ကန်နိုင်ငံခြားရေးဝန်ကြီးဟောင်း ဂျွန်ကယ်ရီနှင့် တွေ့ဆုံခြင်း

‘‘မြောက်ကိုရီးယားနဲ့ပတ်သက်လို့ တရုတ်က ပိုပြီးလုပ်နိုင်ပါတယ်’’
AFP

ဂျွန်ဖို့ဘ်စ်ကယ်ရီဟာ ၂၀၁၃ က နေ ၂၀၁၇ အထိ ၆၈ ယောက် မြောက် အမေရိကန်နိုင်ငံခြားရေး ဝန်ကြီးရာထူးကို တာဝန်ယူခဲ့တဲ့  နိုင်ငံရေးသမား တစ်ယောက်ပါ။ ဒီမိုကရက်တစ်ယောက်ဖြစ်တဲ့ သူ ဟာ ၁၉၈၅ ကနေ ၂၀၁၃ အထိ မန်ဆာချူးဆက်ပြည်နယ်ကို ကိုယ် စားပြုပြီး အမေရိကန်လွှတ်တော် မှာ တာဝန်ထမ်းဆောင်ခဲ့ပါတယ်။ သူဟာ ၂၀၀၄ သမ္မတရွေးကောက် ပွဲအတွက် ဒီမိုကရက်တို့ရဲ့ အမည် စာရင်းတင်သွင်းခံရသူဖြစ်ခဲ့ပြီး ရီ ပက်ဘလေကန်သမ္မတ ဂျော့ခ်ျဒ ဗလျူဘုရ်ှကို ရှုံးနိမ့်ခဲ့တယ်။


ကယ်ရီဟာ ကိုလိုရာဒိုပြည် နယ် အော်ရိုရာမြို့မှာမွေးပြီး မန် ဆာချူးဆက်မှာ ကျောင်းတက်ခဲ့ ပါတယ်။ ၁၉၆၆ မှာ နိုင်ငံရေး သိပ္ပံ အဓိကဘာသာနဲ့ ယေးလ် တက္ကသိုလ်က ဘွဲ့ရခဲ့ပါတယ်။ သူ ဟာ စစ်မှုလည်း ထမ်းခဲ့ပါတယ်။ ကယ်ရီဟာ အီရတ်စစ်ပွဲအတွက် ဂျော့ခ်ျဒလျေူဘုရ်ှကို ဝေဖန်ခဲ့ပါ တယ်။ ဘုရ်ှနဲ့ ဒုတိယသမ္မတ ဒစ် ချီနေတို့ကို သူဟာ ၃၅ မဲနဲ့ ရှုံးနိမ့် ခဲ့ပါတယ်။ ၂၀၁၃ မှာ သူ့ကို ရာထူးက ထွက်သွားတဲ့ နိုင်ငံခြားရေးဝန် ကြီး ဟီလာရီကလင်တန်ရဲ့ နေရာ မှာ သမ္မတအိုဘားမားက ခန့်အပ် ဖို့ အမည်စာရင်း တင်သွင်းခဲ့ပါ တယ်။ ၂၀၁၃ ဖေဖော်ဝါရီ ၁ ရက် မှာ အထက်လွှတ်တော်ရဲ့ အတည်ပြုမှုနဲ့အတူ သူဟာ နိုင်ငံခြားရေး ဝန်ကြီးဖြစ်လာတယ်။

ကယ်ရီဟာ အရှေ့အလယ် ပိုင်းပြဿနာ၊ အစ္စရေး-ပါလက် စတိုင်း ပြဿနာတွေကို ကြားဝင် ညှိနှိုင်းခဲ့ပါတယ်။

 လက်ရှိဖြစ်ပေါ်နေတဲ့ မြောက်ကိုရီးယားပြသနာနဲ့ ပတ်သက်လို့ ကယ်ရီက တရုတ်ကို နောက်ထပ် တောင်းဆိုဖို့လုပ်တဲ့ ထရန့်ရဲ့မူဝါဒကို ထောက်ခံတယ် လို့ ဆိုပါတယ်။ တရုတ်က မြောက်ကိုရီးယားပြဿနာအတွက် ပိုလုပ် ဆောင်နိုင်တယ်လို့ သူက ပြောတယ်။

