ဂျာမနီအဓိပတိ အန်ဂျလာမာကယ်နှင့် တွေ့ဆုံခြင်း

ကျွန်မလုပ်သမျှ အရာရာတိုင်း ဒီမိုကရေစီအားကောင်းလာဖို့ ရည်ရွယ်ပါတယ်
Guido Kirchner / AP

အန်ဂျလာမာကယ်ဟာ စတုတ္ထ သက်တမ်းရာထူးအတွက် ရွေး ကောက်ပွဲဝင်ပြိုင်ပါမယ်။ အာ ဏာစွဲလမ်းမှု၊ ဂျာမနီမော်တော် ကားလုပ်ငန်းနယ်ပယ်ရဲ့ နိုင်ငံ ရေးအပေါ် သြဇာလွှမ်းမိုးမှုနဲ့ လက်ယာဘက်မှာ ထောက်ခံမဲတွေ ပြန် ရအောင် သူ့ရဲ့ ကြိုးပမ်းမှုတွေနဲ့ ပတ်သက်လို့ အဓိပတိအန်ဂျလာ မာကယ်ကို DER SPIEGEL သတင်းဌာနက တွေ့ဆုံမေးမြန်း ထားပါတယ်။

အဓိပတိကြီးခင်ဗျာ၊ အာဏာနဲ့ ပတ်သက်လို့ ကျွန်တော်တို့ ခင် ဗျားနဲ့ ဆွေးနွေးချင်ပါတယ်။ အာ ဏာကြောင့်ဖြစ်ပေါ်လာစေတဲ့ ဆွေမျိုးကောင်းစားရေး အ ကြောင်းကိုလည်း ဆွေးနွေးချင်ပါ တယ်။ နိုင်ငံရေးသမားအများစု ဟာ သြဇာလွှမ်းမိုးမှုနဲ့ အာဏာ ဟာ တစ်ခါတလေမှာ မူးယစ်ဆေးဝါးတစ်မျိုးလိုဖြစ်နိုင်တယ်ဆိုတာ သတိပြုမိကြပါတယ်။ ခင်ဗျားကော စွဲလမ်းနေမိပြီလား။

မစွဲလမ်းဖို့ ကျွန်မမျှော်လင့် ပါတယ်။ မစွဲလမ်းပါဘူး။

ကွယ်လွန်သွားခဲ့ပြီဖြစ်တဲ့ အဓိပတိဟောင်း ဟဲမွတ်ခိုးလ်ဟာ အာဏာကို စွန့်လွှတ်ဖို့ မဖြစ်နိုင်ဘူးဆိုတာ သက်သေပြခဲ့ပြီးတော့ ဂုဏ်သရေရှိရှိ ရာထူးက အနားယူဖို့ အခွင့်အရေးကို လက်လွှတ်ခဲ့ပါ တယ်။ သူစတုတ္ထသက်တမ်းရာထူး ရယူတာဟာ နိုင်ငံအတွက် (ဒါမှမ ဟုတ်) ခရစ်ယာန်ဒီမိုကရက်တစ် သမဂ္ဂ (CDU) ပါတီအတွက် မကောင်းခဲ့ပါဘူး။ ခင်ဗျားဟာ ဘယ်လိုပဲဖြစ်ဖြစ် မစ္စတာခိုးလ်လို အဲဒီလိုထောင်ချောက်ထဲကို ဆင်း တော့မှာလား။

ပြီးခဲ့တဲ့နှစ် နိုဝင်ဘာမတိုင် ခင်အထိ ကျွန်မရွေးကောက်ပွဲ ထပ်ဝင်ပြိုင်၊ မပြိုင် အများကြီးစဉ်း စားနေခဲ့တယ်။ ဒါဟာ ကိုယ့်ဟာ ကိုယ်အကြောင်းရှာတဲ့ ဆုံးဖြတ် ချက်လို့ ကျွန်မမြင်ဖို့ အကြောင်း မရှိဘူး။ ကျွန်မမှာ လိုအပ်တဲ့ အင် အားရှိတယ်။ ပြီးတော့ လူတွေအ ကြောင်း၊ ဘဝတွေက ဘယ်လိုလဲ၊ နိုင်ငံက ဘယ်လိုပြောင်းလဲနေလဲ၊ နိုင်ငံရေးက ပေးမယ့် စိန်ခေါ်မှု တွေအကြောင်း ကျွန်မစူးစမ်းချင် နေတုန်းပါပဲ။

