ကျပ်ဆယ့်တစ်သိန်းကျော် အလွဲသုံးစားပြုလုပ်ခဲ့သော ကျောက်တံခါးလယ်ယာမြေနှင့် စာရင်းအင်းဌာနတာဝန်ခံ ထွက်ပြေးတိမ်းရှောင်

ကျပ် ၁၁ သိန်းကျော် အလွဲသုံးစားပြုမှုဖြင့် ပဲခူးတိုင်း ဒေသကြီး ကျောက်တံခါးမြို့နယ် လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှ တာဝန်ခံတစ်ဦးကို အဂတိလိုက်စားမှု တိုက်ဖျက်ရေးကော်မရှင်က တရားစွဲဆို

ခဲ့သည်။

လယ်ယာမြေအရောင်းအ ဝယ်စာချုပ်ချုပ်ဆိုခြင်းနှင့် လယ် ယာမြေလုပ်ပိုင်ခွင့် လက်မှတ်ပုံစံ ပြုလုပ်ရန် လာရောက်သူများထံမှကျပ် ၁၁ သိန်းကျော် (၁,၁၂၅,၀၀၀ )လက်ခံယူခဲ့ကြောင်း စစ်ဆေးပေါ် ပေါက်သဖြင့် ပဲနွယ်ကုန်းရွာမအုပ်စုကွင်းတာဝန်ခံ ဦးလပြည့်ဝန်း (ခ) ဦးမောင်မောင်ကိုကော် မရှင်က တရားစွဲခြင်းဖြစ်ကြောင်း အဆိုပါကော်မရှင်က စက်တင် ဘာ ၈ ရက်တွင် သတင်းထုတ်ပြန် သည်။

ပဲခူးတိုင်းဒေသကြီး ကျောက်တံခါးမြို့နယ် ရွာမကျေးရွာအုပ်စု ဒိုးတန်းကျေးရွာနေ နစ်နာသူက ၎င်းတို့ပိုင်ဆိုင်သည့် လယ်များကို သား၊ သမီးများအား လုပ်ကိုင်စား သောက်ရန် ခွဲဝေပေးရာတွင် တာဝန်ခံ ဦးမောင်မောင်သည် လယ်ယာမြေစာချုပ်ချုပ်ဆိုခြင်း နှင့် အမည်ပြောင်းခြင်းတို့အတွက် ငွေကြေးတောင်းခံခြင်းအပေါ် အ ရေးယူပေးပါရန် အဂတိလိုက်စား မှုတိုက်ဖျက်ရေး ကော်မရှင်သို့ တိုင်ကြားခဲ့သည်။

တိုင်ကြားစာအရ ကော်မရှင်က စုံစမ်းစစ်ဆေးရေးအဖွဲ့ဖွဲ့ စစ်ဆေးပြီး ငွေယူကြောင်း ပေါ်ပေါက်သဖြင့် အဂတိလိုက်စားမှု တိုက်ဖျက်ရေးဥပဒေပုဒ်မ ၅၆ အရ ပဲခူးတိုင်းဒေသကြီး တရားလွှတ်တော်တွင် အရေးယူဆောင်ရွက်ခဲ့ရာ ဦးမောင်မောင်သည်ထွက်ပြေးတိမ်းရှောင်နေသဖြင့် စက်တင်ဘာ ၈ ရက်တွင် ၂၀၁၃ အဂတိလိုက်စားမှုတိုက်ဖျက်ရေးဥပဒေပုဒ်မ ၅၆/ရာဇဝတ်  ကျင့်ထုံးဥပဒေပုဒ်မ ၅၁၂ အရ  အရေးယူဆောင်ရွက်ခဲ့ကြောင်း ကော်မရှင်က ထုတ်ပြန်သည်။ အဂတိလိုက်စားမှုတိုက် ဖျက်ရေးဥပဒေပုဒ်မ ၅၆ သည်ပြစ်မှုထင်ရှားစီရင်ခြင်းခံရလျှင် ၁၀ နှစ်ထက်မပိုသော ထောင် ဒဏ်ချမှတ်ရမည့်အပြင် ငွေဒဏ် လည်း ချမှတ်နိုင်ကြောင်း ဖော်ပြ ထားသည်။

အဂတိလိုက်စားမှုတိုက် ဖျက်ရေးကော်မရှင်သို့ သုံးနှစ်အ တွင်း တိုင်ကြားသည့် တိုင်ကြားစာ များတွင် မြေယာကိစ္စ (လယ်ယာ မြေစီမံခန့်ခွဲရေးကိစ္စတွင်) တိုင်ကြားစာ ၅၂၅ စောင်ရှိကြောင်း ကော်မရှင်စာရင်းများအရ သိရသည်။ အဂတိလိုက်စားမှု တိုက် ဖျက်ရေးကော်မရှင်ကို ၂၀၁၄ ဖေဖော်ဝါရီတွင် ဥက္ကဋ္ဌ၊ အတွင်း ရေးမှူးနှင့် အဖွဲ့ဝင် ၁၃ ဦး စုစု ပေါင်း ၁၅ ဦးဖြင့် ဖွဲ့စည်းခဲ့သည်။

More in News Section

Top News