ဒီချုပ်အမတ်အချို့နှင့် အစိုးရအဖွဲ့ဝင်အချို့ ဘဝမေ့နေကြောင်း ဦးဝင်းထိန်ပြော

ရန်ကုန်တိုင်းအစိုးရ၊ လွှတ်တော်ကိုယ်စားလှယ်များနှင့် ပါတီအလုပ်အမှုဆောင်များ သုံးပွင့်ဆိုင်တွေ့ဆုံပွဲတွင် ဦးဝင်းထိန်က အမှာစကားပြောကြားစဉ် (ဓာတ်ပုံ − ကျော်ဇင်သန်း)

ဒီချုပ်ပါတီဝင် လွှတ် တော်ကိုယ်စားလှယ် အချို့နှင့် အစိုးရအဖွဲ့ဝင်အချို့သည် လုပ် ငန်းတာဝန်ကို ကျေပွန်အောင် ထမ်းဆောင်နိုင်ခြင်းမရှိဘဲ ကိုယ် ကျိုးအတွက် ရည်ရွယ်လုပ်ဆောင် သည့်ကိစ္စများ ရှိနေပြီး ဘဝမေ့ နေကြကြောင်း အမျိုးသား ဒီမို ကရေစီအဖွဲ့ချုပ် ဗဟိုအလုပ်အမှု ဆောင်အဖွဲ့ အတွင်းရေးမှူးအဖွဲ့ဝင် ဦးဝင်းထိန်က ပြောသည်။

‘‘သာမန်အဖွဲ့ချုပ် အဖွဲ့ဝင် ကနေပြီးတော့မှ ရွေးကောက်တင် မြှောက်ခြင်းခံလိုက်ရတဲ့အခါမှာ တချို့ ပုဂ္ဂိုလ်တွေက ဘဝမေ့ တယ်။ ကိုယ်ဘာကြောင့် လွှတ် တော်ကိုယ်စားလှယ် ဖြစ်လာလဲ ဆိုတာလည်း မဆန်းစစ်တော့ ဘူး’’ ဟု စက်တင်ဘာ ၂၃ ရက်က ပြုလုပ်သည့် ရန်ကုန်တိုင်းဒေသ ကြီး အစိုးရ၊ လွှတ်တော်ကိုယ် စားလှယ်များနှင့် ပါတီအလုပ် အမှုဆောင်များ သုံးပွင့်ဆိုင်တွေ့ ဆုံပွဲ၌ ဦးဝင်းထိန်ကပြောသည်။

အမျိုးသားဒီမိုကရေစီအဖွဲ့ ချုပ်က နိုင်ငံ့တာဝန် ရယူလာ သည့် တစ်နှစ်ခွဲကျော်အတွင်း တိုင်းဒေသကြီးနှင့် ပြည်နယ် အသီးသီးသို့ သွားရောက်ခဲ့ရာ ဒီချုပ်ပါတီဝင် ကိုယ်စားလှယ် အချို့ ဘဝမေ့နေသည်ကို တွေ့ ရှိရကြောင်း ဦးဝင်းထိန်က ဆို သည်။ ထိုသို့ ပြောကြားမှုသည် အစိုးရအဖွဲ့မှ ပါတီဝင်အချို့ကိုပါ ရည်ရွယ်ကြောင်း တွေ့ဆုံပွဲပြီး ဆုံးချိန်တွင် ဦးဝင်းထိန်က 7Day Daily သတင်းစာအား ပြောသည်။

‘‘ရွေးကောက်ပွဲ ကြေညာ စာတမ်းမှာ ကျန်းမာရေး ဘာလုပ် မယ်၊ ပညာရေးဘာလုပ်မယ်၊ စီး ပွားရေး ဘာလုပ်မယ် အကုန်လုံး ချထားပြီးသား။ လွှတ်တော်ကိုယ် စားလှယ်တွေထက်ကို အဓိကကျ တဲ့ ဝန်ကြီးတွေ စတဲ့ပုဂ္ဂိုလ်တွေက အဲဒီဟာအတိုင်း လိုက်ပြီးဆောင် ရွက်ဖို့ ပြန်နှိုးဆော်တာ’’ဟု ဦးဝင်း ထိန်က ပြောသည်။

ဒီချုပ် စတင်တည်ထောင် စဉ်ကတည်းက ဒီမိုကရေစီထွန်း ကားရေးနှင့် တိုင်းပြည်တိုးတက် ရေးလုပ်ငန်းစဉ်များ ဆောင်ရွက် ရန် ချမှတ်ခဲ့ပြီး ၂၀၁၅ အထွေထွေ ရွေးကောက်ပွဲ ကြေညာစာတမ်း တွင်လည်း နိုင်ငံဖွံ့ဖြိုးတိုးတက် ရေး မူဝါဒများ ပါရှိပြီးဖြစ်သော် လည်း အဆိုပါ ရည်မှန်းချက်များကို မျက်ကွယ်ပြုနေသူများရှိ ကြောင်း ၎င်းက ပြောသည်။

