တာဝန်ကို နိုင်နင်းစွာထမ်းဆောင်နိုင်ခြင်းမရှိသော ဝန်ကြီးနှင့် ဝန်ကြီးချုပ်များကို ပြောင်းသင့်ပါကပြောင်းလဲမည်ဟု ဒေါ်အောင်ဆန်းစုကြည်ပြော

လုပ်ငန်းတာဝန်ကို နိုင် နင်းစွာ ထမ်းဆောင်နိုင်ခြင်းမရှိ သော ပြည်ထောင်စုဝန်ကြီးများ နှင့် ဝန်ကြီးချုပ်များကို ပြောင်းသင့်ပါက ပြောင်းရမည်ဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြော သည်။

‘‘တချို့ကျတော့ အလုပ်ကို မနိုင်တာတွေလည်း ရှိကောင်းရှိ နိုင်တာပေါ့။ အဲဒါဆိုရင်တော့ ဒါ အစ်မတို့အနေနဲ့ ပြောင်းသင့်ရင် လည်း ပြောင်းရမှာပဲ။ ဒါ အစ်မတို့ အစကတည်းက ပြောထားတာပဲ’’ဟု စက်တင်ဘာ ၁၉ ရက်က RFA သတင်းဌာနနှင့် သီးသန့်တွေ့ဆုံ မေးမြန်းခန်းတွင် ဝန်ကြီးများ၊ ဝန်ကြီးချုပ်များ၏စွမ်းဆောင်ရည် နှင့်ပတ်သက်သည့် မေးခွန်းကို ၎င်းက ဖြေကြားသည်။


ဝန်ကြီးများနှင့် ဝန်ကြီးချုပ် များသည် တစ်ပြေးညီ အရည်အ ချင်းရှိနိုင်မည်မဟုတ်ဘဲ အချို့က ပိုတော်၍ အချို့သည် ၎င်းတို့၏တာဝန်ကို ထမ်းဆောင်နိုင်ရေး အချိန်ယူရန် လိုအပ်ကြောင်း လည်း နိုင်ငံတော်အတိုင်ပင်ခံ ပုဂ္ဂိုလ်က ပြောသည်။

‘‘ဝန်ကြီးတွေခန့်တာ အစိုးရ အဖွဲ့ထဲမှာ တာဝန်ပေးတယ်ဆို တာဟာ ထာဝရအတွက်မဟုတ် ဘူး။ တာဝန်ကို ဘယ်လောက် ကောင်းကောင်းမွန်မွန် ထိထိ ရောက်ရောက် ထမ်းဆောင်နိုင်မ လဲဆိုတာပေါ်မှာ အခြေခံပြီး လုပ် သွားမယ့်ကိစ္စ’’ဟု ၎င်းက ဆို သည်။

ဒီချုပ်အစိုးရလက်ထက် ၁၈ လအတွင်း ပြည်ထောင်စုအစိုးရအဖွဲ့ဝင် ပြည်ထောင်စုဝန်ကြီးတစ်ဦး၊ ဒုတိယဝန်ကြီးတစ်ဦးနှင့် ဝန်ကြီးချုပ်တစ်ဦး စသည့်ရာထူးအပြောင်းအလဲများရှိခဲ့သည်။ ၂၀၁၆ နှစ်ကုန်ပိုင်းတွင် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယဝန်ကြီး ဒေါက်တာထွန်းဝင်းကို တာဝန်မှ ရပ်စဲခြင်းသည် ဒီချုပ်အစိုးရလက်ထက်  ပထမဆုံး အပြောင်းအလဲဖြစ်သည်။ အဆိုပါ တာဝန်ရပ်စဲမှုနှင့်ပတ်သက်၍ ဝေဖန်မှုများရှိခဲ့သည်။

ထို့နောက် ၂၀၁၇ ဖေဖော်ဝါ ရီနှင့် သြဂုတ်တို့တွင် မွန်ပြည်နယ် ဝန်ကြီးချုပ် ဦးမင်းမင်းဦးနှင့် လျှပ် စစ်နှင့်စွမ်းအင်ဝန်ကြီးဌာန ပြည် ထောင်စုဝန်ကြီး ဦးဖေဇင်ထွန်းတို့ ကို ၎င်းတို့၏ဆန္ဒအလျောက် ရာ ထူးမှ နုတ်ထွက်ခွင့်ပြုကြောင်း အစိုးရက ကြေညာခဲ့သည်။

