သူငယ်တန်းနှင့် ပထမတန်းတွင် သင်ရိုးသစ်နည်းပြသင်တန်းဆင်း ဆရာ၊ ဆရာမများသာ သင်ကြားရန် ညွှန်ကြား

စာသင်ယူနေသော မူလတန်းကျောင်းသူ ကျောင်းသားလေးများ(ဓာတ်ပုံ-ဂျေမောင်မောင်(အမရပူရ))

သူငယ်တန်းနှင့် ပထမ တန်းတွင် သင်ရိုးသစ်ဆိုင်ရာနည်း ပြသင်တန်းဆင်း ဆရာ၊ ဆရာမ များကိုသာ သင်ကြားမှုတာဝန် ပေးရန် အခြေခံပညာကျောင်းများ သို့ သြဂုတ်နောက်ဆုံးပတ်က ညွှန်ကြားထားသည်။

 အခြေခံပညာသူငယ်တန်း နှင့် ပထမတန်းကို သူငယ်တန်း အပေါင်း ၁၂ တန်း (KG+12) စနစ်သစ်အရ သင်ရိုးညွှန်းတမ်းအသစ် များဖြင့် စတင်သင်ကြားနေခြင်း ဖြစ်ရာ သင်ရိုးညွှန်းတမ်းအသစ် သင်ကြားနည်းနှင့်ပတ်သက် သည့် နည်းပြသင်တန်းဆင်း ဆရာ၊ ဆရာမများကိုသာ သင်ကြားမှု တာဝန်ပေးရန် ညွှန်ကြားထား သည်။ သင်တန်းမတက်ရသေး သော ဆရာ၊ ဆရာမများအား အောက်တိုဘာတွင် ဖွင့်လှစ်မည့် မြို့နယ်အဆင့် ဆင့်ပွားသင်တန်း များတက်ရောက်ရန် ကျောင်းအုပ်ကြီးများအား ညွှန်ကြားထားသည်။


‘‘သင်ရိုးသစ်သင်နေတဲ့ အ တန်းတွေကို မတ်လကုန်ကစပြီး ဗဟိုအဆင့်၊ ခရိုင်အဆင့်၊ မြို့နယ် အဆင့် သင်တန်းတွေ ပေးထားပြီး သားပါ။ ကျောင်းတွေက သူတို့ ကျောင်းမှာ သူငယ်တန်းနဲ့ ပထမ တန်းသင်မယ့် ဆရာ၊ ဆရာမတွေ ကို သင်တန်းလွှတ်ပါတယ်။ သင် ရိုးသစ်က သင်တန်းတက်ထား သူပဲ သင်မှသင့်တော်မှာမို့ သင် မယ့်ဆရာတွေကို မဖြစ်မနေ သင် တန်းပေးတက်ဖို့ လိုပါတယ်။ သင်နေတဲ့ ဆရာတွေကျောင်း ပြောင်းတာ၊ ရာထူးတိုးတာ ရှိ သွားတာမျိုးဆိုရင် သူတို့နေရာ ဆက်သင်မယ့်သူတွေကို အောက် တိုဘာမှာ သင်တန်းထပ်ပေးပါ မယ်’’ဟု ရန်ကုန်တိုင်းဒေသကြီး ပညာရေးမှူးရုံး လက်ထောက် ညွှန်ကြားရေးမှူးတစ်ဦးက ပြော သည်။

သူငယ်တန်းနှင့် ပထမတန်း စာသင်ခန်းများကို သင်တန်း ဆင်း ဆရာ၊ ဆရာမများဖြင့် သင်ကြားရန် ညွှန်ကြားထားသော် လည်း ဆရာ၊ ဆရာမအင်အားမလုံလောက်မှုနှင့် ဆရာ၊ ဆရာမအပြောင်းအရွှေ့များကြောင့် သင်တန်းမတက်ရသေးသည့် ဆရာ၊ ဆရာမများဖြင့် ဖြည့်တင်းနေရကြောင်း အခြေခံပညာဆရာ၊ ဆရာမအချို့ထံမှ သိရသည်။

‘‘သင်တန်းဆင်းတွေနဲ့ သင် ဆိုပေမယ့် သင်တန်းတက်ထား တဲ့ ဆရာ၊ ဆရာမပြောင်းသွား ရင် သင်မယ့်သူမရှိရင် ရှိတဲ့သူက အစားထိုးသင်ပေးရတာပဲ။ တချို့ သူငယ်တန်းအခန်းတွေဆို ကျောင်းသားကများပြီး ဆရာမ တစ်ယောက်တည်း မနိုင်တော့လို့ မိဘက၀င်ထိန်းပေးရတာတောင် ရှိတယ်။ လက်တွေ့မြေပြင်မှာ ကြုံနေရတဲ့ အခြေအနေပါ’’ဟု မိတ္ထီလာမြို့မှ အလယ်တန်းပြ ဆရာမတစ်ဦးက ပြောသည်။

စနစ်သစ်၊ သင်ရိုးညွှန်းတမ်း အသစ်များဖြင့် သင်ကြားနေသော သူငယ်တန်းနှင့် ပထမတန်းတွင် ကျောင်းသားများ၏ တတ်မြောက် မှုကို စာမေးပွဲစစ်ဆေးရန် မလို အပ်ကြောင်း၊ စစ်ဆေးပါက အ ရေးယူမည်ဖြစ်ကြောင်း ဇူလိုင်အတွင်း ညွှန်ကြားထားသည်။

ပညာရေးဝန်ကြီးဌာန အ ခြေခံပညာကဏ္ဍ ပညာရေးပြုပြင် ပြောင်းလဲရေးအစီအစဉ်တစ်ခု ဖြစ်သည့် သူငယ်တန်းအပေါင်း ၁၂ တန်း (KG+12) ပညာရေးအ ရ ပြီးခဲ့သည့် ၂၀၁၆-၁၇ ပညာ သင်နှစ်တွင် သူငယ်တန်း (KG) ကို သင်ရိုးညွှန်းတမ်းအသစ်ဖြင့် စတင်သင်ကြားပြီး အဆိုပါ သူ ငယ်တန်းကျောင်းသားများအား ၂၀၁၇-၁၈ ပညာသင်နှစ်တွင် ပထမတန်းကို သင်ရိုးညွှန်းတမ်း အသစ်ဖြင့် ဆက်လက်သင်ကြား နေသည်။