မစ္စတာကယ်ရီကို ယူကရိန်းနိုင်ငံ ကိဗ်မြို့မှာ ပြုလုပ်တဲ့ ယယ်လ်တာ ဥရောပမဟာဗျူဟာ (YES) အစည်းအဝေးမှာ Euro-news က တွေ့ဆုံမေးမြန်းထားပါ တယ်။ 

မစ္စတာကယ်ရီရှင့်၊ ကျွန်မတို့နဲ့အ တူ Global Conversation အစီ အစဉ်မှာ ပါဝင်တဲ့အတွက် ကျေး  ဇူးတင်ပါတယ်။ ပြီးခဲ့တဲ့နှစ်က ကမ္ဘာတစ်ဝန်းမှာ ကြီးမားတဲ့ နိုင်ငံရေးအပြောင်းအလဲ တချို့ကို ကျွန်မတို့ မြင်တွေ့ခဲ့ရပါတယ်။ ဒီ ကမ္ဘာအသစ်မှာ အမေရိကန်ရဲ့ နေရာက ဘာလဲ။ နိုင်ငံတကာနယ် ပယ်မှာ အမေရိကန်ရဲ့ ပြောင်းလဲ နေတဲ့ အခန်းကဏ္ဍကို ရှင်မြင်ပါ သလား။

အင်း...၊ မပြောင်းလဲဖို့ ကျွန် တော် မျှော်လင့်ပါတယ်။ အမေရိ ကန်ဟာ အရမ်းစေ့စပ်ပါဝင်ဖို့ လို တယ်လို့ ကျွန်တော် ယုံကြည်ပါ တယ်။ နိုင်ငံစုံပါဝင်ရေးမူကို ကျွန် တော်ယုံကြည်တယ်။ အများကြီး လွှမ်းခြုံမှုရှိတဲ့ သံတမန်ရေးကို ကျွန်တော် ယုံတယ်။ ရာသီဥတု ပြောင်းလဲမှု၊ နျူကလီးယားလက် နက်မပြန့်ပွားရေး၊ ငြိမ်းချမ်းရေး ရှေ့ဆောင်ကိစ္စတွေကို အရေးပါ တဲ့ ကိစ္စတွေမှာ အမေရိကန်ဆက် ပြီး ဦးဆောင်ဖို့အတွက် အဲဒါဟာ အရမ်းအရေးကြီးတယ်လို့ ကျွန် တော် ထင်ပါတယ်။ ကျွန်တော်တို့ မှာရှိတဲ့ အရမ်းအရေးပါတဲ့ အခန်း ကဏ္ဍကနေ အမေရိကန်ဆက်ပြီး လုပ်ဆောင်မယ်လို့ ကျွန်တော်  မျှော်လင့်ပါတယ်။ အခုဆို အမေရိကန်ဟာ ခြားနားတဲ့ ဦးတည်ဘက် ဆီကို ရွှေ့နေတယ်ဆိုတဲ့ လက္ခ ဏာတချို့ရှိနေတယ်။ အဲဒါဟာ အရမ်းစိုးရိမ်စရာကောင်းတယ်ဆို တာ ကျွန်တော်သိပါတယ်။ ကျွန် တော်တို့ အရင်ကလိုမျိုး ဆက် လက်စေ့စပ်ပါဝင်ဖို့ ကျွန်တော် မျှော်လင့်ပါတယ်။

မြောက်ကိုရီးယားပြဿနာနဲ့ ကြုံ နေရချိန်မှာ နိုင်ငံခြားရေးမူဝါဒ အကြောင်း ပြောရမယ်ဆိုရင် ခြား နားတဲ့ ဦးတည်ဘက်ကို သွားနေတဲ့အကြောင်း ပြောရင် အမေရိကန် က ဘယ်ဘက်ကို သွားနေတာလဲ ရှင့်။

