မြောက်ကိုရီးယားအပေါ် ကုလသမဂ္ဂ အရေးယူ ပိတ်ဆို့မှု အသစ်များ သတ်မှတ်

မြောက်ကိုရီးယားအပေါ် အရေးယူ ပိတ်ဆို့မှုများ သတ်မှတ်ရန် အမေရိကန် တင်သွင်းသည့် အဆိုကို ကုလသမဂ္ဂ လုံခြုံရေး ကောင်စီ၌ ခြွင်းချက်မရှိ ထောက်ခံ အတည်ပြုခဲ့ကြောင်း သိရသည်။

မြောက်ကိုရီးယားက ၎င်းတို့၏ ဆဋ္ဌမမြောက် နျူကလီးယားဗုံး စမ်းသပ်ဖောက်ခွဲမှု ပြုလုပ်ခဲ့ပြီးနောက် တစ်ပတ်မျှ အကြာတွင် ကုလသမဂ္ဂ၏ အရေးယူ ပိတ်ဆို့မှု အသစ်များကို သတ်မှတ် ပြဋ္ဌာန်းခဲ့ခြင်း ဖြစ်သည်။

အမေရိကန်က ဦးဆောင်ရေးဆွဲသည့် ပိတ်ဆို့ရေး အဆိုသည် မြောက်ကိုရီးယားကို အထိနာစေမည့် ကဏ္ဍခြောက်ခုကို ပစ်မှတ်ထား ကန့်သတ်ရန် စီစဉ်ထားသည်။ ယင်းတို့တွင် မြောက်ကိုရီးယား၏ ရေနံတင်သွင်းခွင့်၊ အဝတ်အထည်များ ပြည်ပသို့ တင်ပို့ခွင့်၊ ပြည်ပသို့ လုပ်သားများ စေလွှတ်သည့် စာချုပ်များ သက်တမ်းတိုးခွင့်၊ အခြားနိုင်ငံများနှင့် ဖက်စပ်လုပ်ငန်းများ ဆောင်ရွက်ခွင့်တို့ကို ပိတ်ပင်မှုများအပြင် မှောင်ခိုကုန်သွယ်မှု လမ်းကြောင်းများကို ပိုမိုတိုက်ဖျက်ရန်၊ မြောက်ကိုရီးယား ခေါင်းဆောင်ပိုင်းကို ပိုမို ဖိအားပေးရန်တို့ ပါဝင်သည်။

“နျူကလီးယားလက်နက် ပိုင်ဆိုင်ထားတဲ့ မြောက်ကိုရီးယားကို ကမ္ဘာက လုံးဝ လက်ခံမှာ မဟုတ်ကြောင်း ကျွန်မတို့ ရှင်းရှင်းလင်းလင်း အသိပေးလိုက်ပြီ။ မြောက်ကိုရီးယား အစိုးရဟာ နျူကလီးယား လက်နက် စီမံကိန်းကို မရပ်ဘူးဆိုရင် ကျွန်မတို့က ရပ်အောင်လုပ်မယ်လို့ ကုလသမဂ္ဂ လုံခြုံရေး ကောင်စီက ရှင်းရှင်းလင်းလင်း ထုတ်ပြောလိုက်တာ ဖြစ်တယ်”ဟု ကုလသမဂ္ဂဆိုင်ရာ အမေရိကန် သံအမတ် နစ်ကီဟာလေက ကြေညာခဲ့သည်။

အမေရိကန်က ကနဦး တင်သွင်းသော ပိတ်ဆို့ရေး အဆိုသည် ပိုမိုကျပ်တည်းသော်လည်း နောက်ပိုင်းတွင် နိုင်ငံခြားထွက်၍ အလုပ်လုပ်နေသော မြောက်ကိုရီးယား အလုပ်သမားများနှင့် ပတ်သက်သော ကဏ္ဍတွင် အတန်ငယ် ပြင်ဆင် လျှော့ပေါ့မှုများ ပြုလုပ်ပေးခဲ့သည်။

ရုရှားနှင့် တရုတ်တို့သည် အမေရိကန်၏ ပိတ်ဆို့ရေး မူဝါဒကို ဗီတိုအာဏာသုံးပြီး ပယ်ချခွင့် ရှိသော်လည်း ယခုကိစ္စတွင် ဝင်မစွက်ဖက်ခဲ့ချေ။ အစောပိုင်းက ထိုနှစ်နိုင်ငံသည် မြောက်ကိုရီးယားအပေါ် ပိတ်ဆို့မှု အသစ်များနှင့် ပတ်သက်၍ အကျိုးမရှိနိုင်ဟု ဝေဖန်ခဲ့ကြသော်လည်း နောက်ပိုင်းတွင် တရုတ်က အမေရိကန်၏ အဆိုကို ထောက်ခံမည်ဟု ပြောင်းလဲ ကြေညာခဲ့သည်။ တရုတ်သည် မြောက်ကိုရီးယား၏ အရင်းနှီးဆုံး စစ်ရေးမဟာမိတ်လည်း ဖြစ်သည်။

ယခု အရေးယူ ပိတ်ဆို့မှု အသစ်များအတွက် မဲပေးမှု မတိုင်မီတွင် မြောက်ကိုရီးယားက ယင်းအဆို အထမြောက် အောင်မြင်သွားပါက အလွန်ဆိုးရွားသည့် ပေးဆပ်မှုများ ကြုံရစေမည်ဟု ကုလသမဂ္ဂကို ရည်ရွယ် ခြိမ်းခြောက်ခဲ့သေးသည်။

ယခုသတ်မှတ်ချက်အရ မြောက်ကိုရီးယားသည် ရေနံဝယ်ယူ တင်သွင်းခွင့် ၃၀ ရာခိုင်နှုန်းမျှ လျော့ကျသွားမည်ဖြစ်ပြီး သန့်စင်ပြီး လောင်စာဆီ ဝယ်ယူခွင့်မှာလည်း ၅၅ ရာခိုင်နှုန်းမျှ လျော့ပါးသွားနိုင်ကြောင်း သိရသည်။ “မြောက်ကိုရီးယားရဲ့ နျူကလီးယားလက်နက် တည်ဆောက်ရေး ရည်မှန်းချက်မှာ လောင်စာဆီဟာ အခြေခံ အကျဆုံး လိုအပ်ချက် တစ်ခုလည်း ဖြစ်တယ်”ဟု ဟာလေက သုံးသပ်ခဲ့သည်။

အခြားပိတ်ဆို့မှုများကလည်း မြောက်ကိုရီးယား အစိုးရအတွက် နှစ်စဉ် အခွန်နှင့် သီးခြားဝင်ငွေ ဒေါ်လာ သန်းရာနှင့်ချီ လျော့ပါး နစ်နာသွားစေဖွယ် ရှိနေကြောင်း သိရသည်။

Ref: New York Times

Top News