်လွှာတင်သွင်းနိုင်ရန် ပညာရေးဝန်ကြီးဌာနက စီစဉ်ပေးထား သည်။

တက္ကသိုလ်ဝင်ခွင့်လျှောက်လွှာများကို အဆင့်မြင့်ပညာဦးစီးဌာနတွင် လက်မခံဘဲ တက္ကသိုလ်များ၌ လက်ခံသည့်စနစ်ကို ပြောင်းလဲကျင့်သုံးရခြင်းအဓိက ရည်ရွယ်ချက်တစ်ခုရှိနေကြောင်း အဆင့်မြင့်ပညာဦးစီးဌာန ဒုတိယ ညွှန်ကြားရေးမှူး ဦးစောခိုင်က ဆိုသည်။

‘‘အဓိကကတော့ တက္ကသိုလ်တွေကို နောက်ပိုင်းမှာကိုယ်ပိုင် အုပ်ချုပ်ခွင့်ပေးမယ်ဆိုရင် သူတို့ရဲ့ ကျောင်းသားလက်ခံတဲ့အပိုင်းတွေ၊ ၀င်ခွင့်ရွေးချယ်တဲ့ စနစ်တွေကို သူတို့ကိုယ်တိုင် လုပ်ရတော့မှာ။ အဲဒီအတွက် တစ်နှစ်ချင်း၊ တစ်ဆင့်ချင်းသူတို့ကို အတွေ့အ ကြုံရအောင် လုပ်ပေးတာ’’ဟု ဦးစောခိုင်က ပြောသည်။

အဆိုပါ တက္ကသိုလ်များတွင် သက်ဆိုင်ရာ တိုင်းဒေသကြီးရှိ မြို့နယ်များအလိုက် ကောင်တာများခွဲကာ ၀င်ခွင့်လျှောက်များကို လက်ခံပေးနေသည့်အပြင် အခြားတိုင်းဒေသကြီးနှင့် ပြည်နယ် များမှ လျှောက်ထားလိုသူများအ တွက် ကောင်တာဖွင့်လှစ်ပေးထား သည်။ ကျောင်းသား၊ ကျောင်းသူများ လျှောက်လွှာဖြည့်သွင်းနိုင် ရန် ကောင်တာများအနီး၌ အခန်း များစီစဉ်ပေးထားပြီး လျှောက်လွှာဖြည့်သွင်းရာတွင် အခက်အခဲမရှိစေရန် တာဝန်ကျဝန်ထမ်းများက ကူညီပေးနေသည်။

‘‘လျှောက်လွှာကို ကိုယ်စာ မေးပွဲအောင်ခဲ့တဲ့ မြို့နယ်နဲ့ သက်ဆိုင်တဲ့ ကောင်တာမှာပေးခဲ့ရုံပဲ။ တခြားတိုင်းဒေသကြီးမှာ အောင်ခဲ့တဲ့ ကျောင်းသားက ရန်ကုန်ရောက်နေတယ်ဆိုလည်း တခြားတိုင်းအတွက် ဖွင့်ထားတဲ့ကောင်တာမှာ တင်ခဲ့လို့ရတယ်’’ဟု ရန်ကုန်တက္ကသိုလ် ကျောင်းသားရေးရာနှင့် ကျောင်းဆောင်များကြီးကြပ်ရေးဌာန လက်ထောက်မော်ကွန်းထိန်း ဦးအောင်စိုးက ပြောသည်။

ယခင်နှစ်အဆက်ဆက်က တက္ကသိုလ်ဝင်ခွင့်လျှောက်လွှာများကို အဆင့်မြင့်ပညာဦးစီးဌာန (ရန်ကုန်ရုံးခွဲ)သို့ လူကိုယ်တိုင် (သို့မဟုတ်) စာတိုက်မှတစ်ဆင့် ပေးပို့လျှောက်ထားရရာ လျှောက်လွှာလက်ခံမှု၊ ၀င်ခွင့်စိစစ်ရွေး ချယ်မှုကိစ္စရပ်များကို အဆင့်မြင့်ပညာဦးစီးဌာနက ဆောင်ရွက်ပေးသည်။ အဆင့်မြင့်ပညာဦးစီးဌာန က ရွေးချယ်ပေးလိုက်သော ကျောင်းသား၊ ကျောင်းသူများကို တက္ကသိုလ်များက လက်ခံသင် ကြားပေးရသည်။


