တောင်တွင်းကြီးဆူပူမှုမှ ပေးသော သင်ခန်းစာ

တောင်တွင်းကြီးမြို့တွင် ဆူပူမှုဖြစ်ပွားပြီးနောက်တစ်ရက်ဖြစ်သော စက်တင်ဘာ၁၁ရက်ညက လုံခြုံရေးဆောင်ရွက်နေသူများကိုတွေ့ရစဉ် (ဓာတ်ပုံ− Phone Swe'FB)

တောင်တွင်းကြီးမြို့သား ကိုတင်ထွန်းအောင်တစ်ယောက် စက်တင်ဘာ ၁၀ ရက် ည ၇ နာရီခွဲခန့်က မြို့ထဲမှ နေအိမ်သို့ ပြန်လာခဲ့သည်။ ထိုစဉ် ကားကြီးဝင်းအတွင်းလူသုံးဆယ်ခန့်ပါဝင်သည့် ဆိုင်ကယ်အုပ်စုတစ်စုထွက်လာသည်ကို မြင်ရသည်။

ယင်းလူစုသည် တောင်တွင်းကြီးမြို့တွင် လူမျိုးရေး၊ ဘာသာရေးအသွင် ဆူပူမှုများဖြစ်ပွားစေရန် ကြံစည်ခဲ့သူများဖြစ်ကြောင်း ကိုတင်ထွန်းအောင်က ဆိုသည်။

တောင်တွင်းကြီးမြို့တွင် စက်တင်ဘာ ၁၀ ရက် ည ၈ နာရီခန့်က မျက်နှာဖုံးစွပ်ထားသော လူတစ်စုက အစ္စလာမ်ဘာသာဝင်များပိုင် ဈေးဆိုင်များ နေအိမ်များကို ခဲများ၊ တုတ်များဖြင့် ပစ်ခတ်ဖျက်ဆီးခဲ့သည်။ ထို့နောက် အဓိကရုဏ်းအသွင်ဆောင်ကာ နေရာအနှံ့ တိုက်ခိုက်ဖျက်ဆီးမှုများ ပြုလုပ်ခဲ့ပြီး မြို့လယ်ရှိ ဗလီတစ်ခုကိုလည်း ဖျက်ဆီးရန် ကြိုးစားသဖြင့် ရဲတပ်ဖွဲ့က ဖြိုခွင်းခဲ့သည်။ ထို့နောက် နယ်မြေခံတပ်ကပါ လုံခြုံရေး ကူညီဆောင်ရွက်ခဲ့ရသည်။

‘‘ပြဿနာစတာက တောင်တွင်းကြီး ကားကြီးဝင်းထဲကဖြစ် မယ်ဗျ။ ဘာဖြစ်လို့လဲဆိုတော့ အဲဒီဖျက်ဆီးမှုပြုလုပ်တဲ့ လူတစ်စုကို အဲဒီကားဝင်းထဲက ထွက်လာတာ ကျွန်တော် တွေ့လိုက်ရတယ်။ မကွေးလမ်းပေါ်မှာ ဘေးချင်းတိုက်ကို ရှောင်လိုက်ရတာ။ ကားဝင်းထဲက အစ္စလာမ်ဘာသာဝင်အချို့ရဲ့ ဆိုင်ခန်းတွေ စဖျက်ဆီးခံရတယ်။ နောက်တော့ မကွေးလမ်းမကြီး ပေါ်က ဘာသာခြားတွေရဲ့ ဆိုင် တွေ၊ အိမ်တွေကို ဆက်ဖျက်ဆီး တော့တာပါပဲ’’ဟု ယင်းဖြစ်ရပ်ကို ကိုယ်တွေ့ကြုံခဲ့ရသူ ကိုတင်ထွန်းအောင်က ပြောသည်။