ခင်ဗျားကိုယ်ခင်ဗျား အာဏာကို မစွဲလမ်းစေအောင်၊ ကိုယ်ရည် မသွေးမိစေအောင် ကာကွယ်ဖို့ နည်းလမ်းတွေ ခင်ဗျားမှာရှိလား။

(ရယ်လျက်) မီဒီယာတွေမှာ ပါတဲ့ ဝေဖန်ရေးဆောင်းပါးတွေ ကျွန်မဖတ်ပါတယ်။

အိုး . . .တကယ်လား။

အဓိပတိတစ်ယောက်အနေ နဲ့ ကျွန်မဟာ ရှိသင့်သလောက်ပါ ပဲ။ ပြည်သူလူထုနဲ့ မီဒီယာနှစ်ခု စလုံးရဲ့ အသေးစိတ်စောင့်ကြည့်မှု အောက်မှ အမြဲမပြတ်ရှိနေပါ တယ်။ သူတို့အခြေအနေတွေကို ဘယ်လိုဖြစ်လဲဆိုတာ ကျွန်မရဲ့ ဝန်ထမ်းတွေက ကျွန်မကို ပွင့်ပွင့် လင်းလင်းပြောဖို့ဟာလည်း ကျွန်မ အတွက် အရေးကြီးပါတယ်။

ခင်ဗျား မဲဆွယ်ဖို့ သွားရာမှာ ဂျာမန်စစ်လေယာဉ်တွေကို အားကိုးနေ တာ ဘာကြောင့်လဲ။

ကျွန်မဟာ ဖက်ဒရယ်ရဲတပ် ဖွဲ့ပိုင်တဲ့ ရဟတ်ယာဉ်တွေ အသုံး ပြုခွင့်ကိုလည်း အသုံးချခဲ့ပါတယ်။ အဲဒီအထူးအခွင့်အရေးနှစ်ရပ်စ လုံးဟာ ဥပဒေနဲ့ ကိုက်ညီနေ တာ ၁၀ စုနှစ်တွေ အများကြီးကြာ ခဲ့ပါပြီ။

တာဝန်ရှိ အဓိပတိတွေက အဲဒီလို လေယာဉ်အသုံးပြုခွင့်တွေကို အ ရမ်းပဲ အကျိုးခံစားနေကြတုန်းပဲ။

ကျွန်မ သဘောမတူဘူး။ ကျွန်မဟာ ပါတီအခမ်းအနားတွေ (ဒါမှမဟုတ်) အားလပ်ရက်ခရီး ထွက်နေချိန်မှာတောင် တာဝန် ထမ်းဆောင်နေရတယ်။

ရွေးကောက်ပွဲအတွက် ခင်ဗျားကို စိန်ခေါ်တဲ့ လူက စက်ရုံတွေနဲ့ လဟာပြင်ဈေးတွေကို သွားပြီး မဲဆွယ်နေရချိန်မှာ ခင်ဗျားက ကမ္ဘာ့စင်မြင့်ထက်ကို စိတ်ကြိုက် တက်လို့ရတယ်လေ။

ဒီမဲဆွယ်မှုကို အတော်လေး သဘောကျမိပါတယ်။ ဒါပေမဲ့ ကျွန်မမှာ ရာထူးနဲ့ ဆက်စပ်နေတဲ့ တာဝန်တွေကိုလည်း ဂရုစိုက်နေ ရတုန်းပါပဲ။