ယခုနှစ် စနစ်သစ်တွင် နယ်မြို့များမှ တက္ကသိုလ်များ၌လည်း လျှောက်ထားခွင့်ရမည်ဖြစ်သည်။ (ဓာတ်ပုံ-စိုင်းဇော်)

အမျိုးသားပညာရေးဥပဒေ ကို ပြင်ဆင်သည့်ဥပဒေပုဒ်မ ၁၂ တွင် တက္ကသိုလ်၏စီမံခန့်ခွဲရေးကို တက္ကသိုလ်ကောင်စီက တာဝန်ယူ ဆောင်ရွက်ရမည်ဖြစ်ပြီး အဆင့် မြင့်ပညာကျောင်းများသည် ပညာ ရေးဆိုင်ရာလုပ်ငန်းများကို လွတ် လပ်စွာစီမံခန့်ခွဲခွင့်ရှိရမည်ဟု ဖော်ပြထားသည်။ ယင်းဥပဒေအ ရ တက္ကသိုလ်များသည် မိမိတက္ကသိုလ်အလိုက် တက္ကသိုလ်ပဋိညာဉ် ရေးဆွဲကာ စီမံခန့်ခွဲအုပ်ချုပ်မှု အ၀၀ကို ကိုယ်တိုင်ဆောင်ရွက်ရ မည် ဖြစ်သည်။

နောင်တွင် တက္ကသိုလ်များ အနေဖြင့် ကျောင်းသားလက်ခံမှု၊ ၀င်ခွင့်စိစစ်မှုတို့ကို ကိုယ်တိုင် ဆောင်ရွက်နိုင်သည့် အလေ့အ ကျင့်ရစေရန် ယခုနှစ်ကစကာ တက္ကသိုလ်ဝင်ခွင့် လျှောက်လွှာ  များကို တက္ကသိုလ် ၁၇ ခုတွင် လက်ခံပေးနေပြီး နောင်နှစ်များ၌ လျှောက်လွှာလက်ခံရုံတင်မကဘဲ ၀င်ခွင့်ရွေးချယ်မှု လုပ်ငန်းစဉ် အဆင့်ဆင့်ကိုပါ တက္ကသိုလ်များ ကို ကိုယ်တိုင်ဆောင်ရွက်ခွင့်ပေး မည်ဟု ဒုတိယညွှန်ကြားရေးမှူး ဦးစောခိုင်က ဆိုသည်။

နှစ်စဉ်တက္ကသိုလ်ဝင်စာမေး ပွဲအောင်မြင်သော ကျောင်းသား ဦးရေသည် ၃၀ ရာခိုင်နှုန်းကျော်ရှိ နေပြီး ကျောင်းသား၊ ကျောင်းသူ နှစ်သိန်းကျော်ကို တက္ကသိုလ်ဝင် ခွင့်လက်ခံရန် တက္ကသိုလ်၊ ကော လိပ်များက စီမံကိုင်တွယ်ဆောင် ရွက်ရတော့မည် ဖြစ်သည်။

‘‘ကျောင်းတွေ ကိုယ်ပိုင်အုပ် ချုပ်ခွင့်ရတဲ့အခါမှာ ကျောင်းသား ကို ကိုယ်တိုင်လက်ခံရမယ်။ အဲဒီ လက်ခံတဲ့အချိန်ကျမှ ဘယ်လို လုပ်ရမလဲဆိုတာ မသိရင်ခက် မယ်။ ဒီနှစ်ဒီလိုစလက်ခံတာက Training လုပ်တဲ့သဘောပဲ။ အစ ဆိုတော့ အခက်အခဲလေးတွေ တော့ ရှိမယ်။ ဒီအခက်အခဲတွေ ကျော်လွှားနိုင်တာနဲ့ နောက်တ ကယ်လုပ်ရမယ့်နှစ်တွေမှာ ပြေ လည်သွားမယ်’’ဟု  ဦးအောင်စိုး က ပြောသည်။

ယခုကဲ့သို့ တက္ကသိုလ် ၁၇ ခု တွင် လျှောက်လွှာလက်ခံသည့် စနစ်ပြောင်းလဲရန် ဆောင်ရွက်ရ မည့် လုပ်ငန်းများကို သက်ဆိုင် ရာတက္ကသိုလ်များမှ မော်ကွန်း ထိန်းအပါအ၀င် ၀န်ထမ်းနှစ်ဦးကို အဆင့်မြင့်ပညာဦးစီးဌာနက ရှင်း လင်း ပြောကြားထားကြောင်း သိရသည်။

