တောင်ကိုရီးယားသို့ ရေလုပ်သားစေလွှတ်ခွင့် ညှိနှိုင်းလျက်ရှိ

တောင်ကိုရီးယားနိုင်ငံသို့ EPS စနစ်ဖြင့် သွားရောက်အလုပ်လုပ်ရန် လျှောက်ထားသူများကို တွေ့ရစဉ် (ဓာတ်ပုံ-စိုင်းဇော်)

တောင်ကိုရီးယားနိုင်ငံသို့ ပုဂ္ဂလိကအေဂျင်စီများက ကမ်းနီးရေလုပ် သားများစေလွှတ်ခွင့်ရရှိရန် ညှိနှိုင်းမှုများ မပြီးပြတ်သေးကြောင်း အလုပ်သမားညွှန်ကြားမှု ဦးစီးဌာန တာဝန်ရှိသူကပြောသည်။

အလုပ်သမား တစ်ဦးလျှင် တစ်လဒေါ်လာ ၁,၁၅၀ ခန့် ရမည် ဖြစ်ပြီး ၀န်ဆောင်ခ ဒေါ်လာ ၁,၈၀၀ ခန့် ပေးရမည့် အလုပ်သ မားစေလွှတ်ခွင့်ရရှိရန် ပုဂ္ဂလိက အေဂျင်စီအချို့က တောင်းဆို ထားခြင်းကြောင့် အစိုးရက စီစဉ် နေခြင်းဖြစ်သည်။

‘‘အစိုးရပိုင်းကလည်း ပေါင်း စပ်ညှိနှိုင်းပေးနေသလို၊ အေဂျင် စီတွေကလည်း ပို့ဆောင်ခွင့်ရရှိဖို့ ကြိုးစားနေဆဲပါပဲ။ ဒါက အစိုးရ ချင်းသဘောတူညီမှုနဲ့ အလုပ်သ မားပို့ဆောင်နေတဲ့ EPS စနစ်နဲ့ တော့ မဆိုင်ဘူး။ ကမ်းနီးရေလုပ် သားသီးသန့်ပို့ဆောင်နိုင်မယ့် အစီ အစဉ်ဖြစ်တာကြောင့်ပါ’’ဟု ၎င်း က ဆိုသည်။

ထိုသို့ ပုဂ္ဂလိကအေဂျင်စီများ က ကမ်းနီးရေလုပ်သားစေလွှတ် ရန် ကိုရီးယားနိုင်ငံ Ministry of Oceans and Fisheries နှင့် ချိတ် ဆက်ဆောင်ရွက်ရမည်ဖြစ်သည်။ ထို့နောက် မြန်မာနိုင်ငံဘက်မှ ရေလုပ်သားစေလွှတ်မည့် အဖွဲ့အစည်းနှင့် ကိုရီးယားသမ္မတနိုင်ငံဘက်မှ လက်ခံမည့် အဖွဲ့အစည်းတို့ သဘောတူညီချက် လက်မှတ်ရေးထိုးရမည်ဖြစ်ကြောင်း အလုပ်သမား လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ပြောကြားသည်။

ထိုသို့ သဘောတူလက်မှတ် ရေးထိုးပြီးနောက် ကိုရီးယားသမ္မတနိုင်ငံ၊ (သင်္ဘောသားဥပဒေ)နှင့်အညီ အလုပ်ခေါ်စာများကို အလုပ်သမားသံအရာရှိက စိစစ်၍ ကမ်းနီးရေလုပ်သားများ စေလွှတ်နိုင်ရေး စီစဉ်ဆောင်ရွက်မည်ဖြစ် ကြောင်း ၀န်ကြီးက ဆက်လက် ပြောကြားသည်။

ကိုရီးယားနိုင်ငံသို့ ကုန် ထုတ်၊ ဆောက်လုပ်ရေး၊ စိုက်ပျိုး ရေးနှင့် မွေးမြူရေး စသည့်လုပ်ငန်း များအတွက် အစိုးရပြည်ပအလုပ် အကိုင်ရှာဖွေရေးအေဂျင်စီကသာ တာဝန်ယူပို့ဆောင်ပေးနေပြီး ရေ လုပ်သားများကို တင်ပို့ခွင့်ရရှိမည် ဆိုပါက ပုဂ္ဂလိကအေဂျင်စီများအ တွက် ယင်းနိုင်ငံသို့ လုပ်သားတင် ပို့နိုင်မည့် ဈေးကွက်အသစ်တစ်ခု ရရှိလာမည်ဖြစ်ကြောင်း အေဂျင်စီလုပ်ငန်းရှင်များက ဆိုသည်။

‘‘အလုပ်သမားစေလွှတ်ခွင့် ဈေးကွက်အသစ်နိုင်ငံတစ်ခု တိုးနိုင်မှာဖြစ်လို့ လုပ်ခွင့်ရချင်ပါတယ်’’ ဟု မြန်မာပြည်ပ အလုပ်အကိုင်ဝန် ဆောင်မှုလုပ်ငန်းရှင်များ အဖွဲ့ချုပ်ဥက္ကဋ္ဌ ဦးမင်းလှိုင်ကပြောသည်။

ကိုရီးယားနိုင်ငံသည် နှစ်စဉ် မြန်မာအလုပ်သမားဦးရေ လေး ထောင်ခန့် ခေါ်ယူလေ့ရှိပြီး ၂၀၁၀ မှ လက်ရှိအချိန်ထိ အလုပ်သမား၂၀,၀၀၀ ခန့်ပို့ဆောင်ထားသည်။

Top News