ခင်ဗျားရဲ့ အရင်အစိုးရပြောရေး ဆိုခွင့်ရှိသူ ယူလ်ရစ်ခ်ျဝီလ်ဟမ်း ဟာ အဓိပတိလက်အောက် ရာထူးကထွက်ပြီးနောက် မကြာခင်မှာ အစိုးရအသံလွှင့်ဌာန အီအာရ်ရဲ့ ဥက္ကဋ္ဌဖြစ်လာတယ်။ ခင်ဗျားရဲ့ မီဒီယာအကြံပေးပုဂ္ဂိုလ် အဗာခ ရစ်ယာန်ဆန်ဟာ ဇက်ဒီအက်ဖ်မီဒီ ယာအကြံပေးဘုတ်အဖွဲ့ရဲ့ ကာ လကြာ အဖွဲ့ဝင်တစ်ယောက်ဖြစ် ခဲ့ တယ်။ ခင်ဗျားရဲ့ ပြောရေးဆိုခွင့် ရှိသူ စတီဖန်ဆိုင်ဘက်ဟာ ဇက်ဒီ အက်ဖ်က လာတာ၊ ပြီးတော့ ပြန် သွားခွင့်ရထားတယ်။ နိုင်ငံပိုင် အသံလွှင့်ဌာနတွေကို အစိုးရက ထိန်းချုပ်ထားတယ်ဆိုတဲ့ အရေး ပါတဲ့ ကွာဟချက်နဲ့ ပတ်သက်ပြီး လူတိုင်းပြောဆိုနေကြတယ်။ အဲဒီ လိုမျိုး အမှန်တကယ်ရှိပါသလား။

နိုင်ငံရေးသမားတွေ စီးပွား ရေးလုပ်ငန်းတွေထဲ ရောက်သွား တာ ဂျာနယ်လစ်လောကနဲ့ နိုင်ငံ ရေးကြား ပြောင်းသွားတဲ့ လူတွေ ရဲ့ ဥပမာတွေ အများကြီးရှိပါ တယ်။ ဥပမာအားဖြင့် SPIEGEL သတင်းထောက်ဟောင်းနှစ်ယောက်ဟာ ဂျာမနီနိုင်ငံခြားရေး ဝန်ကြီးတွေရဲ့ အကြံပေးဖြစ်ခဲ့ပါ တယ်။ ပြန်သွားခွင့်ပြုထားတာတွေ လည်း အစိုးရဌာနတွေမှာရှိပါ တယ်။ အဲဒါဘာမှ မထူးဆန်းပါ ဘူး။

မစ္စတာဝီးလ်ဟမ်းဟာ ဆိုရှယ်ဒီမို ကရက်တစ်ပါတီက အဓိပတိအ တွက် အလုပ်ခန့်မယ်ဆိုရင် သူ့ကို ဘီအာရ်က ငှားလိမ့်မယ်လို့ ခင်ဗျားထင်လား။

အဲဒါကတော့ ရှင်တို့ ဘီအာရ်ကို မေးရမယ့်ဟာပါ။

ဆွေမျိုးကောင်းစားရေး အ ကြောင်းကို ခဏလောက် ဆက် ဆွေးနွေးကြရအောင်။ ဟဲမွတ် ခိုးလ်ရဲ့ ဝန်ကြီးများအဖွဲ့မှာ တစ် ခါက ခင်ဗျားနဲ့အတူ တွဲလုပ်ခဲ့ဖူး တဲ့ မတ်သီးယပ်စ်ဝစ်မန်းဟာ ဂျာ မန်မော်တော်ကားလုပ်ငန်းအဖွဲ့ အစည်းရဲ့ ဥက္ကဋ္ဌဖြစ်ပါတယ်။ အ စိုးရဝန်ကြီးတစ်ယောက်အနေနဲ့ အဓိပတိရုံးမှာ တာဝန်ထမ်းဆောင် ခဲ့တဲ့ အက်ကက်မွန်ကလေဒန်ဟာ အခုဆို Daimler ကုမ္ပဏီရဲ့ စည်း ရုံးရေးမှူးဖြစ်နေပါတယ်။ CDU ပါတီဌာနချုပ်မှာ မဟာဗျူဟာစီ စဉ်ရေး ခင်ဗျားရဲ့ ခေါင်းဆောင် ဟောင်းဖြစ်တဲ့ ဂျိုအာချင်ကိုချီနစ် ကီဟာ အချိန်အတိုင်းအတာတစ် ခုထိ Opel ကုမ္ပဏီအတွက် စည်း ရုံးရေးမှူးဖြစ်လာပြီး အခုဆိုရင် ခင်ဗျားရဲ့ မဲဆွယ်ရေးကိစ္စကို ပြန် ပြီးစီမံခန့်ခွဲနေပါတယ်။ နောက် ထပ်ပါတီထိပ်တန်းအရာရှိတစ် ယောက်ဖြစ်တဲ့ မိုက်ကယ်ဂျန်ဆန် ဟာ အခုဆို ဗောက်စ်ဝက်ဂွန် (VW)အတွက် စည်းရုံးရေးမှူးဖြစ် နေပါတယ်။

