ဒီချုပ်အမတ်များကို တိုင်ကြားစာအများစု ကိုယ်ကျိုးစီးပွားအခြေခံပြီး အခြေအမြစ်မရှိဟု ဦးဝင်းထိန်ပြော

အမျိုးသားဒီမိုကရေစီအ ဖွဲ့ချုပ်ပါတီဝင် လွှတ်တော်ကိုယ် စားလှယ်များနှင့်ပတ်သက်၍ တိုင်ကြားသော တိုင်စာအများစုသည် ကိုယ်ကျိုးအတ္တအပေါ် အခြေခံ သည့် တိုင်စာများသာဖြစ်နေ ကြောင်း ပါတီတာဝန်ရှိသူများက ပြောသည်။


‘‘တိုင်စာတွေတက်လာတဲ့ အခါမှာ တော်တော်များများက တော့ အခြေအမြစ်မရှိ၊ မကျေနပ် လို့ ကိုယ့်အတ္တနဲ့ယှဉ်ပြီးတော့ တိုင်တာတွေများတယ်။ တကယ်တမ်း မှန်တဲ့အမှုက အနည်းစုပါ။ ၅ ရာခိုင်နှုန်းတောင်မရှိဘူး’’ဟု ပါတီဗဟိုအလုပ်အမှုဆောင်အဖွဲ့ အ တွင်းရေးမှူးအဖွဲ့ဝင် ဦးဝင်းထိန် က စက်တင်ဘာ ၂၃ ရက်တွင် ပြု လုပ်သည့် ရန်ကုန်တိုင်းဒေသကြီး အစိုးရအဖွဲ့၊ လွှတ်တော်အမတ် များနှင့် ပါတီအလုပ်အမှုဆောင် များ တွေ့ဆုံပွဲ၌ ပြောသည်။

ဒီချုပ်လွှတ်တော်ကိုယ်စား လှယ်များ တိုင်ကြားရေးဌာနသို့ ရောက်ရှိလာသည့် တိုင်စာများ သည် ၁၀ စောင်လျှင် တစ်စောင် နှုန်းသာ မှန်ကန်မှုရှိကြောင်း တွေ့ ရှိရသည်ဟု ယင်းဌာနဥက္ကဋ္ဌ ဒေါက်တာမျိုးညွန့်က ပြောသည်။ ‘‘ကိုယ်ကျိုးအတ္တတွေအပေါ် အခြေခံတယ်ဆိုတာက အခွင့်အရေး တစ်ခု ဆုံးရှုံးသွားတယ်ထင်ရင် အဲဒီအခွင့်အရေးက လွှတ်တော် ကိုယ်စားလှယ်ကြောင့် ဆိုပြီး တော့ တိုင်တာလည်းရှိတယ်’’ ဟု၎င်းက ရှင်းပြသည်။

ထို့အပြင် ပါတီတွင် အစဉ် အဆက် ပါဝင်ဆောင်ရွက်သူ အချို့က လက်ရှိ လွှတ်တော်ကိုယ် စားလှယ်အဖြစ် တာဝန်ထမ်း ဆောင်နေသူအပေါ် မနာလိုစိတ် ဖြင့် တိုင်တန်းမှုများရှိကြောင်း ဒေါက်တာမျိုးညွန့်က ပြောသည်။ဒီချုပ်လွှတ်တော်ကိုယ်စားလှယ် များ တိုင်ကြားရေးဌာနကို ၂၀၁၆မတ်လတွင် စတင်ဖွဲ့စည်းခဲ့ သည်။

လက်ရှိအချိန်ထိ တိုင်ကြား ရေးဌာနက လက်ခံရရှိသည့် တိုင်စာ ၄၅၀ ခန့်တွင် လွှတ်တော်ကိုယ်စားလှယ်များနှင့် သက်ဆိုင်သည့် တိုင်စာ ၂၂၀ ခန့်ရှိပြီး ၂၀ ကျော်သာ မှန်ကန်သည့် တိုင်ကြားချက်များဖြစ်ကြောင်း စိစစ်တွေ့ရှိရ သည်ဟု ဒေါက်တာမျိုးညွန့်က ဆိုသည်။ ထို့ကြောင့် ကိုယ်စား လှယ် ၂၀ ကျော်ကို ပါတီစည်းကမ်းထိန်းသိမ်းရေးအဖွဲ့က အရေးယူထားကြောင်း ၎င်းက ပြော ကြားသည်။

လတ်တလော စိစစ်နေ သည့် တိုင်စာများတွင် တိုင်းဒေသ ကြီး အစိုးရအဖွဲ့ဝင် ဝန်ကြီးများ နှင့်ပတ်သက်သည့် တိုင်စာအချို့ ပါဝင်သော်လည်း ဝန်ကြီးချုပ်များ နှင့် သက်ဆိုင်သော တိုင်စာမရှိဟု ဒေါက်တာမျိုးညွန့်က ဆိုသည်။ ဝန်ကြီးချုပ်အချို့နှင့်ပတ်သက် သည့် တိုင်စာများ ယခင်က လက် ခံရရှိပြီး အပြစ်ရှိကြောင်း တွေ့ရှိ သည့် ဝန်ကြီးချုပ်တစ်ဦးကို အရေးယူပြီးဖြစ်ကြောင်း မွန်ပြည်နယ် ဝန်ကြီးချုပ်ဟောင်း ဦးမင်းမင်းဦး ကို ရည်ရွယ်၍ ၎င်းက ပြောသည်။

လွှတ်တော်ကိုယ်စားလှယ် များနှင့်ပတ်သက်၍ မှန်ကန်သည့် တိုင်ကြားချက် ၅ ရာခိုင်နှုန်းခန့် သာရှိသော်လည်း ယင်းပမာဏ သည် ဒီချုပ်ပါတီအတွက် များပြားသည့် တိုင်ကြားမှုပမာဏဖြစ် ကြောင်း ဦးဝင်းထိန်က ပြော သည်။ ထို့ကြောင့် ပါတီဝင်လွှတ် တော်ကိုယ်စားလှယ်များနှင့် အစိုး ရအဖွဲ့ဝင်များအနေဖြင့် ပါတီ၏ ရည်မှန်းချက်နှင့် ရွေးကောက်ပွဲ ကြေညာစာတမ်းပါ အချက်များ ကို ပြန်လည်သုံးသပ်ဆောင်ရွက် ကြရန် ဦးဝင်းထိန်က တိုက်တွန်း ထားသည်။