၈၈ ငြိမ်းပွင့်ကို နိုင်ငံရေးအဖွဲ့အစည်းအဖြစ် မှတ်ပုံတင်မည်

၈၈ မျိုးဆက် ငြိမ်းချမ်း ရေးနှင့် ပွင့်လင်းလူ့အဖွဲ့အစည်း ကို နိုင်ငံရေးအဖွဲ့အစည်းအဖြစ် တရားဝင်မှတ်ပုံတင်မှုကို ယခုနှစ် မကုန်မီ ပြုလုပ်မည်ဖြစ်ကြောင်း ၈၈ မျိုးဆက်ကျောင်းသားခေါင်း ဆောင်များက ပြောသည်။


စက်တင်ဘာ ၇ နှင့် ၈ ရက်တို့က ရန်ကုန်မြို့ ဓမ္မပီယကျောင်း တိုက်တွင် ပြုလုပ်သည့် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း၏ နယ်ကွန်ရက်များ စတုတ္ထအကြိမ် တွေ့ဆုံဆွေးနွေးပွဲ၌ ယင်းသို့ဆုံးဖြတ်ခဲ့ကြောင်း ၈၈ မျိုးဆက် ကျောင်းသားခေါင်းဆောင် ဦးဂျင်မီက စက်တင်ဘာ ၁၀ ရက်တွင် ပြောသည်။

‘‘၈၈ ငြိမ်းပွင့်ကို ရှေ့ဆက်ပို ပြီး ကျစ်လျစ်အားကောင်းဖို့အ တွက် ဆောင်ရွက်မယ်။ အကြမ်း ဖက်မှုကို ရှုတ်ချမယ်၊ ငြိမ်းချမ်း ရေးလုပ်ငန်းစဉ်တွေကို ပိုပြီးအင် တိုက်အားတိုက်ပါဝင်သွားမယ်’’ ဟု ဦးဂျင်မီက ပြောသည်။

အဖွဲ့အနေဖြင့် နိုင်ငံရေးပါ တီများကဲ့သို့ ရွေးကောက်ပွဲမ၀င် သော်လည်း ဒီမိုကရေစီအရေး၊ ငြိမ်းချမ်းရေးရရှိရေး၊ တရားဥပဒေ စိုးမိုးရေးတို့ကို အဓိကထား လုပ် ဆောင်မည်ဖြစ်ကြောင်း ဦးဂျင်မီက ပြောသည်။

လက်ရှိတွင် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အ ဖွဲ့အစည်းအနေဖြင့် မြို့နယ် ၁၀၀ ကျော်တွင် နယ်ကွန်ရက်များဖြင့် ချိတ်ဆက်ဆောင်ရွက်နေပြီး မြို့ နယ်ရုံးခွဲများကို မြို့နယ် ၆၄ ခု တွင် ဖွင့်လှစ်ထားကြောင်း ၎င်းက ပြောသည်။ ထို့အပြင် မြစ်ကြီးနား နှင့် ချင်းပြည်နယ်တို့တွင် မြို့နယ် ရုံးခွဲ ဆက်လက်ဖွင့်လှစ်မည်ဖြစ် ကြောင်းလည်း ဦးဂျင်မီက ပြော သည်။

အဖွဲ့ကို အရေအတွက် ဦး စားပေးစနစ်ထက် အရည်အသွေး ကိုသာ အဓိကထားကြောင်းနှင့် ပိုမိုစွမ်းဆောင်ရည်ရှိသည့် အဖွဲ့ ၀င်များဖြစ်လာရေး လုပ်ဆောင် မည်ဖြစ်ကြောင်း ၈၈ မျိုးဆက်ကျောင်းသားခေါင်းဆောင် ဦးမင်းကိုနိုင်က ပြောသည်။

လက်ရှိတွင် အဖွဲ့အနေဖြင့် နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံတော်သမ္မတတို့နှင့် ဆက် သွယ်ပြီး ငြိမ်းချမ်းရေး၊ ဒီမိုကရေ စီဖက်ဒရယ်ဖော်ဆောင်ရေးလုပ် ငန်းများတွင်လည်း အတူဆောင် ရွက်နေကြောင်း ၈၈ မျိုးဆက် ကျောင်းသားခေါင်းဆောင်များက ပြောသည်။

ပြည်သူလူထု အခက်အခဲ များ ဖြေရှင်းရာတွင် ဒီမိုကရေစီ ကျင့်စဉ်များနှင့်အညီ ဆွေးနွေးနှစ် သိမ့်ခြင်း၊ အကြံပြုခြင်း၊ တရား ဥပဒေအရ ရပ်တည်အကူအညီ ပေးခြင်းနှင့် စေ့စပ်ညှိနှိုင်းဆောင် ရွက်ခြင်း နည်းလမ်းများကို အသုံး ပြုမည်ဖြစ်ကြောင်း ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့ အစည်း၏ နယ်ကွန်ရက်များ တွေ့ဆုံပွဲ၌ သတင်းထုတ်ပြန်သည်။

ထို့အပြင် ၂၀၀၈ ဖွဲ့စည်းပုံ အခြေခံဥပဒေပြင်ဆင်နိုင်ရေးအ တွက် ပြည်ထောင်စုငြိမ်းချမ်းရေး ညီလာခံ-၂၁ ရာစုပင်လုံအပါအ ၀င် ငြိမ်းချမ်းရေးလုပ်ငန်းစဉ်များ အား အင်တိုက်အားတိုက် ကူညီ ဆောင်ရွက်ရန်နှင့် ဒီမိုကရေစီ ဖက်ဒရယ်ပြည်ထောင်စု ပေါ်ထွန်းရေး၊ ငြိမ်းချမ်းရေးနှင့် တရားဥပဒေစိုးမိုးရေးလုပ်ငန်းစဉ်များတွင် ဆက်လက်ဆောင်ရွက်မည်ဖြစ်ကြောင်း သတင်းထုတ်ပြန်သည်။

၈၈ ငြိမ်းချမ်းရေးနှင့် ပွင့် လင်းလူ့အဖွဲ့အစည်း နယ်ကွန် ရက်များ စုံညီတွေ့ဆုံအစည်းအ ဝေးသို့ တိုင်းနှင့်ပြည်နယ်အသီး သီးရှိ ကိုယ်စားလှယ် ၁၀၀ ကျော် တက်ရောက်ဆွေးနွေးခဲ့သည်။

Top News