အဝလွန်ဖြစ်နေသော ကလေးငယ်များ အသက်တစ်နှစ်မပြည့်မီမှာပင် နှလုံးထိခိုက်နိုင်

အဝလွန်ဖြစ်နေသော ကလေးငယ်များသည် အသက်တစ်နှစ် မပြည့်မီမှာပင် နှလုံးထိခိုက်ပျက်စီးသော လက္ခဏာများ ပြသကြောင်း လေ့လာမှုအသစ်တစ်ရပ်က ဖော်ပြသည်။

အဝလွန်ကလေးငယ် ၄၀၀ ကျော်၏ နှလုံးကျန်းမာရေးအခြေ အနေကို လေ့လာရာ ၎င်းတို့၏ နှလုံးတည်ဆောက်ပုံအတွင်း သာ မန် ကလေးများနှင့် မတူညီမှုများကို တွေ့ရှိသည်။

ခန္ဓာကိုယ်ညွှန်းကိန်း (BMI)  ၃၀ ထက် မြင့်မားသော ကလေး ငယ်များသည် သာမန်ကိုယ်အလေးချိန်ရှိသော ကလေးများထက် နှလုံးကြွက်သား ၃၀ ရာခိုင်နှုန်း ပိုထူကြောင်း သုတေသီများက လေ့ လာတွေ့ရှိခဲ့သည်။


နှလုံး၏အရေးပါသော သွေးလွှတ်ခန်းဖြစ်သည့် ဘယ်ဘက် သွေးလွှတ်ခန်း ပိုကြီးခြင်းနှင့် နံရံများထူထဲခြင်းတို့ ဖြစ်ပေါ်ကြောင်း သုတေသီများ လေ့လာတွေ့ရှိခဲ့သည်။

ငယ်ရွယ်စဉ် အဝလွန်ဖြစ်ခြင်းကြောင့် ကလေး၏ နှလုံးတည် ဆောက်ပုံနှင့် ကြီးထွားမှုအပေါ် ရေရှည်ထိခိုက်မှု ရှိနိုင်ကြောင်း ယခု လေ့လာမှုက ဖော်ပြသည်။

ထို့အပြင် အဝလွန်ဖြစ်နေသော ကလေးငယ်များ အားလုံးနီးပါးသည် မိခင်နို့စို့သော ကလေးများ မဟုတ်ဘဲ နို့ပုလင်းစို့သော ကလေးများ ဖြစ်နေသောကြောင့် ယင်းနို့များက ကလေးများ အဝ လွန်ဖြစ်မှုနှုန်းကို မြင့်မားစေခြင်းဖြစ်နိုင်ကြောင်း သုတေသီများက ပြောသည်။

အမေရိကန်နှင့် ဗြိတိန်နိုင်ငံတို့တွင် ကလေးအဝလွန်ဖြစ်မှုနှုန်း မြင့်မားပြီး ကလေးသုံးဦးတွင် တစ်ဦးခန့် ကိုယ်အလေးချိန် သာမန်ထက် ပိုများနေသူများ (သို့မဟုတ်) အဝလွန်ဖြစ်နေသူများ ဖြစ် သည်။

ကလေးဘဝတွင် အဝလွန်ဖြစ်ခြင်းကြောင့် ဘဝတစ်လျှောက် လုံး နာမကျန်းဖြစ်ကာ မိဘများထက်ဦးစွာ အသက်သေဆုံးနိုင် ကြောင်း သုတေသီများက သတိပေးထားသည်။

—Ref: Dailymail

Top News