မြောက်ကိုရီးယားမှာ နျူက လီးယားလက်နက် ကင်းစင်ရေး စီမံကိန်းအတွက် အမေရိကန်က ဆက်ပြီး လေးလေးနက်နက်ကတိ ထားနေဆဲပါ။ ကျွန်တော်တို့ဆက် ပြီး လုပ်ဆောင်သွားမှာပါ။ ပြီး တော့  ဒီနေရာမှာ တရုတ်ကို ထပ် ပြီး တောင်းဆိုမှုတွေ လုပ်နေတဲ့ ထရန့်ရဲ့ မူဝါဒကို ကျွန်တော် သ ဘောတူပါတယ်။ တရုတ်က ပို လုပ်နိုင်တဲ့အတွက် တရုတ်ကို ပို လုပ်ပေးဖို့ တောင်းဆိုရပါမယ်။ ပြီးတော့ မဖွယ်မရာလုပ်ဆောင် နေတဲ့ လုပ်ရပ်တွေကြောင့် မြောက်ကိုရီးယားအစိုးရဟာ ပြို လဲတော့မယ်ဆိုတဲ့ ပြောဆိုမှုတစ် ခုရှိပါတယ်။ တရုတ်က ပိုလုပ်နိုင် ပါတယ်။ သူတို့ပိုလုပ်ပေးဖို့ ကျွန် တော်တို့ တောင်းဆိုထားတယ်။ ကျွန်တော်တို့ တိုးမြှင့်တောင်းဆို သွားမယ်။ ပြီးရင် အခုဆိုနှစ်ကြိမ်  ရှိပြီဖြစ်တဲ့ ထရန့်ရဲ့ အစိုးရဆီက နောက်ထပ် တားဆီးပိတ်ဆို့မှု အ သစ်တွေကို မြင်တွေ့ခဲ့ရတယ်။ ဒါပေမဲ့လည်း လုံလောက်မှုမရှိ ဖြစ်နေတုန်းပဲ။ အဲဒါမလုံလောက် သေးဘူးဆိုတာ ကျွန်တော်တို့ သိ တယ်။ မလုံလောက်ဘူးဆိုတာ တရုတ်က သိမယ်လို့ ကျွန်တော် ယုံကြည်ပါတယ်။

ပြီးတော့ ဖိအားတွေ ထပ်ပေးဖို့ အရေးကြီးတယ်လုိ့ ကျွန်တော် ထင်တယ်။ မြောက်ကိုရီးယားရဲ့ ကားတွေ၊ ကုန်ကားတွေ မောင်းဖို့ နဲ့ လေယာဉ်တွေ ပျံသန်းဖို့ လောင် စာတွေ ၁၀၀ ရာခိုင်နှုန်းကို တရုတ်က ပေးနေတာပါ။ သူတို့ သက် ရောက်မှုရှိအောင် လုပ်နိုင်ပါ တယ်။

တရုတ်အစိုးရဟာ ဘေဂျင်း မြို့မှာ ရင်းမြစ်တည်နေပါတယ်။ မြောက်ကိုရီးယားအတွက် ဆောင် ရွက်ပေးနေတဲ့ ဘဏ်လုပ်ငန်းတွေ ရဲ့ ၁၀၀ ရာခိုင်နှုန်းလောက်ရှိနိုင် ပါတယ်။ ဒါကြောင့် သက်ရောက် မှုရှိအောင် လုပ်နိုင်စွမ်း တရုတ်မှာ ရှိပါတယ်။ တရုတ်ဟာ ကမ္ဘာမှာ အရေးပါတဲ့ အခန်းကဏ္ဍပိုများ လာနေချိန်မှာ အဲဒါကို ကျွန်တော် တို့ ကြိုဆိုပါတယ်။ နောက်ပြီး မြောက်ကိုရီးယားအပေါ် သိသိ သာသာပြောင်းလဲလာစေဖို့ ပိုကြီး မားတဲ့ တာဝန်ကို တရုတ်ကနေ ယူလိမ့်မယ်လို့ ကျွန်တော်မျှော်လင့် ပါတယ်။

မြောက်ကိုရီးယားကို ထိန်းချုပ်ဖို့ ရုရှားက ဘာလုပ်ပေးနိုင်မလဲ။

တရုတ်က ဒါဟာ အရေးကြီး တဲ့ လုပ်ဆောင်စရာဖြစ်တယ်လို့   မြင်လာအောင် ရုရှားက ကူညီဖို့လိုတယ်။ ပြီးရင် ရုရှားက ကူညီ ထောက်ပံ့ပေးနိုင်တယ်။ ကျွန် တော်ဆိုလိုတဲ့ အဓိကအချက်က ကုလသမဂ္ဂ လုံခြုံရေးကောင်စီမှာ တရုတ် (ဒါမှမဟုတ်) ရုရှားဆီက ဗီတိုအာဏာမသုံးဖို့ပါ။

