နှေးသူက ဘေးကိုကပ်ပေးထားသည့် ဓလေ့

(တစ်)

ဗုဒ္ဓစာပေကျမ်းဂန်များနှင့် ပတ်သက်၍ အလွန်ကျွမ်းကျင်နှံ့ စပ်သည့် အနောက်ကမ္ဘာကလူ တစ်ဦးကို ပြပါဟုဆိုလျှင်အင်္ဂလိပ် အမျိုးသမီးမစ္စစ်ရစ်ဒေးဗစ်ကိုပင် ပြရလိမ့်မည်ဟု ထင်ပါသည်။ ဗုဒ္ဓ ဘာသာနယ်ပယ်၌ နေတစ်ဆူလ တစ်ပါး အလွန်ထင်ရှားသည့် လယ်တီဆရာတော်ဘုရားကြီးကဲ့ သို့သော ကျမ်းပြုပုဂ္ဂိုလ်ကပင်လျှင် ‘ပါဠိဒေ၀ီ’ဟူ၍ မစ္စစ်ရစ်ဒေးဗစ်ကို ညွှန်းဆိုခဲ့ရဖူးသည် မဟုတ်လား။

မစ္စစ်ရစ်ဒေးဗစ်တို့ ပါဠိစာ ပေကျွမ်းကျင်ပုံက စကားပြောရာ ၌ပင် ပါဠိဘာသာဖြင့်အပြန်အလှန် ပြောဆိုနိုင်ခြင်းဖြစ်ပါသည်။

မုံရွာမြို့သို့ရောက်၍ လယ် တီကျောင်းတိုက်ထဲသို့ ၀င်သည့် အခါ လယ်တီကျောက်စာတိုက်ကို တွေ့နိုင်ပါသည်။ ထိုလယ်တီ ကျောက်စာတိုက်ထဲ၌ ကျောက် စာအများအပြားရှိနေခဲ့ရာ ဗုဒ္ဓ အဘိဓမ္မာနှင့်ပတ်သက်၍ မစ္စစ်ရစ် ဒေးဗစ်က မေးမြန်းလျှောက်ထား ခဲ့ခြင်းဖြစ်ပြီး မိန့်မြွက်ဖြေဆိုတော် မူသည်က လယ်တီဆရာတော် ဘုရားဖြစ်ကာ ယင်းအမေးအဖြေ များကို ကျောက်ထက်အက္ခရာ တင်ထားကြောင်း တွေ့နိုင်ပါ သည်။

 

(နှစ်)

Mrs. Rhys Davids ကိုတ ချို့က ရစ်ဒေးဗစ်၊ တချို့က ရီးဒေး ဗစ်စသည်ဖြင့် အမျိုးမျိုးအသံ ထွက်ကြပါသည်။ စင်စစ်သူ့မူရင်း နာမည်က Caroline Augusta Foley။ သို့သော် ခင်ပွန်းသည် Thomas William Rhys Davids နှင့်လက်ထပ်ပြီးသည့်အခါ Mrs. Rhys Davids ဖြစ်သွားပါတော့ သည်။ နာမည်အပြည့်အစုံကမူ Caroline Augusta Rhys Davids။ လွယ်လွယ်ခေါ်ကြစို့ဆို လျှင်ဖြင့် ရစ်ဒေးဗစ်။

သူတို့ဇနီးခင်ပွန်းနှစ်ဦးစလုံး က ပါဠိစာပေပညာရှင်များဖြစ်ပါ သည်။ ခင်ပွန်းသည်ကဆိုလျှင် လန်ဒန်၌ ၁၈၈၁ ခုနှစ်ကပင်လျှင် Pali Text Society ခေါ် ပါဠိကျမ်း စာအသင်းကို တည်ထောင်ထားခဲ့ ပြီးဖြစ်ပါသည်။ ဇနီးခင်ပွန်းနှစ်ဦး စလုံးအင်္ဂလိပ်လူမျိုးများ၊ အင်္ဂလန် နိုင်ငံသားများ။ သူတို့၏ အဓိက အလုပ်က ဗုဒ္ဓကျမ်းဂန်များကို အင်္ဂလိပ်ဘာသာသို့ ပြန်ဆိုခြင်း။ ထို့ကြောင့် အင်္ဂလိပ်ဘာသာဖြင့် ပြန်ဆိုပြုစုထားသည့် ဗုဒ္ဓအဘိဓမ္မာ ဆိုင်ရာစာပေကျမ်းဂန်များတွင် ရစ်ဒေးဗစ် (Rhys Davids)ဟူ သည့် အမည်က ရှောင်၍မလွတ်။

