‘‘ကိုယ့်ကိုလည်း လာအပ်ထားတဲ့ဇာတ်မဟုတ်ဘူး။ ဘာကြောင့် အိချောပိုပါဆိုပြီးပြောနေတာကို ကိုယ့်ဟာကိုယ်တောင်နားမလည်ဘူး’’

အိချောပိုနှင့်တွေ့ဆုံခြင်း
ဓာတ်ပုံ−ဇွဲဉာဏ်

လူမှုကွန်ရက်စာမျက်နှာကို အသုံး ပြုမှုများ တိုးလာသည်နှင့်အမျှ အွန်လိုင်းမှ တိုက်ခိုက်ခံရမှုအများ ဆုံးကြုံရသည်မှာ အနုပညာရှင် များဖြစ်သည်။ အဆိုပါအနုပညာ ရှင်များအနက် လက်ရှိအချိန်တွင် မအိမ်ကံဇာတ်ရုပ်ကို ရိုက်ကူးမည့် ကိစ္စအပါအဝင် ဓာတ်ပုံများဖြန့် ဝေ၍ ဝေဖန်ပြောဆိုမှုများကြုံနေ ရသည့် အိချောပိုကို လက်ရှိ အနု ပညာလှုပ်ရှားမှုများအကြောင်း အပါအဝင် အွန်လိုင်းတွင် ပျံ့နှံ့ခဲ့ သည့်အကြောင်းများနှင့်ပတ် သက်၍   တွေ့ဆုံမေးမြန်းခဲ့ပါ သည်။

အခုနောက်ပိုင်းမှာ ရုပ်ရှင်တွေ ဆက်တိုက်ရိုက်လာရတာဆို တော့ ဇာတ်ရုပ်ရွေးချယ်မှုပိုင်းမှာ ဘယ်လိုရွေးချယ်ဖြစ်လဲ။

ဇာတ်ရွေးချယ်တာကတော့ လာအပ်တဲ့ဇာတ်တွေက အိချော နဲ့လိုက်ဖက်တဲ့ ဇာတ်မျိုးလေးတွေ ဖြစ်တာ များပါတယ်။ တချို့ဇာတ် တွေကျတော့လည်း အိချောမရိုက် ဖြစ်ဘဲ ငြင်းလိုက်ရတာလေးတွေ လည်း ရှိပါတယ်။

‘ပွဲခံမယ်’ မှာ သရုပ်ဆောင်ထား တာကို ပရိသတ်တော်တော်များ များက အားပေးခဲ့တယ်။ အဲဒီကာ ရိုက်တာက Negative နည်းနည်း ဆန်တော့ ရုံမတင်ခင် စိုးရိမ်စိတ် ရှိခဲ့လား။

အကောင်းဆုံးဖြစ်အောင် ကြိုးစားထားတယ်။ ကာရိုက်တာ က အရင်ရိုက်နေကျ ကာရိုက်တာ မျိုး မဟုတ်ဘူး။ နည်းနည်းအ ကြမ်းလေးတွေ လုပ်ရတာဆို တော့ ပရိသတ်ဆီက ဘယ်လိုအ သံထွက်လာမလဲဆိုတာကို စိုးရိမ် စိတ်ဖြစ်ခဲ့တယ်။ ဒါပေမဲ့ ရုံတင်တဲ့ အချိန်မှာ ပရိသတ်တွေအရမ်း ကြိုက်ကြတယ်၊  အရမ်းလည်း အားပေးကြတယ်ဆိုတော့ ကျေး ဇူးတင်ပါတယ်။

ဆရာမောင်သာရရဲ့ ဝတ္ထုကို ရိုက် ထားတဲ့ ‘ထဘီကျွတ်၍ လွှတ် လိုက်သည်’ ရုပ်ရှင်လည်း ရုံတင် တော့မှာဆိုတော့ အဲဒီဇာတ်ကား အကြောင်းလေးလည်း ပြောပြ ပေးပါဦး။

