ရပ်ကွက်အုပ်ချုပ်ရေးမှူးအချို့နှင့် အဆင်မပြေသော ကျူးကျော် ၆၀၀ ဦးခန့်ကို စာရင်းမကောက်ဘဲ ချန်ထားခဲ့ဟုဆို

ကျူးကျော်နေထိုင်သူများစာရင်းကောက်ယူစဉ်က လာရောက်လျှောက်ထားသူများကို တွေ့ရစဉ်(ဓာတ်ပုံ−ဂျေမောင်မောင်(အမရပူရ))

 ရန်ကုန်တိုင်းဒေသကြီး အတွင်း ကျူးကျော်နေထိုင်သူများ ကို စာရင်းကောက်ယူရာ၌ ရပ် ကွက်အုပ်ချုပ်ရေးမှူးများနှင့် အ ဆင်မပြေသည့် ကျူးကျော် ၆၀၀ ဦးခန့် စာရင်းကျန်ရှိကြောင်း ဒဂုံ မြို့သစ် (တောင်ပိုင်း) မြို့နယ် တိုင်းဒေသကြီး လွှတ်တော်ကိုယ် စားလှယ် ဦးညီညီက ပြောသည်။

အဆိုပါအုပ်ချုပ်ရေးပိုင်းက စိတ်ခံစားချက်အပေါ် မူတည်ပြီး ၎င်းတို့နှင့် အဆင်မပြေသည့် ကျူးကျော်များကို စာရင်းကောက်ယူရာ၌ ချန်ထားခဲ့ခြင်းကို ဆက်လက်ဆောင်ရွက်ပေးရန် ရန် ကုန်တိုင်းဒေသကြီး ဝန်ကြီးချုပ် အပါအဝင် တိုင်းဒေသကြီး အစိုးရအဖွဲ့သို့ တင်ပြထားကြောင်း ၎င်းကပြောသည်။


‘‘ကျန်ခဲ့တဲ့သူတွေကို စာရင်း ထပ်ထည့်ဖို့ စီစဉ်နေပါတယ်။ အုပ်ချုပ်ရေးမှူးတွေ ဆောင်ရွက်တာ ကျန်ခဲ့တာက အရေးယူပေးဖို့ တိုက်တွန်းထားတာတော့ မရှိ သေးဘူး။ အရမ်းဆိုးရွားလာရင် တော့ တိုက်တွန်းသွားမယ်’’ ဟု ဦးညီညီက ဆိုသည်။

ကျူးကျော်စာရင်းကောက် ယူမှုကို ကနဦးစီမံချက် (Pilot Project) အနေဖြင့် ၂၀၁၆ စက် တင်ဘာ မှ ယခုနှစ် ဇူလိုင်အထိ စာရင်းကောက်ယူခဲ့သည်။

လက်ရှိတွင် ကျူးကျော်များ နေထိုင်သည့် မြို့နယ် ၃၇ မြို့နယ် မှ အိမ်ထောင်စု တစ်သိန်းခြောက် သောင်းကျော်ကို စမတ်ကတ်များ ထုတ်ပေးပြီး ၎င်းတို့နေထိုင်ရန် အဆောက်အအုံများ စီစဉ်ဆောင် ရွက်နေမှုကို ရန်ကုန်တိုင်းဒေသ ကြီး အစိုးရအဖွဲ့က သတင်းထုတ် ပြန်မည်ဖြစ်သည်။

ရန်ကုန်တိုင်းဒေသကြီး ခရိုင် လေးခုအတွင်း ကနဦးကောက်ယူ ထားသည့် စာရင်းများအရ ကျူး ကျော်နေထိုင်သူ သုံးသိန်းကျော်ရှိ သော်လည်း မြေပြင်ကွင်းဆင်းပြီး ကျူးကျော်အသိအမှတ်ပြု စမတ် ကတ်ထုတ်ပေးသည့်အခါ ကျူး ကျော်နေထိုင်သူလေးသိန်းကျော် အထိ တိုးလာ ကြောင်း ကျူးကျော် စာရင်းကောက်ယူရေး အဖွဲ့၏  စာရင်းများတွင်ဖော်ပြထားသည်။

သက်ဆိုင်ရာ ဝန်ကြီးဌာန များက လုပ်ငန်းများ အကောင်အ ထည်ဖော် ဆောင်ရွက်နေချိန်တွင် အောက်ခြေအဆင့် အုပ်ချုပ်ရေး မှူးများ၏ ဆောင်ရွက်မှု အား နည်းခြင်းနှင့် ပတ်သက်၍ တ ရားဥပဒေစိုးမိုးမှု အားကောင်းလာ စေရန် မည်သို့ဆောင်ရွက်မည်ဆို သည့် မေးခွန်းကို လာမည့် ဆဋ္ဌမ ပုံမှန်လွှတ်တော်အစည်းအဝေး တွင် မေးမြန်းမည်ဖြစ်ကြောင်း ဦးညီညီက ပြောသည်။

More in News Section

Top News