ဟောင်ကောင်အုပ်ချုပ်ရေးမှူးချုပ် ခရီးစဉ်တွင် နှစ်နိုင်ငံခရီးသွားလုပ်ငန်း ပူးပေါင်းဆောင်ရွက်ရန် ဆွေးနွေး

မြန်မာနိုင်ငံ၌ ဟိုတယ်လုပ်ငန်းများ တွင် ရင်းနှီးမြှုပ်နှံမှုနှင့် နှစ်နိုင်ငံခရီး သွားလုပ်ငန်း ပူးပေါင်းဆောင်ရွက် မှုများကို အကောင်အထည်ဖော်  မည်ဖြစ်ကြောင်း ဟောင်ကောင် အုပ်ချုပ်ရေးမှူးချုပ် Mrs.Carrie Lam က ၎င်း၏ မြန်မာနိုင်ငံ ခရီးစဉ်အတွင်း ဟိုတယ်နှင့် ခရီးသွားလာ ရေး ဝန်ကြီးဌာန ပြည်ထောင်စုဝန် ကြီးနှင့် တွေ့ဆုံရာတွင် ပြောကြား သည်။ ‘‘မြန်မာနိုင်ငံက ခရီးသွားအ ရင်းအမြစ် အလွန်ပေါကြွယ်ဝတဲ့ အတွက် ဟောင်ကောင်ခရီးသွား များ လာရောက်လည်ပတ်ဖို့ အခွင့် အလမ်းများစွာ ရှိပါတယ်။ ဟောင် ကောင်က ရင်းနှီးမြှုပ်နှံသူတွေဟာ ပြည်ပကို ရင်းနှီးမြှုပ်နှံမှုတွေ တိုးချဲ့ လျက်ရှိတဲ့အတွက်၊ မြန်မာနိုင်ငံ က ဟိုတယ်လုပ်ငန်းတွေမှာ ရင်းနှီး မြှုပ်နှံနိုင်မှာ ဖြစ်ပြီး ခရီးသွားလာ
ရေးဟာ ပြည်သူအချင်းချင်း ချစ် ကြည်ရင်းနှီးမှု ရရှိရေး အဓိကတစ် ရပ်ဖြစ်ပါတယ်’’ ဟု Mrs.Carrie Lam ကပြောသည်။


မြန်မာနိုင်ငံ၏ ဟိုတယ်လုပ် ငန်းကဏ္ဍတွင် ဟောင်ကောင်မှ ရင်းနှီးမြှုပ်နှံမှု ငါးခုရှိပြီး နိုင်ငံတ ကာမှ ရင်းနှီးမြှုပ်နှံမှု ပြုလုပ်ထား သည့် ဟိုတယ်လုပ်ငန်းများထဲတွင် ဟောင်ကောင်က အဆင့် (၄) နေ ရာ၌ ရှိနေသဖြင့် ဟောင်ကောင်မှ ရင်းနှီးမြှုပ်နှံမှုများကို ကြိုဆိုနေပြီး လူ့စွမ်းအား အရင်းအမြစ် ဖွံ့ဖြိုးတိုး တက်ရေးအတွက်ကိုပါ ကူညီပံ့ပိုး ပေးစေလိုကြောင်း ဟိုတယ်နှင့် ခရီးသွားလာရေး ဝန်ကြီးဌာန ပြည်ထောင်စုဝန်ကြီးက ပြန်လည် ပြောကြားသည်။

‘‘ဟောင်ကောင်ကို Training Hub အဖြစ် ဖန်တီးရန် စီစဉ်နေပါ တယ်။ အာဆီယံနိုင်ငံများကို လူ့ စွမ်းအား အရင်းအမြစ် ဖွံ့ဖြိုးရေး၊ ပညာသင်အစီအစဉ်များ ထောက် ပံ့နေတဲ့အတွက် မြန်မာနိုင်ငံအနေ နဲ့လည်း ပါဝင်နိုင်ပါတယ်’’ ဟု Mrs.Carrie Lam ကပြောသည်။

 ဝန်ကြီးနှင့် ဟောင်ကောင် အုပ်ချုပ်ရေးမှူးချုပ်တို့သည် နှစ်နိုင်ငံ ခရီးသွားလုပ်ငန်း ပူးပေါင်းမြှင့်တင်ရေး၊ ပင်လယ်ပြင်အပျော်စီးသင်္ဘောခရီးစဉ်များ တိုးမြှင့်ဆောင်ရွက်ရေး၊ သမိုင်းဝင် အဆောက်အအုံများကို စနစ်တကျထိန်းသိမ်း၍ အမွေအနှစ်များ အဖြစ် ဖော်ထုတ်ရေးတို့ ဆောင်ရွက်ရန် ဆွေးနွေးခဲ့သည်။

ထို့အပြင် ဟောင်ကောင်အုပ် ချုပ်ရေးမှူးချုပ်သည် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် စက်တင်ဘာ ၁၅ ရက် က တွေ့ဆုံပြီး ပညာရေး၊ကျန်းမာ ရေး၊ ကုန်သွယ်ရေး၊ ခရီးသွား လုပ်ငန်းနှင့် ရင်းနှီးမြှုပ်နှံမှုဆိုင်ရာ ကိစ္စများ၊ နယ်စပ်ရေးရာနှင့် တိုင်း ရင်းသားလူမျိုးစု အခြေအနေများ နှင့် မြန်မာနိုင်ငံ၏ ငြိမ်းချမ်းရေး ဆောင်ရွက်မှု အခြေအနေများ ဆွေးနွေးခဲ့ကြောင်းသတင်း ထုတ်ပြန် ထားသည်။