ဒီကားက ဆရာကြီး မောင် သာရရဲ့ အရမ်းနာမည်ကြီးတဲ့ ဝတ္ထု၊ အဲဒီလိုဇာတ်ကားကောင်း တစ်ခုမှာ သရုပ်ဆောင်ဖို့က အ ရမ်းတာဝန်ကြီးပါတယ်။ ဒီကား လေးကို ရိုက်တာက ၂ နှစ်ကျော် သုံးနှစ်နီးပါးလောက်ရှိပြီ။ မန္တ လေးနဲ့ ပြင်ဦးလွင်မှာ ရိုက်ထား တယ်။ ရိုက်တာကလည်း ကိုယ့် အနုပညာသမားတွေ အများကြီး ဆိုတော့ ပျော်ဖို့လည်း ကောင်း တယ်။ ရိုက်ကွင်းပေါ်ဆိုရင် ဦးညီ (ညီညီထွန်းလွင်)သင်ပေးတဲ့အ တိုင်း သေချာလိုက်ပြီး ကြိုးစား ထားတယ်။ ဒီကားလေးကလည်း ပရိသတ်တွေ ပုံစံတစ်မျိုး၊ ရသ တစ်မျိုး ခံစားရမယ်လို့ ယုံကြည်ပါတယ်။ ပရိသတ်တွေ အားပေးကြ ပါဦး။ လိုအပ်တာရှိရင်လည်း နား လည်ပေးကြပါလို့။

အိချောပိုရဲ့ အမာခံပရိသတ်တွေ နဲ့ ဖေ့စ်ဘွတ်ခ်မှာဆိုရင် အရမ်း ရင်းနှီးတာ တွေ့ရတယ်။ နောက် ပြီး အိချောပိုကို ခေါ်တဲ့ စူစူဆိုတဲ့ နာမည်က ဘယ်သူတွေ ပေးထား တာလဲ။

ပရိသတ်တွေက အိချောကို ပေးထားတဲ့နာမည်လေးပေါ့။ အိ ချောကလည်း တန်ဖိုးထားပါ တယ်။ အပြင်မှာ တွေ့ရင်ပဲဖြစ် ဖြစ်၊ နယ်တွေသွားရင်လည်း စူစူ လို့ခေါ်ကြတယ်။ ဘာကြောင့်ပေး လဲဆိုတာကတော့ အိချောရဲ့ပရိ သတ်တွေပဲ သိမှာပေါ့။ သူတို့ပေး ထားတာ။ တချို့က ပြောတော့ လည်း နှုတ်ခမ်းစူပြီး အမြဲပို့စ်လုပ် လို့လို့ ပြောတယ်။ ဘာကြောင့်လဲ တော့ မသိဘူး။

အခုခေတ်မှာ အွန်လိုင်းကနေ ပရိ သတ်တွေနဲ့ ထိတွေ့နိုင်တာဆို တော့ ကိုယ်တိုင်ဘယ်လိုအချိန် ပေးပြီး သုံးဖြစ်လဲ။

အိချောအလုပ်အကိုင်တွေ၊ ဘာလုပ်နေတယ်၊ ဘာကားတွေ ရိုက်နေတယ်။ အဲဒါတွေကို ပရိ သတ်တွေကို သိစေချင်တာဆို တော့ ပုံလေးတွေ တင်ပေးဖြစ် တယ်။ အဲဒီလောက်ပါပဲ။

အွန်လိုင်းအသုံးပြုတာက အ ကောင်း၊ အဆိုး ဒွန်တွဲနေတာဆို တော့ အဲဒီအပေါ် အမြင်လေးပြောပြပေးပါဦး။

သုံးတာကတော့ သုံးသင့်ပါ တယ်။ ဗဟုသုတလည်း ရတယ်။  ဘာပဲဖြစ်ဖြစ် အမြင်လည်းကျယ် သွားကြတယ်။ ဒါပေမဲ့ ကောင်း တာပြောတာထက် ဆိုးတာပြော တာတော့ များတယ်။ လူတိုင်း တော့ မဟုတ်ပါဘူး။ တချို့ကျ တော့လည်း တကယ်ကို ကောင်း ကောင်းမွန်မွန်နဲ့ အားပေးတာရှိ တယ်။ တချို့ကျတော့လည်း အ ရမ်းကို ထိခိုက်နစ်နာအောင် ပြော ကြတာတွေလည်း ရှိတယ်။

အခု နောက်ပိုင်းအွန်လိုင်းမှာ Body Shaming ပုံစံနဲ့ တိုက်ခိုက် ကြတာတွေရှိတယ်။ အိချောပို ကိုယ်တိုင်လည်း အဲဒီလိုကြုံရတာ ဆိုတော့ အဲဒီအပေါ်မှာ ဘာပြော ချင်လဲ။

ဒါကတော့ ထွေထွေထူးထူး တော့ မပြောချင်ပါဘူး။ တချို့လူ တွေကတော့ ပြောကြမှာပဲ။ ပြော တဲ့လူတိုင်းကို လိုက်ပြီး ပြန်မချေပနိုင်ဘူး။ ဒီအတိုင်းပဲ ထားလိုက်ပါ တယ်။ ဘယ်လိုမှလဲ ပရိသတ်ကို အိချော ပြန်ပြောထားတာမရှိဘူး။