‘‘အဲဒီ ရည်မှန်းချက်တွေကို မျက်ကွယ်ပြုပြီးတော့ တချို့ကိုယ်စားလှယ်တွေ၊ ထင်ရာစိုင်း နေတဲ့သူတွေ ရန်ကုန်တိုင်းတင် မကဘူး တခြားတိုင်းနဲ့ပြည်နယ် တွေမှာလည်း အများကြီးရှိတယ်’’ ဟု ဦးဝင်းထိန်က ပြောသည်။ ထို့ ကြောင့် အမျိုးသားဒီမိုကရေစီ အဖွဲ့ချုပ် ရွေးကောက်ပွဲကြေညာ စာတမ်းကို ပြန်လည်လေ့လာ သုံးသပ်ရန်လိုကြောင်း ဦးဝင်းထိန်က တိုက်တွန်းပြောကြားသည်။

‘‘တချို့ ကိုယ်စားလှယ်တွေ ပဲဖြစ်ပါလိမ့်မယ်။ ကျွန်တော်တို့ တော်တော်များများကတော့ ဘဝ မေ့တဲ့လူ မရှိပါဘူး။ ဒီလိုပဲ ကိုယ့် ခံစားချက်နဲ့ကိုယ် တိုင်းပြည် အတွက် ကောင်းအောင်လုပ်နေ ကြတာပါပဲ’’ဟု ရန်ကုန်တိုင်းဒေ သကြီး လွှတ်တော်ကိုယ်စားလှယ် ဦးရန်အောင်မင်းက ဦးဝင်းထိန်၏ ပြောဆိုချက်နှင့်ပတ်သက်၍ မှတ် ချက်ပြုသည်။

ရန်ကုန်တိုင်းဒေသကြီး ဒီ ချုပ်ပါတီအမှုဆောင်များ၊ အစိုးရ နှင့် လွှတ်တော်တို့ သုံးပွင့်ဆိုင် တွေ့ဆုံပွဲကို ဒုတိယအကြိမ် ပြု လုပ်ခြင်းဖြစ်ပြီး ဝန်ကြီးချုပ် ဦးဖြိုး မင်းသိန်းအပါအဝင် တိုင်းဒေသ ကြီး အစိုးရအဖွဲ့ဝင်များ၊ လွှတ် တော်ကိုယ်စားလှယ်များ၊ ပါတီ ဗဟိုအလုပ်အမှုဆောင်များနှင့် တိုင်းဒေသကြီး ပါတီအလုပ်အမှု ဆောင်များ တက်ရောက်ခဲ့သည်။

‘‘ကိုယ့်နယ်မြေဒေသ ဖွံ့ဖြိုး ရေးလုပ်ငန်းတွေပဲ အဓိကတင်ပြ ကြတာပါ။ တိုင်းအစိုးရကတော့ ဘယ်ကိစ္စက ပြည်ထောင်စု အစိုးရက ဆောင်ရွက်ရမယ့်ကိစ္စ ဖြစ်တယ်။ ဘယ်ဟာကတော့ တိုင်းဒေသကြီးအစိုးရက ဆောင် ရွက်ရမှာဖြစ်တယ်ဆိုတာတွေ ပြန်ရှင်းတာပေါ့။ နိုင်ငံရေးမူဝါဒ တွေ ဆွေးနွေးတာမရှိပါဘူး’’ဟု ဦးရန်အောင်မင်းက ပြေသည်။

ထိုသို့ သုံးပွင့်ဆိုင်တွေ့ဆုံပွဲ များ ပြုလုပ်ခြင်းကြောင့် ပါတီရေ ရှည်တည်တံ့ရေးနှင့် ပါတီတွင်း စည်းလုံးညီညွတ်မှု ရရှိရေးတို့ကို အထောက်အပံ့ပေးနိုင်ပြီး အဖွဲ့ ချုပ်၏ ရည်မှန်းချက်များကို အ ကောင်အထည်ဖော်နိုင်ရန် ရည် ရွယ်ကြောင်း ဦးဝင်းထိန်ကပြော သည်။ ဦးဝင်းထိန်သည် ဒီချုပ်က ဖွဲ့စည်းထားသည့် ပါတီဝင်အစိုး ရအဖွဲ့ဝင်များနှင့် လွှတ်တော် ကိုယ်စားလှယ်များ၏ လုပ်ငန်း စွမ်းဆောင်ရည် လေ့လာရေးအဖွဲ့ ခေါင်းဆောင်လည်းဖြစ်သည်။

လေ့လာရေးအဖွဲ့အနေဖြင့် လွှတ်တော်ကိုယ်စားလှယ်များနှင့် အစိုးရအဖွဲ့ဝင်များကို သက်ဆိုင် ရာလုပ်ငန်းစွမ်းဆောင်ရည်၊ ပြည် သူနှင့် ထိတွေ့ဆောင်ရွက်မှု၊ ပါတီနှင့် ချိတ်ဆက်ဆောင်ရွက် နိုင်မှုနှင့် သက်ဆိုင်ရာ မြို့နယ် ပါတီအလုပ်အမှုဆောင်များ၏ မှတ်ချက် စသည်တို့အပေါ် အခြေ ခံ၍ လေ့လာသုံးသပ်ခြင်းဖြစ် ကြောင်း အဖွဲ့ဝင် ဒေါက်တာ မျိုးညွန့်က ပြောကြားထားသည်။

 

More in News Section

Top News