လက်ရှိအမေရိကန်အစိုးရဟာ အို ဘားမား အစိုးရလက်ထက်က မူ ဝါဒတချို့ကို ပြောင်းပြန်လှန်ပစ်ဖို့ ကြိုးစားနေပါတယ်။ ဥပမာ ပါရီ ရာသီဥတုသဘောတူညီမှုပေါ့။ ဒီ တစ်ချက်ဟာ ရှင့်အတွက် အရေး ကြီးတယ်ဆိုတာ
ကျွန်မ သိပါ တယ်။

အင်း . . .  အဲဒါက ရာသီဥတုပြောင်းလဲမှုဆိုင်ရာ သဘော တူညီမှုရဖို့ ညှိနှိုင်းမှုတွေမှာ ကျွန် တော်ဟာ ထဲထဲဝင်ဝင်ပါဝင်ခဲ့လို့ ပါ။ ဒါနဲ့ပတ်သက်လို့ ကျွန် တော်တုိ့ ဆုံးဖြတ်ချက်ချချိန်မှာ ကျွန်တော် ပါရီမြို့မှာ ရောက်နေခဲ့ ပါတယ်။ ဒီဟာကနေ နုတ်ထွက်ဖို့ သမ္မတထရန့်ဆုံးဖြတ်တာဟာ ကြီးမားတဲ့ အမှားတစ်ခုလို့ ကျွန်တော် ထင်တယ်။ အဲဒီဆုံးဖြတ်ချက်ဟာ အမှန်တရားပေါ် အခြေမခံဘူး။ ဘာသိပ္ပံပညာပေါ်မှာမှ အခြေမခံ ဘူး။ ပါရီသဘောတူညီမှုဟာ အမေရိကန်အပေါ် ဝန်ထုပ်ဝန်ပိုး ဖြစ်စေတယ်လို့ သူပြောခဲ့တဲ့အ တွက် နုတ်ထွက်ဖို့ အကြောင်းပြ ချက်ကို ကမ္ဘာကို ချပြရာမှာ သမ္မတထရန့်ဟာ လွဲမှားနေတယ်။ ဟင့်အင်း၊ အဲဒါမဟုတ်ဘူး။  ပါရီ သဘောတူညီမှုကြောင့် ဘယ်သူ့မှာမှ ဘာမှလုပ်စရာမလိုဘူး။ တစ်နိုင်ငံချင်းစီမှာ ဖြစ်နေတာတွေက သူတို့ရဲ့ ကိုယ်ပိုင်အစီအစဉ် ကြောင့် ဖြစ်နေတာ။ ဒါဆို ဒါဟာ အမေရိကန်ဦးဆောင်ဖို့ အခွင့်အ လမ်းတစ်ခုပဲ။ အဲဒါဟာ ကမ္ဘာကြီးအတွက် အရေးကြီးတယ်။ စွမ်းအင်ကဏ္ဍသစ်မှာ အလုပ်အကိုင် သန်းပေါင်းများစွာ ဖန်တီးနိုင်မယ်။ကျွန်တော်တို့ အိုဘားမားအစိုးရ လက်ထက်ကလို အမေရိကန်က ဆက်ပြီး ဦးဆောင်သွားတာကို ကျွန်တော် မြင်ချင်ပါတယ်။