နိုင်ငံတကာ၏အာရုံစိုက်မှု ရှိနေသည့် ရခိုင်အရေးကိစ္စသည် လက်ရှိအစိုးရအတွက် အရေးကြီး သော စိန်ခေါ်မှုတစ်ရပ်ဖြစ်သော် လည်း ပြည်တွင်းငြိမ်းချမ်းရေးရရှိ ရေးသည်လည်း အရေးကြီးသော စိန်ခေါ်မှုတစ်ခုဖြစ်ကြောင်း ဒေါ် အောင်ဆန်းစုကြည်က ပြောကြား သည်။ ပြည်တွင်းငြိမ်းချမ်းရေးရရှိ ရန် အောင်မြင်စွာ ဆောင်ရွက်နိုင် မည်ဟု ယုံကြည်ထားသော်လည်း အချိန်ယူဆောင်ရွက်ရမည်ဖြစ် ကြောင်း ၎င်းက ဆိုသည်။

ဒီချုပ်အစိုးရတာဝန်ယူပြီး နောက် တပ်မတော်နှင့် ပုံမှန်ထိ တွေ့ဆက်ဆံမှုရှိကြောင်းနှင့် တပ်မတော်မို့ ဝေဖန်ခြင်းမဟုတ်ဘဲ လုပ်ရပ်များအပေါ်တွင်သာ သဘောမတူကြောင်း ပြသခဲ့သည်ဟု နိုင်ငံတော်အတိုင်ပင်ခံပုဂ္ဂိုလ်က ပြောသည်။ ‘‘တချို့ကိစ္စတွေမှာ လည်း ပူးပေါင်းဆောင်ရွက်ဖို့က တော့ အမြဲကြိုးစားပါတယ်’’ဟု ၎င်းက တပ်မတော်နှင့် ဆက်ဆံ ရေးကို ပြောသည်။

လက်ရှိတွင် ဒီချုပ်ပါတီက အစိုးရအဖွဲ့ဝင်များနှင့် လွှတ် တော်ကိုယ်စားလှယ်များ လုပ်ငန်း စွမ်းဆောင်ရည်လေ့လာစိစစ်ရေး အဖွဲ့ကို ဦးဝင်းထိန်ဦးဆောင်၍ ဖွဲ့စည်းထားသည်။

ယင်းအဖွဲ့က ကိုယ်စားလှယ်နှင့် အစိုးရအဖွဲ့ဝင်များ၏သက် ဆိုင်ရာ လုပ်ငန်းစွမ်းဆောင်ရည် အပါအဝင် ပြည်သူနှင့်ချိတ်ဆက် ဆက်ဆံမှု၊ ပါတီနှင့် ချိတ်ဆက် ဆောင်ရွက်မှုနှင့် သက်ဆိုင်ရာမြို့ နယ် ပါတီအလုပ်အမှုဆောင်အ ဖွဲ့ မှတ်ချက်များအပေါ် အခြေခံ၍ သုံးသပ်အကဲဖြတ်ကြောင်း ဒေါက်တာမျိုးညွန့်က ပြောသည်။

သို့သော် ယင်းအဖွဲ့၏လေ့ လာတွေ့ရှိချက်များသည် ပါတီ နှင့်သာ သက်ဆိုင်ပြီး အစိုးရအဖွဲ့ နှင့် သက်ဆိုင်ခြင်းမရှိကြောင်း အဖွဲ့ဝင် ဒေါက်တာမျိုးညွန့်က ပြောသည်။ ‘‘ကျွန်တော်တို့က အစိုးရအဖွဲ့ဝင်တိုင်းကို စောင့် ကြည့်တာမဟုတ်ဘူး။ ကျွန်တော် တို့ပါတီက ခန့်အပ်ထားတဲ့ ပါတီ ဝင်ဖြစ်တဲ့ အစိုးရအဖွဲ့ဝင်တွေ၊ ကိုယ်စားလှယ်တွေနဲ့ပဲ ဆိုင်တာ ပဲ’’ဟု ၎င်းက ပြောသည်။