‘‘ကိုယ်ပိုင်အုပ်ချုပ်ခွင့်ရတဲ့အခါ ကျောင်းသားလက်ခံရာမှာ အလေ့အကျင့်ဖြစ်ဖို့ အခုလိုတက္ကသိုလ် ၁၇ ခုမှာ လျှောက်ခွင့်ပေး တယ်ဆိုတာကို ကြိုဆိုပါတယ်။ ဒါပေမဲ့ အရေးကြီးတာက ဒီချုပ်အစိုးရ ပညာရေးဝန်ကြီးဌာန သက်တမ်းတစ်နှစ်ကျော်ပြီ။ အခုထိ တက္ကသိုလ်ပဋိညာဉ်တွေ၊ အဆင့်မြင့်ပညာရေးဥပဒေတွေ မ ပေါ်လာသေးတာပဲ။ ဒါတွေအမြန်အကောင်အထည်ဖော်ပြီး တက္ကသိုလ်အလိုက် ကျောင်းသားရွေး ခွင့်ပေးရတော့မှာ။ ဆယ်တန်းစာ မေးပွဲ အမှတ်တစ်ခုတည်းနဲ့ တက္ကသိုလ်တက်ခွင့်ကို ဆုံးဖြတ်နေတာကို မဖြစ်သင့်တော့တာ’’ဟု ကျောက်ဆည်တက္ကသိုလ် ကထိ ကဒေါက်တာဇော်မျိုးလှိုင်က ပြောကြားသည်။

တက္ကသိုလ်များ ကိုယ်ပိုင်အုပ်ချုပ်ခွင့်ရရေး တက္ကသိုလ်ပဋိညာဉ်များ ရေးဆွဲပြဋ္ဌာန်းရမည် ဖြစ်ပြီး ယင်းပဋိညာဉ်များရေးဆွဲ နေသည်မှာ ယခင်ဦးသိန်းစိန် အစိုးရ လက်ထက်ကတည်းကပင် ဖြစ်သည်။ ပဋိညာဉ်ရေးဆွဲပြီးမှသာ ယခုကဲ့သို့ တက္ကသိုလ်ဝင် စာမေးပွဲရမှတ် တစ်ခုတည်းဖြင့် တက္ကသိုလ်တက်ရောက်ခွင့်ကို ဆုံးဖြတ်နိုင်သော စနစ်သစ်ကို ကူး ပြောင်းမည်ဖြစ်ရာ ယင်းပဋိညာဉ်များ ကြန့်ကြာနေခြင်းအပေါ် ပညာရေးအသိုင်းအ၀ိုင်းတွင် ဝေ ဖန်မှုများရှိနေသည်။

တက္ကသိုလ်ဝင်ခွင့်လျှောက်လွှာတင်သွင်းသည့်စနစ်ကို ယခု နှစ်တွင် အပြောင်းအလဲပြုလုပ်ထားသော်လည်း တက္ကသိုလ်ဝင်ခွင့်ရွေးချယ်သည့်စနစ်ကိုမူ ယခင် နှစ်များအတိုင်းသာ တက္ကသိုလ်ဝင်စာမေးပွဲရမှတ်အပေါ် အဓိကထား ဆုံးဖြတ်မည် ဖြစ်သည်။

တက္ကသိုလ်ဝင်ခွင့် ရွေးချယ်ရာတွင် တက္ကသိုလ်အလိုက် လျှောက်ထားသည့် ကျောင်းသားများကို တက္ကသိုလ်မှလက်ခံနိုင်သည့် အရေအတွက်အတိုင်း တက္ကသိုလ်ဝင်စာမေးပွဲရမှတ်များအပေါ် အဓိကအခြေခံသည့် ယှဉ်ပြိုင်စနစ်ဖြင့် ဦးရေစိစစ်၍၀င်ခွင့် လက်ခံမည်ဖြစ်ကြောင်း တက္က သိုလ်ဝင်ခွင့်စိစစ်ရွေးချယ်ရေးအ ဖွဲ့က ကြေညာထားသည်။