ဒီဆုံးဖြတ်ချက်ကို အမေရိကန် အစိုးရက ပြန်စဉ်းစားသွားလိမ့် မယ်လို့ ရှင်ထင်ပါသလား။

မဖြစ်နိုင်ဘူး။ သိပ်မကြာခင် ဖြစ်မယ်လို့ မထင်ဘူး။ ဒါပေမဲ့ ကျွန်တော်တစ်ခုတော့ ပြောမယ်။ အမေရိကန်မှာ ဒီကိစ္စနဲ့ ဆက်စပ်နေတဲ့ ပြည်နယ်တွေ အများစုဟာ နယူး ယောက်၊ နယူးအင်္ဂလန်၊  ကယ်လီ ဖိုးနီးယားလို ပြည်နယ်ကြီးတွေဟာ ပါရီမှာ ကျွန်တော်တို့ လုပ်မယ်လို့ ပြောခဲ့တာတွေကို ဆက်ပြီး လုပ်ကြပါလိမ့်မယ်။ ထရန့်ရဲ့ ဆုံးဖြတ်ချက် ရှိနေပေမယ့်လည်း အမေရိကန် ဟာ သူ့ရဲ့ ပါရီသဘောတူညီမှု အ ချက်တွေအတိုင်း ကိုက်ညီနေပါ လိမ့်မယ်။

အခုဆိုရှင်ဟာ အစိုးရအဖွဲ့မှာ မပါတော့ဘူး။ အခုအချိန်မှာ ညဘက် ဘာအကြောင်းအကြောင့် အိပ်မ ပျော်နိုင်ဖြစ်နေလဲ။ ရှင် စိတ်အပူ ဆုံးကိစ္စတွေက ဘာဖြစ်မလဲ။

အင်း... အရင်ဆုံးပြောရရင် ကျွန်တော် ညဘက်မအိပ်ဘဲနေဖို့ မလိုရင် အိပ်မရမဖြစ်အောင် နေ ဖို့လေ့လာထားပါတယ်။ ကိစ္စတွေ ကို သူ့ဟာနဲ့သူ မှန်မှန်ကန်ကန်ဖြစ် စေဖို့လိုမယ်လို့ ကျွန်တော် ထင် တယ်။ ကျွန်တော် ကြီးကြီးမားမား စိုးရိမ်တဲ့ကိစ္စတွေရှိပါတယ်။ အဲဒါ တွေထဲက တစ်ခုကတော့ ရာသီဥ တု ပြောင်းလဲမှုပါ။ ကျွန်တော် အဲဒါ ကို ခုပဲပြောခဲ့ပြီးပြီ။ ကျွန်တော်တို့ ဟာ ရာသီဥတုပြောင်းလဲမှုရဲ့ လို အပ်ချက်တွေအတွက် တုံ့ပြန်မှုဟာ လုံလောက်တဲ့ မြန်ဆန်မှုမရှိဘူး။ နောက်တစ်ခုက အစွန်းရောက် ဘာသာရေးအစွန်းရောက်မှု၊ ပြီး တော့ အသက် (၁၅)နှစ်အောက် လူငယ်နှစ်ဘီလီယံကို လက်ခံရ မယ့် စိန်ခေါ်မှု။ သူတို့ ပညာသင် ကြားခွင့်ရအောင်နဲ့ အခွင့်အလမ်း ရှာနိုင်အောင်လုပ်ဖို့ ကိစ္စတွေပါ ပဲ။ ခေတ်မီအောင်၊ ကျန်းမာရေး၊ စောင့်ရှောက်မှု၊ လျှပ်စစ်စွမ်းအား၊ ကမ္ဘာမှာ ဆင်းရဲတဲ့နေရာတွေ အ များကြီးအတွက် ပညာသင်ကြား ခွင့်တွေ ဆောင်ကြဉ်းပေးဖို့ ကျွန် တော်တို့ အများကြီး ပိုကောင်း အောင် လုပ်နိုင်တယ်လို့ ကျွန်တော်ထင်ပါတယ်။ ကမ္ဘာကြီးရဲ့ အခြေ ခံလိုအပ်ချက်တွေအတွက် ကျွန် တော်တို့ ပိုကောင်းအောင် လုပ်နိုင်တဲ့အရာတွေ အများကြီးရှိတယ်လို့ ကျွန်တော်ထင်တယ်။ ဘက်ပေါင်း စုံ ကြိုးပမ်းမှုကို ကျွန်တော် ယုံ တယ်။ အခု ကျွန်တော့်ကို စိတ်ပူ စေတဲ့ကိစ္စတွေထဲက တစ်ခုက တော့ အဲဒီလိုမျိုးတာဝန်တွေ၊ လို အပ်တဲ့ ခေါင်းဆောင်မှုတွေဆီက နေ လက်ရှိအစိုးရဟာ ဝေးရာကို သွားနေတဲ့ကိစ္စပဲ ဖြစ်ပါတယ်။