ပြီးတော့ မမေ့ပါနဲ့။ အစိုးရ ဒုတိယပြောရေးဆိုခွင့်ရှိသူဖြစ်ခဲ့ ပြီး SPD ပါတီအဖွဲ့ဝင်တစ်ယောက် ဖြစ်တဲ့ သောမတ်စ်စတက်ဟာ လည်း UW အတွက် အလုပ်လုပ် ပေးနေပါတယ်။ 

မှန်ပါတယ်။ ဂျာမနီမော်တော်ကား လုပ်ငန်းနယ်ပယ်မှာ ဂျာမနီနိုင်ငံ ရေးအပေါ် သိသာတဲ့ ထိန်းချုပ်မှု ကို အသုံးချနေတယ်ဆိုတဲ့ ခံစား ချက်ရှိနေတာကို ခင်ဗျားအံ့သြမိ လား။

အဲဒီလိုခံစားချက်တကယ်ရှိ တယ်ဆိုရင် အဲဒါတလွဲမှတ်ယူတာ ပါ။ နိုင်ငံရေးမှာ အလုပ်လုပ်ခဲ့ဖူး တဲ့ လူတစ်ယောက်ကို ပုဂ္ဂလိက လုပ်ငန်းနယ်ပယ်မှာ ပြောင်းပြီး အလုပ်လုပ်ခွင့်ပေးသင့်သလားဆို တော့ ပေးသင့်တယ်လို့ ကျွန်မ ထင်တယ်။

သြဂုတ်က အစောပိုင်းက ဒီဇယ် ညီလာခံလို့ ခေါ်တဲ့ ညီလာခံမှာ ကုမ္ပဏီတွေဟာ မော်တော်ကား လုပ်ငန်းနယ်ပယ်အတွက် ဈေး အသက်သာဆုံး ဖြေရှင်းနည်းအ နေနဲ့ ဆော့ဖ်ဝဲတွေကို နောက်ဆုံး အဆင့်တိုးမြှင့်ဖို့ပဲ ဆုံးဖြတ်ခဲ့ တယ်။ အဲဒီလိုလုပ်တာကြောင့် နိုက်ထရိုဂျင်အောက်ဆိုက်ထုတ် လွှတ်မှုတွေကို လျှော့ချဖို့ လုံ လောက်မှာ မဟုတ်ဘူး။ ဂျာမနီ အစိုးရက မော်တော်ကားလုပ်ငန်း နယ်ပယ်ကို ဘာဖြစ်လို့အမြဲပဲ အရမ်းမြန်မြန်ဆန်ဆန် လွတ် မြောက်ခွင့်ပေးရတာလဲ။

ကင်းလွတ်ခွင့်ပေးတယ်လို့ ကျွန်မမထင်ဘူး။ မော်တော်ကား လုပ်ငန်းနယ်ပယ်ဟာ သူတို့ဆုံးရှုံး လိုက်ရတဲ့ ယုံကြည်မှုကို ဘယ်လို ပြန်ရအောင် လုပ်ရမယ်ဆိုတာနဲ့ ဆက်စပ်လို့ ကျွန်မတို့ရဲ့ ကိုယ်ပိုင် အိုင်ဒီယာတွေကို လိုက်နာစေဖို့နဲ့ ပိုသက်ဆိုင်ပါတယ်။

