သားအိမ်အတွင်း အရည်အိတ်များရှိသောရောဂါကြောင့် အမျိုးအစား-၂ ဆီးချိုရောဂါ ဖြစ်ပွားနိုင်ခြေများ

သားအိမ်အတွင်း အရည်အိတ်များရှိသော ရောဂါခံစားနေရသည့် အမျိုးသမီးများသည် သာမန်အမျိုးသမီးများထက် အမျိုးအစား -၂ ဆီးချိုရောဂါ ဖြစ်ပွားနိုင်ခြေ လေးဆပိုမိုမြင့်မားကြောင်း လေ့လာမှု တစ်ရပ်က ဖော်ပြသည်။

အမျိုးသမီးငါးဦးတွင် တစ်ဦးခန့်ကြုံတွေ့နေရသည့် ယင်းသားအိမ်ရောဂါကြောင့် ခန္ဓာကိုယ်က အင်ဆူလင်ကို ထိရောက်စွာအသုံးမချနိုင်ဖြစ်လာနိုင်ပြီး အမျိုးအစား-၂ ဆီးချိုရောဂါ ဖြစ်ပွား လာနိုင်သည်။

ဓမ္မတာလာချိန်မမှန်ခြင်း၊ အမွေးအမှင်များခြင်း၊ ဖိုဟော်မုန်း ပမာဏများခြင်းနှင့် မျိုးအောင်နိုင်မှုဆိုင်ရာပြဿနာများ စသော လက္ခဏာများပြသလေ့ရှိသည်။ သားအိမ်အတွင်း အရည်အိတ်များ ရှိသောရောဂါနှင့် ဆီးချိုရောဂါဖြစ်ပွားမှုကြား ဆက်စပ်ပုံကို သုတေ သီများက လေ့လာခြင်းဖြစ်သည်။


ယင်းရောဂါဖြစ်ပွားနေသော အမျိုးသမီးများ ဆီးချိုရောဂါဖြစ် ပွားကြောင်း စစ်ဆေးတွေ့ရှိသည့် ပျမ်းမျှအသက်အရွယ်သည် (၃၁)နှစ်ဖြစ်သည်။

ယင်းသားအိမ်ရောဂါရှိသော အမျိုးသမီးများစွာသည် အ၀လွန် ဖြစ်နေလေ့ရှိသည်။ ဆီးချိုရောဂါသည် အသက်ငယ်ရွယ်ချိန်မှာပင် ဖြစ်ပွားနိုင်ပြီး အ၀လွန်ဖြစ်နေသော သားအိမ်ရောဂါရှိသည့် အမျိုး သမီးများတွင် ဆီးချိုရောဂါ စစ်ဆေးတွေ့ရှိရန် အရေးကြီးသည်။

သားအိမ်ရောဂါရှိသော သွေးမဆုံးမီ အမျိုးသမီးများနှင့် ယင်း ရောဂါမရှိသော ရွယ်တူအမျိုးသမီးများကို နှိုင်းယှဉ်လေ့လာရာတွင် ရောဂါရှိသူများသည် ဆီးချိုရောဂါဖြစ်ပွားနိုင်ခြေ လေးဆပိုများ ကြောင်း သုတေသီများက လေ့လာတွေ့ရှိခဲ့သည်။

ထို့အပြင် ခန္ဓာကိုယ်ညွှန်းကိန်းမြင့်မားခြင်း၊ အင်ဆူလင်နှင့် သကြားဓာတ်ပမာဏ၊ သွေးထဲတွင် အဆီပါဝင်မှုပမာဏတို့ကလည်း ဆီးချိုရောဂါဖြစ်ပွားမှုနှင့် ဆက်စပ်နေကြောင်း သုတေသီများက လေ့လာတွေ့ရှိခဲ့သည်။

အင်ဆူလင်သည် သွေးထဲရှိ သကြားဓာတ်ကို ထိန်းချုပ်ပေး သော ဟော်မုန်းဖြစ်သည်။ သားအိမ်ရောဂါရှိသော အမျိုးသမီး များသည် အင်ဆူလင်၏လုပ်ဆောင်မှုများကို တားဆီးပြီး ခန္ဓာကိုယ်က အင်ဆူလင် ပိုမိုထုတ်လုပ်သည်။

ယင်းအခြေအနေကြောင့် သွေးထဲတွင် သကြားဓာတ်များလာ ပြီး အမျိုးအစား-၂ ဆီးချိုရောဂါဆီသို့ ဦးတည်သွားသည်။ ယင်း အခြေအနေတွင် သွေးထဲရှိ သကြားဓာတ်ပမာဏကို ပုံမှန်ထိန်းသိမ်းရန် လိုအပ်သော အင်ဆူလင်ကို သရက်ရွက်က စစ်မထုတ် နိုင်ဖြစ်ရသည်။

အင်ဆူလင်ပမာဏမြင့်မားခြင်းကြောင့် သားအိမ်က ဖိုဟော် မုန်းများ ပိုထုတ်လုပ်ပြီး ပုံမှန်သားဥဖြစ်ပေါ်မှုကို နှောင့်ယှက်သည်။ အင်ဆူလင် ပုံမှန်အလုပ်မလုပ်သောကြောင့် ကိုယ်အလေးချိန် ပိုလာပြီး သားအိမ်ရောဂါကို ပိုမိုဆိုးရွားစေနိုင်သည်။

—Ref: Daily Mail