ဧရာဝတီမြစ်ဝကျွန်းပေါ် မြို့နယ်လေးခုတွင် ကြိုးကြာခေါင်းနီငှက်သိုက် ၅၀ တွေ့ရှိ

မြစ်ဝကျွန်းပေါ်ဒေသတွင်တွေ့ရှိသော ကြိုးကြာခေါင်းနီငှက်သိုက်တစ်ခုကို ကြည့်ရှုနေစဉ်(ဓာတ်ပုံ−WCS Myanmar)

 ဧရာဝတီမြစ်ဝကျွန်းပေါ် ဒေသမြို့နယ်လေးခုတွင် ရှားပါး ငှက်မျိုးစိတ်ကြိုးကြာခေါင်းနီ ငှက်သိုက် ၅၀ တွေ့ရှိကာ မှတ်တမ်း တင်နိုင်ခဲ့သည်ဟု သားငှက်ထိန်းသိမ်းရေးအဖွဲ့ (မြန်မာနိုင်ငံအစီ အစဉ်)က သတင်းထုတ်ပြန်သည်။

ကြိုးကြာခေါင်းနီငှက်သိုက် များကို မအူပင်မြို့နယ်တွင် ၁၅ ခု၊ပန်းတနော်မြို့နယ်တွင် နှစ်ခု၊ အိမ်မဲမြို့နယ်တွင် နှစ်ခုနှင့် ၀ါးခယ်မမြို့နယ်တွင် ၃၁ တို့ကို တွေ့ရှိမှတ်တမ်းတင်နိုင်ခဲ့သည်။

‘‘ဒီနှစ်က အရင်နှစ်တွေထက် ကြိုးကြာအသိုက်တွေ ပိုတွေ့တာ က  ဒေသခံလယ်သမားတွေ  ပူး ပေါင်းလို့  တွေ့တာပါ။  ဒေသခံ တွေက ကြိုးကြာထိန်းသိမ်းရေး တွေမှာ ပူးပေါင်းပါဝင်လာတယ်။ ကြိုးကြာအသိုက်တွေ တွေ့ရင် သတင်းတွေပေးလာကြတယ်’’ဟု သားငှက် ထိန်းသိမ်းရေးအဖွဲ့ (မြန်မာနိုင်ငံအစီအစဉ်)မှ ငှက်ပညာရှင်ဦးသက်ဇော်နိုင်က ပြောသည်။


မျိုးသုဉ်းပျောက်ကွယ်မည့် အန္တရာယ် ကြုံတွေ့နေရသော ကြိုးကြာငှက်မျိုးစိတ်များ၏ အ သိုက်တည်နေရာနှင့် အချက်အ လက်များ ရှာဖွေကာ ထိန်းသိမ်း ရေးလုပ်ဆောင်လျက်ရှိပြီး အသိုက်တည်နေရာကို သတင်းပေး သည့် ဒေသခံများအား ဆုငွေချီးမြှင့်ကြောင်း သားငှက်ထိန်းသိမ်းရေးအဖွဲ့မှ သိရသည်။

၂၀၁၆ က ဧရာဝတီမြစ်ဝ ကျွန်းပေါ်တွင် သုတေသနပြုလုပ်ချက်အရ ကြိုးကြာခေါင်းနီ ငှက်သိုက် ၃၇ ခု တွေ့ရှိ ထိန်းသိမ်း နိုင်ခဲ့ပြီး ယင်းဒေသတွင် အကောင်ရေ ၂၀၀ မှ ၄၀၀ အတွင်း ကျန်ရှိတော့သည်ဟု ခန့်မှန်းသည်။

ကမ္ဘာတစ်လွှား ကြိုးကြား ငှက်မျိုးစိတ်များစွာရှိသည့်အနက် ဧရာဝတီမြစ်ဝကျွန်းပေါ်ဒေသရှိ ကြိုးကြာငှက်မျိုးစိတ်သည် ကမ္ဘာ ပေါ်တွင်သာမက မြန်မာနိုင်ငံ၌ လည်း အလွန်ရှားပါးသော ငှက်မျိုးစိတ်ဖြစ်ပြီး ရေကြည်၊ ဟင်္သာတ၊ ၀ါးခယ်မ၊ ကျိုက်လတ်၊ မအူပင်၊ မြောင်းမြ၊ အိမ်မဲနှင့် မော်လမြိုင်မြို့များ၏ ၀န်းကျင်ဒေသများတွင် ပျံ့နှံ့ကျက်စားသည်။

Top News