တောင်တွင်းကြီးဆူပူမှုဖြစ်စဉ်သည် နိုင်ငံတော်အတိုင်ပင်ခံပုဂ္ဂိုလ်ရုံးက မြန်မာနိုင်ငံရှိမြို့ကြီးများတွင် အကြမ်းဖက်အန္တရာယ်တွင်များဖြစ်ပွားလာနိုင်ကြောင်း စက်တင်ဘာ ၅ ရက်က သတိပေး ချက်ထုတ်ပြန်ပြီး ခြောက်ရက်အ ကြာ၌ ဖြစ်ပွားခဲ့ခြင်းဖြစ်သည်။

ထို့အပြင် စက်တင်ဘာ ၉ ရက်စွဲဖြင့် မတူညီသည့် လူ့အဖွဲ့အစည်းများကြားတွင် မလိုလားအပ်သည့် ပြဿနာများဖြစ်ပွားစေရန် တယ်လီဖုန်းမက်ဆေ့ခ်ျများ၊ ဖေ့စ်ဘွတ်ခ်မက်ဆင်ဂျာများတွင် သွေးထိုးလှုံ့ဆော်သည့် စာများ ဖြန့်ဝေနေပြီး ယင်းလုပ်ရပ်များကို ဖော်ထုတ်ကာ ဥပဒေနှင့်အညီ အရေးယူမည်ဖြစ်ကြောင်း နိုင်ငံတော်သမ္မတကထုတ်ပြန်ပြီး နောက်ရက်တွင် အဆိုပါဖြစ်ရပ် ဖြစ်ပွားခဲ့ခြင်းဖြစ်သည်။


တောင်တွင်းကြီးမြို့တွင် လုံခြုံရေးတာဝန်ထမ်းဆောင်နေသော ရဲတပ်ဖွဲ့ဝင်အချို့ကို စက်တင်ဘာ ၁၁ ရက်ညက တွေ့ရစဉ်

‘‘တကယ်တမ်း ပြဿနာစခဲ့တာ လူနှစ်ဆယ်လောက်ကစတာ။ နောက်ပိုင်း ငါးဆယ်လောက် ဖြစ်လာတယ်ပေါ့နော်။ မြို့ထဲ ရောက်လာတော့လေ။ လူသုံး လေးရာဆိုတာမဟုတ်ပါဘူး။ ဘေးက၀ိုင်းကြည့်သူတွေတော့ရှိတယ်။ နှစ်ရာဆိုတာ အများဆုံးလောက်ပဲဖြစ်မယ်။ ဒါပေမဲ့ အဲဒီလူအုပ်ထဲက နှစ်ယောက်၊ သုံးယောက် လောက်က ကြည့်မနေဘဲ ၀င်လုပ် ကြဖို့ အော်ဟစ်မြှောက်ပေးတာလုပ်တယ်’’ဟု အခင်းဖြစ်နေရာတွင် လုံခြုံရေးတပ်ဖွဲ့ဝင်များနှင့်အ တူရှိနေခဲ့သူ တောင်တွင်းကြီးမြို့ ပရဟိတအသင်းဝင်တစ်ဦးက အခင်းဖြစ်စဉ်မြင်ကွင်းကို ပြောပြသည်။

တောင်တွင်းကြီးဒေသခံအများစုရှိသော ဖေ့စ်ဘွတ်ခ်စာမျက် နှာနှင့် ဂရု(ပ်)များတွင်လည်း ဆူပူမှုများ စတင်ဖြစ်ပွားနေစဉ် အကောင့်တုများက တောင်တွင်းကြီးမြို့တွင် လူမျိုးရေးအဓိကရုဏ်း များဖြစ်နေပြီဟု အဓိပ္ပာယ်သက် ရောက်စေသည့် လှုံ့ဆော်သည့်စာများကို သုံးကြိမ်ထက်မနည်း တင်ခဲ့သည်ကို တွေ့ရှိကြောင်း မြို့ခံများက ပြောပြသည်။