ယခုနှစ် ပထမနှစ်သင်တန်းဝင်ခွင့်အတွက် ရန်ကုန်နည်းပညာတက္ကသိုလ်၊ မန္တလေးနည်းပညာ တက္ကသိုလ်၊ နိုင်ငံခြားဘာသာတက္ကသိုလ်များ၊ ရန်ကုန်ပညာရေး တက္ကသိုလ်၊ ဆေးဝါးတက္ကသိုလ်၊ ဆေးဘက်ဆိုင်ရာ နည်းပညာ တက္ကသိုလ်များ၊ ရန်ကုန်ကွန်ပျူ တာ တက္ကသိုလ်နှင့် သမ၀ါယမတက္ကသိုလ်တို့တွင် သင်တန်းသားတိုးမြှင့်ခေါ်ယူမှု များရှိသော်လည်း ဆေးတက္ကသိုလ်၊ ရေဆင်းစိုက်ပျိုးရေးတက္ကသိုလ်နှင့် ယွန်းပညာကောလိပ်တို့တွင် လျှော့ချခေါ် ယူမည်ဖြစ်သည်။ သို့ရာတွင် တက္ကသိုလ်အားလုံးသည် ၀င်ခွင့်အမှတ်ကို ယခင်နှစ်ထက် တိုးမြှင့်ခေါ်ယူခြင်း မရှိပေ။

‘‘ထူးထူးခြားခြား အမှတ်တိုး ခေါ်တာတော့ မရှိဘူး။ ကျောင်းသားအရေအတွက် အတိုးအ လျှော့ကတော့ ရှိတယ်။ တချို့တက္ကသိုလ်တွေက စာသင်ခန်းအ နေအထား၊ ဆရာအနေအထားအရ လျှော့ခေါ်တယ်’’ဟု အဆင့် မြင့်ပညာဦးစီးဌာန ညွှန်ကြားရေး မှူးချုပ် ဒေါက်တာသိန်းဝင်းက ပြောသည်။

ဆေးတက္ကသိုလ်ငါးခုတွင် တက်ရောက်လိုသည့် ကျောင်း သား၊ ကျောင်းသူများအတွက် တက္ကသိုလ်ဝင်စာမေးပွဲရမှတ်ကို တက္ကသိုလ်ဝင်ခွင့်လမ်းညွှန်တွင် အနိမ့်ဆုံးရမှတ် မဖော်ပြထားဘဲ ၀င်ခွင့်လျှောက်ထားသည့် ရမှတ် အများဆုံးမှသတ်မှတ်ထားသည့် လူဦးရေပြည့်သည်အထိ ရွေးချယ်မည် ဖြစ်သည်။ တက္ကသိုလ်ဝင် စာမေးပွဲကို သိပ္ပံဘာသာတွဲဖြင့် အောင်မြင်သူများ လျှောက်ထား နိုင်ပြီး ၀င်ခွင့်ရွေးချယ်ရာတွင် အ မျိုးသား ၅၀ ရာခိုင်နှုန်း၊ အမျိုးသ မီး ၅၀ ရာခိုင်နှုန်းဖြင့် သင်တန်းသား ၁,၃၀၀ ရွေးချယ်လက်ခံမည် ဖြစ်ပြီး ယခင်နှစ်ထက် ၃၀၀ ဦး လျှော့ချခေါ်ယူထားသည်။

ရန်ကုန်နှင့် မန္တလေးမြို့ရှိ သွားဘက်ဆိုင်ရာ ဆေးတက္ကသိုလ်များတွင် သင်တန်းသား ၁၀၀ ဦးစီ၊ ဆေးဝါးတက္ကသိုလ် နှစ်ခုတွင် သင်တန်းသား ၃၅၀၊ ဆေးဘက် ဆိုင်ရာနည်းပညာတက္ကသိုလ်များတွင် သင်တန်းသား ၄၈၆ နှင့် သူနာပြုတက္ကသိုလ်များတွင် သင်တန်းသား ၄၀၀ လက်ခံမည်ဟု ကြေညာထားသည်။

မကွေးမြို့ရှိ အခြေခံကျန်းမာ ရေးတက္ကသိုလ်တွင် သင်တန်းသား ၂၀၀ နှင့် မန္တလေးမြို့ရှိ တိုင်းရင်းဆေးတက္ကသိုလ်တွင် သင်တန်းသား ၁၅၀ လက်ခံမည်ဖြစ်သည်။

