အကြမ်းဖက်မှုနှင့် ခေါင်မိုးကို မီးရှို့သူများ

(၁)

အကြမ်းဖက်မှုတိုက်ဖျက် ရေးဥပဒေကို ယခင်လွှတ်တော် သက်တမ်းအတွင်း ပြည်ထောင်စု လွှတ်တော်က ပြဋ္ဌာန်းခဲ့ပါတယ်။ အတိအကျပြောရရင် ၂၀၁၄ ဇွန် လ ၄ ရက်မှာ အဲဒီအချိန်က နိုင်ငံ တော်သမ္မတဦးသိန်းစိန်က လက် မှတ်ရေးထိုးပြဋ္ဌာန်းလိုက်တာ ဖြစ် ပါတယ်။ အဲဒီဥပဒေအခန်း(၁)အ မည်၊ စီရင်ပိုင်ခွင့်နှင့် အဓိပ္ပာယ် ဖော်ပြချက် ပုဒ်မ ၃၊ ပုဒ်မခွဲ(ခ)မှာ အကြမ်းဖက်မှုဆိုတာ ဘာလဲဆို တာကို ဖော်ပြထားပါတယ်။ အဲ ဒီလိုဖော်ပြရာမှာ‘‘အကြမ်းဖက်မှုဆို သည်မှာ အကြမ်းဖက်မှုကျူးလွန် ရန် ရည်ရွယ်ချက်ဖြင့် အောက် ဖော်ပြပါပြစ်မှုတစ်ရပ်ရပ်ကို ပြု လုပ်မှုနှင့် ပြုလုပ်ရန်ပျက်ကွက်မှု များကို ဆိုသည်’’လို့ ဖော်ပြပြီး ပြစ်မှုအမျိုးအစား ၁၈ ခုကို စာ ရင်း ပြုစုထားတာကို တွေ့ရပါ တယ်။ ‘‘အကြမ်းဖက်မှု’’ကို အဓိပ္ပာယ်ဖွင့်ဆိုချက်မှာ ‘အကြမ်းဖက်မှု ကျူးလွန်ရန် ရည်ရွယ်ချက်ဖြင့်’ဆိုသည်အဓိပ္ပာယ်ဖွင့်ဆိုလို တဲ့ စကားရပ်ပြန်လည်ထည့်သွင်းထားတာက ဥပဒေပညာမလေ့လာဖူးခဲ့တဲ့ သာမန်ပြည်သူတစ် ယောက်အနေနဲ့ အတော်လေး မျက်စိလည်ရပါတယ်။ ဒီထက်ပိုမိုကျစ်လျစ်တဲ့ အကြမ်းဖက်မှုရဲ့အဓိပ္ပာယ်ဖွင့်ဆိုချက်မျိုးကို ပြဋ္ဌာန်းပေးနိုင်ရင် ကောင်းမယ်လို့ လည်း အတွေးပွားမိပါတယ်။

အောက်စဖို့ဒ်အဘိဓာန် (Oxford Dictionary) ကတော့ Terrorism (အကြမ်းဖက်မှု)ကို‘The Unofficial or Una-uthorized use of violence and intimidation, Especially aga-inst Civilians, in the pursuit of Political aims’ လို့ ဖွင့်ဆိုပါတယ်။ ‘‘နိုင်ငံရေးရည်ရွယ်ချက်၊ ရည်မှန်းချက်ပြည့်ဝနိုင်ရန်အတွက် တရားဝင်မဟုတ်၊ ခွင့်ပြုချက်မရှိဘဲ(အထူးသဖြင့်) အရပ်သားများအား ထိခိုက်နာကျင်စေခြင်း၊ ခြိမ်းခြောက်ခြင်း’’ လို့ ဘာသာပြန်လို့ရမယ်ထင်ပါတယ်။

ကန်းဘရစ်ခ်ျအဘိဓာန် (Cambridge learner's Dictio -nary) ကလည်း ရိုးရိုးရှင်းရှင်း အဓိ ပ္ပာယ်ဖွင့်ဆိုထားပါသေးတယ်။ ‘‘The use of violence for political purpose’’ လို့ ဆိုပါ တယ်။ နိုင်ငံရေးရည်ရွယ်ချက်ဖြင့် ထိခိုက်နာကျင်စေမှုလို့ပဲ နားလည်မိပါတယ်။