အခု ရှင်ဟာ ယေးလ်တက္ကသိုလ် ရဲ့ ပထမဆုံး ကမ္ဘာ့ရေးရာကိစ္စအတွက် ထင်ရှားတဲ့ ပုဂ္ဂိုလ်ဖြစ်တယ်ဆိုတာ မှန်လား။

အဲဒါ သူတို့ ခေါ်ကြတဲ့ဟာလို့ပဲ ကျွန်တော် ထင်တယ် (ရယ် လျက်)။

ကျောင်းသားတွေက ရှင့်ကို မေး တဲ့ လူကြိုက်အများဆုံး မေးခွန်းက ဘာလဲ။

အင်း..၊ ကျောင်းသားအများစု ကျွန်တော့်ကို မေးကြတာက သူတို့ လုပ်ချင်တဲ့ဟာတွေကို လုပ်ခွင့်ရအောင် ဘယ်လိုလုပ်ရမလဲဆိုတာပဲ။ ကျွန်တော် နိုင်ငံရေးမှာ ဘယ်လိုပါဝင်ခွင့်ရမလဲ။ နိုင်ငံခြားရေးဌာနမှာ ကျွန်တော် ဘယ်လိုပါဝင်ခွင့်ရနိုင်မလဲ။ ခင်ဗျား သိလား။ သူတို့ဟာ သူတို့ရဲ့ သက်မွေးဝမ်း ကျောင်းအလုပ်အကြောင်း စဉ်း စားနေကြတယ်။ သူတို့ရဲ့ အနာ ဂတ်ကို စဉ်းစားနေကြတယ်။

သူတို့ကို ရှင်က ဘာတွေ အကြံပေးခဲ့လဲ။

အင်း..၊ သူတို့ကို အများကြီးစိတ်မပူကြဖို့ ကျွန်တော် ပြောတယ်။ အလျင်မလိုကြနဲ့လို့ပေါ့။ဒီကနေ့ခေတ် လူငယ်တွေမှာ အ လုပ်အကိုင်တစ်ခု ရွေးချယ်ဖို့ သူတို့ထင်ထားတာထက် အချိန်တွေ ပိုရကြတယ်။ ဒါမှမဟုတ် တစ်ခုခုမှာ ပါဝင်ဖို့အတွက်ပေါ့လေ။ အလျင်လိုစရာ မလိုဘူး။ ဒီကနေ့ခေတ် ကမ္ဘာမှာ အလုပ်သုံးခု (ဒါမှမ ဟုတ်)နှစ်ခုရနိုင်တယ်။ ဒါကြောင့် တကယ့် တကယ်ရွေးချယ်ဖို့ အချိန်တွေ အများကြီးပဲ။ အရဲစွန့်ရမယ်ဆိုရင်လည်း အရဲစွန့်ပေါ့။ ကျွန် တော် အဲဒီလိုတွေ ပြောပြတယ်။ ငါလမ်းမှန်ပေါ် ရောက်ရမယ်။ အဲဒီ လမ်းကြောင်းတစ်ခုတည်းကိုပဲ အရမ်းမြန်မြန်ဆန်ဆန် စွဲကိုင်ထားရမယ်လို့ မခံစားနဲ့။ ဘာလို့လဲဆိုတော့ နောက် ၁၀ နှစ် ၁၅ နှစ်ဆိုရင် သိချင်လာမှာ ဖြစ်လို့ပါ။ ငါ ဒါကို စမ်းကြည့်ခဲ့ရဲ့လား။ အခွင့်ပေးခဲ့ရဲ့လားပေါ့။ အဲဒီလိုကိစ္စတွေကို စမ်းကြိုးစားကြည့်ဖို့ အရေးကြီး တယ်လို့ ကျွန်တော် ထင်ပါတယ်။

ဒီလိုတွေ့ဆုံမေးမြန်းရလို့ ကျေးဇူး အများကြီးတင်ပါတယ်။

ဝမ်းသာပါတယ်။

—Ref: Euronews

 

Top News