မော်တော်ကားလုပ်ငန်းနယ်ပယ် က ဂျာမနီနိုင်ငံရေးသမားတွေကို စနစ်တကျလိမ်လည်ခဲ့ကြတယ်။ သူတို့ဟာ ဖန်လုံဓာတ်ငွေ့ထုတ် လွှတ်မှုကို လိမ်လည်ဖော်ပြဖို့ ကွန် ပျူတာစနစ်ကို တီထွင်ခဲ့ကြတယ်။ လိမ်ထားတာကို ဖော်ထုတ်သိရှိတဲ့ အချိန်မှာ ဒီဇယ်ညီလာခံကို ကျင်း ပတယ်။ အဲဒီညီလာခံက ဆော့ဖ် ဝဲအဆင့်မြှင့်ဖို့ပဲ ဆုံးဖြတ်ခဲ့တယ်။ အဲဒီလိုလုပ်တာဟာ လုံလောက် မှာ မဟုတ်ဘူးဆိုတာ အဲဒီဆွေး နွေးပွဲက လူတိုင်းသိကြတာပဲ။ 

မော်တော်ကားလုပ်ငန်းနယ်ပယ် အတွက် နိုင်ငံရေးသမားတွေ ရပ် တည်နေတာကို ဂျာမန်ပြည်သူ တွေက ဘယ်လိုသုံးသပ်ရှုမြင်ရမှာ လဲ။

ဖြစ်ရပ်တွေအပေါ် ရှင်ရဲ့ အ မြင်ဟာ အရမ်းပဲ တိုတောင်းပါ တယ်။ ဆော့ဖ်ဝဲအဆင့်မြှင့်တာ ဟာ ပထမဆုံးခြေလှမ်းဖြစ်တယ် ဆိုတာ ကျွန်မတို့အစကတည်းက ရှင်းအောင် ပြောထားပါတယ်။ အဲဒီလိုတွေ လုပ်ဆောင်ပြီးနောက် မှာ ကားအိတ်ဇောစနစ်ရဲ့ စွမ်း ဆောင်ရည်အပြည့်အဝကို အမြဲ ထည့်သွင်းသွားမှာ ဖြစ်ပါတယ်။ တစ်စိတ်တစ်ပိုင်းပြင်ဆင်မှာ မဟုတ်ပါဘူး။

သူတို့ကို ခင်ဗျားယုံလား။ သူတို့ ရုတ်တရက်ကြီး ရိုးသားသွားကြ မယ်လို့ ခင်ဗျားထင်လား။

ဒီလိုဖောက်သည်တွေကို လိမ်တာ ကျွန်မဟာ ရှင့်လိုပဲ မနှစ် မြို့ဖြစ်မိပါတယ်။ စက်တင်ဘာ ၁ ရက်ကစလို့ ကာဗွန်ဒိုင်အောက် ဆိုက်ထုတ်လွှတ်မှု စမ်းသပ်တာ တွေကို အမှန်တကယ်ကားမောင်း နှင်နေတဲ့ အခြေအနေတွေမှာ စမ်း သပ်ဖို့ ဥပဒေတွေ အသက်ဝင်ပါ တယ်။

လိမ်လည်ထားတဲ့ ဖြစ်ရပ်ထဲမှာ ပါ ဝင်နေတဲ့ ကားတွေအတွက် ပစ္စည်းကိရိယာထပ်ပြီး တပ်ဆင်တာမျိုး ကို ခင်ဗျားသဘောကျလား။

ပစ္စည်းကိရိယာတွေကို အ ဆင့်မြှင့်ပြီး ပြန်ထုတ်ဖို့က စရိတ် ကြီးတယ်။ နည်းပညာအရမ်းရှုပ် ထွေးတယ်။ အဲဒီလိုအနေအထား မှာ ပစ္စည်းကိရိယာတစ်ခုထပ်ဖြည့် လို့ အင်ဂျင်တွေအတွက် ကျွန်မတို့ လိုအပ်တဲ့ အနေအထားမျိုး အမှန် တကယ်ဖြစ်လာနိုင်မလာဆိုတာ အရမ်းဂရုစိုက်ပြီး စဉ်းစားရပါ မယ်။ နည်းလမ်းအားလုံးကို ပထမဆုံးစဉ်းစားသင့်တယ်လို့ ကျွန်မ ထင်ပါတယ်။

အမေရိကန်မှာ လိမ်လည်ခံရတဲ့ ဖောက်သည်တွေဟာ နစ်နာဆုံး ရှုံးမှု ဒေါ်လာ ၁၆,၀၀၀ အထိ ရကြပါတယ်။ ဂျာမနီအစိုးရက ဒီနိုင်ငံ မှာ ကုမ္ပဏီတွေကို ဘာဖြစ်လို့အဲဒီလိုနစ်နာကြေးမပေးခိုင်းတာ လဲ။