အခုနောက်ပိုင်းမှာ အိချောပိုရဲ့ ခန္ဓာကိုယ်ပိုင်းနဲ့ ပတ်သက်ပြီး သတိပြုမိလာကြတာက ဖက်ရှင် အပြောင်းအလဲ လုပ်လိုက်လို့ လား။

ဖက်ရှင်ကြောင့်တော့ မ ဟုတ်ပါဘူး။ မြန်မာဝတ်စုံက ထုံးစံပဲ။ အိချောဝတ်နေကျပဲလေ။ အ ရင်ကတည်းကလည်း ဒီအတိုင်း ပါပဲ။ အရင်ကတည်းက အိချော ပုံတွေ ကြည့်ကြည့်ရင်လည်း ဒီ အတိုင်းပါပဲ။ အခုမှ ဘာကြောင့် သတိထားမိသွားလဲဆိုတာတော့ အိချောနားမလည်ဘူး။

မအိမ်ကံကိစ္စက ဖေ့စ်ဘွတ်ခ်မှာ တော်တော်လေး ကယက်ရိုက် သွားတယ်။ အဲဒီကိစ္စကို ဖေ့စ် ဘွတ်ခ်မှာ ပြန်ဖြေရှင်းဖြစ်တာက ပရိသတ်တွေ အထင်လွဲမှာစိုးလို့ လား။

အိချောလည်း ဘာမှမသိတဲ့ ကိစ္စတစ်ခုပါ။ ဖြေရှင်းတယ်ဆို တာကလည်း အိချောလည်း မသိ တဲ့အရာတစ်ခု ကိုယ့်ကိုယ်လည်း လာအပ်ထားတဲ့ ဇာတ်မဟုတ် ဘူး။ အဲဒီတော့ ဘာမှမသိဘူး။ ဒီလောက်ပဲ ပြောချင်တယ်ပေါ့။ ဘာကြောင့် အိချောပိုပါဆိုပြီး ပြောနေတာကို ကိုယ့်ဟာကိုယ် တောင်နားမလည်ဘူး။

တချို့ဖေ့စ်ဘွတ်ခ်ပေ့ခ်ျတွေက အနုပညာရှင်တွေရဲ့ ပုံရိပ်တွေကို အသုံးပြုတာတွေရှိတော့ အဲဒီလူ တွေကိုကော ဘာပြောချင်လဲ။

မပြောချင်ပါဘူး။ တချို့ကျ တော့လည်း ကိုယ်ဝတ်တာ၊ စား တာလေးကို သဘောကျလို့ အွန် လိုင်းရှော့ပင်းတွေမှာ တင်ထား တယ်။ ဒါက ဘာမှ ပြောပိုင်ခွင့် မရှိဘူး။ ကိုယ့်ကို အားပေးလို့ ကိုယ့်ကို ကြိုက်နှစ်သက်လို့ တင် ထားတာဆိုတော့ ဘာမှမဖြစ်ပါ ဘူး။ သုံးပါ။ အထွေအထူးလည်း အရမ်းထိခိုက်နစ်နာအောင် ပြော နေတာ မဟုတ်ဘူးဆိုတော့လေ။ မကောင်းတာတွေ ပြောနေတာကို လည်း ဘာမှလည်း မလုပ်ဖြစ်ပါ ဘူး။ အချိန်တန်ရင် အမှန်တရား က ပေါ်လာမှာပဲလေ။

ပရိသတ်တွေက အိချောပိုရဲ့ အချစ်ရေးနဲ့ပတ်သက်ပြီးတော့ လည်း စိတ်ဝင်စားကြတယ်။ ချစ် သူက အနုပညာနယ်ပယ်ထဲကပဲ လို့ ပြောကြတာတွေရှိတော့ အချစ် ရေးလေးပြောပြပေးပါဦး။

အဲဒီလိုမဟုတ်ပါဘူး။ ကိုယ့် ဟာကိုယ်အနုပညာအလုပ်ကိုပဲ ကြိုးစားနေတာပါ။ အချစ်ရေးနဲ့ ပတ်သက်ပြီး တိကျတဲ့ အဖြေမရှိ သေးပါဘူး။ ရှိမယ်ဆိုရင်တော့ ပရိသတ်ကို ပြောပြမှာပါ။

ကျေးဇူးတင်ပါတယ်။

Top News