ဒီနေရာမှာ ပြန်ပြီးစဉ်းစားစရာ ကောင်းတာက အကြမ်းဖက်မှု (Terrorism) ဆိုတာ လက်နက်ဆန်းတွေ အသုံးပြုပြီး တိုက်ခိုက်တာကိုမှ အကြမ်းဖက်မှုလို့ သတ်မှတ်တာမဟုတ်ဘူးဆိုတဲ့ အချက်ကလေးပဲ ဖြစ်ပါတယ်။ မိမိတို့ နိုင်ငံရေးရည်ရွယ်ချက်၊ ရည်မှန်းချက် ပေါက်မြောက် အောင်မြင်ဖို့အတွက် အပြစ်မဲ့တဲ့ ပြည်သူလူထုတွေကို ထိခိုက်နာကျင်စေမယ့်သူတွေဟာလည်း အကြမ်းဖက်သမားတွေလို့ ဆိုနိုင်ပါလိမ့်မယ်။ ဒါကြောင့်ပဲ ရခိုင် ပြည်နယ်ထဲက အစွန်းရောက် ARSA အဖွဲ့ကို အကြမ်းဖက်အဖွဲ့ အစည်းအဖြစ် သတ်မှတ်ထားတာပါ။ ၂၀၀၁ စက်တင်ဘာ ၁၁ ရက် မှာ အစွန်းရောက်အယ်လ်ကိုင်ဒါ အကြမ်းဖက်သမားတွေ တိုက် ခိုက်ခဲ့သလို လေယာဉ်ပြန်ပေးဆွဲ တာတွေ၊ အထပ်မြင့်အဆောက်အအုံကြီးကို လေယာဉ်နဲ့တိုက်တာ တွေ မပါပေမယ့် တုတ်၊ ဓား၊ လက်နက်တွေနဲ့ အရပ်သားတွေကို ထိခိုက်နာကျင်စေတာ၊ ရပ်ရွာကို မီးရှို့ဖျက်ဆီးတာတွေကြောင့် အကြမ်းဖက်သမားလို့ သတ်မှတ်တာ ဖြစ်ပါတယ်။

(၂)

ရခိုင်ပြည်နယ်အတွင်းမှာ အစွန်းရောက်အကြမ်းဖက်သမားများရဲ့ ရန်စွယ်ကို နှိမ်နင်းနေရ ချိန်၊ ပြည်ပနိုင်ငံများရဲ့ လူမျိုးတုံးသတ်ဖြတ်မှု စွပ်စွဲချက်တွေကိုတွန်းလှန်နေရချိန်မှာပဲ ပြည်တွင်းမှာ ဆူပူမှုတွေဖြစ်ပေါ်လာအောင် ကြိုးပမ်းအားထုတ်မှုတွေ တွေ့လာရတာ စိတ်မကောင်းစရာပါပဲ။ လူမှုကွန်ရက်စာမျက်နှာတွေကတစ်ဆင့် စက်တင်ဘာ ၁၁ ရက်မှာ အကြမ်းဖက်မှုတွေ ဖြစ်ပေါ်လာလိမ့်မယ်ဆိုပြီး ယုံကြည်ကိုးကွယ်ရာ ဘာသာရပ်နှစ်ခုကြားမှာ သွေးထိုးလှုံ့ဆော်မှုတွေ ပြုလုပ်လာတာကြောင့် ထိထိရောက်ရောက် အရေးယူမယ်လို့ တရားဝင်သတင်းထုတ်ပြန် ကြေညာရတဲ့အထိပါပဲ။ စက်တင်ဘာ ၁၀ ရက် ညမှာလည်း တောင်တွင်းကြီးမြို့မှာ လူအုပ်စုဖြင့် ၀ိုင်းအုံမှုဖြစ်ပွားလို့ ရဲတပ်ဖွဲ့ဝင်တွေ အချိန်မီတားဆီးခဲ့ရတယ်လို့ သိရပါတယ်။  

