တိုင်းနှင့်ပြည်နယ်ငါးခုတွင် ဝါးစိုက်ပျိုးရေးဇုန် တည်ထောင်မည်

ဓာတ်ပုံ − မြန်မာနိုင်ငံဝါးစိုက်ပျိုးရေးအသင်း

မြန်မာနိုင်ငံ ဝါးစိုက်ပျိုးရေးအသင်း က တိုင်းနှင့် ပြည်နယ်ဒေသငါးခု တွင် ဝါးစိုက်ပျိုးရေးဇုန် တည် ထောင်မည်ဟု ယင်းအသင်းဥက္ကဋ္ဌ ဦးဝင်းကျော်ဦးက ပြောသည်။


ရန်ကုန်တိုင်း၊ မန္တလေးတိုင်း၊ မကွေးတိုင်း၊ စစ်ကိုင်းတိုင်းနှင့် ရှမ်းပြည်နယ်တို့တွင် ဝါးစိုက်ပျိုးရေး ဇုန်ကို အကောင်အထည်ဖော် ဆောင်မည်ဖြစ်ပြီး သက်ဆိုင်ရာ တိုင်းဒေသကြီးနှင့် ပြည်နယ်များမှ အထွေထွေအုပ်ချုပ်ရေးတာဝန်ရှိ သူများနှင့် သစ်တောဦးစီးဌာနတို့ ပူးပေါင်းဆောင်ရွက်မည်ဟု ၎င်း က ဆိုသည်။

ဝါးစိုက်ပျိုးရေးဇုန်တွင် ဒေသခံဝါးစိုက်ပျိုးသူများနှင့် ပူးပေါင်း၍ ဝါးပျိုးပင်များ စိုက်ပျိုးခြင်း၊ ဝါးနှင့် ပတ်သက်သည့် လက်မှုထုတ်ကုန် များနှင့် ဝါးကုန်ကြမ်းပစ္စည်းများ ပြုလုပ်ရန် စက်ရုံတည်ဆောက် မည်ဖြစ်သည်။

‘‘အဓိကကတော့ ဝါးတွေ တော့ရှိပေမယ့် စက်ရုံထူထောင် မယ်ဆိုရင် ထူထောင်လောက်တဲ့ အနေအထားမရှိဘူး နိုင်ငံခြားပို့ မယ်ဆိုရင်၊ အဆောက်အအုံလုပ် မယ်ရင်လည်း ဝါးကမရှိပြန်ဘူး။ ဝါးထုတ်ကုန်တွေ Export လုပ် မယ်ဆိုရင်လည်း အခက်အခဲရှိတဲ့ အတွက် ဒီလိုလုပ်ဆောင်တာ’’ဟု ဦးဝင်းကျော်ဦးက ပြောသည်။

သဘာဝပတ်ဝန်းကျင်ထိန်း သိမ်းရေးနှင့် ကျေးလက်နေပြည် သူများ အလုပ်အကိုင်အခွင့်အ လမ်းရရှိစေရန် ရည်ရွယ်၍ ဝါး စိုက်ပျိုးရေးဇုန်တည်ထောင်ခြင်း ဖြစ်သည်။ ဒေသခံများသည် ဝါး စိုက်ပျိုးရန် မြေနေရာလျှောက် ထားမှုအတွက် ဝါးပျိုးပင်များကို အသင့်ပြင်ဆင်ထားရန် လိုအပ်ပြီးအသင်းက ပျိုးပင်မရှိသေးသူများအား မျိုးစေ့များကို ဖြန့်ဖြူးရောင်း ချမည်ဖြစ်သည်။

ဝါးတောဧရိယာ ကျယ်ပြန့် သော နိုင်ငံများအနက် အိန္ဒိယနှင့် တရုတ်နိုင်ငံပြီးလျှင် မြန်မာနိုင်ငံ သည် တတိယနေရာ၌ရှိသကဲ့သို့ ဝါးမျိုးစိတ်ပေါများသော နိုင်ငံများ စာရင်းတွင်လည်း တရုတ်၊ ဂျပန်၊ အိန္ဒိယတို့ပြီးလျှင် မြန်မာနိုင်ငံ၌ ဝါးမျိုးစိတ် ၁၀၀ ကျော်ရှိသဖြင့် အဆင့် (၄)နေရာတွင် ရှိနေသည်။

သို့ရာတွင် ဝါးအလွန်အကျွံ ခုတ်ယူခြင်းများကြောင့် ယခင်က ဝါးပေါသည့်နေရာများမှာပင် ရှား ပါးလာနေပြီး ယင်းအတွက် စနစ် တကျ စိုက်ပျိုးမှုများ ပြန်လည်လုပ်ဆောင်နေရသည်ဟု မြန်မာ ဝါးချစ်သူများကွန်ရက် ဥက္ကဋ္ဌဒေါ်ဒေဝီသန့်စင်က ပြောသည်။

ထို့အပြင် ဝါးထုတ်ကုန်ပစ္စည်းများသည် ပြည်တွင်းဈေးကွက်တွင်သာ လည်ပတ်နေပြီးထုတ်ကုန်များ အဆင့်မီစေရန် နည်းပညာနှင့် နိုင်ငံတကာဈေး ကွက်ဝင်ရေး အခက်အခဲများရှိနေ သေးသည်ဟု ဝါးစိုက်ပျိုးရေး ဆောင်ရွက်နေသူများက ဆိုသည်။

Top News