ကာကွယ်ဆေးအသစ်က လိင်ဆက်ဆံရာမှ တစ်ဆင့် ကူးစက်တတ်သော ရောဂါကိုးမျိုး ကာကွယ်နိုင်

Human Papillomavirus (သို့မဟုတ်) HPV ခေါ်လိင်ဆက်ဆံ မှုမှ တစ်ဆင့် ကူးစက်သောရောဂါကိုးမျိုးကို အဆင့်မြှင့်ထားသော ကာကွယ်ဆေးအသစ်တစ်မျိုးက ကာကွယ်နိုင်စွမ်းရှိကြောင်း လေ့ လာတွေ့ရှိသည်။

HPV ရောဂါသည် လိင်ဆက်ဆံမှုမှတစ်ဆင့် ကူးစက်မှုအများ ဆုံးရောဂါဖြစ်ပြီး မျိုးပွားအင်္ဂါနှင့် စအိုတို့တွင် အသားပိုများ ဖြစ်ပေါ် ပြီး သားအိမ်ခေါင်းကင်ဆာဖြစ်ပွားစေနိုင်သော အန္တရာယ်မြင့်မား သည်။

HPV ရောဂါအမျိုးအစားပေါင်း ၁၀၀ ကျော်ရှိသော်လည်း ကင် ဆာဖြစ်ပွားစေသော ရောဂါအမျိုးအစား ၁၃ မျိုးသာရှိပြီး HPV အမျိုးအစား ၁၆ နှင့် ၁၈ တို့က သားအိမ်ခေါင်းကင်ဆာ ဖြစ်ပွားမှု ၇၀ ရာခိုင်နှုန်းနှင့် ဆက်စပ်မှုရှိသည်။

HPV ရောဂါကာကွယ်ဆေးနှစ်မျိုးရှိပြီးဖြစ်ကာ Cervarix နှင့် Gardasil ဆေးတို့သည် HPV ၁၆ နှင့် ၁၈ အမျိုးအစားများကို ထိထိ ရောက်ရောက် ကာကွယ်နိုင်သည်။ Gardisal ဆေးက HPV အမျိုး အစား ၆ နှင့် ၁၁ တို့ကိုလည်း ကာကွယ်နိုင်သည်။ သို့သော် Cervarix နှင့် Gardisil ဆေးနှစ်မျိုးက HPV ရောဂါ အားလုံးကို ကာ ကွယ်ပေးနိုင်ခြင်း မရှိပေ။

ယခုနောက်ဆုံးထုတ်လုပ်ထားသော HPV ကာကွယ်ဆေးသည် HPV ရောဂါများကို ကာကွယ်နိုင်စွမ်းမြင့်မားပြီး HPV အမျိုးအစား ၁၆၊ ၁၈၊ ၆၊ ၁၁ နှင့် ၃၁၊ ၃၃၊ ၄၅၊ ၅၂ နှင့် ၅၈ တို့ကိုလည်း ကာ ကွယ်နိုင်ကြောင်း လေ့လာတွေ့ရှိသည်။

The lancet ဂျာနယ်တွင်ဖော်ပြထားသော ယင်းလေ့လာမှုက 9v HPV ဟုခေါ်သော ကာကွယ်ဆေးသစ်သည် HPV ရောဂါကို တားဆီးရာတွင် ရေရှည်ထိရောက်မှုရှိပြီး ယင်းရောဂါကိုးမျိုးဖြစ်ပွား နိုင်မှုကို ၉၇ ဒသမ ၇ ရာခိုင်နှုန်းအထိ ကာကွယ်နိုင်သည်။

ထို့ပြင် ယင်းဆေးဝါးအသစ်သည် သားအိမ်ခေါင်း ကင်ဆာ ရောဂါဖြစ်ပွားမှု ၉၀ ရာခိုင်နှုန်း ကာကွယ်နိုင်သည်။

—Ref:UPI

Top News