သတင်းထုတ်ပြန်ရေး ကော်မတီ (Information Comm -ittee) ရဲ့ ဖေ့စ်ဘွတ်ခ်စာမျက် နှာပေါ်မှာ ထုတ်ပြန်ချက်အရ ရခိုင်ဒေသဖြစ်စဉ်တွေအပေါ် မကျေနပ်လို့ဆိုတဲ့အကြောင်းပြချက်နဲ့ လူငယ် ၅၀ ဦးခန့်က သားသတ်လုပ်ငန်း လုပ်ကိုင်သူတစ်ဦးရဲ့ အိမ်ကို ခဲနဲ့ပေါက်ပြီး နိုင်ငံတော် သီချင်းကို ဆိုခဲ့တယ်လို့ ဆိုပါတယ်။ အဲဒီနောက် ဗလီကိုဝိုင်းထားတာမျိုးတွေရှိကြောင်း သိရပါတယ်။

ရိုးရိုးရှင်းရှင်းလေး တွေးမိတာကတော့ ရခိုင်ဒေသက ဖြစ်စဉ်တွေအပေါ် မကျေနပ်ဘူးဆိုရင် ရခိုင်ဒေသမှာ လုံခြုံရေး ဆောင်ရွက်နေတဲ့ တပ်ဖွဲ့တွေထံမှာ သွားရောက်အမှုထမ်းပြီး အကြမ်းဖက်သမားတွေကို ရင်ဆိုင်တိုက်ပွဲဝင်ကြဖို့ ကောင်းပါတယ်။ တကယ်တမ်းတော့ အကြမ်းဖက်မှုဆိုတာ မြန်မာနိုင်ငံသူ၊ နိုင်ငံသားအားလုံးရဲ့ ရန်သူဖြစ်ပြီး ဘယ်ဘာသာကို ကိုးကွယ်သည်ဖြစ်စေ၊ ဘာလူမျိုးဖြစ်ပါစေ၊ ဆန့်ကျင်ရှုတ်ချရမှာ ဖြစ်ပါတယ်။ အဲဒီလိုရှုတ်ချ ရာမှာ ဥပဒေဘောင်အတွင်းကနေ နည်းမှန်လမ်းမှန် ဆောင်ရွက်ဖို့လိုသလို မိမိကြောင့် ပြဿနာပိုပြီး ဆိုးရွားမလာအောင် သတိနဲ့ဆောင်ရွက်ကြဖို့ လိုပါတယ်။ မှန်မှန်ကန်ကန် ဆောင်ရွက်ကြဖို့လိုပါတယ်။

ဒီလိုမဟုတ်ဘဲ ရုန်းရင်းဆန်ခတ်ဖြစ်အောင်၊ အများပြည်သူ အထိတ်တလန့်ဖြစ်အောင်၊ မလိုလားအပ်တဲ့ ဆူပူမှုတွေဖြစ်အောင်၊ ဘာသာနှစ်ခုကြားမှာ ကြီးမားတဲ့ သံသယတွေဖြစ်ပေါ်လာအောင် နိုင်ငံရေး ရည်ရွယ်ချက်နဲ့ ကြံဆောင်တာဆိုရင်တော့ လက်နက်ဆန်းတွေမပါဘဲ ခဲလုံးနဲ့ပေါက်လည်း အကြမ်းဖက်မှု မြောက်တယ်ဆိုတာလေးကို အဲဒီလူငယ် လေးတွေ တွေးကြည့်စေချင်ပါတယ်။

ဒါ့အပြင် အဲဒီလူငယ်တွေနဲ့ လူအုပ်ကြီးကို ဘာသာရေး၊ လူမျိုးရေးမှိုင်းတိုက်ပြီး နောက်ကွယ်ကနေ ကြိုးကိုင်နေတဲ့သူတွေ၊ လာဘ်လာဘ တစ်စုံတစ်ရာ ထောက်ပံ့ပြီး အဲဒီလူစုလူဝေးကို ဖန်တီးခဲ့တဲ့သူတွေ ရှိခဲ့မယ်ဆိုရင် အဲဒီလူတွေ အားလုံးဟာလည်း အကြမ်းဖက်သမားနဲ့မခြား နိုင်ငံသားတွေအပေါ် အပြစ်ကြီးမားတဲ့သူတွေဖြစ်ပါတယ်။ အဲဒီလူတွေကိုလည်း မရရအောင် ဖော်ထုတ်ပြီး အရေးယူပေးခြင်းအားဖြင့် ခေတ်အဆက်ဆက် ရွတ်ဆိုလာခဲ့ကြတဲ့ ပြည်ထောင်စုမပြိုကွဲရေး၊ တိုင်းရင်းသားစည်းလုံးညီ ညွတ်ရေး၊ အချုပ်အခြာအာဏာ တည်တံ့ခိုင်မြဲရေးဆိုတဲ့ တို့တာဝန်အရေးသုံးပါးကို ကျေပွန်ရာ ရောက်မှာ ဖြစ်ပါတယ်။

