အင်းလေးကန် ရေရှည်တည်တံ့စေရေး ထိန်းသိမ်းရေးလုပ်ရန် JICA က ငါးနှစ်စီမံကိန်းဖြင့် ဆောင်ရွက်မည်

အင်းလေးဒေသတွင် သဘာဝအရင်းမြစ်များ လျော့နည်းလာနေသည်။ (ဓာတ်ပုံ − ဂျေမောင်မောင် (အမရပူရ))

 အင်းလေးကန် ရေရှည် တည်တံ့စေရေး ထိန်းသိမ်းရေး လုပ်ငန်းများကို ဂျပန်အပြည်ပြည် ဆိုင်ရာ ပူးပေါင်းဆောင်ရွက်ရေး အဖွဲ့ (JICA)က ငါးနှစ်စီမံကိန်း ဖြင့် ဆောင်ရွက်မည်ဟု ရေဝေရေလဲအုပ်ချုပ်ရေးဌာနမှ ဒေါက် တာတိုးတိုးအောင်က ပြောသည်။

အင်းလေးကန်တွင် ရေဝေ ရေလဲထိန်းသိမ်းရေး၊ ဇီဝမျိုးစုံမျိုး ကွဲထိန်းသိမ်းရေး စင်တာတည် ထောင်ရေးနှင့် စွမ်းဆောင်ရည် မြှင့်တင်ရေးလုပ်ငန်းစဉ်သုံးခုကို လုပ်ဆောင်မည်ဟု ၎င်းကဆို သည်။

ထိုသို့ လုပ်ဆောင်နိုင်ရန် အောက်တိုဘာတွင် သဘောတူ စာချွန်လွှာရေးထိုး၍ လုပ်ငန်းစဉ် များကို ၂၀၁၈ ဇန်နဝါရီ၌ စတင်မည်ဖြစ်သည်။

‘‘JICA က အင်းလေးကန်ကို မလုပ်ဖူးသေးဘူး။ အခုမှ စတာ။ အဓိက က နည်းပညာပိုင်းပံ့ပိုးပြီး သူတို့ဘာသာလုပ်ဆောင်မှာ၊ ရန် ပုံငွေတွေကတော့ ဘယ်လောက် သုံးမလဲဆိုတာ မညှိနှိုင်းရသေး ဘူး’’ဟု ဒေါက်တာတိုးတိုးအောင် က ပြောသည်။

အင်းလေးကန်သည် ၂၁၅ ဒသမ ၂၈ စတုရန်းမိုင်ကျယ်ဝန်း ပြီး သစ်တောငှက်၊ ရေပျော်ငှက် စုစုပေါင်း ၃၄၅ မျိုး၊ ကုန်းနေ ရေ နေနှင့် တွားသွားသတ္တဝါ ၂၅ မျိုး၊ သစ်ခွမျိုး ၁၈၄ မျိုး၊ ငါး ၅၉ မျိုး၊ လိပ်သုံးမျိုး၊ လိပ်ပြာ ၉၄ မျိုး နေ ထိုင် ကျက်စားရာ ရေတိမ်ဒေသ ဖြစ်သည်။

လက်ရှိ အင်းလေးကန်တွင် ဌာနနှင့် UNDP တို့ ပူးပေါင်း၍ အင်းလေးကန်ထိန်းသိမ်းရေးလုပ် ငန်းများကို ၂၀၁၅-၁၆ ဘဏ္ဍာ နှစ်မှ ၂၀၁၉-၂၀ ဘဏ္ဍာနှစ်အထိ ဒုတိယငါးနှစ်စီမံချက်ဖြင့် ဆောင်ရွက်လျက် ရှိသည်။