ကျွန်မတို့ရဲ့ အာမခံနဲ့ ယုံ ကြည်စိတ်ချရမှု ဥပဒေတွေဟာ အမေရိကန်က ဥပဒေတွေနဲ့ အခြေခံအားဖြင့် ကွဲပြားပါတယ်။ အဲဒါကြောင့်ပဲ ကားတွေကို ပြန် သိမ်းယူဖို့ ကုမ္ပဏီတွေကို ညွှန် ကြားခဲ့တာပါ။ အဲဒါဟာ ဖောက် သည်တွေအတွက် အပိုမကုန်ဘဲ အဆင်ပြေအောင် လုပ်ပေးရမယ့် အခြေအနေပါ။

စက်တင်ဘာ ၂၄ ရက် လွှတ်တော် ရွေးကောက်ပွဲအပြီးမှာ ဂရင်းပါတီ နဲ့ ခင်ဗျားညွှန့်ပေါင်းဖွဲ့မယ်ဆိုရင် အလွယ်တကူလောင်ကျွမ်းလည် ပတ်နိုင်တဲ့ အင်ဂျင်တစ်လုံးဟာ မြန်မြန်ဆန်ဆန်ပဲ နေသားမကျ ဖြစ်သွားပါလိမ့်မယ်။ ဒါပေမဲ့ စီးပွားရေးလိုလားတဲ့ လွတ်လပ်တဲ့ ဒီမိုကရက်ပါတီနဲ့ အစိုးရဖွဲ့ရင် အဲဒါဟာ နည်းနည်းပိုကြာပါလိမ့် မယ်။

 ညွှန့်ပေါင်းဖွဲ့မယ့်အ ကြောင်း ကျွန်မမပြောပါဘူး။CDU ပါတီရဲ့ မဲဆွယ်ရေးအဖွဲ့ အကြောင်းကိုပဲ ကျွန်မပြောမယ်။ 

မစ္စစ်မာကယ် အမေရိကန်မှာ သမ္မတဟာ တရားရေးနဲ့ မီဒီယာ ကို သဘောမကျကြောင်း ပြသနေ ပါတယ်။ ပိုပြီး ကျယ်ကျယ်ပြန့်ပြန့် ပြောရင် ဒီမိုကရက်တစ်တန်ဖိုး ထားမှုတွေကို သဘောမကျ ကြောင်း ပြနေပါတယ်။ ကမ္ဘာတစ် ဝန်းမှာ ဒီမိုကရေစီစနစ်ဟာ အရှိန် အဟုန်နဲ့ ဆုံးရှုံးနေတာလား။

မဟုတ်ဖို့ ကျွန်မမျှော်လင့် တယ်။ ကျွန်မအပိုင်းမှာ ကျွန်မလုပ်သမျှအရာတိုင်း ဂျာမနီမှာနဲ့ အဲဒီ ထက်လွန်ပြီးတော့ ဒီမိုကရေစီ စနစ်ကို အားကောင်းဖို့ ကျွန်မ ရည်ရွယ်ပါတယ်။ အမေရိကန် နိုင်ငံဟာ ဒီမိုကရေစီအားကောင်း တဲ့ နိုင်ငံတစ်နိုင်ငံဖြစ်တယ်။ ပိုလန်မှာ ကျွန်မတို့ မြင်တွေ့နေရ သလို ဥပမာပေါ့။ ဟန်ဂေရီမှာ လည်းပဲ တွေ့နေရတယ်။ ဒီမိုက ရေစီစနစ်တွေမှာ ဟန်ချက်ညီစေမယ့် အရာမျိုးရှိဖို့ အရေးကြီးပါ တယ်။ ပြီးတော့ အဲဒါတွေဟာ အမေရိကမှာ အားကောင်းနေဆဲပဲ လို့ ကျွန်မယုံကြည်ပါတယ်။

