ထားဝယ်တွင် ကြက်၊ ဘဲ ထွက်ကုန်ပစ္စည်းများ ပြန်လည်ရောင်းချသယ်ယူခွင့်ပြု

ထားဝယ်မြို့၌ ကြက်ငှက်တုပ်ကွေးရောဂါ ဖြစ်ပွားမှု ကင်း စင်ပြီဖြစ်၍ ကြက်၊ ဘဲ ထွက်ကုန် ပစ္စည်းများ ပုံမှန်ရောင်းချခွင့်နှင့် ရွှေ့ပြောင်းသယ်ယူခွင့်ကို ပြန် လည်ခွင့်ပြုကြောင်း သြဂုတ် ၂၅ ရက်တွင် တနင်္သာရီတိုင်းဒေသကြီး အစိုးရအဖွဲ့က သတင်းထုတ် ပြန်သည်။

ထားဝယ်မြို့ ဝဲကျွန်းထိန် သစ်ရပ်ကွက်ရှိ ကြက်မွေးမြူရေး ခြံများတွင် ကြက်ငှက်တုပ်ကွေး ရောဂါဖြစ်ပွားမှုကို ဇူလိုင် ၂၃ ရက်၌ အတည်ပြုပြီးနောက် ရောဂါကာကွယ်ရန် ထားဝယ်ခရိုင်အ တွင်း ကြက်၊ ဘဲ၊ အသား၊ ဥများနှင့် အစားအစာများ ရောင်းချခြင်းနှင့် သယ်ယူရွှေ့ပြောင်းခြင်းကို တားမြစ်ကြောင်း တိုင်းဒေသကြီး အစိုးရအဖွဲ့က ဒေသန္တရအမိန့် ထုတ်ပြန်ထားသည်။ လက်ရှိအချိန်တွင် ကြက်ငှက်တုပ်ကွေး ကင်းစင်ပြီဖြစ်၍ ပြန်လည်ခွင့်ပြု မိန့် ထုတ်ပြန်ခဲ့သည်။


သို့သော် ကြက်ငှက်တုပ် ကွေးရောဂါ စတင်ဖြစ်ပွားသော ဝဲကျွန်းထိန်သစ်ရပ်ကွက်ရှိ ကြက်  မွေးမြူရေးခြံကို ဗဟိုပြု၍ ရောဂါ ထိန်းချုပ်ရန် သတ်မှတ်သော ဧရိယာများအား နောက်သုံးလကြာ သည်အထိ ဆက်လက်ထားရှိမည် ဖြစ်ပြီး ရောဂါဖြစ်ပွားပြီးနောက် ရောဂါရှာဖွေ စူးစမ်းလေ့လာခြင်းကို ဆက်လက်လုပ်မည်ဟု တနင်္သာရီတိုင်းဒေသကြီး မွေးမြူ ရေးနှင့် ကုသရေးဦးစီးဌာန ညွှန်ကြားရေးမှူး ဒေါက်တာကြည် ကြည်စိန်ကပြောသည်။

‘‘ကျန်းမာတဲ့ ခြံတွေကနေ မွေးထားတဲ့ ကြက်တွေကို စားမယ်။ ကြက်ဥ၊ ကြက်သားတွေ ကလည်း လတ်ဆတ်ရမယ်။ ချက်စားတဲ့အခါမှာလည်း ကျက် အောင် ချက်စားရမယ်။ ကိုင်တွယ်ပြီး လက်ကိုစင်စင် ဆေးရမယ်။ အဓိက တစ်ကိုယ်ရေသန့်ရှင်းမှုပါပဲ’’ဟု ဒေါက်တာကြည်ကြည်စိန်က ကြက်ဥနှင့် အသားများကို စားသုံးခြင်းနှင့် ပတ်သက်၍ အ သိပေးပြောကြားသည်။

ကြက်ငှက်တုပ်ကွေးရောဂါ ဖြစ်ပွားသော ထားဝယ်မြို့နယ်အ တွင်း ကြက်မွေးမြူရေးခြံအများ သည် လူနေရပ်ကွက်အတွင်း တည်ရှိသော ကြက်ခြံများဖြစ်၍ တိုင်းဒေသကြီး အစိုးရအဖွဲ့အနေ ဖြင့် ထားဝယ်မြို့နယ်တွင် မွေးမြူ ရေးဇုန်အဖြစ် သီးသန့်သတ်မှတ် ဆောင်ရွက်ပေးမည်ဟု တိုင်းဒေ သကြီး လူမှုရေးနှင့် စည်ပင်သာ ယာရေးဝန်ကြီး ဦးဟိုပင်ကပြော ကြားသည်။

‘‘မွေးမြူရေးဇုန် ထူထောင်ဖို့ ကျွန်တော်တို့ ကက်ဘိနက်မှာ ဆွေးနွေးတော့ သဘောတူပါ တယ်။ ကျွန်တော်တို့ သူတို့အ တွက် မြေနေရာ ရှာပေးနေပါ တယ်။ ရဖို့လည်း ရှိပါတယ်’’ ဟု ဦးဟိုပင်ကပြောသည်။

More in News Section

Top News