ဒါတင်ပဲလားဆိုတော့ မဟုတ်သေးပါဘူး။ အကြမ်းဖက်မှုနဲ့ ဖိအားအမျိုးမျိုးကို တွန်းလှန်ဖယ်ရှားနေကြရချိန်မှာ နိုင်ငံရေး ရည်မှန်းချက်အတွက် ပြဿနာ တွေကို ဖန်တီးနေတဲ့သူတွေအ ပြင် အဲဒီလိုလူတွေကို မွေးထုတ် ပေးနေတဲ့ နိုင်ငံရေးစနစ်ကိုလည်း ပြုပြင်ပြောင်းလဲဖို့ လိုအပ်မှာ ဖြစ်ပါတယ်။

(၃)

ရခိုင်ပြည်နယ်က အခြေအ နေကို တချို့ကအနောက်တံခါး ကျိုးပေါက်ခြင်းလို့ တင်စားခေါ် ဝေါ်ကြပါတယ်။ အဲဒီအနောက် တံခါးကျိုးပေါက်လို့ ငါတို့အရိုး စည်းရိုးထိုးပြီး ကာမယ်လို့ ကြွေး ကြော်ခဲ့သူတွေလည်း ရှိခဲ့ဖူးပါ တယ်။ နိုင်ငံတော်အစိုးရအနေနဲ့ နှစ်ပေါင်းများစွာ ကျိုးပေါက်နေခဲ့တဲ့ အနောက်တံခါးပြဿနာကို သေသေချာချာ ဖြေရှင်းနိုင်ဖို့ ကြိုး ပမ်းအားထုတ်နေပါတယ်။ အဲဒီလို အချိန်မှာပဲ အကြမ်းဖက်သ မားရဲ့ ရန်ကိုရင်ဆိုင်ခဲ့ရသလို နိုင်ငံတကာမှာ ပျံ့နှံ့နေတဲ့ သတင်း အမှားတွေနဲ့ နိုင်ငံတကာဖိအား ကိုလည်း ကြံ့ကြံ့ခံ ရင်ဆိုင်ပေးနေပါတယ်။

အစီအစဉ်အပြောင်းအလဲ မရှိရင် မကြာခင်မှာပဲ နိုင်ငံတော်အတိုင်ပင်ခံပုဂ္ဂိုလ်ကိုယ်တိုင် ကမ္ဘာ့ကုလသမဂ္ဂအထွေထွေညီလာခံကို တက်ရောက်ပြီး ကမ္ဘာ့ နိုင်ငံပေါင်း ၁၉၀ ကျော်က ကိုယ် စားလှယ်တွေကိုတစ်ဦးတည်း ရင် ဆိုင်ဖြေရှင်းရပါတော့မယ်။ ဒီလို အခြေအနေမှာ နိုင်ငံသူ၊ နိုင်ငံသားတွေရဲ့ မျက်နှာ၊ နိုင်ငံ့ပုံရိပ်ကို မထောက်ညှာဘဲ ဆူပူမှုတွေ၊ အကြမ်းဖက်မှုတွေကို ပိုမိုကြီးထွားလာအောင်၊ ပိုမိုကျယ်ပြန့်လာအောင် ဆောင်ရွက်ကြသူတွေအားလုံးကိုလည်း ပြည်သူတစ်ရပ်လုံးက ဆန့်ကျင်သွားကြရမှာ ဖြစ်ပါတယ်။

ရခိုင်ပြည်နယ်ဟာ အနောက်တံခါးဆိုရင် မြန်မာနိုင်ငံတစ်နိုင်ငံလုံးဟာ အိမ်တစ်လုံးဖြစ်ပါတယ်။ အနောက်တံခါးကျိုးပေါက်တာ အကြောင်းပြပြီး အိမ်ခေါင်မိုးကို မီးရှို့နေသူတွေအားလုံးဟာလည်း အနောက်တံခါးက ARSA လို အကြမ်းဖက်သမားများသာ ဖြစ်ပါကြောင်းနဲ့ အကြမ်းဖက်သမားများ နည်းတူအရေးယူရမှာ ဖြစ်ပါကြောင်း တင်ပြလိုက်ရပါတယ်။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)

Top News