ပင်လယ်ပြင်အတွင်း ဆီယိုဖိတ်မှု တုံ့ပြန်ဆောင်ရွက်ရေးစီမံချက် လာမည့် နှစ်ကုန်ပိုင်းတွင် အပြီးသတ်ရေးဆွဲမည်

မြန်မာ့ပင်လယ်ပြင်အတွင်း ဆီယို ဖိတ်မှုများ ဖြစ်ပွားပါက တုံ့ပြန် ဆောင်ရွက်နိုင်ရန် အမျိုးသားအ ဆင့် ဆီယိုဖိတ်မှု တုံ့ပြန်ဆောင် ရွက်ရေးစီမံချက်ကို ၂၀၁၈ နှစ်ကုန်တွင် အပြီးသတ်ရေးဆွဲမည်ဟု ရေကြောင်းပို့ဆောင်ရေးညွှန်ကြား ရေးမှူး ဦးကိုကိုနိုင်က ပြောသည်။

မြန်မာ့ပင်လယ်ပြင်နယ်နိ မိတ်အတွင်း သင်္ဘောချင်းတိုက်မိ ၍ဖြစ်စေ၊ ရာသီဥတုအခြေအနေ ကြောင့်ဖြစ်စေ သင်္ဘောကြီးများထိခိုက်ကာ ဆီယိုဖိတ်မှုဖြစ်ပွားပါက ဖြေရှင်းဆောင်ရွက်နိုင်ရန် အမျိုးသား အဆင့်ဆီယိုဖိတ်မှု တုံ့ပြန်ဆောင် ရွက်ရေး စီမံချက်ကို ကမ္ဘာ့ရေ ကြောင်းအဖွဲ့ (IMO) ၏ ပံ့ပိုးမှုဖြင့် ရေးဆွဲနေသည်။


အမျိုးသားအဆင့်ဆီယိုဖိတ် မှု တုံ့ပြန်ဆောင်ရွက်ရေးစီမံချက် တွင် ဆီယိုဖိတ်မှုဖြစ်စဉ်များကို သက်ဆိုင်ရာဆိပ်ကမ်း၊ ဌာနများကကိုင်တွယ်ဖြေရှင်းရန်၊ လျော်ကြေး ကိစ္စရပ်များ ဖြေရှင်းဆောင်ရွက် ရန်၊ ရေနံယိုဖိတ်မှုဆိုင်ရာ တုံ့ပြန် ဆောင်ရွက်ရေး ပစ္စည်းကိရိယာ များ ပြင်ဆင်ထားရှိရန်တို့ ပါဝင် သည်။

‘‘စီမံချက်အပြီးသတ်တာနဲ့ အသက်ဝင်ဖို့က ဆက်တိုက် ဆောင်ရွက်သွားမှာ။ မြန်မြန်ဖြစ် နိုင်လေ ကောင်းလေပဲ။ သာမန်စီ မံချက်နဲ့ မတူဘဲ ဥပဒေကဲ့သို့ ဆောင်ရွက်သွားမှာ’’ ဟု ဦးကိုကို နိုင်က ပြောသည်။

လက်ရှိတွင် ရန်ကုန်မြစ် ကြောင်းတစ်လျှောက် ဆိပ်ကမ်း များ များပြားလာသည့်နည်းတူ သင်္ဘောကြီးများလည်း ပိုမိုဝင် ရောက်နေရာ ဆီယိုဖိတ်မှု ဖြစ်ပွား ရန် အန္တရာယ်မြင့်မားလာသဖြင့် ထိရောက်သည့် ပြင်ဆင်မှုများ စီစဉ်ထားသင့်ကြောင်း  ၎င်းကပြော သည်။

ပင်လယ်ပြင်ဆီယိုဖိတ်မှုဖြစ် စဉ်သည် မြန်မာနိုင်ငံတွင်ဖြစ်ပွား ခြင်း မရှိသေးသော်လည်းလက်ရှိ လုပ်ဆောင်နေသည့် ကျောက်ဖြူ မဒေးကျွန်းကဲ့သို့ စီမံကိန်းများ ကြောင့် နိုင်ငံတကာ၌ဖြစ်ပွားနေ သည့် ပင်လယ်ပြင်ဆီယိုဖိတ်မှုဖြစ် စဉ်မျိုး ဖြစ်ပွားနိုင်ကြောင်း ပတ်ဝန်း ကျင်ထိန်းသိမ်းရေးလုပ်ဆောင် နေသူများက ပြောသည်။

ပင်လယ်ပြင်တွင်ဆီယိုဖိတ် မှုဖြစ်ပွားပါက ယင်းနေရာ၌ နေ ထိုင်ကျက်စားသည့် ရေနေ သတ္တဝါ များ အသက်ဆုံးရှုံးနိုင်ပြီး ပင်လယ် တွင်နေထိုင်သည့် ငှက်များလည်း တောင်ပံကို ဆီထိခြင်းကြောင့် မပျံသန်းနိုင်တော့ဘဲ  သေဆုံးသည် အထိ ဖြစ်ပွားနိုင်ကြောင်း ၎င်းက ဆိုသည်။

မြန်မာနိုင်ငံသည် အာဆီယံ ရေပိုင်နက်အတွင်း ပင်လယ်ပြင် ဆီယိုဖိတ်မှု ဖြစ်ပါက အာဆီယံအ ချင်းချင်း ချိတ်ဆက်၍ ရှင်းလင်း လုပ်ဆောင်နိုင်မည့် အာဆီယံရေ ပိုင်နက်အတွင်း ပင်လယ်ပြင်ဆီယို ဖိတ်မှု ကာကွယ်ရေး ပူးပေါင်း ဆောင်ရွက်ရန် သဘောတူညီချက် မူကြမ်းကို ၂၀၁၅ က ရေးထိုးထား သည်။