ထို့အပြင် ဘာသာခြားနေ အိမ်ဆိုင်ခန်းများကို ဖျက်ဆီးခဲ့သော လူအုပ်နှင့် ပူးပေါင်းရန် ရပ် ကြည့်နေသော လူစုကြီးထံသို့ သွေးထိုးပြောကြားသူအချို့လည်းရှိခဲ့ကြောင်း ယင်းညဖြစ်စဉ်တွင် ကိုယ်တိုင်တွေ့ကြုံခဲ့ရသူများက ပြောသည်။

‘‘ရပ်ကြည့်နေတဲ့လူအုပ်ကို မင်းတို့ဘာလုပ်နေတာလဲ။ ၀ိုင်းဖျက်ကြပါလား၊ ဖြိုပစ်ကွာ၊ ချကွာ နဲ့ လူနှစ်ယောက်၊ သုံးယောက်အနား လာအော်နေသေးတယ်။ ကြည့်နေတဲ့သူတွေ မပါနိုင်တာသိလို့လား၊ လုံခြုံရေးကို ကြောက်လို့ လားမသိ၊ ခဏကြာတော့ ပျောက်သွားရော။ အဲဒါ နှစ်နေရာ၊ သုံးနေရာမှာကို ကြုံတာနော်’’ဟု ဒေသခံ တစ်ဦးက ပြောပြသည်။

ဖြစ်စဉ်တွင် လူတစ်စုကသာ တိုက်ခိုက်ဖျက်ဆီးမှုခဲ့ပြီး ဒေသခံပြည်သူအများစု ပါဝင်ခြင်းမရှိကြောင်း တောင်တွင်းကြီးမြို့ တိုင်းဒေသကြီးလွှတ်တော်ကိုယ်စား လှယ် ဦးဝင်းမြင့်လှိုင်က ထောက်ခံပြောဆိုသည်။

 ‘‘လူလေးရာလောက်က လည်း မဟုတ်ပါဘူး။ လူသုံးဆယ် လောက်ပေါ့နော်။ အဲဒီလောက်ကပဲလုပ်တာပါ။ ကျန်တာတွေက ရပ်ကြည့်နေကြတာပါ။ အဲဒါကြောင့်လည်း ထိန်းသိမ်းနိုင်ခဲ့တာ’’ဟု ဆို သည်။ တောင်တွင်းကြီးမြို့ ဒေသခံများက ယင်းဖြစ်စဉ်တွင် ပါဝင်မှုမရှိဟု ဆိုသည်။

‘‘လုပ်တာတော့ လုပ်ကြတာပဲ။ ဘုရားစာတွေလည်း ရွတ်တယ် ဗျာ။ နိုင်ငံတော်သီချင်းကိုလည်း အော်ဟစ်ပြီးကို ဆိုကြတာဗျာ။ ဒါ တွေ နောက်လူတွေမျောပါသွားရင် လုံးဝမလွယ်တဲ့ အခြေအနေ ဖြစ်မှာ’’ဟု ယင်းဖြစ်ရပ်စဉ်တွင် အစအဆုံးရှိနေသူ တောင်တွင်းကြီးဒေသခံတစ်ဦးက ဆိုသည်။

ယင်းဖြစ်ရပ်ကြောင့် လူထိခိုက်သေဆုံးမှုတစ်စုံတစ်ရာမရှိခဲ့ သော်လည်း အစ္စလာမ်ဘာသာဝင်များပိုင် ဈေးဆိုင်ခန်း ရှစ်ခန်းပျက် စီးဆုံးရှုံးခဲ့ကြောင်း အစိုးရအဖွဲ့က ထုတ်ပြန်ထားသည်။ ထို့အပြင် သတင်းထုတ်ပြန်ချက်တွင်မပါရှိ သော်လည်း တောင်တွင်းကြီးကား ကြီးဝင်းအတွင်းရှိ အစ္စလာမ်ဘာသာဝင်အချို့၏ ဆိုင်ခန်းလေးခန်းခန့်လည်း ဖျက်ဆီးခံခဲ့ရကြောင်း မြို့ခံအချို့က မျက်မြင်တွေ့ရှိချက်ကို ပြန်ပြောသည်။