 

(သုံး)

မြန်မာနိုင်ငံ၌ ကိုလိုနီခေတ် တိုင်းရင်းသားပညာတတ်၊ ပညာ ရှင်များထဲတွင် ဦးရွှေဇံအောင်ဟူ သောအမည်က ထင်ရှားပါသည်။

စစ်တွေဇာတိ။ ရခိုင်အမျိုး သား။ ရန်ကုန်ကောလိပ်မှ ၀ိဇ္ဇာ ဘွဲ့ရခဲ့သူ။ ပညာအုပ်မှသည် ယစ် မျိုးမင်းကြီးအထိ တာဝန်ထမ်း ဆောင်ခဲ့သည့်လူတစ်ယောက်။

ဆရာကြီးဦးရွှေဇံအောင်က ပါဠိစာပေကျမ်းဂန်များနှင့် နီးစပ် ပါသည်။ ထို့အပြင် ဗြိတိသျှပါဠိ စာပေပညာရှင် မစ္စစ်ရစ်ဒေးဗစ် နှင့်လည်း ရင်းနှီးပါသည်။

ဆရာကြီးသည် ပါမောက္ခ ဂျီဗန်း၏ လောဂျစ်(Logic)ကျမ်း ကို မှီငြမ်းကာ ယုတ္တိဗေဒကျမ်းကို ပြုစုခဲ့သကဲ့သို့ ဂန်းနော့၏ကျမ်း ကို မှီငြမ်းကာ ရူပဒီပနီဟူသည့် ရူ ပဗေဒကျမ်းကိုလည်း ပြုစုခဲ့သူဖြစ် ပါသည်။

ဆရာကြီးဦးရွှေဇံအောင်၏ ကြိုးပမ်းအားထုတ်မှုထဲ၌ အဘိ ဓမ္မတ္ထသင်္ဂဟကျမ်းကို အင်္ဂလိပ် ဘာသာသို့ ပြန်ဆိုခဲ့မှုကမူ ပညာ ရှင်တို့နယ်ပယ်၌ အမှတ်တရဖြစ် စရာပင်ဖြစ်ပါသည်။

ဗုဒ္ဓဘာသာဝင်တို့လောက၌ ဗုဒ္ဓ၏ဟောကြားချက်များကို နိ ကာယ်အနေဖြင့်ခွဲသော် ငါးမျိုးရှိ ပြီး ပိဋကအရခွဲသော် သုံးမျိုးရှိပါ သည်။ သုတ်၊ ၀ိနည်း၊ အဘိဓမ္မာ ဟုဆိုကြပါစို့။

ဤ၌ အဘိဓမ္မာ ခုနစ်ကျမ်း တွင် ဘုရားရှင်၏အဘိဓမ္မာတို့ကို အနှစ်ချုပ်နားလည်စေရန်အတွက် ပြုစုထားသည့် အဘိဓမ္မတ္ထသင်္ဂဟ ဟူသည့်ကျမ်းရှိပါသည်။ တချို့က သင်္ဂြိုဟ်ဟု လွယ်လွယ်ခေါ်သည့် ကျမ်းပဲဖြစ်ပါသည်။

ယင်းကို ဆရာကြီးဦးရွှေဇံ အောင်က အင်္ဂလိပ်ဘာသာသို့ပြန် ဆိုခြင်းဖြစ်ပါသည်။

သို့သော် တိုက်ဆိုင်ပုံက ထို အချိန်တွင် လန်ဒန်ရှိ မစ္စစ်ရစ်ဒေး ဗစ်တို့၏ Pali Text Society က လည်း ထိုကျမ်းကို အင်္ဂလိပ်ဘာ သာသို့ ပြန်ဆို၍နေခဲ့ပြီဖြစ်ပါ သည်။