ပညာရေး ၀န်ကြီးဌာန၏ ၀ိဇ္ဇာ၊ သိပ္ပံဘာသာရပ်အလိုက် ကျောင်းသားရွေးချယ်၍ အထူး လေ့ကျင့်ပြုစုပျိုးထောင်ရေး အစီအစဉ်ဖြင့် ယခုနှစ်ပညာသင်နှစ်တွင် ၂၀၁၇ တက္ကသိုလ်ဝင်စာမေးပွဲအောင်မြင်သူများထဲမှ ရန်ကုန် တက္ကသိုလ်နှင့် မန္တလေးတက္ကသိုလ်တွင် သင်တန်သား ၂,၀၀၀ ဦးစီလက်ခံသင်ကြားမည် ဖြစ် သည်။ ဇီဝဓာတုဗေဒ၊ အဏုဇီဝ ဗေဒ၊ Environmental Studies ဘာသာရပ်အသစ်သုံးခုကို ယခု နှစ်တွင် တိုးချဲ့သင်ကြားပေးမည်  ဟု ကြေညာထားသည်။

ရန်ကုန်နှင့် မန္တလေးတက္ကသိုလ်တွင် ဘာသာရပ်အသစ်သုံးခုအပြင် ဥပဒေပညာ၊ နိုင်ငံတကာဆက်ဆံရေး၊ ကွန်ပျူတာသိပ္ပံ၊ နိုင်ငံရေးသိပ္ပံ၊ သင်္ချာ၊ ဓာတုဗေဒ၊ ရူပဗေဒ၊ ကုန်ထုတ်ဓာတုဗေဒ၊ ဘူမိဗေဒ၊ မြန်မာစာ၊ ရှေးဟောင်း သုတေသန၊ သတ္တဗေဒ၊ ရုက္ခဗေဒ၊ မြန်မာမှုပညာ၊ စိတ်ပညာ၊ သမိုင်း၊ မနုဿဗေဒ၊ ပထ၀ီဝင်၊ အရှေ့ တိုင်းပညာ၊ ဒဿနိကဗေဒ၊ စာ ကြည့်တိုက်နှင့် သုတပညာအထူး ပြုဘာသာရပ်များ တက်ရောက်သင်ကြားနိုင်မည် ဖြစ်သည်။

နှစ်စဉ်လူကြိုက်အများဆုံး စာရင်းဝင် ရန်ကုန်နှင့်မန္တလေး နည်းပညာတက္ကသိုလ် ၀င်ခွင့်အမှတ်သည် အနိမ့်ဆုံးရမှတ် ၄၈၀ သတ်မှတ်ထားပြီး တက္ကသိုလ်တစ်ခုလျှင် သင်တန်းသား ၃၃၀ စီလက်ခံမည် ဖြစ်သည်။

နေ့တက်တက္ကသိုလ် မတက် ရောက်လိုသူများအတွက် အဝေး သင်တက္ကသိုလ်များကို ရွေးချယ် နိုင်ပြီး အသက်မွေးဝမ်းကျောင်း သင်တန်းများဖြစ်သည့် စက်မှုလက်မှုသိပ္ပံ(GTI) သင်တန်းများကို  သတင်းစာမှတစ်ဆင့် ၀င်ခွင့်ခေါ် ယူမည်ဖြစ်သည်။

တက္ကသိုလ်တစ်ခုချင်းစီ၏ ၀င်ခွင့် သတ်မှတ်ချက်များကို တက္ကသိုလ်ဝင်ခွင့်လမ်းညွှန်တွင် အသေးစိတ်ဖော်ပြထားပြီး အမျိုး သားစီမံခန့်ခွဲမှုပညာ ကောလိပ်၊ မန္တလာဒီဂရီကောလိပ်၊ စိုက်ပျိုး ရေးတက္ကသိုလ်(ရေဆင်း)၊ မွေးမြူ ရေးဆိုင်ရာ ဆေးတက္ကသိုလ်(ရေ ဆင်း)၊ သစ်တောတက္ကသိုလ် (ရေ ဆင်း)၊ မြန်မာသတင်းအချက် အလက်နှင့် နည်းပညာတက္ကသိုလ် (မန္တလေး)၊ သမ၀ါယမတက္ကသိုလ် နှင့် ကောလိပ်များ၊ ယွန်းပညာ ကောလိပ်၊ အမျိုးသားယဉ်ကျေး မှုနှင့် အနုပညာတက္ကသိုလ်များ၏ ၀င်ခွင့်လျှောက်လွှာကို သတင်းစာ များတွင် သီးခြားကြေညာ၍ လျှောက်လွှာခေါ်ယူမည် ဖြစ် သည်။

၂၀၁၇ တွင် တက္ကသိုလ်ဝင် စာမေးပွဲ ၀င်ရောက်ဖြေဆိုသူ ၇၁၆,၁၈၈ ဦးအနက် ၂၄၂,၇၃၆ ဦး အောင်မြင်ထားသည်။

Top News