‘ဘုရားစူး အဆိုတော်’လို့ အခွေနာမည်ပေးဖြစ်ပုံကို ပြောပြတဲ့ ပူစူး

ဓာတ်ပုံ- ဇွဲဉာဏ်

‘ဘုရားစူး အဆိုတော်’ဟု အမည်ပေးထားသည့် တစ်ကိုယ်တော်အခွေကို စက်တင်ဘာ ၇ ရက်တွင် ဖြန့်ချိမည်ဖြစ်ပြီး စီးရီးအမည်ပေးဖြစ်ပုံနှင့်ပတ်သက်၍ အဆိုတော် ပူစူးက ယခုကဲ့သို့ ပြော သည်။


‘‘သီချင်းဆိုတာက ပါးစပ်နဲ့ ဆိုတာပါပဲကွာလို့ ပေါ့ပေါ့လေး တွေးလို့မှ မရတာ။ အဆိုတော် တစ်ယောက်ဆိုတာ ကျွန်တော်ခံ ယူထားတာက သီချင်းကို ကိုယ် တိုင်ဖန်တီး၊ ကိုယ်တိုင်ရေး၊ ကိုယ် တိုင်တီး၊ Arrange တွေ ကိုယ်တိုင် လုပ်၊ အသံတွေ အားလုံးက သူ့ရင် ထဲကလာတဲ့အသံတွေချည်းပဲ။ အဲ ဒါမှ ပရိသတ်လည်း အားပေးရ တာ တန်တယ်။ တစ်ယောက်လာ လည်း ဒီတီးဝိုင်း၊ ဒီတေးရေးနဲ့ ကိုယ်ကဘာမှမပါဘူး။ တီးဝိုင်းက လုပ်ပေးတဲ့ Arrange နဲ့၊ တေးရေး ရွေးပေးတဲ့ သီချင်းနဲ့။ အဲဒီလိုမျိုး အဆိုတော်ကို ‘ဘုရားစူး အဆို တော်’လို့မြင်တယ်။ ကျွန်တော် ကိုယ့်ကိုယ်ကိုယ်လည်း ‘ဘုရားစူး အဆိုတော်လို့’မြင်တာပဲ’’ဟု ပူစူး က ပြောသည်။

ထို့ကြောင့် ယင်းအခွေတွင် တစ်ခွေလုံးကို ကိုယ်တိုင်ရေးထား သလို တီးခတ်သည့်အပိုင်း၊ Arrange ပိုင်းများကိုလည်း သေ သေချာချာလေ့လာကာ ကြိုး စားထားကြောင်း ၎င်းက ဆိုသည်။

‘‘တချို့က အဆိုတော်ဖြစ် ချင်တာမဟုတ်ဘူး။ ဆယ်လ်လီ ဖြစ်ချင်တာ။ အဲဒါကြောင့် တကယ်ဝါသနာပါမှ လုပ်တာကောင်း တယ်’’ဟု ဂီတနှင့်ပတ်သက်၍ ၎င်း၏ခံယူချက်ကို ပြောသည်။

‘ဘုရားစူး အဆိုတော်’အခွေ တွင် သီချင်းပုံစံအနေဖြင့်လည်း ယခင်က သီဆိုနေကျပုံစံများနှင့် မတူညီသည့် ရော့ခ်ဆန်ဆန်ပုံစံ များလည်း ပါဝင်မည်ဖြစ်ပြီး ကိုယ် ပိုင်သံစဉ်သီချင်း ၁၀ ပုဒ်ပါဝင်မည် ဟု ၎င်းက ပြောသည်။

‘‘အဓိကက ဒီအခွေထဲက သီချင်းတွေကို ပရိသတ်တွေကို နားထောင်စေချင်တာ’’ဟု ၎င်း၏ တတိယတစ်ကိုယ်တော်အခွေနှင့် ပတ်သက်၍ ပြောသည်။

အဆိုတော်ပူစူးသည် တစ် ကိုယ်တော်အခွေများအနေဖြင့် ‘တစ်မိုးအောက်’နှင့် ‘ရင်ခုန်ဖော် ရင်ခုန်ဖက်’စီးရီးနှစ်ခွေ ထွက်ရှိ ထားသည်။