တောင်တွင်းကြီးမြို့ခံ အစ္စလာမ်ဘာသာဝင်တစ်ဦးကမူ ဆိုင်ခန်းဖျက်ဆီးခံရရုံသာမက ဆိုင်အတွင်းရှိ ပစ္စည်းများပါ ဖျက်ဆီးယူ ဆောင်ကြောင်း ပြောသည်။

ဆူပူမှုနှင့် ပတ်သက်၍ စက်တင်ဘာ ၁၁ ရက် ည ၁၀ ခန့်အထိ ဆူပူမှုတွင် ပါဝင်သည့် ယူဆသူငါးဦးကို ဖမ်းဆီးထားပြီး ဆူပူမှုများ ဖြစ်ပွားအောင် လုပ်ဆောင်သည့်အကြောင်းရင်းကို စစ်ဆေးဖော်ထုတ်နေဆဲဖြစ်ကြောင်း  တောင်တွင်းကြီးမြို့ ဒေသအာဏာပိုင်များက ဆိုသည်။


ဖျက်ဆီးခံထားရသည့် ဈေးဆိုင်တစ်ဆိုင်အတွင်းပိုင်းကို တွေ့ရစဉ်

တိုင်းအစိုးရအဖွဲ့အနေဖြင့် ယင်းဖြစ်ရပ်အပေါ် ပြင်းပြင်းထန်ထန်ရှုတ်ချပြီး အညင်သာဆုံးနှင့် အဆင်ပြေဆုံး နည်းလမ်းများ ရှာကြံကာ ဖြေရှင်းဆောင်ရွက်မည်ဖြစ်ကြောင်း ပြောသည်။

မကွေးတိုင်းဒေသကြီးအစိုးရအဖွဲ့ဝန်ကြီးချုပ် ဒေါက်တာ အောင်မိုးညိုက ယင်းဖြစ်စဉ်အတွက် ထိထိရောက်ရောက်အရေး ယူဆောင်ရွက်ရန် တိုင်းရဲတပ်ဖွဲ့မှူးကို ညွှန်ကြားထားပြီးဖြစ် ကြောင်း ပြောသည်။

မကွေးတိုင်းဒေသကြီးအစိုးရအဖွဲ့ အလုပ်သမားဝန်ကြီး ဦးနေ မျိုးကျော်ကမူ ဆူပူမှုစတင်ဖြစ်ပွားရခြင်း အကြောင်းရင်းကို စုံစမ်းစစ်ဆေးနေဆဲဖြစ်ပြီး နောက်ပိုင်းတွင် အသေးစိတ်ထုတ်ပြန်ပေးမည်ဖြစ်ကြောင်း ပြောသည်။

အဆိုပါပြဿနာသည် လူမှု ကွန်ရက်စာမျက်နှာများတွင် ဖော် ပြနေသော ရခိုင်ဒေသ သတင်းအမှားများပေါ်တွင်နားယောင်ခဲ့သော ဒေသခံလူငယ်များ၏ မိုက်မဲသော လုပ်ရပ်တစ်ခုသာဖြစ်နိုင်ပြီး နောက်ကွယ်မှ တွန်းအားပေးမှု တစ်စုံတစ်ရာရှိနေနိုင်ကြောင်း ဦးဝင်းမြင့်လှိုင်က သုံးသပ်သည်။ စက်တင်ဘာ ၁၀ ရက်ညက ဖမ်းဆီးရမိသူကို စစ်ဆေးခဲ့ရာ ရခိုင်ပြည်နယ်မြောက်ပိုင်း မောင်တောဒေသရှိ ARSA အစွန်းရောက်အကြမ်းဖက်သမားများ၏ လုပ်ဆောင်မှုနှင့် ပတ်သက်ပြီး ကျေနပ်မှုမရှိသောကြောင့် ပါဝင်ခဲ့ခြင်းဖြစ်သည်ဟု ထွက်ဆိုထားကြောင်း အစိုးရက ထုတ်ပြန်ထားသည်။