ဆရာကြီးဦးရွှေဇံအောင်က သူ၏ အဘိဓမ္မတ္ထသင်္ဂဟကျမ်း အင်္ဂလိပ်ဘာသာပြန်မူကို ပါဠိ ကျမ်းစာအသင်း (Pali Text Society)သို့ ပို့လိုက်ပါသည်။ လန် ဒန်ရှိ ဘာသာပြန်ပညာရှိ၊ ပညာ ရှင်များ ဦးရွှေဇံအောင်၏ပါဠိမှ အင်္ဂလိပ်သို့ပြန်ဆိုမှုစာမူကို ကြည့် ကာ သူတို့၏ဘာသာပြန် အလုပ်ကို ရပ်တန့်လိုက်ကြပါတော့သည်။

အကြောင်းမှာ ဆရာကြီး ဦးရွှေဇံအောင်၏ ဘာသာပြန်ဆို ထားပုံက ပိုလည်းရှင်း၊ ပိုလည်း ကောင်း၊ ပိုလည်းထိမိနေသော ကြောင့်ပါတဲ့။

ဤမျှအထိ တောင်ရေး၊ မြောက်ရေး လျှောက်ရေးနေမိ သည်များထဲ၌ အဓိကပြောလို သည့်အချက်က ထိုအချက်က လေးသာလျှင်ဖြစ်ပါသည်။

တကယ့်ပညာတတ်၊ ပညာ ရှင်၊ ပညာရှိတို့၏ နယ်ပယ်၌အမှန် တရားကြီးစိုးပုံဖြစ်ပါသည်။ ပို၍ ကောင်းမွန်သောအားထုတ်ထားမှု အတွက် သူ့လောက်မကောင်း သည့်မိမိက မည်သူ၏ခြိမ်းခြောက် တိုက်တွန်းမှုမှမပါဘဲ နောက်သို့ ဆုတ်ပေးလိုက်ခြင်း။
 


(လေး)

ထားဖို့ရန် အလွန်ခက်ခဲသည့် စိတ်တစ်မျိုးဟု ကျွန်တော်ကတော့ ဆိုချင်ပါသည်။

ကိုယ့်လူက သိသိသာသာ ‘ရှော်’နေပါလျက် အခြားသော ‘တော်’သူတစ်ယောက်ကို ခေါက် ထားလိုက်ကာ ကိုယ့်လူကိုသာ အခွင့်အရေးပေးလိုက်သည့်လော က။ 

ကိုယ့်လူက ရွက်ကြမ်းရေကျို မျှသာဖြစ်ပါလျက် အခြားသော ပြစ်မျိုးမှဲ့မထင်ကို စင်နောက်သို့ ပို့ ကာ ကိုယ့်လူကိုသာ စင်ပေါ်တွန်း တင် ပေးလိုက်သည့် လောက။ ကိုယ့်လက်ရာက ညံ့ပြီး သူ့လက် ရာကသန့်ပါလျက် သူ့ကို ကွယ်ပြီး ကိုယ့်ကို တည်ပေးလိုက်သည့် လောက။

သို့နှယ် ထို့နှယ်သော လော က၌ ကိုယ့်ဘာသာပြန်ကညံ့ပြီး ဦး ရွှေဇံအောင်က ခံ့ပါသည်ဟုဆို ကာ မိမိတို့၏လက်ရာကို နောက် ဆုတ်လိုက်သည့် Pali Text Society ခေါ်ပါဠိကျမ်းစာအသင်း က ပညာရှင်တို့၏ နှလုံးသားကို ကျွန်တော်မလေးစားဘဲ မနေနိုင် ပါ။

ပြည်ပနိုင်ငံများ၌ ရွေ့လျား စက်လှေကားဖြင့် ခရီးသွားသည့် အခါ နောက်မှ အမြန်ခြေလှမ်းနှင် လာသူတို့ ဖြောင့်ဖြောင့်သွားနိုင်ဖို့ ကိုယ်က ညာဘက်အစွန်သို့ ကပ် ပေးထားသည့် ဓလေ့မျိုးပင်ဖြစ်ပါ သည်။ ကိုယ့်ထက်တော်သူကို ကျော်ခွင့်ပေးလိုက်သည့် ယဉ် ကျေးမှု။ ကိုးလိုးကန့်လန့်ကြီးရပ် ကာ လမ်းကို မပိတ်ဆို့ထားကြ စတမ်း။ ။

(ဖော်ပြပါ ဆောင်းပါးသည် စာရေး သူ၏ အာဘော်သာဖြစ်သည်။)

Top News