နိုဝင်ဘာက ဘားရက်အိုဘားမား ဒီကိုရောက်လာချိန်မှာ သူက ခင် ဗျားကို ဒီမိုကရေစီအတွက် အာမ ခံသူ၊ အနောက်တိုင်းရဲ့ တန်ဖိုး ထားမှုတွေကို ကာကွယ်သူတစ် ယောက်ရယ်လို့ ပြောဆိုခဲ့ပါ တယ်။ ဒါပေမဲ့ ခင်ဗျားအဓိပတိ ဖြစ်လာပြီးကတည်းက မဲပေးသူ အရေအတွက်ဟာ သမိုင်းအရ နည်းပါးပါတယ်။ အဲဒါကို ခင်ဗျား ဘယ်လိုရှင်းပြချင်ပါသလဲ။

ဝမ်းသာစရာကောင်းတာက အရင်ကရွေးကောက်ပွဲတွေထက် သိပ်မကြာခင်က ပြည်နယ်ရွေး ကောက်ပွဲတွေမှာ မဲပေးသူအရေ အတွက် ပိုများခဲ့တယ်။ အရေးကြီး တဲ့ ဆုံးဖြတ်ချက်တစ်ရပ်ချရမယ် လို့ လူတွေ ထင်မြင်နေချိန်မှာ သူ တို့ထွက်လာပြီး မဲထည့်ကြတယ်။ ကျွန်မဟာ CDU ပါတီကို အတတ် နိုင်ဆုံးအားကောင်းစေဖို့ တိုက်ပွဲ ဝင်နေပါတယ်။ ကျွန်မတို့မှာ ရင် ဆိုင်ဖြေရှင်းစရာပြဿနာကြီးတွေ ရှိပါတယ်။ ပထမဆုံးအနေနဲ့ ယူရို ပြဿနာနဲ့ သတ်မှတ်ချက်တွေ၊ ၂၀၁၅ မှာ ကျွန်မတုိ့ဆီကို ရောက် လာတဲ့ ဒုက္ခသည်တွေ အများကြီး ကို လက်ခံတာတွေပါ။

ရွှေ့ပြောင်းနေထိုင်မှုကို ဂရုတစိုက်ထိန်းချုပ်ရမယ်လို့ CDU က အမြဲ ပြောခဲ့တယ်။ AFD ပါတီထွက် ပေါ်လာတာဟာ ခင်ဗျားရဲ့ မူဝါဒ တွေရဲ့ ရှောင်လွှဲနိုင်တဲ့ နောက် ဆက်တွဲရလဒ်တစ်ခုမဟုတ်ဘူး လား။

၂၀၁၅ နွေရာသီက အရမ်း ခက်ခဲတဲ့ လူသားချင်းစာနာ ထောက်ထားရေးအနေအထား တစ်ရပ်နဲ့ ကျွန်မတို့ရင်ဆိုင်ခဲ့ရ တယ်။ ကျွန်မတို့ဟာ အီးယူ- တူရကီသဘောတူညီမှုလို ပုံစံမျိုး သင့်တော်တဲ့ အရေးယူဆောင် ရွက်မှုတွေ လုပ်ခဲ့ပြီး လူမှောင်ခို ကူးတာတွေကို စပြီး ဖြေရှင်းခဲ့ပါ တယ်။

နိုင်ငံရေးနယ်ပယ်ရဲ့ လက်ယာ ဘက်ခြမ်းမှာ AFD ပါတီအတွက် ခင်ဗျားက နေရာလွတ်အများကြီး ချန်ထားရစ်တဲ့အချိန် အခိုက်အ တန့်တစ်ခုရှိတယ်ဆိုတာ ခင်ဗျား ယုံလား။

ဟင့်အင်း . . . ၊ ဥပမာ ကျွန်မတို့ရဲ့ ပြည်တွင်းလုံခြုံရေးမူဝါဒ တွေကို ကြည့်မယ်ဆိုရင် ကျွန်မတို့ ရဲ့ တန်ဖိုးထားမူဘောင်အတွင်းက လိုအပ်တာတွေအားလုံး ကျွန်မတို့ လုပ်ခဲ့တာပဲဆိုတာကို တွေ့ရပါ လိမ့်မယ်။

အဓိပတိကြီးခင်ဗျား၊ ဒီအင်တာ ဗျူးအတွက် ကျေးဇူးတင်ပါ တယ်။ 

—Ref:SPIEGEL

Top News