နေအိမ်နှင့် ဆိုင်ခန်းဖျက်ဆီးခံရမှုများ ကြုံတွေ့ခဲ့ရသော်လည်း အစ္စလာမ်ဘာသာဝင်များဘက်က တစ်စုံတစ်ရာတုံ့ပြန်မှုမရှိခဲ့ကြောင်း နှစ်ဖက်သော တောင်တွင်းကြီး ဒေသခံများကဆိုသည်။

‘‘ကိုယ်တွေက ဘာမှမလုပ်ရဲပါဘူး။ စောစောဆိုင်ပိတ်ပြန်တယ်။ အပြင်မှာ ဖြစ်နေတဲ့ အသံကြားတော့လည်း ထွက်မကြည့်ခဲ့ပါဘူး။ ဒီအတိုင်းပဲ အိမ်ထဲမှနေခဲ့တယ်။ ကိုယ့်အိမ်ကို တစ်ခုခုလုပ်လာပြီဆိုရင် မိသားစုဘေးကင်းဖို့ပဲ အဲဒီတုန်းက စဉ်းစားခဲ့တယ်’’ဟု အစ္စလာမ် ဘာသာဝင်တစ်ဦးက ပြောပြသည်။

စက်တင်ဘာ ၁၁ ရက်ညတွင်မူ တောင်တွင်းကြီးမြို့ပေါ်၌ လုံခြုံရေးများ နေရာအနှံ့အပြားတိုးမြှင့်ချထားလျက်ရှိပြီး ယခု ဆောင်းပါးရေးသားချိန် စက်တင်ဘာ ၁၁ ရက်ည ၁၂ နာရီကျော်အထိ အခြေအနေအေးဆေးတည် ငြိမ်နေသည်။

တောင်တွင်းကြီး ဒေသခံအများစုက စက်တင်ဘာ ၁၀ ရက်ည ဆူပူလှုံ့ဆော်မှုတွင် လူထုပါဝင်ခြင်းမရှိ၍ ထိုမျှနှင့်ပင် ပြီးဆုံးသွားခဲ့ခြင်းဖြစ်ကြောင်း မှတ်ချက်ပြုသည်။

ထိုအပြင် တောင်တွင်းကြီး ဖြစ်စဉ်ကို သင်ခန်းစာယူ၍ တိုင်း ပြည်မတည်မငြိမ်ဖြစ်စေရန် ဆူပူလှုံ့ဆော်မှုများကို သတိထား စောင့်ကြည့်ကာ လှုံ့ဆော်မှုများရှိပါကလည်း နားမယောင်ဘဲ အစိုးရနှင့် ပူးပေါင်းဆောင်ရွက်ရန် ဒေသခံများက အကြံပြုသည်။

‘‘တကယ်တမ်း လုပ်သွားတာက အယောက်သုံးဆယ် ပတ်ချာလည်လောက်ပဲ အလုပ်လုပ်တာ။ ပြည်သူလူထုအနေနဲ့ အသိ၊ သတိရှိဖို့၊ နောက်ပြီးတော့ ဆင်ခြင်တုံတရားနဲ့ ဆင်ခြင်သုံးသပ်ဖို့။ နောက်ပြီးတော့ တိုင်းပြည်ငြိမ်းချမ်းအောင် ဘေးမြို့တွေမှာရော ပြည်သူလူထုအကုန်လုံးက လက်ရှိအစိုးရနဲ့ ပူးပေါင်းပြီးတော့ ငြိမ်းချမ်းအောင်ဆောင်ရွက်ဖို့ လိုအပ်တယ်လို့ ပြောချင်ပါတယ်။ ကျွန်တော်တို့ ဒီမှာလို ဆူပူမှုတွေ မဖြစ်အောင် ဝိုင်းဝန်းထိန်းသိမ်းဖို့ လိုပါတယ်’’ ဟု ဦးဝင်းမြင့်လှိုင်ကအကြံပြုသည်။

Top News