နိုင်ငံရေးမျိုးဆက်များပါဝင်မည့် ပါတီ စည်းရုံးရေးစတင်

ဧရာဝတီတိုင်းဒေသကြီး နိုင်ငံရေးပါတီဖြစ်မြောက်ရေးကော်မတီ ဖွဲ့စည်းခြင်းအခမ်းအနားကို သြဂုတ် ၁၅ ရက်က ကျင်းပနေစဉ် (ဓာတ်ပုံ − ANewPoliticalPartyForum (FB))

၈၈ မျိုးဆက်များအပါ အ၀င် နိုင်ငံရေးမျိုးဆက်များပါဝင် မည့် ပါတီဖြစ်မြောက်ရေး အဖွဲ့ ၀င်များစုဆောင်းမှုကို ဧရာဝတီ တိုင်းရှိ မြို့နယ် ၁၉ ခုတွင်ဩဂုတ် ၁၆ ရက်ကစတင်ဆောင်ရွက်နေ သည်။


ဧရာဝတီတိုင်းဒေသကြီး နိုင် ငံရေးပါတီဖြစ်မြောက်ရေးကော်မ တီဖွဲ့စည်းခြင်း အခမ်းအနားကို ဩဂုတ် ၁၅ ရက်က ပုသိမ်မြို့ တွင်ပြုလုပ်ခဲ့ပြီး အဆိုပါအခမ်းအ နား၌ ဒေသခံများကို ပါတီဖြစ် မြောက်ရေးအဖွဲ့ဝင်များအဖြစ်ပါ ၀င်နိုင်ရန် အဆိုပြုလွှာများစတင် ဖြန့်ဝေခဲ့ကြောင်း ဗဟိုစည်းရုံး ရေးကော်မတီ ဒုတိယတာဝန်ခံ ဦးကျော်လင်းက ပြောသည်။

‘‘ပါတီဖြစ်မြောက်ရေး လို လားတဲ့သူတွေ၊ အမာခံလူတွေနဲ့ ကျွန်တော်တို့စတင်ပြီးတော့တည် ဆောက်မယ်။ ပထမအဆင့်အနေ နဲ့ ဒီမြို့နယ်တွေကို ဆောင်ရွက် တာပေါ့။ နောက်ပိုင်း ဧရာဝတီ တိုင်းက ၂၆ မြို့နယ်လုံး၊ နောက် ဒီကနေမှ တခြားတိုင်းနဲ့ပြည်နယ် တွေဆက်မယ်’’ ဟု ၎င်းကပြော ကြားသည်။

လက်ရှိတွင် ဧရာဝတီတိုင်း ဒေသကြီး ပါတီဖြစ်မြောက်ရေး လုပ်ငန်းကော်မတီကို အဖွဲ့ဝင် ၁၅ ဦးဖြင့်ဖွဲ့စည်းထားသည်။ ဆက်လက်၍ စည်းရုံးရေးလုပ်ငန်း များကို ကရင်၊ ကချင်၊ ရခိုင်၊ ရှမ်း ပြည်နယ်တို့မှအပ တိုင်းနှင့်ပြည် နယ် ၁၀ ခုမှ စည်းရုံးရေးကော်မ တီဝင်များနှင့် ချိတ်ဆက်ဆောင် ရွက်မည်ဖြစ်ကြောင်းနှင့် အဆိုပါ တိုင်းနှင့်ပြည်နယ် ၁၀ ခုတွင် ရုံး ခန်းများ ဆက်လက်ဖွင့်လှစ်ရန် ပြင်ဆင်နေကြောင်း ဦးကျော် လင်းကဆိုသည်။

‘‘ပါတီထူထောင်နိုင်ရေး အ ဖွဲ့ဝင်တွေကို ကျွန်တော်တို့စတင် စုဆောင်းနေတဲ့နေရာမှာ ပထမ ဆုံး အတွေ့အကြုံအရ ဆိုရင် တော့ အားပေးထောက်ခံမှုများ တယ်။ ကျန်တိုင်းနဲ့ပြည်နယ်တွေ မှာလည်း ဆက်လုပ်နိုင်ဖို့အား ဖြစ်တယ်’’ ဟု ၎င်းက ပြောကြား သည်။

အဆိုပါပါတီတွင် ၈၈အရေးတော်ပုံကို အခြေခံ၍ပေါ်ပေါက် လာသည့် ၈၈ မျိုးဆက် ကျောင်း သားများသာမကအခြား နိုင်ငံရေး မျိုးဆက်များ၊ အခြားအဖွဲ့အစည်း များနှင့် လူငယ်အသင်းအဖွဲ့များ စသည့် ပြန့်ကျဲနေသော နိုင်ငံ ရေးအင်အားစုများ ပါဝင်နိုင်ရန် ကြိုးပမ်းမည်ဟု ပါတီဖြစ်မြောက် ရေးကော်မတီအဖွဲ့ဝင် ၈၈ မျိုးဆက်ကျောင်းသားခေါင်းဆောင်၊ နိုင်ငံရေးပါတီ ဖြစ်မြောက်ရေး ကော်မတီဗဟိုဦးဆောင်အဖွဲ့ဝင် ဦးမင်းဇေယျကပြောသည်။

လက်ရှိတွင် ပါတီမှတ်ပုံတင် ရန်လိုအပ်သည့် ပါတီဝင်တစ် ထောင် အလုံအလောက်ရှိသော် လည်း ယင်းပါတီဝင်အင်အားကို တစ်နေရာတည်းက မဟုတ်ဘဲ နယ်ပယ်အသီးသီးမှ ပျံ့နှံ့ပါဝင် လာစေရန် လုပ်ဆောင်နေကြောင်း နိုင်ငံရေးပါတီ ဖြစ်မြောက်ရေး ကော်မတီဗဟိုဦးဆောင်အဖွဲ့ဝင် များက ပြောသည်။

လက်ရှိတွင် ပါတီနာမည်ကို အတည်ပြုသတ်မှတ်ထားခြင်း မရှိသေးသော်လည်း လာမည့် ခြောက်လမှ ကိုးလအတွင်းပါတီ မှတ်ပုံတင်ခြင်းလုပ်ငန်းများ စ တင်လုပ်ဆောင်မည်ဖြစ်ကြောင်း ကော်မတီတာဝန်ရှိသူများက ဇူ လိုင်၌ တရားဝင်ထုတ်ဖော်ပြော ကြားထားသည်။